~*~ إذا لم يدعم متصفحك مشاهدة الفيديو يمكنك الضغط هنا لمشاهدته كما يمكنك مشاهدة أعمالى الكاملة على اليوتوب ~*~
اخيرا و بعد طول إنتظار خرج للنور فيديو كوكتيل كاريكاتير من تأليفى عن مصر قبل و أثناء و بعد ثورة 25 يناير و بالنسبة لزوار المدونة الدائمين أحب أوضح إن فيه كاريكاتير عملته مخصوص علشان الفيديو و مش موجود فى مصنف الكاريكاتير فى المدونة. مستنية تقولوا لى إيه هو فى التعليق 
أسماء الكاريكاتير بالترتيب: قول و عبر و كمان قصر! – فليسقط “النظام” و ليحيا الفوضى؟! – كرسى السلطة و الغرة يهدون أغنية “مقلتلكش تحبنى!” لرموز النظام السابق – شعبولا لرئاسة مصر – سلفى و شحات و اللمبى. مين فاهم إيه؟! – خزعبلات حزبية متحزلقة! – يا عم كبر كله فى الكليتش
مستنية تعليقاتكم
Ba7ebMasr.com - هبة الله حسنى
Posted by Abdallah Khalaf on يونيو 19, 2011 at 6:15 م
الفيديو جميل جدا .. ومعبر وكوميدى . لكن لى تحفظ عالهكم على الدكتور حازم شومان ..انه قال الليبراليه معناها ان امك تقلع الطرحه ..لان ده صحيح …وشوفنا البرادعى اكد عالحريه دى.. وف تركيا منعوا بنت محجبه من استلام جايزم لمجرد انها محجبه …
وكمان احنا ليه مش اتريقنا على د/خالد منتصر لما قال ايه دخل الله ف السياسه ولا ايناس الدغيدى ولا الاسوانى ولا غيرهم..ولا احنا هنحامل يعنى على الاسلاميين..
معلش يام.هبه انى اندمجت ف النقطه دى .. بس أصلها استفذتنى .. لان كل الميديا المسموعه والمقرؤءه والمرئيه علماه الاسلاميين دول فزاعه ومخوفه الناس منهم .
الإعلام عاوز شماعة……شماعتة إنكسرت يا جماعة
مسلم سلفي أو إخواني ……..الإتنين عنده فزاعة
إعلامنا المصري حقاني……….للفتنة شغال ولاعة
………
إعلامنا أصلوا علماني……….واقف ضد الدين بصياعة
عنده الحق في ست ثواني…… والباطل يديلوا مية ساعة
Posted by Ba7ebMasr.com - هبة الله حسنى on يونيو 19, 2011 at 7:13 م
الحقيقة أنا مشفتش تعليق البرادعى لكن شفت رد د.زسليم العوا على الأستاذ شومان و إتضح أن ما قاله كان فيه مغالطات علمية كثيرة فندها دكتور العوا و أكد أن الليبرالية (و هى تعنى الحرية بالإنجليزية) مفهوم إسلامى من الأساس و الحقيقة إن تصريحات الأستاذ شومان إثمها أكبر من نفعها من وجهة نظرى خصوصا إنها غير مبنية على تدقيق أو تدبر.
كون بعض الناس يخلطون بين الليبرالية و عدم الحجاب فهذا لا يعنى أن هذا هو المعنى الأصلى للمصطلح نفسه و لا أعتقد أن الليبراليين فى مصر ينادون بذلك.
و طبعا أنا مقصدتش إنى أقصر نقدى على الإسلاميين لكن الحقيقة إنى لما شفت فيديو الأستاذ شومان إستفزنى جدا لإنى عشت فى الخارج و فاهمة يعنى إيه لبيرالية.
أما بعض الأسماء إللى ذكرتها و منها إيناس الدغيدى فهى مهرية تريقة و مش مستنية مساهمتى و مع ذلك مقدرتش أمنع نفسى إنى أنكر عليها عدم تقبل فكرة إنشاء الإخوان المسلمين لشركة إنتاج سينمائى فى مقالتى عن الإخوان إللى إنت قريتها بالفعل.
و أنا بقترح إنك تدور فى اليوتوب على فيديو رد د. العوا على حازم شومان و أعتقد أنه كان فى برنامج على OnTV. و بعد ما تتفرج عليه ممكن نناقش الموضوع أكتر. أنا سعيدة بوعيك و حرصك على تفنيد الحقائق و ربنا يرزقنا الفهم الصحيح و البصيرة الصائبة و بعد ذلك تطبيق ما تعلمنا. اللهم آمين