من كام سنة يوم 4 فبراير
فتحت عنيا على البشاير
جنب الأهرامات كان ميلادى
فى حضن نيلك و أرضك يا بلادى
أول كلمة نطقتها مصر
أول خطوة مشيتها فىك يا مصر
فى ربوعك كبرت و كبرت أحلامى
و إنت نبض قلبى و نور أيامى
ليه فى نفس المعاد السنة دى
مش حاسه بطعم عيد ميلادى؟!
عيد إيه؟ ده يوم حدادك
يوم فرحة أعدائك و شماتة حسادك!
ربنا يحفظك يا بلادى
من شر الفتنة و من كيد الأعادى
الغمة حتزول لازم حتزول
و الفجر طالع مهما الليل حيطول
روحى فداكى يا بلادى
قلمى سلاحى و صوتى بينادى
جايز صرخة منى تغير بكرة إللى بادى
لكن مش حقدر أغير تاريخ ميلادى!
Ba7ebMasr.com - هبة الله حسنى
