يسعدنى الإعلان عن الفائزين فى المرحلى الأولى ( الشعر الغنائى) من مسابقة “بإيدينا بكرة أحلى” لإكتشاف المواهب الفنية فى الشعر الغنائى و الغناء و التوزيع الموسيقى و التلحين و إخراج الفيديو.وهم بالترتيب الأبجدى طارق الموجى - عبد الله مطر - محمد مرسى - مصطفى (الشهير على الفيس ب Tefa Sasa إن شاء الله حجيب إسمه بالكامل قريب 
) - يسرى الفار – شاعر مجهول ! إضغط هنا لقراءة مساهتهم الرائعة و أتمنى لهم مزيد من النجاح و التوفيق بإذن الله
يسعدنى الإعلان عن مسابقة” بإيدينا بكرة أحلى” لإكتشاف المواهب الفنية فى الشعر الغنائى و الغناء و التوزيع الموسيقى و التلحين و إخراج الفيديو. و فكرة المسابقة تتلخص فى 4 مراحل:
* المرحلة الأولى: مسابقة جماعية فى الشعر الغنائى. أنا حاليا مألفة 3 كوبليهات من غنوة ”بإيدينا بكرة أحلى” الموجودة و برحب ب 7 شعراء غنائيين موهبين يتعاونوا معايا علشان نكملها 10 كوبليهات. لكن العدد لم يكتمل بعد و فى إنتظار مساهمتكم. تمت بحمد الله
* المرحلة الثانية: محتاجين مطربين4 بنات و 5 شباب دون شروط فى الشكل أو السن لكن المهم الموهبة و سنحتاج أيضا موزع موسيقى و إستوديو لتسجيل الغنوة تسجيل صوتى فى هذه المرحلة
* المرحلة الثالثة: نحتاج لمخرج فيديوهات متميز لتحويل الغنوة لفيديو يتم وضعه على اليوتوب و تسويقه على النت
* المرحلة الرابعة: تحويل الغنوة لأوبريت مسرحى كامل و يتم تأليف نص درامى يتخلله الأغانى
للتقديم للمسابقة أرجو مرسالتى على Ba7ebMasrAwy@gmail.com
دعواتكم
فيه ملحوظة حاية أوضحها بناء على إستفسار بعض القراء:
لا داعى للقلق من إحتمال سرقة الغنوة لأنها مسجلة بإسمى فى الشهر العقارى إضغط هنا لمزيد من التفاصيل عن مسابقة “بإيدينا بكرة أحلى” لإكتشاف المواهب الفنية و مشروع Ba7ebMasr.com
أغنية بإيدينا بكرة أحلى
إضغط هنا للإستماع للغنوة باللحن
http://www.HebaHosny.net/BokraA7laAudio.htm
أكيد حيجى اليوم الحب يجمعنا
أكيد حيجى اليوم حنحس بالمعنى
المر يحلى أكيد
لو إيد حتحضن إيد
و نخطى أى بعيد
و الدنيا حتساعنا
بإيدينا..يإيدينا …بإيدينا بكرة أحلى
بإيدينا..يإيدينا …بإيدينا بكرة أحلى
أكيد حيجى اليوم و الحلم يتصدق
أكيد حيجى اليوم و الورد يتفتح
كل الهموم حتدوب
و الفرح يملا دروب
و شمس مالها غروب
حتدفى أيامنا
بإيدينا..يإيدينا …بإيدينا بكرة أحلى
بإيدينا..يإيدينا …بإيدينا بكرة أحلى
أكيد حيجى اليوم و الفجر حيشقشق
أكيد حيجى اليوم و طيرنا حيزقزق
و كل طفل و ليد
فى قلبه حلم عنيد
و همة صلبة حديد
حتشق أحزاننا
بإيدينا..يإيدينا …بإيدينا بكرة أحلى
بإيدينا..يإيدينا …بإيدينا بكرة أحلى
Ba7ebMasr.com - هبة الله حسنى
Posted by عمرو مكاوى on نوفمبر 16, 2010 at 1:25 ص
هبة
لقد أسعدتينى من قبل بالتعليق على إحدى التدوينات فى مدونتى، وكنت أنوى أن أرد على تعليقك وأشكرك كثيرا عليه، لأنه تعليق جيد للغاية ومفيد، ولكن للأسف ظللت أؤجل يوما بعد يوم، ومرت أيام كثيرة دون أن أعلق ودون أن أشكرك حتى الآن، ولكن يبدو أن الفرصة قد حانت، ليس فقط لكى أشكرك على تعليقك، وأنما لأبدى إعجابى الشديد بكلمات هذا الأغنية الرائعة.
هذه الكلمات عبقرية بحق، وتدل على موهبة واضحة وقوية لديك، ويستطيع الإنسان العادى أن يحكم بذلك بمجرد قراءته لها.
إن مفرداتك قوية، وجملك معبرة وحية ويتم تصورها فى الذهن بمجرد قراءتها.
إذا أردت رأيى، فينبغى عليكى مراسلة أكبر عدد ممكن من المطربين (وأبدأى بالنجوم منهم) لكى تطلعيهم على هذا الانتاج الرائع. لا تبحثى على ملحن للأغنية، وإنما أبحثى لها عن مطرب، وهو من سيتولى أمر الملحن والموزع والفرقة الموسيقية وكل شئ بعد ذلك إذا أعجبته الأغنية.
أمر أخير، عندما قرأت جملة (أكيد حيجى اليوم و الحلم يتصدق) لم أفهم ما الذى قصدتيه بأن الحلم (يتصدق)، أم أنك كنت تقصدين (أكيد حيجى اليوم و الحلم يتحقق) وخصوصا أن (يتصدق) على نفس وزن (يتحقق)؟
وأمر آخر، فى جملة (و الفرح يملا دروب)، أشعر أن كلمة (دروب) ستكون أفضل وأكثر عمومية إذا أصبحت معرفة بالألف واللام لتصبح (الدروب)، وبذلك فإن الفرح سيملأ كل الدروب، وليس بعض الدروب فقط الذى تشير إليه وتدل عليه كلمة (دروب) الغير معرفة.
هذه مجرد إنطباعات قارئ غير متخصص، وأنت طبعا أدرى منى بهذه الأمور، وما تكتبينه سيكون بالتأكيد هو الأصح والأفضل.
مرة أخرى أريد أن أحييك، وابدى اعجابى الشديد بموهبتك، وأتمنى أن تظهر كلماتك الرائعة هذه -وغيرها- للنور.
عمرو مكاوى
Posted by Ba7ebMasr.com - هبة الله حسنى on نوفمبر 16, 2010 at 9:52 م
ألف شكر يا عمرو على تعليقك الجميل وواضح إنك قرأت الأغنية بعناية وده شئ يسعدنى جدا.
طبعا أنا واصفة نفسى بإنى كاتية و يسعدنى أألف أغانى لأى فنان موهوب لكن بإيدينا بكرة أحلى هو شعار Ba7ebMasr.com و لو شفت أى فيديو من بتوعى حتلاقى الشعار فى آخر الفيديو علشان كده أنا عايزة أغنى الغنوة دى بالتحديد لإنها بتعبر عنى جدا. علشان كده بدور على ملحن.
أنا فعلا ناوية إن شاء الله إنى أحاول أأقدم شغلى لفنانين كبار بس لازم يكون عندى بالقليل 5 أغانى على مستوى عالى. إن شاء الله ربنا يبارك فى لوقت و أقدر أعمل الحكاية دى بسرعة.
بالنسبة لتعلقاتك على كلمات الأغنية: أنا قصدت أستخدم كلمة “يتصدق” لسببين: “يتحقق” كلمة متوقعة و أنا حبيت المستمع يتفاجئ بكلمة تانية وفى سبب تانى أهم إن الإنسان لازم يصدق حلمه الأول و يؤمن بيه علشان يتحقق.
بالنسبة لتعليقك على “الدروب”. أنا معاك إن التعريف بالألف و اللام حيدى معنى أشمل من الناحية البلاغية لكن مش حيكون ماشى مع وزن البيت إللى قبله.
و الحقيقة أنا أشكرك جدا إنك إقتطعت من وقتك علشان تكتب لى تعليق جميل و مشجع و ربنا يوفقك لكل خير بإذن الله
Posted by دكتور/ بهاء زكى ملحن on يناير 22, 2011 at 12:11 م
مساء الخير انا ملحن من الاسكندرية هذه الكلمات رائعة وبجد نحن فى حاجة اليها فى هذه الايام نريد بعض التفاؤل هل لحنت ام لا ؟ لا اقدر ان الحن الا بأذن صاحب الكلمات ..ولاننى دخلت على الموقع بالصدفة. ارجو الرد دكتور بهاء زكى bahaazaky3@hotmail.com 0174054961 الاسكدرية
Posted by Ba7ebMasr.com - هبة الله حسنى on يناير 22, 2011 at 5:49 م
ألف شكر يا دكتور بهاء
إن شاء الله حكلم حضرتك جدا قريب و كنت حابة أبعت لحضرتك رقمى علشان تكون عارفه لكن فى مشكلة فى إيميل حضرتك
Posted by غير معروف on مارس 3, 2012 at 2:20 م
اكيد هييجي اليوم هيفسر الاسرار
اكيد هييجي اليوم و يدوي الف نهار
وهييجي لينا الدور
وشباب كما البنور
هيهد لينا السور
وهيخلق الجنه
تحيه مني ليكي ياهبه … طارق الموجي
Posted by Ba7ebMasr.com - هبة الله حسنى on مارس 3, 2012 at 3:09 م
رائعة يا طارق زى العادة
إن شاء الله حزودها مع باقى المساهمات و حبقى أبلغك لما ال 10 كوبليهات تكمل
Posted by غير معروف on مارس 3, 2012 at 11:45 م
أنا مطرب وشاعر يسعدني المشاركه
Posted by محمد سعد on مارس 3, 2012 at 11:47 م
أنا مطرب وشاعر يسعدني المشاركه
Posted by Ba7ebMasr.com - هبة الله حسنى on مارس 4, 2012 at 7:56 م
أهلاو سهلا بيك يا محمد
إحنا بنرحب بالفنانين متعددى المواهب فطبعا ممكن جدا تشترك فى الـأليف و الغناء. بالنسبة للشعر الغنائى ياريت تبعت لى مساهمتك على: Ba7ebMasrAwy@gmail.com و لو سمحت إكتب مسابفة بإيدينا بكرة أحلى فى ال Subject
و أنا حرد عليك بملف Audio فيه الغنوة باللحن المبدأى بصوتى علشان تحفظ أى كوبليه يعجبك و تبعتهولى بصوتك. ألف شكر لإهتمامك و ربنا يوفقنا إننا نتعاون فى عمل فنى هادف و متميز بإذن الله.
Posted by محمد سعد on مارس 4, 2012 at 10:04 م
تمام يا هبه يشرفني التعاون معاكم وهو بجد عمل يستحق ان الواحد يتعب علشانه وميرسي جدا لأنك فكرتي تعمل شغل هادف زي ده
Posted by محمد سعد on مارس 4, 2012 at 10:05 م
وأنا بعتلك أدد ع الفيس بأسم ( الشاعر المتيم ) وهبعتلك مسج ع الفيس بحاجه من شغلي
Posted by Ba7ebMasr.com - هبة الله حسنى on مارس 5, 2012 at 7:53 م
ألف شكر يا محمد ردك وصل
Posted by Eslam on مارس 5, 2012 at 6:35 م
اكيــــد هيجى اليوم ونحب بعضنـــا
اكيــــد هيجى اليوم ونبقى ايد واحده كلنـــا
هنطفى من قلــــوبنـــا النــار
والليل هيبقــا نهــار
والحلم ماهينهـــار
طول ما أيدينـــا فى أيد بعضنـــا
___________________
تحيــــاتى لك يا هبه وهذا جذء من كلمـــاتى
ارجو المواصله على الاميل البريدى eslam.jawa2020@yahoo.com
او على الهاتف 01114378353
Posted by Ba7ebMasr.com - هبة الله حسنى on مارس 5, 2012 at 8:04 م
ألف شكر لمساهمتك المتميزة يا أستاذ إسلام
أنا عندى ملاحظات بسيطة بعتتها لحضرتك فى إيميل و مستنية ردك فى أأقرب فرصة بإذن الله
Posted by Eslam on مارس 5, 2012 at 8:27 م
طب نتكلم على الفيس علشان عندى كوبليهــات كتيره وتشوفى التعديلات براحتك
Posted by Eslam on مارس 5, 2012 at 9:17 م
ومع احترامـــى ليكى شويه تعديـــلات فى الكوبيليه بتاعك
اكيد هيجى اليـــوم والحلم يتحقق
اكيد هيجى اليــوم وواقعنا يتصدق
كل الهموم حتدوب
و الفرح يملا دروب
و شمس مالها غروب
حتدفى ايامنا
________________________________________
ومن هنا كسبـــنا المعنى فوق واضح وتحت كسبنـــا كوبليه المعنى فيه برضو واضح
اكيــــد هيجى اليوم وعنينـــا هتفتح أأأأه
اكيـــد هيجى اليوم والورد هيفتح
كل طفل صغيــــر
فى قلبه حلم يحير
الاســـوار تداريه
وحلمه يعلى بيه
عندو اصرار وعزيمه يحقق اماليه
________________________________-
لو فيه اى ملاحظــــات ارجو المشاركه عبر البريد
Posted by Ba7ebMasr.com - هبة الله حسنى on مارس 6, 2012 at 7:55 م
أشكرك على إقتراحاتك يا إسلام
Posted by Eslam on مارس 6, 2012 at 8:24 م
ياريــــت ميجيش اليـــوم اللى ملوش اى معنى
ياريــــت ميجيش اليـــوم ومحـدش يسمعنـــا
هنشوف بكره ســــــــواد
ونتوه فى وهـــــم غريب
وامبـــــارح عدا وفـــات
ونضيع فى بحر غويط
وادى كوبليه تانى ياريت يعجبك
Posted by Eslam on مارس 9, 2012 at 4:49 م
؟؟
Posted by Ba7ebMasr.com - هبة الله حسنى on مارس 9, 2012 at 10:58 م
آسفة يا إسلام أنا مكنش عندى وقت أشوف المدونة قبل كده…أشكرك على مساهمتك هى مناسبة من حيث الوزن لكن الغنوة تفاؤلية جدا فكلمات زى سواد و وهم مش حيكونوا مناسبين. أكون شاكرة جدا لو قدمت مساهمة تانية يكون فيها تفاؤل و أمل و ياريت فى المستقبل تبعت لى المساهمات على Ba7ebMasrAwy@gmail.com
لإنى بجمعها مع بعض و ألف شكر لإهتمامك
Posted by Eslam on مارس 10, 2012 at 2:45 م
انــــا بنفـــى مش بقــــول بكــره هيبقــى سواد
Posted by Eslam on مارس 11, 2012 at 10:21 ص
اكيد حيجى اليوم ما نخافش من بكرة
اكيد حيجى اليوم والحلم ليه فكرة
وكل همسة شوق
والنسمة طايرة لفوق
هننسى معنى الخوف
ونطوى اوهامنا
بايدينا بايدينا بكرة احلى
مصطفى
Posted by Ba7ebMasr.com - هبة الله حسنى on مارس 11, 2012 at 7:15 م
ما شاء الله مساهمة ممتازة
حزودها عندى و إن شاء الله حبلغك لما الغنوة تكمل
Posted by EsSoOo ELFnan on مارس 18, 2012 at 7:49 ص
اكيـــــــــد هيجى اليوم مانخبيش بسمتنا
اكيـــــــــد هيجى اليوم ونحس بقيمتنـــا
بأدينـــــــا نمحـــــى احزانــــــــا
والفـــــرحه جايـــه اكيــــــــد
وببــــــــكره نبنــــــــى امـــالنـــا
طـــــول ما الآيد فى الآيــــــــــــــد
بأدينا بأدينـــا بادينـا بكــــــره احـــلى
EsSsOoOo
تحيــــــــــــــــــــــــــــــــــاتى لكـــى
Posted by Ba7ebMasr.com - هبة الله حسنى on مارس 18, 2012 at 10:18 ص
ألف شكر على مساهمتك المتميزة
عندى ملاحظات بسيطة بعتتها لحضرتك على الإيميل
Posted by ahmed on مارس 18, 2012 at 2:36 م
اكيد هيجى اليوم ونصحصح من النوم
اكيد هيجى اليوم والكســـلان هيقوم
فى العمــــــــــل افكــــــــــار
من شبـــــــــــاب احرار
وفى العزيمــــــــه اصرار
لى ألغـــــاء الاجبـــــــــار
بادينا بادينا بكره احلى
احمد
Posted by EsSoOo ELFnan on مارس 18, 2012 at 3:13 م
اكيـــــــــد حيجى اليوم مانخبيش بسمتنا
اكيـــــــــد حيجى اليوم ونحس بقيمتنـــا
وبضى الامـــــــل والنـــــور
اكيـــــــد هنهد الســــــــــور
هننســــى خــــــــــوف الليل
ونشــــــــــوف فى بكــــره الخيــــر
بأدينا بأدينـــا بادينـا بكــــــره احـــلى
تحيــــــــــــــــاتى ويـــــــاريت ميكونش فى اى ملاحظــــــــات
EsSoOo
Posted by Ba7ebMasr.com - هبة الله حسنى on مارس 19, 2012 at 8:20 م
أشكرك جدا على إهتمامك
تمت إضافة مساهمتك
Posted by EsSoOo ELFnan on مارس 20, 2012 at 2:10 ص
انـــــــــهى واحده
Posted by EsSoOo ELFnan on مارس 21, 2012 at 8:11 ص
؟؟؟؟
Posted by EsSoOo ELFnan on مارس 22, 2012 at 3:15 م
الووووووووووو
Posted by Ba7ebMasr.com - هبة الله حسنى on مارس 22, 2012 at 9:11 م
السلام عليكم
أنا ضفت مساهمتك التانية لإن كان ليا ملاحظات على المساهمة الأولى و أشكرك على إهتمامك
Posted by yosryelfr on مارس 26, 2012 at 3:28 ص
اكيد حاييجي اليوم.. ونبص قدامنا
اكيد حاييجي اليوم .. ونشق احلامنا
من جوه قلب الخوف
نطلع لمدد الشوف
والفرح بينا يطوف
بإدينا بإدينا .. بإدينا بكره احلي
بإدينا بإدينا .. بإدينا بكره احلي
Posted by yosryelfr on مارس 26, 2012 at 3:29 ص
مع تحياتي ياهبه
يسري الفار
Posted by Ba7ebMasr.com - هبة الله حسنى on مارس 26, 2012 at 8:15 م
ألف شكر يا يسرى على مساهمتك المتميزة أنا ضفتها و إن شاء الله خبلغك بالتطورات
Posted by EsSoOo ELFnan on مارس 27, 2012 at 5:01 م
اكيد حيجى اليوم ونكســــر القيـــــود
اكيد حيجى اليوم ونتعلــــم الصمـ،ود
هنحمى كل غيوم
غطت احلامنا فى يوم
وطول ما شايفين بكره احلى
الحلم بينـــــا هيحلى
وبأدينا بأدينا بكره احلى
Posted by Ba7ebMasr.com - هبة الله حسنى on مارس 27, 2012 at 10:06 م
اشكرك على الإهتمام الشديد
Posted by EsSoOo ELFnan on مارس 27, 2012 at 5:02 م
تحيــــــــاتى لكــــى مع تـــانى كوبليه
ياريت ينول اعجبابك
مع تحيات EsSoOo ELFnan
Posted by EsSoOo ELFnan on مارس 29, 2012 at 6:27 ص
ايوه يعنى اضافت ولا لا
Posted by Ba7ebMasr.com - هبة الله حسنى on مارس 29, 2012 at 9:00 م
زى ما إنت عارف أنا عاملة مسابقة فحاليا بجمع كل المساهمات علشان أختار الأعمال الفايزة فحاليا مساهمتك التانية محطوطة مع باقى المتسابقين. ألف شكر على إهتمامك
Posted by Khalid Alhossari on مارس 29, 2012 at 10:56 ص
الاخت هبة تحياتي
اليك هذا الكوبليه ….
بكره اللي جي اكيد
احلى من امبارح …. واحلى من حلمنا
مادمنا بالتأكيد
بنحب ونسامح …. ونخاف على بعضنا
لا وهم هيسعنا
ولا خوف هيمنعنا
ولا حاجة هتصدنا
……..
خالد الحصرى
kalhossari@hotmail.com
Posted by Ba7ebMasr.com - هبة الله حسنى on مارس 29, 2012 at 9:06 م
ألف شكر على المساهمة يا خالد
أنا بعت لك ملاحظات على الإيميل ياريت تبقى تشوفها فى أأقرب فرصة و ألف شكر على إهتمامك 
Posted by EsSoOo ELFnan on مارس 30, 2012 at 1:45 م
يعنى اكتبلك كوبليهات من هنا للصبح يعنى ولا ايـــــــــــــه
Posted by Ba7ebMasr.com - هبة الله حسنى on مارس 31, 2012 at 2:47 م
هههههههههه زى ما يعجبك لإن طبعا كل ما تبعت أكتر فرصتك فى الفوز حتزيد و عموما 30 أبريل هو آخر معاد لتلقى مساهمات الشعر الغنائى و أنا بعمل فيديو دلوقت بعلن فيه عن الموضوع ده علشان عايزين المسابقة تتقدم بسرعة.
Posted by غير معروف on مارس 31, 2012 at 9:13 ص
الاخت الفاضلة / هبة …
السلام عليكم ورحمة الله وبركاته …
اليك هذا المقطع الجديد … مع خالص تحياتي
اكيد هيجي زمان
وأشوف وليد ثورتي
عدل وايمان وامان
نور على دنيتي
وحلمنا المولود
مبخفش من معبود
وبيعدي كل حدود
وبيحرسه ربنا
تحياتي وتقديري
Posted by Ba7ebMasr.com - هبة الله حسنى on مايو 5, 2012 at 8:28 م
سلام عليكم
مساهمتك ممتازة و كسبت لكن حضرتك مسيبتش إسمك لا و إيميلك. مش عارفة أى معلومات عنك غير ال .I.P فأنا حزود مساهمتك بدون إسم لحد ما حضرتك تشرفنى و تبعت لى أى معلومات.
Posted by EsSoOo ELFnan on مارس 31, 2012 at 3:59 م
اكيد حيجى اليوم ونمحى كل احزانا
اكيد حيجى اليوم ونحقق كل امالنــا
نور القمر هيضئ
ونخطى خطوه اكيده
هينور لينا الطريق
لاحلامنـــا العنيده
بأدينا بأدينا بكره احلى
تحيـــــــــــــاتى مع 3 كوبليه
مع تحيات EsSsoOo ELFnan
Posted by Ba7ebMasr.com - هبة الله حسنى on مارس 31, 2012 at 6:24 م
أشكرك رديت عليك على الفيس
Posted by احمد عادل on أبريل 22, 2012 at 12:14 ص
شوفـى دول
–
اكيد حيجي اليوم ونحس بكلامنا
اكيد حيجي اليوم والدنيا قدامنا
ده امبارح هيبقي ذكري
وحترسم بايدك بكـرا
وحيدق القلب دقا
والضحكه تندهنا
اكيد حيجي اليوم وننسي الامنا
اكيد حيجي اليوم ونركز باهدافنا
ده المستقبل فى علم الغيب
وبكره تلقي جانبك حبيب
ياخدك بايدك ويا النصيب
والضحكه تسمع بوجدانا
—
احمد عـادل
email : romansimot@yahoo.com
صفحتى بالفيس بوك
https://www.facebook.com/b3srt.2lm.ahmed.adel
الاكونت الخاص بيا
https://www.facebook.com/mooneg.ahmed
تحت امرك لو الكلمات عجبتك .. اكمل لو تحبي …
Posted by Ba7ebMasr.com - هبة الله حسنى on أبريل 22, 2012 at 3:22 م
الف شكر على مساهمتك المتميزة يا أحمد
بعت لك رسالة على الفيس
Posted by عبدالله مطر on أبريل 22, 2012 at 10:21 ص
أكيد هييجي اليوم والدنيا تحسدنا
وليلنا يبقى نهار والحب يسعدنا
والأمن يبقى حديد والزرع يبقى جديد
ومصر تتجمع كل الايدين في الايد
Posted by عبدالله مطر on أبريل 22, 2012 at 10:23 ص
أكيد هييجي اليوم ومصر هتنور
تطلع شمس النهار في قلوبنا وتْعَمَرْ
ونروح نطول القمر ونبني ونْعَمَرْ
نحقق الحلم اللي كان في قلوبنا متحير
Posted by عبدالله مطر on أبريل 22, 2012 at 10:38 ص
أكيد هييجي اليوم والشدة ديا تزول
نبني لحياتنا نظام يقدر يلاقي حلول
ونواصل المشوار نفضل في ضَىْ نهار
نعرف نجيب قبطان يجعل حياتنا عمار
Posted by Ba7ebMasr.com - هبة الله حسنى on أبريل 22, 2012 at 3:47 م
ألف شكر يا عبد الله
بعتت لك إيميل
Posted by غير معروف on أبريل 24, 2012 at 10:23 م
اكيد هييجي اليوم والدنيا نسمعنا
ونبقى قد القول والحب يجمعنا
نكتب تاريخ معروف
ونشيل جدار الخوف
نسكن في كل حروف
تدي الكلام معنى
عبدالله مطر
matter99@hotmail.com
Posted by Ba7ebMasr.com - هبة الله حسنى on أبريل 25, 2012 at 4:34 م
رائعة جدا يا عبد الله ألف شكر