يا ساتر شبعنا كلام فارغ و سفسطة و أخيرا فى مشاريع عملية بناءة ظهرت للنور نقدر كلنا نلتف حولها…كفاية كلام!!!
الحقيقة أنا حرصت على وضع المعلومات الأساسية فى الصورة و عنوان المقالة. كل إللى ممكن أضيفه إن يا ريت كلنا ندعم المبادرات دى و لو ماديا على الأقل الحقيقة أنا كمان ححاول أتطوع بالمجهود فى مبادرة المليار لما ظروفى تسمح إن شاء الله لكن للى كلنا نقدر نعمله و بسرعة إننا نتبرع بأى مبلغ نقدر عليه. حبنا لبلدنا لازم يكون بالفعل مش بالكلام.
فيما يلى لينكات لبعض الصفحات المرتبطة بالمشاريع على الفيس بوك و مستنية تعليقاتكم و يا ريت كل قارئ يقوللى حيعمل إيه علشان يثبت حبه لمصر 
http://www.facebook.com/zewailcity2020
http://www.facebook.com/hamltmliar
Ba7ebMasr.com - هبة الله حسنى
Posted by dalia on يونيو 6, 2011 at 9:57 ص
متزعليش منى يا هبة انا معرفش حاجة عن المبادرات دى ممكن توضحى اكتر من الصور باين ان فيه مبادرة منهم عن العشوائيات لكن اشمعنى البحيرة بس ده فيه مئات العشوائيات بمصر ده حتى جابوا فى واحد من الناس قبل الثورة وراء مبنى ماسبيرو مباشرة فيه عشوائية كبيرة تصورى فى كل حته فى مصر و لا كمان مشاكل اطفال الشوارع عايزاكى تتكلمى عنها و كمان و النبى سرقه الاعضاء البشرية اى تجارة الاعضاء البشرية اللى كانت مفجرة قبل الثورة من سرقة القرنية و الكلى من الاطفال لدرجة ان اثناء الثورة كان فيه اطفال كتييييييير بيتخطفوا و يختفوا فى وسط المعمعة انا نفسى خفافيش الظلام دول بقى ينكشفوا مش قبل الثورة زى بعد الثورة لازم كله يبان
Posted by Ba7ebMasr.com - هبة الله حسنى on يونيو 6, 2011 at 12:26 م
الحقيقة يا داليا أنا معاكى إن فى سلبيات كتيرة فى مجتمعنا لكن أنا حبيت أن ألقى الضؤ على بعض الإيجابيات المطروحة. و أنا طبعا وقتى ميسمحش إنى أكتب تفاصيل المشاريع على المدونة لكن سهلت عليكو المهمة
لو ضغطتى على اللينكات إللى عندك حتلاقى معلومات مفصلة عن المشاريع و كمان ممكن تعملى بحث على Google
و أوعدك إنى حناقش مشكلة أطفال الشوراع فى المستقبل لإنها تؤرقنى بالفعل و على فكرة فيه مبادرات تم إتخاذها فى هذا الصدد منها مبادرة قد الحياة إللى ممكن تسألى عليها فى جمعية رسالة (الخط الساخن لجمعية رسالة 19450) و ربنا يكرمك على إهتمامك و ربنا يوفقنا جميعا لخدمة مصر
Posted by أبو عبدالله on يونيو 21, 2011 at 7:20 ص
لي استفسار عن التبرع من خارج مصر وهل استطاع ارسال حوالة من فلسطين وهل اكتب البنك المركزي فقط أم هنالك جهة تملك الحساب
Posted by Ba7ebMasr.com - هبة الله حسنى on يونيو 21, 2011 at 7:29 ص
أنا سعيدة جدا بإهتمام حضرتك بالتبرع من فلسطين و ربنا يكرمك و يجعله فى ميزان حسناتك. الحقيقة أنا مش عارفة رد سؤال حضرتك لكن أكيد فى البنك ممكن يفيدوك عموما إن شاء الله سأبحث فى هذا الأمر و إذا وجدت شئ سأخبر حضرتك بإذن الله.