الحمد لله إشتركت فى مسابقة الفصة القصيرة جدا (دقيقة واحدة) بساقية الصاوى و هى أول مسابقة كتابة أشترك فيها فى مصر. و الحقيقة هى أول مرة قى حياتى أكتب قصة قصيرة بالعربى لكن لما أخدت كورس Creative Writing فى كندا, كتبت قصة من 10 صفحات على ال Word بالإنجليزية و كانت بعنوان:
“Ten Letters to My Secret Crush” أى “عشر رسائل لحبيبى المجهول”. هو ده كل تاريخى مع كتابة القصص.
و الحقيقة إللى شجعنى على الإشتراك فى مسابقة الساقية هو قصر القصة لإنى الحقيقة علشان معظم كتابتى بالإنجليزى فى الوقت الحالى, كل كتاباتى العربى “فسفس” شويتين! بس إستمعت جدا بتأليف القصة خصوصا إنها من مستوحاه من أحداث واقعية بنشوفها كل يوم و قررت أبقى أألف قصص تانية أول ما ألاقى و قت أهرش 
لإنى عايزة أركز على تأليف شعر غنائى كتير فى الفترة الجاية . بس كده مش حأدلى بأى معلومات تانية عن القصة لغاية ما نتيجة المسابقة تطلع فى فبراير الجاى إن شاء الله. و على فكرة إللى حابب يشترك ممكن يقدم فى أى وقت قبل نهاية ديسمبر و إبقوا جهزوا 3 نسخ من القصة و أساسى طبعا صورة الرقم القومى .
و بالتوفيق للجميع إن شاء الله .
و الحمدلله ظهرت النتيجة و جميع الفائزين كانوا رجال و الآن سيداتى و سادتى إسمحوا لى أن أقدم لكم :
Ba7ebMasr.com - هبة الله حسنى
Posted by تسنيم on مارس 1, 2011 at 11:48 ص
بس نتيجة المسابقة لسه ظاهرة إمبارح بس!!
Posted by Ba7ebMasr.com - هبة الله حسنى on مارس 1, 2011 at 12:30 م
ما أنا عارفة يا تسنيم
ما أنا لغاية إمبارح مكنتش حاطة القصة على المدونة إحتراما للمسايقة لكن أول ما رجعت البيت زودتها و زودت لينك ليها على المقالة دى. حتى حتلاقى تاريخ نشرها إمبارح. بس أنا سريعة شويتين 
Posted by Bishoy Habib on فبراير 14, 2012 at 10:56 ص
أنا لسه عارف عن المسابقة من أقل من أسبوع. وأخر يوم بكره. أنا كنت كاتب قصه بالأنجليزي أصلاً وعربتها وكنت ناشرها على مدونتي فمش عارف أن كان ده يخالف التعليمات. حلو موضوع ان كل الفائزن رجاله هاها
Posted by Ba7ebMasr.com - هبة الله حسنى on فبراير 14, 2012 at 10:27 م
هههههههههههه فعلا بس إنت كده فرصتك احسن فى الفوز السنة دى. ممكن تسأل فى الساقية على موضوع النشر السابق للقصة و طبعا مهم إنك تقرا شروط المسابقة بالتفصيل و ربنا يوفقك