أرشيف ‘صور معبرة’ التصنيف

فرصة جديدة يقدمها موقع [CREATIV] العالمى للمبدعين: تابعوا الصفحة الخاصة يالوطن العربى

بتغنى؟ بترسم؟ بتكتب؟ بتمثل؟ بتصور؟ بتخترع؟ بتخرج؟ عندك أى موهبة فنية ممكن تتعرض على النت؟ نفسك توصل للعالمية؟ موقع [CREATIV]  العالمى  حيحقق حلمك…

خبر ساااار للمبدعين العرب:   تم إنشاء صفحة خاصة بالشرق الأوسط فى موقع [CREATIV] سيتم فيها نشر أعمال الفنانين المميزين من أعضاء الموقع فى كل المواهب الفنية…فى إنتظار إبداعاتكم يا مبدعيييين http://www.creativ.com/TheCREATIVMovementArabia

creativ-arabia-portal

و لسه الأخبار السعيدة  مستمرة :) إيه رأيكم فى تصميم الصفحة؟   الصفحة دى عبارة عن أكونت عالموقع و مستخدمة  إمكانيات الموقع المتوفرة لك و لكل المستخدمين يعنى إنت كمان تقدر تعمل لنفسك صفحة مميزة على موقع بسهولة شدية و من غير ما تحتاج أ  أكواد و لا معرفة بالبرمجة. 

ياللا يا مبدعين إشتركوا فى الموقع و إبعتوا لى لينكات بروفايلكم علشان نعرض اعمالكم المميزة فى الصفحة ممكن تبتعوا اللينكات على:

صفحتنا عالفيس: https://www.facebook.com/CREATIVArabia
حسابنا على تويتر: https://twitter.com/CREATIVArabia
صفحة شرح الموقع على مدونة بحب مصر دوت كوم : http://ba7ebmasr.com/the-creativ-movement/

 

فيديو إلهمنى شكرا (6) “الله أكبر” – كلمتين و بس يخلونا نهزم الإرهاب و راسنا مرفوعة

الإرهابيين هدفهم يقهرونا و يعيشونا فى خوف و قلق دائم لكن بفضل الله فى طرق كتيييرة وضحتها فى الفيديو تخلينا نعدى المرحلة بسلام على رأسها ترديد:

الله أكبر   الله أكبر   الله أكبر

إرفع راسك فوق إنت مصرى و خليك فااااااكر مصر جميييييييييييييييييلة

لينك مقالة “إمتى تشير و إمتى تكبر علشان المرحلة دى متستمحش إننا نكون بغبغانات بتشير أى حاجة عميانى!

bbd no terrorism

masr-gameela-مصر-جميلة

منصورة-يا-مصر

مالآخر (1) إمتى تشير و إمتى تكبر؟

أحيى بشدة صفحة “ده بجد” لإنهم عملوا صورة فيها الخلااااصة عن إمتى تشير و إمتى تكبر؟!

إحنا غارقنين فى طوفان من الإشاعات و الفبركات من أول الثورة أتمنى إنك متقبلش على نفسك تكون مجرد “بغبغان!” بيردد إشاعات بيروجها الآخرون و الحقيقة كمية الفبركات الواضحة إللى شفتها فى بوستات الإخوان تؤكد إنهم بيعتمدوا على الناس إللى بتشير عميانى! فلو  تقبل ده على نفسك تجاهل الصورة دى! لكن خليك فاكر قوله تعالى “و لا تقف ما ليس لك به علم إن السمع و البصر و الفؤاد كل أولئك كان عنه مسؤولا” – (الإسراء – 36)

أصول-الشييير

فيديو كاريكاتير برنامج إضحك فكر (4) – توب 20 تعليقات جاااامدة على هاش تاج #عنوان_كتاب_مرسي :) يا نهار ضحك

 

إخترتلكم 20 تعليق على هاش تاج #عنوان_كتاب_مرسي إستعدوا للضحك :)

صحيح المرسى فى شرعية الكرسى

الكتاب الابلج للطالب الملجلج

درر الحرائر في لف السجائر

قولوا للي اكل الحرام… تف الي انت طفحته

بدائع الفتة في قتال البطة

ضربت الودع ماقتيش وزير دفاع جدع

أهطل و مرشد و بلتاجى

الارهاب وحرائر الخرفان بتوقيع الامريكان

سر التكتيك بالبط والفريك

الاتحادية غايتنا والموت فى سبيل الكرسى اسمى امانينا

المخ التخين فى أصول التمكين (تعديلى المقترح: الجلد التشخييين فى أصول التشمكيين)

إمتصاص الصدمة بين الامل و التحديات – دراسة تفصيلية

الحلال المغمور فى تراخيص الخمور

إنتخبوا إللى شال التييييييت (ردا على التاج المبتذل إللى عملوه الإخوان بعد ترشح المشير السيسى)

الشرح والتفصيل في الخيانة و التكفير

مذكرات ابو لية فى البحث عن الشرعية

عنوان سيأتيك من حيث تترفع عن ان تقراه  :)

تغريدات من تأليفى:
نتمنى سلامة المولوتف والإنتحاريين

كيف تخلف العهود من منحدر الصعود؟

تجارة الدين فور دميز (For Dummies)

أصول الغدر و الخسة من قلة قليلة مندسة

يا نجاااااتشى جبتش البلاليييين من قطر؟ 

كاريكاتير-عنوان-كتاب-مرسي-تجارة-الدين-فور-دميز

لينك بلاى لست جميع حلقات برنامج “إضحك فكر”:

رحمة الله على ميادة اشرف و مارى سامح جورج شهيدتا الغدر و الإرهاب

رحمة الله على شهيدتا الغدر و الإرهاب مارى و ميادة. ….القصاص القصاص القصاص

الله أكبر … الله أكبر…الله أكبر

 

الشهيدة-ميادة-أشرف

 فى هذه الصورة المعبرة الصحفية الشابة ميادة اشرف تعلن أنها تكمل ما بداه الحسينى ابوضيف و يشاء العلى القدير ان تستشهد برصاص فى الرأس كما حدث مع أبو ضيف رحمة الله عليهم جميعا

الشهيدة-مارى-سامح-جورج

و هذه صورة كلها حب للحياة للشهيدة مارى جورج عليها رحمة الله التى توفت بسبب طلق نارى. ربنا يصبر أهلها

الله أكبر … الله أكبر…الله أكبر

فيديو كلمة الفريق السيسى لإعلان ترشحه رسميا لرئاسة مصر #السيسى_رئيسى

كلمة المشير السيسى لإعلان ترشحه رسميا لرئاسة مصر جسدت وطنية هذا البطل و إحساسه بالمسؤولية تجاه مصرنا الحبيبة. ربنا يوفقه لما فيه الخير لمصر.

sisi-masr

إتشرفت بإستضافتى على قناة النيل الثقافية للحديث عن موقع [CREATIV] العالمى للفنانين

إتشرفت بإستضافتى على قناة النيل الثقافية للحديث عن موقع [CREATIV] العالمى للفنانين و زى ما إنتوا شايفين فى الصورة أنا لابسة حظاظة  [CREATIV]  إقتداء بأى منظمة لها هدف نبيل بتعمل حظاظات علشان تنشر فكرتها أصحاب موقع  [CREATIV]  مؤمنين أن نشر الإبداع رسالة نبيلة تستحق أن تنشر بكل الطرق.

يسعدنى الرد على أى أسئلة عندكم بخصوص الموقع فى التعليقات. لما تشتركوا فى الموقع إبعتوا لى لينك البروفايل علشان نتواصل هناك و نعمل تواجد قوى للفنانين العربز مستنايكم يا مبدعييين :)    

لينك التسجيل فى الموقع: http://prereg.creativ.com/arabia
لينك شرح فكرة الموقع: http://ba7ebmasr.com/the-creativ-movement/

creativ-arabia-tv-show-heba-hosny

فيديو كاريكاتير “ولا أى إندهاشة يا ولاد التييييت!” ردا على الأختش آشتون و الحمار الأمريكى #إندهشششش

فيديو الكاريكاتير ده رد بسيط منى على هرتلة آشتون و الخارجية الأمريكية و تجرأهم على التدخل فى شؤون مصر الداخلية. هما ميقبلوش إن حد ينتقد محاكمهم و مع ذلك قرروا يكلمونا عن “إندهاشهم!!!” من حكم المحكمة بإعدام أكتر من 500 إخوانى إرهابى! إنتوا مالكوا؟ دى حاجة بت Dog قوى!

 

ashton-usa-interfering-egypt-2014-mb

بلاى ليست فيديوهاتى من الكاريكاتير. لمشاهدة أعمالى الكاملة من الكاريكاتير  إضغط هنا 

 

معقولة؟!!! فى فنان موهوب لسه مشتركش فى موقع [CREATIV] ؟!!!

creativ-wristband-heba-hosny

يسعدنى الرد على أى أسئلة عندكم بخصوص الموقع فى التعليقات. لما تشتركوا فى الموقع إبعتوا لى لينك البروفايل علشان نتواصل هناك و نعمل تواجد قوى للفنانين العربز مستنايكم يا مبدعييين :)    

لينك التسجيل فى الموقع: http://prereg.creativ.com/arabia
لينك شرح فكرة الموقع: http://ba7ebmasr.com/the-creativ-movement/

فيديو فرص للشباب (5) – قصة نجاح شاب مصرى يفرح أخد معايا كورس مجانى…لو مش لاقى شغل شوف الفيديو ده

أهم ما تضمنه الفيديو:

قصة نجاح شاب أخد معايا كورس العمل الحر على الإنترنت مجانا على سكايب و إستطاع أن يبدأ العمل و يحقق أرباح فعلية.

لمزيد من التفاصيل  عن طبيعة الكورس و شروط التقديم ياريت تشوفوا  فيديو “مجانا للجادين فقط! كورس العمل الحر على الإنترنت Freelance – مبادرة إتعلم ببلاش و علم غيرك ببلاش

للتقديم أرجو مراسالتى على Ba7ebMasrAwy@gmail.com

مع خالص تمنياتى للجميع بالتوفيق و السداد بإذن الله  :)

happy-man-make-money-online

رأى الكاتب الكبير أحمد رجب فى المتهكمين على جهاز الجيش…

 

إتضح إن الفنان محمد صبحى له أكونت واحد رسمى على توتير أنشأه حديثا وهو  @m_msobhy  و أنا بعتذر عن نشر التغريدة المفبركة من غير تحقق و اوعدكم إنى مش حعمل كده تانى بس حبيت أسيب الصورة علشان أى حد عامل فلولو للأكونت المفبرك يعرف صاحبه إنه إنكشف من غير ألفاظ تييييت و بعدين يعملله أنفولو!   إحنا عايشين فى زمن الفبركة فياريت بلاش نشير إلا حاجات مؤكدة! _إختراع_الجيش- محمد-صبحى-يرد-على-المشككين-فى

أحمد-رجب-رأى-جهاز-الجيش-الفيروس

الكاتب الكبير أحمد رجب جاب الخلاصة…يا ترى لو الإختراع ده طلع مش فنكوش كل إللى “سبقوا!” و إتريقوا عليه حيحسوا بإيه؟!!! إيه زمن العجايب ده؟ أنا موافقة إننا ننتقد الجهاز لو طلع فاكس لكن ياريت نصبر لما الأمور تبان! و الإحتمال الأكبر إن الجهاز يكون حقيقى لسبب منطقى بسيط: إيه مصلحة الجيش إنه يوعد الناس و يخلف؟ ربنا عرفوه بالعقل!

فاكرين لما ناس أفتوا إن برنامج باسم إتقفل بسبب المشير السيسى و طلع كلام فارغ لما شفنا الحلقة؟ و أنا الحقيقة إتهمت باسم إنه قاصد ميعرضش الحلقة بعد ما شير الفيديو بتاعها على تويتر يوم منعها و فضل مخبيها عننا لغاية ما تعاقد مع إم بى سى مصر فقرر يسعدنا بمشهادتها بعد ما الناس هرتلت و جابت سيرة المشير السيسى عالفاضى و هو طبعا أرقى من ذلك وعنده مهام كبيرة تشغله عن الكلام الفارغ ده!

قصة حلقة باسم مثل عملى على إن “المرء عدو ما يجهل” و إذا كان فى درس ممكن نتعلمه منها هو إننا منأفورش قبل ما الحقايق تبان لكن واضح إن باسم يوسف شخصيا لسه مستوعبش الدرس ده لإن هرى الإختراع تريقة فى حلقته إمبارح!

يا ترى إنتم يا قراء المدونة الأعزاء ناوىين تبعدوا عن  الأفورة و الإستنتاجات المسيقة و لا لكم رأى تانى؟ أحب رأيكم و تعليقاتكم…

إلهمنى شكرا (5) – فيديو كاريكاتير و أغنية “تايه ضايع” مهداه لمدمنى السجاير و المخدرات و الإنترنت و…

 

أغنية “تايه ضايع” من كلماتى على نفس الجملة اللحنية لأغنية تتر مسلسل “خاتم سليمان”

تايه ضايع فى الدخان

بيدور فى حطام بركان

على شمعة ينور بيها وهمه

على سجنه إللى ملوش سجان

يجرى عليها بشوق و حماس

نفس ورا نفس…هربوا الأنفاس

و بيغرق فى بحور دخانه

بعد ما مات جواه الإحساس

فوق و إتحرر من دخانك

ده بيسرق عمرك و أمانك

ربك قالك إنت أمانة

صونها عيش حر و إنسان

تايه ضايع فى الدخان

بيدور فى حطام بركان

على شمعة ينور بيها وهمه

على سجنه إللى ملوش سجان

 

anti-smoking-cartoon-كاريكاتير-التدخين-مدمن

أنا ألفت الغنوة قبل الكاريكاتير و ده يفسر سجن أعقاب السجاير و الشمعة إللى فى الرسمة. فى إنتظار تعليقاتكم :)

كاريكاتير تفاعلى…إفتح قلبك 3> بدل علامات الإستفهام بأهم 3 حاجات “يزقوك” عشان…

كاريكاتير تفاعلى…إفتح قلبك 3> 

بدل علامات الإستفهام بأهم 3 حاجات يقدروا “يزقوك” علشان تتغلب على خوفك…

الإيمان؟ الشجاعة؟ الصدق مع النفس؟ إنتوا أدرى :)  فى إنتظار تعليقاتكم…كتر شيييرك :)

كاريكاتير-2014-مصر-إتغلب-على-خوفك_2222

ردى على الحادث الإرهابى فى طابا…مصر حتفضل وردة ندية…شوكها يزلزل تجار الدين! الله أكبر

إذا كان الهدف من الحادث الإرهابى النهارده إننا ننكسر فأنا بقولكم إنسوا…إنسوا يا إرهابيين!

دى إيد الغدر مبتورة

يا عملاء الشياطين

مصر حتفضل وردة ندية

شوكها يزلزل تجار الدين

الله أكبر…الله أكبر…الله أكبر 

bbd no terrorism

منصورة-يا-مصر

أجمل صورة فى عيد الحب…كل عيد حب و مصر طيبة :) شيييير بقوة

معنديش أى كلام أأقوله..الصورة فيها الخلاصة…كل عيد حب و مصر طيبة :) شيييير بقوة

sisi-masr

كاريكاتير “يعنى إيه تفكير يا مولانا” – شعارات مذهلة! للإخوان فى مسيرة قدام بيتى يوم الجمعة 7 فبراير

أول إمبارح ( يوم الجمعة 7 فبراير 2014)  فى مسيرة للإخوان عدت قدام عمارتى و كانوا رافعين شعارات رابعة و بيقولوا: السيسى قاتل “دستوره!” باطل!

حسألكم سؤال واحد بس فيه الخلاصة:  بذمتكم لو المشير السيسى كان مخطط للترشح للرئاسة من الأول زى ما الإخوان بيدعوا و كان بيتدخل فى كتابة الدستور  كان عمل دستور يخلى صلاحيات الرئيس مقيدة و تلتين البرلمان يقدر يعزل رئيس الجمهورية و بعدين يرشح نفسه للرئاسة؟!!!!

لو سألت السؤال المنطقى ده لأى حد من مؤيدى الإخوان حيقولك: يعنى إيه تفكير يا مولانا؟

بجد و الله العظيم صعبوا عليا  لإنى كنت فى الشارع و شفتهم و كانوا بيتكلموا بحماس و من جوة قلبهم بس التبعية العمياء بدون تفكير أسهل و أريح من تشغيل المخ!…

إللى فكروا إنشقوا…ربنا ينور بصيرة الجميع. اللهم آمييين

يعني-ايه-تفكير-يا-مولانا

و كلمة أخييرة  ردا على آخر تطورات إنتخابات الرئاسة : لما بقارن بين بيان ترشيح حمدين (مع العلم إنى مؤيدة للسيسى) وبيان “تخريف و تخويف!”أبو الفتوح لازم أحترم وطنية حمدين و أشكره إنه حيثرى العملية الإنتخابية.

 و على رأى الإعلامى القدير إبراهيم عيسى: ترشح حمدين مش حيخلى الغرب المؤيد للإخوان يعترف بالإنتخابات طظ فيهم! الله عليك إنحطاط تغطية الغرب ل6-30 عالجنى تماما من عقدة الخواجة

أشكركم مقدما على إهتمامكم بالتعليق :)

شييير و إفخر بجيشك :) شهادات كبار القيادات على مدار التاريخ و على رأسهم رسولنا الكريم على عظمة الجيش المصرى

إرفع راسك فوق إنت مصرى…الصورة أبلغ من أى كلام…شييير و إفخر بجيشك :)

عظمة-جيش-مصر

فيديو بيان المجلس الأعلى للقوات المسلحة بترشح المشير السيسى لرئاسة مصر – 27 يناير 2014 #تحيا_مصر

ربنا يوفق المشير (قصدى الرئيس) السيسى فى مهمته الوطنية العظيمة و يحفظ مصر و إحنا لازم نستعد علشان حنصحى من 5 الصبح نصلى لربنا و نبنى بلدنا جاهزين؟ :) 

سيدنا عمر بن عبد العزيز رضى الله عنه تعرض لكل محاولات التأليه و الفرعنة لكن إخلاصه وقراءته فى سيرة سيدنا عمر رضى الله عنه و سيدنا على كرم الله وجه عصموه. إن شاء الله الفريق السيسى يحذو حذوه بإنه:

  • يتجاهل كدابين الزفة و فلول النظام القديم!
  • يعين الناس فى المناصب حسب الكفاءة و الوطنية معا (يا فرحتى بحد كفؤ لكنه عميل أو خاين! دلوقت دور الوطنيين الشرفاء علشان يبنوا مصر)

المشير-السيسى-رئيس-مصر-2014

 

و كلمة أخيرة رغم إنى نشرت تدوينة سابقة بنتقد فيها تصريحات غير موفقة قالها السيد حمدين صباحى بخصوص المشير السيسى إلا إنى مستاءة جدا من حملة الشماتة في حمدين  إللى مالية النت! دى لحظة إصطفاف وطنى ووطنية حمدين صباحى لا يزايد عليها أحد فأرجوكم عندنا بلد نبنيها  و إرهاب نواجهه.

ياللا يا مصرين مستعدين لإللى جاى؟ طب إدعوا لمصر :) 

دعاء_لمصر

فيديو عالطبلة (3) – عالطلبة و الطبالة حنغنى لمصر النوارة فى ذكرى ثورة 25 يناير #تحيا_مصر

 

 

 

كل سنة و مصر كلها بخير و أمان بمناسبة الذكرى الثالثة لثورة 25 يناير :) تحيا مصر و المجد للشهداء

عالطلبة و الطبالة حنغنى لمصر النوارة

خليتى الناس يبجوا حيارى

أعدائك باتوا سهاااارى

و يجولوا يا مصرى ده إنت دهب أصلى

و يجولوا يا مصرى ده إنت دهب أصلى

آه يا مصرى يا مصرى ده إنت عيارك اصلى

متخافش من الفالصو

و إرفع علم بلدك فى التحرير  منصورة-يا-مصر

فيديو رأيى فى فيلم “الميدان” المرشح للأوسكار – فيه إيجابيات كتير و سلبياته مستفزة! و قاصد يشوه الجيش

فى إنتظار تعليقاتكم…

98.1% نعم للدستور = %100 نعم لمصر – دعاء راااائع لمصر …. كتر شييييرك :)

“رب إجعل هذا البلد آمنا”

مبروك مبروك مبروك عليكم و علينا

مبروك مبروك مبروك يا ناسنا و أهالينا

يا رب كتر أفراحنا… يا رب كتر أفراحنا

و على قد نيتنا إديناااااا

ألف مبرووووووك لمصر…..%98.1  نعم للدستور = %100 نعم لمصر

ححط دعاء راااائع لمصر كتابة و صورة عشان تشيروه بالطريقة إللى تعجبكم…. كتر شييييرك :)

يا عظيم  يا عظيم يا عظيم أنت لها و لكل أمر عظيم  أسألك أن تفرج عن الشعب المصرى بحق بسم الله الرحمن الرحيم. اللهم إنى أستودعك مصرو أهلها أمنها و أمانها ليلها و نهارها أرضها و سمائها أرضها و سمائها فاحفظها ربى من كل سؤ و مكروه اللهم إنا نستودعك رجال مصر و نساءها و أطفالها يا من لا تضيع عنده الودائع

دعاء_لمصر

فيديو كاريكاتير إضحك فكر (3) رأى الفنان زكى رستم و أم أيمن و سما المصرى فى إستفتاء دستور 2013

شوفوا الفيديو  عشان تسمعوا تقليدى لصوت الفنان زكى رستم و بالمرة تاخدوا فكرة عن رأى أم أيمن و سما المصرى فى الإستفتاء…

مالآخر ردى على الكائنات العجييييبة إللى مشافوش فى الإستفتاء غير الرقص: “إللى متعرفش ترقص تقولك الأرض عوووووجة”  ههههههههههههههههههههههههه

ضحكنا شوية ياللا نفكر :)  سؤال حلقة النهارده :

لو عملنا مقارنة بين أم أيمن و سما المصرى فى رأيكم مين فيهم أشد ضررا على المجتمع و ليه؟

إنتظروا إجابتى فى الحلقة القادمة و طبعا مفيش إجابة صح و غلط على سؤال مفتوح زى ده لكن المهم أنك لما تقول رأيك توضح أسبابه.

دستور-مصر-2014-الإخوان-خونة-زكى-رستم

المفارقة اللذيذة دى إن الطفل إللى فى الصورة هو الفنان وجدى العربى إللى بينسب إليه إنه داعم للإخوان و ده زود واقعية الفكرة :)

بلاى ليست جميع حلقات “إضحك فكر” بالعربى و الإنجليزى:

فى إنتظار تعليقاتكم ….

فيديو قلت “نعم لمصر” فى إستفتاء دستور 2013 …ياللا يا مصريين – دعاء رااائع لمصر

النهارده حسيت بمشاعر جميلة حبيت أحيكلكم عليها و أنا واقفة فى طابور إستفتاء دستور 2013 و طبعا قلت “نعم لمصر”…

ملخص مغامرتى  المثيرة فى طابور الإستفتاء:

1- كان قدامى راهبات وفى وشى مسجد جنبه كنيسة :)
2- الطابور تحول لفوضى! :(
3- شفت الفنانة هناء الشوربجى بعد ما خلصت تصويت

الفيديو يتضمن دعاء رااائع لمصر إن شاء الله حكتبه قريب…

دستور-2013-نعم-لمصر

فى إنتظار تعليقاتكم

بالفيديو الرسول عليه السلام كان حبا يمشى على الأرض…اللهم وفقنا لحسن الإقتداء به

كل سنة و إنتوا طيبيين بمناسبة المولد النيوى الشريف . الصورة دى أجمل صورة شفتها لسبب مهم جدا…

لما شفت سؤال بيقول إيه أكتر صفة فى الرسول تتمنى إنك تتخلق بها جاوبت بعد تفكير بكلمة واحدة: الحب

الرسول عليه السلام كان حبا يمشى على الأرض…اللهم وفقنا لحسن الإقتداء به فى الدنيا كى ننعم بصحبته فى الفردوس الأعلى بفضل الله

prophet mohamed is love

الفيديو ده عملته السنة إللى فاتت ويمشل نصائح عملية من صميم السنة النبوية العطرة كصلة الرحم  و الإحسان إلى الجار و غيرها. أدعو الله عز و جل أن تنتفعوا به و أسألكم الدعاء

كاريكاتير دستور 2013 آخر مسمار فى نعش الإخوان

كاريكاتير-نعم-دستور-2013-نهاية-الإخوان

فيديو كاريكاتير مصر 2014 – إدى خوفك بالشلوت و فكر فى معدومى الدخل! سنة 2014 مصر قمر 14 :)

كل سنة و إنتوا طيبين و مصر و الأمة الإسلامية كلها بخير و سعادة. هدفى الأساسى من الكاريكاتير ده إننا لازم نفكر فى المواطنين البسطاء إللى الموجات الثورية فى 25 يناير و محمد محمود و 30 يونيو زودت معاناتهم. سنة 2014 لازم تكون سنتهم هما و علشان تقدر تساعدهم إدى أى حاجة معجبتكش فى 2013  بالشلوت! إيه رأيكم؟ مستنية تعليقاتكم :)

و فى الفيديو ناقشت أهم حاجتين إحنا محتاجينهم علشان نحقق أهدافنا فى 2014 بتوفيق الله:

أولا عدم المبالغة فى لوم أنفسنا لإن العبرة ليست بالسقوط وسط الطريق لكن العبرة بقدرتنا على سرعة القيام مصداقا لقوله تعالى: “ويدرؤن بالحسنة السيئة”

ثانيا لما تكتب أهداف لازم تكتب أسبابها. إيه قيمة هدفك؟ و ليه هو مهم بالنسبة لك؟ كتابة أسباب قوية لتحقيق الأسباب حافز هام لتحقيقيها. بالتوفيق للجميع إن شاء الله :)

كاريكاتير-مصر-2014

رسالة لكل حكومات مصر من عهد عبد الناصر حتى اليوم: كفايكم إرتجال و عشوائية!!!

كاريكاتير-إبراهيم-عيسى

معرفتش أفرح الحقيقة بإعلان حكومة الببلاوى بإعتبار الإخوان جماعة إرهابية لإن القرارإتأخر بشكل مستفز و على رأى الإعلامى إبراهيم عيسى: “أسوأ حاجة فى قرار حكومة الببلاوى إن الإخوان جماعة إرهابية إن نفس الحكومة هى إللى حتنفذه!” له حق يقلق من طريقة تنفيذ الإعلان لإن تاريخ الحكومة القصير فى وقته المحبط فى أدائه غير مبشر على الإطلاق!

و نيجى للموضوع التانى إللى فى منتهى الخطورة: إغلاق أكتر من ألف جمعية خيرية يشتبه إنها تابعة للإخوان فكانت النتيجة إيه؟ آلالاف الفقراء إللى كانوا بيتلقوا معونات صحية و مالية “بيحسبنوا!” على الحكومة دلوقت!

أنا مش بحب النقد الغير بناء بمعنى إنكم لو سألتونى أنا لو مكان الحكومة أعمل إيه علشان أقفل حنفية تمويلات الإخوان؟ الحل ببساطة إنى لازم أوجد أى بديل من أى نوع للأسر المستفيدة من هذه الجمعيات و أعلن الحل البديل بوضوح قبل ما أقفل الجمعيات لإن لو ده محصلش منقدرش نلوم الأسر المستفيدة من الجمعيات لو لعنوا سنسفيل الحكومة و طبعا السفلة إللى بيتاجروا بدماء الأموات لن يتورعوا عن المتاجرة بإحتياجات الفقراء و آلامهم! شىء مؤسف جدا!

و السؤال إللى إجابته واضحة للأسف هو: يا ترى الحكومة فكرت فى نتايج و تداعيات قرارها قبل ما تاخده؟ مأظنش للأسف!!! من أى أيام الزعيم الراحل جمال عبد الناصر و إحنا حكومة ردود أفعال! لما إتفرجت على فيلم ناصر 56 لفت نظرى إنه بعد ما أخد قرار تأميم القناة “إتفاجىء!” بإستقالة ظباط البحرية الأجانب إللى كانوا بيرشدوا البواخر فى القناة لكن عرف يتصرف و جاب مرشدين بحريين من اليونان. هو ده إللى الفيلم بينه و مش عارفة مدى دقته تاريخيا لكن الصح إنه يكون “متوقع” إن النتيجة المنطقية لتأميم القناة هى إستقالة المرشدين من فرنسا و بريطانيا و يكون جاهز بالبديل  قبل ما يعلن قرار التأميم أساسا! الحمد لله إنه قدر يلاقى حل لكن ماذا لو كانوا المرشدين اليونانيين رفضوا العمل فى القناة؟ طبعا قرار التأميم قرار جرىء و تاريخى و من إنجازات الزعيم عبد الناصر التى لا ينكرها منصف و جايز الظروف الملحة إقتضت إنه ياخده بسرعة دون دراسة لعواقبه.

لكن  خلاصة القول إن الإرتجال و العشوائية و ردود الأفعال بدل من المبادرة أصبحت هى السمات الغالبة على أداء الحكومات المصرية المتعاقبة! و من الحاجات بتذهلنى إنهم ساعات بيتفاجئوا بأحداث لها سوابق و إرهاصات واضحة! على سبيل المثال تصريح وزير الداخلية بعد فض إعتصامى رابعة و النهضة إنهم “إتفاجئوا” بحرق الكنايس كان مذهل جدا بالنسبة لى لإنهم حرقوا كنايس فى الصعيد قبل فض الإعتصام يبقى إيه عنصر المفاجأة؟

و سؤال تانى على سبيل المثال لا الحصر: لما مرشد الإخوان و الشاطر و غيرهم من القيادات يبلطجوا فى المحكمة و يعملوا شوشرة مرة ياترى  فى حد عاقل ممكن يتفاجىء لو كرروها؟ الإجابة الواضحة هى لأ طبعا لكن تبصوا تلاقوا قاضى يرفع الجلسة علشان الإخوان بيبلطجوا فى المحكمة للمرة الألف و فى نفس الوقت القاضى إللى بينظر قضة حازم أبو إسماعيل يستعمل سلطته كقاضى و يخرج أبو إسماعيل برة لما يشوشر! إيه الفرق بين أبو إسماعيل و قيادات الإخوان؟ بسم الله الرحمن الرحيم الإجابة معرفش لكن عارفة إن التباطؤ فى محاكمة قيادات الإخوان مش فى صالحنا!!!

كفايكم إرتجال و عشوائية!  ربنا ينعم علينا بحكومة مبادرة لها رؤية و ياااااارب 2014 تكون أحسن من 2013! اللهم آمين.

 

كلمتين و بس يبردوا نارنا على شهداء الغدر و الإرهاب فى المنصورة: الله أكبر

رحمة الله على شهداء الغدر و الإرهاب من الشرطة و المدنيين فى المنصورة…
لكن موقف أهل المنصورة ناصع و أبلغ من أى كلام و إن كنت معترضة طبعا على تخريب ممتلكات إخوانية لكن الناس طهقت! هو ده عيب العدالة البطيئة لما الناس مش حتلاقى القانون بيحميها هما إللى حياخدوا حقهم بإيدهم يقوموا السفلة التانيين “يتلككوا” علشان يشتبكوا أكتر مع الناس! ربنا ينور بصريتنا و يلهمنا الإسلوب الامثل للتعامل مع ناس منحطين و غدارين و مش رجالة أصلا!
إنسوا يا إرهابيين
دى إيد الغدر مبتورة
يا عملاء الشياطين

الله أكبر…الله أكبر…الله أكبر

المجد-للشهداء

فيديو يوميات ممثلة مرتجلة (3) – باضت لك فى القفص يا أوخااا! مش ال MBC إختارتنى؟! إشهد يا لمبى!#تييييييت

اللمبى يشرح ظاهرة القمار التلفزيونى و سنية هب هب بتحكى إزاى ال  ال MBC إختارتها للأختش أم فاروق!

 

فى إنتظار تعليقاتكم

اللمبى

فيديو طبق سلطة مصرية (2) – مظاهر “الخبل!” الإخوانى من أول المرشد لغاية الحرائر #ولا_أى_إندهاشة

أهم ما تضمنه الفيديو:

  • نصيحة عامة لازم نشوف الصورة كاملة و منخليش ألاعيب الإخوان تحبطنا
  • تصريح محامى إخوانى مذهل عن دستور 2013 يحمل فى طياته إعتراف صريح بعدم شرعية دستور 2012
  • مهزلة النيويورك تاميز مع الفريق السيسى و شماتة الإخوان رغم فوزه بالفعل فى إستفتاء القراء
  • رقة و عذوبة حرائر الإخوان إللى وصلت لدرجة نزع الحجاب عن أستاذتهم فى الأزهر
  • 3 أوجه شبه مذهلة بين الإخوان و هتلر
  • مهزلة صفوت حجازى و المرشد فى المحمكة
  • رأى الشيخ الشعراوى عليه رحمة الله فى الإخوان
  • أهمية أن نتحلى بالقوة و الإيمان لعبور مرحلة الخبل الإخوانى بسلام

كاريكاتير_إخوان_شريف-عرفة

فيديو إلهمنى شكرا (4) – 5 أقوال مأثورة ل نيلسون مانديلا و غاندى و هتلر و ميكافيللى و إسلام البحيرى :) #دعوة_للتأمل

 

المقولات المأثورة التى تضمنها الفيديو:

“الحرية يطلبها العبيد و يصنعها الأحرار” – نيلسون مانديلا

“كن أنت التغيير الذى تتمنى أن تراه” – مهاتما غاندى

المهزوم إذا إبتسم أفقد المنتصر لذة الفوز” – أدولف هتلر

الغاية تبرر الوسيلة” – نيكولو ميكافيللى

ميكافيللى ينحنى ركوعا أمام السلفيين :) ” – إسلام البحيرى

الزعيم_الراحل_نيلسون_مانديلا

فى إنتظار تعليقاتكم… 

بالصور إسبوع الإنجازات و الخسائر: فقدنا الحاضر الغائب أحمد فؤاد نجم و شرفنا عمر سمرة أول رائد فضاء مصرى

لم تمض ايام قليلة بعد أن شاء العلى القدير أن يختار شاعرنا العظيم الفاجومى أحمد فؤاد نجم إلى جواره  حتى اسعدنا عمر سمرة بإنجازه الرائع و سيشرف مصر كلها بأن يكون أول رائد فضاء مصرى عام 2014. مصر و لادة…

الشاعر-الراحل-أحمد-فؤاد-نجم

 

عمر-سمرة-أول-رائد-فضاء-مصرى

بالفيديو و الصور بناتهم رشوا الرجالة سبراى و رجالتهم ضربوا النساء بالقلم! عشان الإسلام هو الحل و كدددززززة!

تعليقا على مظاهرات الاخوات “السلمية ” امام منزل دكتوره مهجة غالب عميدة الكلية 29/11/2013  قناة “وطن بلا إخوان” إللى نزلت الفيديو ده على اليوتوب طرحت أسئلة منطقية:

دى تصرفات بنات المفروض انهم فى جامعة الازهر ؟؟!!
هل دى الفاظ بنات متربيا اساسا ؟؟!!!
هل من الدين انهم يرشوا البواب المسن الغلبان بالاسبراى فى وشه ؟؟!!!!
هل من الدين انهم يروعوا سكان العمارة كلها و محدش يبقى عارف يدخل و لا يخرج ؟؟؟!!!

الحقيقة أنا تعليقى على الفيديو كان بسيط جدا: و لا أى إندهاشة! بنات الإخوان عيارهم فلت من ساعة ما راحو الحرس الجمهورى فى وش الفجر…خلاص لبسوا نقاب قلة الحيا بس أحلى حاجة فى المشهد إن رجالتهم جبروا! ياللا بالشفا

أنا الحمد لله رافعة شعار “و لا أى إندهاشة” لإن ألاعيب الإخوان الرخيصة المفضوحة مبقتش تفاجئنى بالعكس هما متسقين تماما مع نفسهم و عايزين يثبتوا لأى حد لسه عنده ذرة شك إنهم تجسيد حى لكل معانى الخسة و الإنحطاط.

على فكرة النهارده شفت وقفة للإخوان رافيعن شعار رابعة قصاد الأوبرا و سواق التاكسى إللى كنت معاه طلع لهم شعار رابعة و قعد يغنى معاهم و أول ما بعد عن الوقفة لعن سنسفيل أهاليهم :) سبحان الله آه زمبقلوكم كده هههههههههههههههه

نرجع للجد شوية التطور المهم  إللى حصل  لى من فترة و بدعوكم كلكم إنكم تفكروا بنفس الطريقة إن رغم متابعاتى للتفاصيل اليومية و حزنى على الشهداء إللى بيسقطوا غدرا كل يوم إلا إنى شايفة الصورة الكاملة  و فاهمة إن كل ده حلاوة روح و فرفرة حيوان جريح (مع الإعتذار للحيوانات!)

و أى حد مش قادرر يشوف ده أحب أفكركم بصور معبرة عن إنحطاط رجالة الإخوان فى عز حكم مرسى…

إخوانى-يضرب-ناشطة-بالقلم_مكتب-الإرشاد

يا ترى الأخ الفاضل ده كان خيعمل لو كانت الناشطة رشته بالسبراى زى ما الأخوات عملوا مع بواب عمارة؟!!  هو كله ضرب ضرب مفيش شتيمة يا ولاد التييييييييييييت!

و طبعا صورة تكميم فم الناشطة شاهندة مقلد ستظل عار فى تاريخ الإخوان إللى مش ناقص سواد!

تكميم فم الناشطة شاهندة مقلد

طبعا الصور دى نقطة فى بحر! كلنا شفنا “الرجالة!” إللى ضربوا إمرأة مسنة بالقلم  من كام يوم و كسروا عربية مدام كانت بتوصل والدتها المريضة و قطعوا هدومها!

طبعا ده كان حال الإخوة قبل ما يتحاموا فى الأخوات!!  حوش حوش عالمرجلة إللى بتشر! كان زمان وجبر يا أوخاااااا!!!

أنا إن شاء الله حعمل مقالة بالإنجليزى عن أساليب الإخوان الحقيرة فى الإستفزاز و التصعيد! لها حق “7 الصبح” تقول مش عايزين عفو رئاسى عن بناتهم المخربات أصل  التصعيد و العفو Don’t Mix! مش بقولكم كل ألعايبهم إنكشفت؟ 

و طبعا كل ده بيحصل عشان الإسلام هو الحل و كدددززززة!!!! فى إنتظار تعليقاتكم!

فيديو كلمة الفريق السيسى فى رثاء شهداء الغدر و الإرهاب فى سيناء

رحمة الله على شهداء الغدر و الإرهاب فى سيناء كلمة الفريق السيسى و إن ملأها الحزن لكن فى ذات الوقت ملأها الإصرار و العزم على تطهير مصر من الإرهاب.  اللهم إحفظ مصر جيشا و شعبا بجميل حفظك و أنت خير الحافظين.

 

منصورة-يا-مصر

masr-gameela-مصر-جميلة

البؤساااء! معاناتى فى شراء طقم سورايه و توارد خواطر عجيييييب مع د.منال عمر!

أخدت بلا فخر دور البطولة المطلقة فى مسرحية  les miserables (البؤساااااء!) و أنا بعافر علشان ألاقى طقم سورايه خالى من مهرجانات الترتر و يكون واسع طبعا لكن ميكونش واسع لدرجة إن أى واحدة عادية لو لبسته تبان حامل فى الشهر ال999!!!  الحمد لله كنت قربت أأقول “ما نابنى إلا تضييع وقيتا و فأفأة قدميا!” لكن ربنا كرمنى قبل الفرح بأقل من 48 ساعة و جبت الطقم إللى فى الصور. هو مش طقم أساسا لكن الحمد لله إن البلوزة و الجيب كانوا فى نفس المحل و أنا وفقنهم على بعض….الله الله عالخبرة :) ههههههههههههههههههه

20131107_223854

الأول كنت ناوية أأجر لقيت اذواق فساتين السورايه الإيجار وحشة و أسعارها أوحش!! فقررت أجيب جاهز و أنا سعيدة جدا الحمد لله “بالطقم” إللى جبته لإن البلوزة موديلاها واسع زى ما تكون شال فمش محتاجة طرحة طويلة. و أجمل حاجة إن الطقم نفسه إنه هادى جدا لكن الإيشارب و الجزمة هما إللى نطقوه  و خلوه مناسب لفرح فكده مش حيتركن فى الدولاب و حقدر أروح بيه زيارات و مناسبات تانية. إحساس الإنجاز بعد فأفأة الرجلين جميييييييييييييييل قوى يا نتيتة :)

نصيحتى  المخلصة لكم بعد تجربتى المريرة أولا إنك متنزليش قبل الفرح بفترة بسيطة تدورى على سواريهات خصوصا  لما يكون ذوقك مش هو الذوق الغالب فى السوق! و ياريت تريحى دماغك و تفصلى لو ينفع و طبعا يستحسن تجيبى طقم مش مأفور فى لمعته عشان تقدرى تستعمليه فى مناسبات تانية و سيبى اللعب على الإكسسورات و الإيشارب :)

20131107_222308

ده فيما يتعلق بالفستان أما د.منال  عمر فحصل بينى و بيتها توراد خواطر عجييييب…

طول عمرى بروح أفراح مودرن و معروف إن دايما أهل العروسة بيكونوا قاعدين فى ناحية و أهل العريس فى ناحية. لأول مرة فى حياتى المرة دى آخد بالى من الموضوع و أحس إننا كده منعزلين رغم إن الفرح إشهار نسب بين اسرتين فمن الطبيعى إنهم يكونوا عايزين يعرفوا بعض لكن تقسيم الكراسى كده بيخلى كل “فريق!” يروح من غير ما يتعرف على أى حد جديد :(

كل الأفكار دى مرت بخاطرى و أنا قاعدة وسط أهلى إللى بعرفهم و كنت حابة أتعرف على أهل العروسة و جه فى بالى إن ياريت معازيم الأفراح يعملوا  Ice Breakers  و دى ألعاب مصممة إن ناس بيتقابلوا فى مكان لأول مرة يقدروا يتعرفوا بشكل حميم و بطريقة تلقائية و لذيذة و مفيهاش إحراج. فسألت نفسى ليه منعملش كده و بدل ما أنا قاعدة وسط أهلى إللى بشوفهم كتير بدل ما أكون صداقات جديدة؟!

الفرح كان يوم الخميس 7 نوفمبر فلما إتفرجت على لقاء د.منال عمر تانى يوم مع الإعلامى محمود سعد فى حلقة 8 نوفمبر لقيتها بتناقش نفس الموضوع و بتتكلم عن الحميمية الإجتماعية و بتنتقد التلقيد المستورد فى أفراحنا إن أهل العروسة يقعدوا فى ناحية و أهل العريس يقعدوا فى ناحية تاية!!!

توراد الخواطر العجيب إللى حصل لى مع د.منال خلانى خدت قرار إن أى فرح ححضره فى المستقبل حكون مبادرة و حتعرف على الفريق التانى من المعازيم. و لو علاقتى وطيدة بالعروسة أو العريس حقترح إنهم يعملوا Ice Breakers دمها خفيف علشان الأسرتين يتعرفوا.

.إنتوا شايفين إيه؟ ما رأيكم دام فضلكم؟ :)

فيديو أغنية “باسم ٌقرطس الجماهيير” مستوحاه من أغنية باسم يوسف عن الفريق السيسى و الإخوان! #تيييييييييييت

الشىء المقرف بكل المقاييس إن فيديو حلقة باسم الممنوعة إتحمل على الساعة واحدة صباحا بالكامل لكن الباشا عمله برافيت و شفته حوالى الساعة 11 الصبح كان لسه برايفت. بعد الظهر بصيت على قناة البرنامج تانى لقيتهم غيروا عنوان الفيديو و حاطين رسالة “جارى التحميل…” باسم متعود ينزل فيديوهات الحلقات فى معاد عرضها بالظبط إشمعنى دلوقت و الدنيا مشعللة قرر يلطعنا معاه؟!!! #تيييييييييييييييييييييييييت

بيوقلك سمعت خير اللهم خير إن سى بى سى هدد ت باسم إن أبو ظبى (إللى سابنا ننش و راحها) حتتحول لأم ظبى قام خبى البرنامج حرصا على العلاقات المصرية الإمارتية!

إختفاء باسم و صمته الرهيب و  عدم تنزيل فيديو الحلقة الممنوعة لغاية دلوقت إستفزونى فألفت أغنية ” باسم قرطس الجماهييير !!!” على نفس الجملة اللحنية إللى باسم غناها عن الفريق السيسى و الإخوان فى حلقة 24 أكتوبر! يا شماتة أم أيمن فينا!!! :(

 باسم قرطس الجماهييير 

 باسم قرطس الجماهييير
حد قالله علينا حمير
السى بى سى رفضت تذيع
صعب علينا بشكل فظييييع
حط المطلوب على اليوتوب
و بدأ يحمل و إستنى الشعب
سهرنا جنبه طول الليل
و الفيديو شغال تحميل
عمل تويتات بلكينك الفيديو
بلهفة و شوق شيرها الشعب
عمله برايفت إبن ال….”الشعب!” #تيييت #تيييت
جنونتنا يا ولاد الكلب #تيييت #تيييت
السى بى سى إشتريت اليوتوب؟
و لا إبن التييييت عامل ملعوب؟
ساب الكل يعض فى بعض
و سمعنا سكتاه و لا رد
باسم قرطس الجماهيير
و الإخوان من الفرحة تطير
و تزايد عالسيسى و تصيع
السيسى تجاهلك ما سأل فيك
طلع أجدع منك و لا رد عليك
باسم قرطس الجماهير
إحنا يا أوخا مش حمير
زعلنا لما قولنا منعوك
و كبتوا حقك و قمعوك
حمقنتا مكانتش عليك #صحح #فوق
فاكر الكون ده بيدور حواليك #صحح #فوق
إحنا زعلنا على الحرية
و ثرنا عشانها بهمة قوية
ثورتنا محدش يسرقها
و إنت قبلها كنت نكرة
و باسم قرطسته جماهير
هأ هأ هااااااااااااااى

باسم-يوسف-جماهير-منع-البرنامج

بالفيديو لما سى بى سى تمنع برنامج باسم فى زمن اليوتوب أنا شامة ريحة مؤامرة!!! (أو غباء مستحكم!)

مفيش كلام يوصف  مشاعر الإحباط إللى حسيت بيها لما برنامج باسم إتمنع النهارده و تفتق ذهنى عن بعض نظريات المؤامرة حبيت أشرككم فيها!

#نظرية_المؤامرة_1 السى بى سى عملت فيلم  و لغت البرنامج علشان ننسى إللى باسم عمله الحلقة إللى فاتت و نتعاطف معاه و بعدين ترجعه تانى!  البديل: جالهم زهايمر و نسيوا إن فى إختراع إسمه يوتوب!

#نظرية_المؤامرة_2 باسم إستفز القناة عن عمد علشان ياخدوا إجراء ضده فنتعاطف معاه وننسى إلى عمله الحلقة إللى فاتت و إعتمد إن عندهم زهايمر و حينسيوا إن فى إختراع إسمه يوتوب!

#نظرية_المؤامرة_3  صاحب قناة سى بى سى إخوانى مستتر :( لأن القرف ده فى مصلحتهم

#نظرية_المؤامرة_4  إدراة القناة غبية فعلا و إتفاجئوا إن فى يوتوب فى الدنيا!!

و فى نظرية مؤامرة لفتت نظرى قالها بالناشط السياسى حازم عبد العظيم: انا لو قيادي في التنظيم الدولى للإخوان انا ممكن ادفع ملايين الدولارات علشان برنامج باسم يتمنع قبل 4 نوفمبر باي ثمن ،، مكسب سياسي رائع ببلاش كده#مصر لكن أنا رديت عليه: إن سى بى سى قناة خاصة وقرارتها لا يمكن تمثل التوجه العام للدولة المصرية و لو إن الإخوان طبعا حيستغلوا الموقف لأقصى درجة تسمح بيها إنحطاطهم :(

أحسن تعليق قريته لمنع مزايدة الإخوان قاله الفنان نبيل الحلفاوى: على الحكومة تفويت الفرصة على المزايدين و المستفيدين سياسياً و دوليا من قرار المنع و بث الحلقة على التليفزيون المصري

أما أظرف تعليق قريته كان بيقول: أوجد عشر إختلافات بين سي بي سي و  غادة عبدالرازق! :) ههههههههههههههههههههه

لكن أنا ممكن أعذر قناة  سى بى سى فى حالة واحدة: لو قالوا بوضوح إيه المخالفات إ للى باسم  عملها لكن لو كلمونا كلام مرسل مش مفهوم مش حقدر أتعاطف معاهم خالص!  إحنا معملناش ثورة مات فيها ملايين و قلنا “حرية” علشان برامج تتمنع من التلفزيون!!!

عموما ده فيديو البيان بعد ما قال على مخالفة  باسم للبيان السابق بعد حلقته إللى فاتت بيوقلك  إن المنتج طمع و عايز فلوس أكتر! هو قرر يطمع بعد ما الناس هاجموا باسم؟ ده وقت طمع برضه؟ لو المنتج طمع دلوقت يبقى قاصد يعجز القناة و ده يرجعنا لنظرية المؤامرة 2 و ساعتها بس ممكن يكون موفقهم من باسم غير قمعى ياريت تثبتوا الكلام ده علشان الرأى العام كله ضدكم دلوقت!

 

ردود الأفعال عكست كم مذهل من الأفورة لإن فى ناس إتسرعوا و إعتبروا إن الفريق السيسى له علاقة بالموضوع رغم إنى شفت تغريدات لناس حضروا الحلقة بيفولوا إنه مجابش سيرته خالص لكن شحور القناة! إحنا ليه متسرعين كده رغم إن الفيديو بيتحمل على اليةتوب و حنشوفه؟ مالنا عاملين كده مأفورين و بلمس؟ معذورين ما إحنا عملنا ثورة شعارها الحرية!

و علشان الوكسة تكمل باسم إشتغلنا و عمل الفيديو برايفت بعد ماحمله!!!

يا شماتة أم ايمن فينا!!!! يا فكرتشى يا دعوتشى  يا حومنشى يا دهوتشى فينك يا ثورتشى؟!!!

مع كل الإندهاش ده أسمحوا لى لتالت مرة فى تاريخ المدونة أستدعى قطة باسم المذهولة ميييييييييااااااوووووووو

القطة-المذهولة-باسم-يوسف

فيديو عالطبلة (2) إيه رأى الفنانة سما المصرى فى حلقة باسم يوسف؟ :) لا للتطبيل و الأفورة!! #خنقتوووونااااا

   

عشنا حالة من التطبيل و الأفورة بعد حلقة باسم يوسف 24 أكتوبر 2013 من جميع الأطراف تعالوا نعرض نماذج من الهرتلات اللانهائية بمصاحبة الطبلة! و لا أى إندهاشة ما إحنا فى زمن التطبيل !!! خنقتوووونااااا حتى إسألوا قطة باسم المذهولة هههههههههههههههههههههههههههههه

يا فكرتشى

يا دعوتشى

يا حومتى يا دهوتشى

رحتى فين يا ثورتشى؟!!

القطة-المذهولة-باسم-يوسف

حلقة-باسم-يوسف-24-أكتوبر-2013

فيديو يوميات ممثلة مرتجلة (2) – مونو دراما “أنا مريم…” و خاطرة شعرية “إنسوا يا إرهابيين!” فى رثاء شهداء كنيسة الوراق #لا_للإرهاب

 مريم هى الزهرة البرئية شهيدة إرهاب كنيسة الوراق. لو مريم حبت توصف آخر يوم فى حياتها حتقول إيه؟

أنا حاولت أعبر عنها و أتخيل كانت حتوصف اليوم ده إزاى فى مونودراما إرتجالية لكن و لا أى كلام يوصف بشاعة الجرم إللى إرتكب فى حقها. عزائنا إنها دلوقت فى الجنة و ربنا يصبر أهلها.

زجل “إنسوا يا إرهابيين” إللى كنت ألفته بعد أحداث كنيسة القديسيين بعد تعديل بعض كلماته لنتاسب أحدأث كنيسة الوراق

و إنتهت ليلة الفرح على صوت النحيب

و إيدين خسيسة بتعلب فى الخفا

تشعل سمانا باللهيب

كلاب مسعورة بتنهش لحمنا

و تقتل فرحنا بخنجر رهيب

فاكرين حيقدروا يكسرونا

وياخدوا الهلال من حضن الصليب

إنسوا …إنسوا… إنسوا يا إرهابيين

مصر حتفضل نبض واحد مسلمين و مسيحيين

و لا حد حيقدر يكسرها  لو حاول أيا م و سنين

دمك يا مريم مش حيروح هدر

و لا لوعة  أم…و لا لوعة  أم سلواها الأنين

ده الشعب كله هب و فاق

الأسد المصرى ساب العرين

إنت فتحتوا على نفسكوا النار

أصلكوا متعرفوش غضب المصريين!!

إنسوا …إنسوا… إنسوا يا إرهابيين

مصر حتفضل نبض واحد مسلمين و مسيحيين

و لا حد حيقدر يكسرها لو حاول أيا م و سنين

إنسوا …إنسوا… إنسوا يا إرهابيين!!

إنسوا …إنسوا… إنسوا يا إرهابيين!!

إنسوا …إنسوا… إنسوا يا إرهابيين!!

مونو_دراما_مريم_فى_رثاء_شهداء_كنيسة_الوراق_لا_للإرهاب

*** لمشاهدة أدائى فى أعمال إرتجالية أخرى يمكنكم مشاهدة بلاى ليست “يوميات ممثلة مرتجلة” ***

فيديو نبقى شباب ورد و جميل لبلاده بيرد جميل – نصيحة ثقافية (3) – لازم نتعلم بشوييييييييييييش…

إلى كل باحث عن متعة القراءة و فائدتها نصيحتى الثقافية رقم 3 هى إننا لازم نحسن إختيار الكتب إللى بنقرأها و نحرص على القراءة بعمق و تأنى و بشوييييييييييش لإن الثقافة الحقيقية لا تقاس بعدد الكتب إللى قريتها لكن بإستفادتك الفعلية مما قرأت و الفيديو فيه أمثلة توضيحية من ضمنها مقالة الرسول عليه السلام رائد التنمية البشرية — Prophet Mohamed Soft Skills Pioneer

سلسلة فيديوهات نصيحة ثقافية:

لينك فيديو نصيحة ثقافية (1) – كيف تستفيد مما تقرأ أقصى إستفادة؟ تعلم فن النقد و التحليل 

لينك فيديو نصيحة ثقافية (2) – إزاى نواظب على القراءة فى زمن الإنترنت؟ صدقونى! عصفورة تويتر مش حتطير هههههه

read-iqraaa

فيديو دليل الأم الذكية (1) – قدمى وجبات سناكس لذيذة و مغذية و سرييييعة للأولاد وقت المذاكرة

إزاى تخلى ولادك يحبوا الأكل الصحى حتى لو مكانوش منعودين عليه؟ 

تحبى تعرفى أفكار سناكس مغذية و لذييييذة و سريييييييييعة تقديمها لأولادك و هما بيذاكروا؟

حتلاقى ردود على كل أسئلتك فى الفيديو إن شاء الله 

1

2

33

عايزة نشوفى صور وجبات “مفرحة!” حتخلى ولادك يضحكوا من قلبهم؟ حتلاقيها فى المقالة دى:

مغامرات أم عسولة (1) – وجبات طوييييييييييل جدا منخارها إخترعتها لبنتى بمناسبة السنة الدراسية الجديدة :)

*** حتلاقى مزيد من الفيديوهات النسائية  على بلاى ليست “كونى راااائعة”. يا رب تعجبكوا :) ***

فيديو مغامرتى فى الذكرى 40 لنصر اكتوبر! شميت غاز فى طلعت حرب وموصلتش التحرير بس بحبها :)

بعد ما أحكيلكم على الغاز إللى شميته فى طلعت حرب فى طريقى للتحرير للإحتفال بالذكرى الأربعين لنصر 6 أكتوبر المجيد خغنيلكم أغنية “علمونا فى مدرستنا إزاى نحبها” :) المعنى الجميل إللى فى الغنوة دى هو إللى رجعنى بيتى مبتسمة بعد ما لفيت مصر كلها تقريبا بس معرفتش أوصل التحرير!

الغنوة دى لها معزة خاااصة جدا عندى علشان إتبينت عليها مسرحية “مسلمسيحى” الإرتجالية من إخراجى و تمثيل و إرتجال نجمات مصر فى المستقبل :) إن شاء الله ححمل لكم فيديو المسرحية قريب

sc-6-oct-3

فى إنتظار تعليقاتكم

فيديو و أناااا على الربابة بغنى :) ماذا لو (2) – لو عندك 100 مليار جنيه تعمل إيه لمصر؟ #تحيا_مصر

غمض عينيك و إتخيل معايا: لو ربنا و إداك 100 مليار جنيه حتعمل إيه لمصر؟ فكر و إشكرنى معاك فى حلمك الجميل فى التعليق :)

أنا إن شاء الله حعمل 4 مشاريع معظمها فنية شرحتهم فى الفيديو…دعواتكم :)

 الفيديو الأول من سلسلة فيديوهات “ماذا لو” التخيلية الإبداعية:

ماذا لو (1) – مسابقة ماذا لو أصبح عمر بن عبد العزيز رضى الله عنه رئيسا لمصر 

sc-rababa-2

فيديو برنامج”إضحك فكر” حلقة 2 – مسرحية “كده مش أوكيه” الإخوانية – توب 5 نكت الإخوان هههههههههه

أهم ما تضمنه الفيديو:

 * لينك فيديو برنامج “إضحك فكر” حلقة 1:    http://youtu.be/blJKoCKhFeE

توب 5  نكت و خزعبلات الإخوان:

5- نكت خاصة بأم أيمن

4- محاولة إغتيال وزير الداخلية تمثيلية و عمل مخابراتى!

3- إتقبض على شبيه صفوت حجازى :) هع هع هع هااااااع

2-حركة تمرد مسيحيين بدليل إنهم خرجوا يوم الحد D-: (على يدى!! حصلت فى شارع بيتنا! غطينى و صوتى يا أمه!!!)

و أخيرا رقم 1 فى توب 5 نكت الإخوان…..إستعدوا للإنبهار…..حسيبهالكم مفاجأة تشوفوها فى الفيديو :)

ضحكنا كفاية ياللا نفكر :) أسئلة الحلقة 2:

1-      إذكر نكتة (أو نكت) إخوانية غير التوب 5 إللى قلتهم فى الحلقة؟

2-      فى 3 سمات مشتركة بين الإخوان و اليهود. ما هى هذه السمات؟

3-      إيه اكتر حاجة عجبتكم فى كلامى و ليه؟ و إيه أكتر حاجة معجبتكوش فى كلامى و ليه؟

فى إنتظار تعليقاتكم

sc-bakinam caricature-mb-usa sc-laugh-mb-jokes2

صدق أو لا تصدق! حينما إتفق الفريق السيسى و وزير الداخلية و سواق تاكسى على غباء الإخوان…

منصورة-يا-مصر

 

سبحان الله النهارده كنت راكبة مع سواق تاكسى عبقرى و علق على محاولة إغتيال وزير الداخلية فى مدينة نصر بسخرية و قاللى: “الإخوان دول أغبيا جدا! إفرضى إنهم قدروا يقتلوا وزير الداخلية ما حيجى غيره و حيتصدى للإرهاب

فأنا رديت عليه إنهم جايز يكونوا بيحاولوا يضعفوا الروح المعنوية للظباط فرد عليا بكل ثقة وقاللى: “بالعكس ده هما كل ما بيعملوا كده بتزيد عزيمة الشرطة و الجيش علشان ياخدوتا بتار زمايلهم و إخواتهم

و رجعت البيت و كانت المفاجأة!!

لقيت تصريح على لسان وزير الداخلية بيقول فيه إنه مستعد للإستشهاد من أجل أمن المواطنين و لو إستشهد حيجى وزير تانى يتصدى للإرهاب

بعدها شفت تصريح للفريق السيسى بيقول فيه إن محاولة الإغتيال الخسيسة لن تؤثر على الروح المعنوية للظباط  :)

شفتوا قد إيه كلام سواق التاكسى متطابق مع كلام كبار الوزراء؟ و الحقيقة هما التلاتة فى جوهر كلامهم أجمعوا على غباء الإخوان و عدم جدوى إرهابهم الغادر الساذج!

شرفك يا بلدى و عزة كرامتك

بجيشك و شعبك يردوا التحدى

عظييييييييمة يا مصر :)

 

فيديو يوميات ممثلة مرتجلة (1) ما تلم بعترتك يا حليتهاااا! وصلة ردح لحزب النور :( #تييييييت

أهم ما تضمنه الفيديو:

إسكتى يإللى إنتى مش غرماااانة! مش حزب النور إللى كان نايم فى بيتهم ف 25 يناير محموق بسلامته علشان مفيش تمثيل لثوار يناير فى لجنة الخمسين؟!! زى ما يكون محمود بدر و عمرو صلاح و غيرهم من إللى فى اللجنة كانوا فى كوالالمبور وقت ثورة يناير! جتكوا تييييييييييييييييييييييييييييييييييييييييييييييييييييييييييت :(

على رأى سنية هبهب: إسكتى يإللى إنتى مش غرماااانة! مش سبع الرجالة طلع برطة؟ بالراحة عليه شوية ليجليه زغطة! دى حاجة بت كلب قووووى!

فى إنتظار تعليقاتكم

sc-noor1

sc-noor3

*** لمشاهدة أدائى فى أعمال إرتجالية أخرى يمكنكم مشاهدة بلاى ليست “يوميات ممثلة مرتجلة” ***

فيديو البلتاجى يتحدى بن لادن! تقليد مضحك للإعلامى القدير إبراهيم عيسى ردا عالباشا الأمريكانى بروح أمه!!!

 

 

 

 

 

أهم ما تضمنه الفيديو:

* يسعدنى تقديم تانى فيديو تقليد للإعلامى القدير إبراهيم عيسى بعد ما إضطريت أشيل الفيديو الأول علشان…
* محمد البلتاجى قكرنا بأيام أسامة بن لادن و جو الإرهاب الجامد أوووى أوباااا إوعى وشك! يا ترى إيه أكتر حاجة عجبتكوا فى الفيديو المسجل إللى سربه لقناة الجزيرة؟ الحقيقة يا جماعة أنا إبزهليت من الستارة الشفتشى إللى كانت وراه و زغللت عنيا لدرجة إنى مركزتش فى الهرتلة و الأكااذيب إللى تحفنا بيها! تخيلو إن اليلتاجى شايف إن ضحايا فض إعتصام رابعة 3000 قتيل؟ ده طلع “كيوت” أكتر من حمزواى يا ولاد!!! لكن إمبارح (28 أغسطس) الناشط السياسى حازم عبد العظيم ظهر فى برنامج هنا القاهرة و فجر قنبلة من العيار التقيل لما قال إنه سال رئيسة الطب الشرعى شخصيا و أكدت إن إجمالى ضحايا القاهرة و الجيزة من يوم فض الإعتصام رابعة و النهضة و لمدة إسبوع بعدها أأقل من 700! ليه بس تكدب كده يا بلتاجيتو؟ أياااا عليك!!!
* أما فيما يتعلق بالباشا الأمريكانى بروح أمه فدى قصة طويلة حسيبكم تشوفوها فى الفيديو…
* مقارنة تثير التأمل بين الحكومة الإنتقالية االحالية و حكومة مرسى و الإخوان
* لو سألت أى حد إذا كان بيشجع الأهلى و لا الزمالك فوعدك إنه حيقولك بعد الماتش تأكد إنه خلايا نائمة فى حزب النور!!! لن نسمح بالفاشية الدينية بعد ثورة 30 يونيو و مش حنسمح لحد إنه يكفر المعارضة و لا يقول إنتخبونى عشان تدخلوا الجنة!
* مش عاجبنانى نفسنة بعض الفقهاء الدستوريين و لا نفسنة ثورا 25 يناير من ثوار 30 يونيو! علاج النفسنة إننا نحب مصر بجد و نقدر حساسية المرحلة إللى إحنا فيها….”قوتنا فى وحدتنا” و كفاية علينا المؤمرات الخارجية!

isssa-sc

الصورة إللى جاية لقطة من الفيديو الأول إللى إضطريت اشيله لأسباب وضحتها فى الفيديو أنهى صورة فيهم عاجباكم أكتر؟  :) 

sc-essa

فى إنتظار تعليقاتكم :)

فيديو و إحنا بننعى شهداء رفح الأبرار خليك فاكر مصر جميييييييييييييييييلة

masr-gameela-مصر-جميلة

شهداء-رفح-مصر-19-أغسطس-2013

فى إنتظار تعليقاتكم :)

شييير بقوة: كن إيجابى وقع إلتماس للبيت الأبيض بإعتبار الإخوان جماعة إرهابية و مطالبة إدارة أوباما بالتخلى عن مساندتها

mb-terrorists-us-white-house-petition

 

 

محتاجين نوصل ل 100 ألف توقيع على يوم 23 أغسطس كون إيجابى ووقع و شير اللينك لكل معارفك.

ده لينك الإلتماس بس لازم تسجل بيناتك فى الموقع علشان تقدر توقع https://petitions.whitehouse.gov/petition/declare-muslim-brotherhood-organization-terrorist-group-and-require-obamas-administration-stop/yfCH7SqQ

بالصور الأمريكان بيطالبون بإنتخابات مبكرة بسبب قهر أوباما #عظييييمة_يا_مصر

us-early-elections

لا دجل و لا شعوذة الصور دى واخدها سكرين شوت من موقع إلتماسات البيت الأبيض شخصيا و دى لينكه (لو اللينك مفتحش معاكو إعملوا تسجيل فى الموقع) https://petitions.whitehouse.gov/petitions

 

مش لا قية حاجة أأقولها غير عظيييييييييييييمة يا مصر :)

Follow

Get every new post delivered to your Inbox.

Join 39 other followers