play List فيديوهات صفحة التعليم بالإضحاك:
http://www.youtube.com/playlist?list=PLC1D8C575FC9300DA
play List فيديوهات صفحة مسابقات بإيدينا بكرة أحلى :
http://www.youtube.com/playlist?list=PL62B8C5A351DEC39F
بسم الله الرحمن الرحيم
يسعدنى التعاون مع أى جهات فنية أو ثقافية أو فنانين موهبيين فى القيام بالأعمال الآتية:
√ تأليف شعر غنائى و حلمنتيشى و تترات برامج أو مسلسلات أو إعلانات
يمكننى تأليف أغانى إعلانات و شعر حلمنتيشى و تترات برامج و إعلانات و مساسلات حسب الطلب.
أغانى تم عرضهامسرحيا:
تشرفت بالتعاون مع فرقة المسرح العربى و قمت بتأليف أربع أغانى لمسرحية “غابة أون لاين” و هى مسرحية غنائية إستعراضية للأطفال موجودة فى مصنف أغانى تم عرضها و تشمل:
* أغنية “الناس الطيبين” – وطنية و إنسانية
* دويتو “الذكريات” – عاطفية
* دويتو “نقدر؟طبعا نقدر!” – تحفيزية
* أغنية “حكاية حيوانات الغابة” – قصصية للأطفال
الأغانى المعروضة حاليا لفانين موهوبين هى:
“نسمة” – نفسى أكون فى عز البرد نسمة… (تفاؤلية تصلح للجنسين)
“ليه برضى بقليلى مع إن جوايا كتييير؟!!” (تفاؤلية تصلح للجنسين)
كما يمكننى تأليف كلمات أغانى على جمل لحنية جاهزة و من أمثلة ذلك:
* أغنية يارب إحفظ مصرنا و أغنية على صوتك بالدعا (الأغنيتين تم تغيير بعض كلماتهم على لحن أغنية “على صوتك بالغنا” للفنان محمد منير)
* أغنية البانجو علينا غالى! (مؤلفة على لحن أغنية “حلوين من يومنا والله” للفنان الراحل سيد مكاوى)
لمشاهدة أعمالى الغنائية و الشعرية الكاملة يمكنكم الضغط على مصنف أغانى من تأليفى و مصنف شعر من تأليفى
√ رسم كاريكاتير:
نماذج لأعمالى السابقة من الكاريكاتير و يمكنكم مشاهدتى أعمالى الكاملة (15 عمل حتى الآن) على مصنف كاريكاتير
كاريكاتير “الثلاثة يسحلونها!” مبنى على التخمين. إضغط على الصورة لتعرف أجوبة علامات الإستفهام.
√ Voice Over (تمثيلى و غنائى)
يمكننى الأداء التمثيلى أو الغنائى (خصوصا الكوميدى 
) بشرط عدم الإبتذال فى الكلمات أو أسلوب الأداء. (لقد رفضت عروض
Voice Over مبتذلة من قبل فرجاء عدم عرض هذه النوعية عليا حافظا على وقت الجميع!!)
نماذج أعمال فيديو بها Voice Over:
اللمبى 8 فولت يرد على مسؤول فى الطراوة!
فيديو قصيدة “حنتخب و مش حنسحب!” و كاريكاتير “الضبابية الهبابية!”
حوار غنائى بين مواطنة بتشد شعرها و مسؤول فى البلالة
√ تأليف سكتشات أو أى أعمال كوميدية هادفة
الحمد لله أنا حصلت على عدة جوائز فى الكتابة الكوميدية و الأداء الكوميدى باللغة الإنجليزية حينما كنت مقيمة فى كندا. أبرز أعمالى الكوميدية العربية هى نفس الأعمال الموجودة فى جزء ال Voice Over و أكثرها إضحاكا: اللمبى 8 فولت يرد على مسؤول فى الطراوة!
و الحقيقة أن فيديو اللمبى كان السبب فى عديد من الأعمال عرضت عليا فى مجال الكتابة و الأداء الصوتى لكن لم تكن مناسبة حتى الآن. إن شاء الله أجد فرصة مناسبة قريبا .
من الأشياء التى أتمنى الإشتراك فيها ايضا هى تاليف Sitcoms و سكتشات (مسرحية أو فيديو) فى الوقت الحالى. فى المستقبل ن شاء الله يمكن أيضا أن أؤلف أفلام أو مسرحيات كوميدية طويلة.
√ كتابة مقالات رأى أو مقالات ساخرة أو مقالات نقدية لكتب أو أعمال فنية
المدونة حافلة بما يزيد عن 90 مقالة حتى الآن فيما يلى عرض لأبرزها:
تبسيط المعلومات فى إطار كوميدى:
تفكير نقدى (2) – اللمبى 8 فولت نفسه مصر كلها تغير لأحمد العسيلى :)
مقالات نقد و تحليل سياسية:
محتوى الرؤية النقدية التى قدمتها لكتاب “مصر على كف عفريت” للكاتب الكبير جلال عامر لبرنامج عصير الكتب
صرخة بعلو الصوت وحدتنا مش حتموت…
قصة قصيرة:
مستنية رأيكم فى قصتى “زرزرة مترو الأنفاق!” التى لم تفز فى مسابقة القصة القصيرة جدا بساقية الصاوى
مقالات للمرأة: (لمشاهدة جميع كتاباتى المرتبطة بالمرأة يمكنكم الضغط على مصنف للبنات فقط)
مقالات دينية
Ba7ebMasr.com - هبة الله حسنى
Posted by ebrahim gamalelden on اغسطس 4, 2011 at 10:37 م
لو محتاج مساعده اتمنى انضم ليك انا عندى تقريبا نفس الميول وعندى فريق كامل فى التاليف والمثيل والاخراج والمونتاج
Posted by Ba7ebMasr.com - هبة الله حسنى on اغسطس 5, 2011 at 6:10 م
يسعدنى التعاون معك يا إبراهيم
إيميلك عندى إن شاء الله حبعتلك إيميل علشان أعرف تفاصيل أكتلر عن طبيعة نشطاك و إن شاءء تكون بداية تعاون مثمر بيننا و رمضان كريم 
Posted by lost Mind on اغسطس 24, 2011 at 12:01 ص
اوك يا هبه ..
Posted by Ba7ebMasr.com - هبة الله حسنى on اغسطس 24, 2011 at 1:14 ص
تمام يا فندم
Posted by نور on سبتمبر 3, 2011 at 5:17 ص
السلام عليكم الاول
انا عندى اقتراح متواضع اتمنى انكم تشاركونى رايكم فيه
هى عبارة عن فكرة
احنا عملنا ثورة هزت العالم كله بس للاسف بعد كدة جات على دماغ ناس ولا ليهم فالطور ولا فالطحين زى ما بيقولوا بالبلدى كدة
خطرت لى فكرة اننا نعمل اجتماع شبابي واننا نحاول نتحرك للامام بدون اعتصمات ولا مظاهرات ولا كلام من ده لا انا عاوز كلام بجد فعل يعنى من ارض الواقع يعنى مثلا هبه من القاهرة على ما اعتقد و ابراهيم مش عارف منين المهم يعنى كل واحد من محافظة يحاول انه يجمع اكبر قدر من الشباب اللى عنده ع الميل او الفيس او المواقع والمنتديات مثلا
ونبدأ بنفسنا برده مننساش دى وكما قال المولى عز من قال { بسم الله الرحمن الرحيم }((قل لن يغير الله ما بقوما حتى يغيروا ما بأنفسهم))صدق الله العظيم
للعلم يا شباب انا اسمى نور من الاسكندرية سنى 25 سنة
وعلى فكرة انا طالع من الصف الثانى الاعدادى بس الحمد لله متابع شوية لان ظروفي كانت اصعب منى بس الحمدلله وبفضل منه انا كل ما بقع بتسند واقوم تانى الحمد لله
المهم اللى انا عاوزه اننا نفوووووووق شوية من الغيبوبة اللى شبابنا فيها سواء المخدرات او ….او ….. او …..
انا كدة طولت عليكم انا مستنى ردكم وانا معاكم للنقاش فاى وقت تحددوه انتوا والله المستعان
شب مصري بيتمنى حاجات كتير بس ((مشوار الالف ميل بيبدأ بخطوه واحده))
اخوكم ــ نــــ المصرى ـــور
Posted by Ba7ebMasr.com - هبة الله حسنى on سبتمبر 5, 2011 at 6:46 م
ربنا يبارك فيك يا نور و إقتراحك جميل فعلا و أنا فخورة بيك لوعيك و نضجك رغم صغر سنك. إنت “نورت” المدونة يا نور و أعتقد إنك أضغر قارئ شرفنى بالزيارة لغاية دلوقت
فيا ريت أشوفك تانى قريب إن شاء الله 
Posted by حسين الصياد on أبريل 19, 2012 at 12:07 م
والله بجد الاغنيه كلمتها جميله جدا ووكتبت باحساس بشكل غير عادى وان شاء الله وحده هتكون اغنيه جميله جدا وهتطور كل يوم عن يوم وانا شيفها انها هتكون بعد الاتقان والاعتناء بها بقدر كليماتها والاحسس العالى الذى اخر هذه الكلمات من دخل قلب الانسان هتكون الاغنيه المفضله لكل انسان بيحس وهتكون اغنيه انهردا وبكره وبعده وكل العصورالتى تأتى والله بجد انا حسيت من مجرد قرأتى للكلمات باحساس عمرى ماحسينه من قبل او المقصود من كلامى اننى حسيت فى هذه الكلمات بالحب والنور والعطاء الى روح الانسان الغائب عن الوطن والاحباب وحسيت فيها بالوحده العربيه وحسيت ايدا بأنى عشت كل العصور اعيشها الان والتى مرت عليه والتى مرت قبل مجيئى الى الدنيا.
Posted by حسين الصياد on أبريل 19, 2012 at 12:17 م
ممكن اشارك معكم اذا سمحتم حتى لو من الصعب اننى اشارك معكم بصوتى او بفنى ممكن اكون معكم بروحى وتشجيعى المتواضع الضعيف جمب ميلكم الفني بجد بجد بجد انا مش عارف اقول ايه ولكن اقدر اقول انك يا هبه احساسك على جدا وانسانه حساسه ورقيقه جدا ربنا يوفقك فى كل خير تفعليه وتتمنيه ليكى ولغيرك شكرا
Posted by Ba7ebMasr.com - هبة الله حسنى on أبريل 19, 2012 at 10:22 م
ربنا يكرمك و يبارك فيك يا حسين
متتصورش قد إيه كلامك المشجع أسعدنى و ربنا يقدرنى دايما إنى أأقدم فن هادف يسعد النس و يلهمهم. اللهم آمين
Posted by غير معروف on مايو 17, 2012 at 7:12 م
جميل لكن يحتاج شغل كثير ……….مودتي
Posted by Ba7ebMasr.com - هبة الله حسنى on مايو 17, 2012 at 10:39 م
ألف شكر