إلى جميع زوار المدونة الأعزاء:
ربنا ألهمنى فكرة علشان المدونة تكون أكثر فاعلية إنكم تشاركونى بالرأى و تقولولى تحبوا تشوفوا إيه على المدونة. يعنى يا ريت تدونى أفكار مواضيع تحبوا تشوفوها على المدونة مش شرط تكون مقالات ممكن تكون فيديو أو رسومات أو كاريكاتير أو أغانى …أى حاجة 
.
ملحوظة هامة: يا ريت المواضيع تكون تناسبنى يعنى لو حد قاللى إنى أتكلم عن مؤشرات البورصة المصرية حعتبره بينكت وحضحك من قلبى
و إليكم تنويه عن المقالات الثلاثة القادمة إن شاء الله:
1- إحياء لسنة الرسول عليه السلام, إليكم أحدث المعلومات عن نظام اللقيمات الغذائى…
2- سؤال ملح طرحته فى ندوة “الدولة المدنية فى الإسلام”: أى من التيارات الإسلامية الحالية لديه رؤية واضحة لكيفية تحقيق الدولة المدنية كما كانت فى عهد الرسول عليه السلام و الخلفاء الراشدين؟”
3- “إختارنه و حنمشى وراه!” و”مادام قال دراع مرسى يبقى بيتكلم صح!!” ما هو التفكير النقدى و ليه لازم كلنا نتعلمه و نمارسه؟
يا للا يا جماعة عايزة أزود القائمة. مين يحب يشوف إيه؟ مستنية تعليقاتكم .
Ba7ebMasr.com - هبة الله حسنى
Posted by جورج on مايو 22, 2011 at 9:24 م
ارجو المراسله عن طريق الفيس بوك وارجو نشر اى شى يبرهن عن حب المصريين لبعضهم ووقفهم جنب بعض وقت المحن ومش هاقول مسيحين ومسلمين بنحب بعض احنا المصريين اشكركم
Posted by Ba7ebMasr.com - هبة الله حسنى on مايو 22, 2011 at 9:45 م
معاك حق يا جورج ده موضوع مهم جدا و لازم كلنا نساهم فيه. أنا كتبت كذا مرة فى الموضوع ده بس طبها مش كفاية. شفت صورتنا و هى منورة الصفحة الرئيسية
؟
Posted by Ahmed Elgammal on يوليو 22, 2011 at 3:15 م
يا ريت لو أتعرف على حضرتك بجد أنتى شخصية عظيمة
http://www.facebook.com/midoelgammal
Posted by Ba7ebMasr.com - هبة الله حسنى on يوليو 22, 2011 at 6:37 م
ربنا يكرمك يا أحمد و يسعدنى التعرف عليك أنا عملت فريند على الفيس و إن شاء نتكلم تانى قريب..رمضان كريم
Posted by Ahmed Elgammal on يوليو 22, 2011 at 8:43 م
الله أكرم
Posted by Ahmed Elgammal on أكتوبر 11, 2011 at 1:57 م
أنا ليا طلب و حضرتك عارفاه
Posted by Ba7ebMasr.com - هبة الله حسنى on أكتوبر 11, 2011 at 3:17 م
هههههههههههههههههههههه
تمام سعتك يا فندم