إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب.

روابط لها صلة بالفيديو:

* فيديو التعليم بالإضحاك (1) – إستخدام الإسكتشات الكوميدية تعليميا و يشمل أيضا خبرتى السابقة فى هذا المجال و أبحاث و دراسات تؤكد فوائد التعليم بالفن: http://www.youtube.com/watch?v=uCS5bLD1jCI

* :فيديو التعليم بالإضحاك (2) – إستخدام الأغانى و الصور تعليميا
http://www.youtube.com/watch?v=cZDennly09g

فيديو دعوة للنجاح المتوازن فى 2012:
http://www.youtube.com/watch?v=dvIQFLjj_Mk

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب.

 فى إنتظار تعليقاتكم

الفيديو ده بيطرح سؤال مهم: إيه الفرق بين حب النفس و الأنانية و إزاى تحبى نفسك بجد؟ لو مش عارفة تشوفى الفيديو على الصفحة دى إضغطى هنا علشان تشوفيه على اليوتوب.

عارفين ليه بيطلبوا مننا فى الطيارات نلبس الكمامة قبل ما نلبسها لأطفالنا فى حالات الطوارئ؟ علشان لو ملبسنهاش الأول ممكن نتخنق و ساعتها مش حنقدر نساعدهم! ده مثل يدل على أنه لا يمكن أن نحب الآخرين إلا إذا أحببنا انفسنا أولا و الدليل قصة سيدنا عمر…

جوهر حب الذات:

إتباع امر الرسول عليه السلام “إحرص على ما ينفعك“
و نص الكامل للحديث: عن أبي هريرة رضي الله عنه قال: قال رسول الله صلى الله عليه وسلم : “المؤمن القوي خيروأحب إلى الله من المؤمن الضعيف وفي كلٍّ خير ,احرص على ما ينفعك واستعن بالله ولا تَعْجَز وإن أصابك شيء فلا تقل لو أني فعلت كذا، كان كذا وكذا، ولكن قل قدَّر الله وما شاء فعل فإن لَوْ تفتح عمل الشيطان” رواه مسلم.

3>  كيف أحب نفسى؟ 3> 
• التفكير الإيجابى فى كل أمور الحياة حتى المشاكل
• صاحبى نفسك
مقالتى الإنجليزية عن حب النفس:
Relationship Advise – Who Needs a Man When You Have a Jacuzzi?!
http://heba-hosny.wrytestuff.com/swa601766-Relationship-Advice-Who-Needs-A-Man-When-You-Have-Jacuzzi.htm

“إنا لله و إنا إليه راجعون” تو فى إلى رحمة الله الدكتور إبراهيم الفقى رائد التنمية البشرية. الفيديو يعرض أهم ما تعلمته من د.إبراهيم:

أولا كقدوة :قصة حياته تعكس أنه صنع نجاحه بيديه:

• لم يرب تربية مثالية: والده كسر يده و كان بطل مصر فى البينج بونج!
• لم يكن مرفه: حينما ذهب لكندا كان يدرس و فى فترة عمل فى الأمن و غسل الصحون الفنادق النى أصبح أبرز مديريها فيما بعد
• كان معتز بأصله المصرى و إسلامه: قصة مؤثرة تعكس ذلك بعد شهرته الواسعة…

الخلاصة: من يدعى أن الظروف تحول بينه و بين النجاح كاذب! و الدليل د.إبراهيم الفقى

ثانيا: أهم النصائح العملية :

• التفكير الإيجابى و التقيم اليومى الإيجابى
• مقولته المأثورة :”…عيش بالكفاح و الصبر و قدر قيمة الحياة“

ثالثا: مفارقة طريفة فى أول معرفتى بدكتور إبراهيم جعتنى أتوب عن آفة التعميم!!!

فى إنتظار تعليقاتكم…

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب.

 روابط لها صلة بالفيديو:

مقالتى الإنجليزية عن التعليم بالإضحاك

؟Daring To Dream The Impossible! Can Education Ever Be Fun

http://heba-hosny.wrytestuff.com/swa605435-Daring-To-Dream-The-Impossible-Can-Education-Ever-Be-Fun.htm

صفحة “من أنا” و بها تفاصيل عن خبرتى فى المجال الفنى

إستخدام مبادىء التعليم التفاعلى فى تفسير القرآن الكريم للأطفال

مبادرة “طفل يعلم طفل” 

فى إنتظار تعليقاتكم

صور من التحرير فى جمعة الحداد 3 فبراير و أهم ما جاء فى خطبة الشيخ مظهر بخصوص أحداث بورسيعد و نقل المصابين فى أحداث شارع محمد محمود للمستشفى الميدانى.

فى إنتظار تعليقاتكم

أهم سؤال عندى عايزة نصيحة منكم إزاى أحتفل باليوم ده بإحياء سنة عن الرسول عليه السلام؟ يا ريت تدونى أفكار

و الفيديو يتضمن تحليل سريع لما حدث منذ 4 فبراير 2011 (جمعة الرحيل) حتى الآن. و لتحميل سلسلة فيديوهات على خطى الحبيب للدكتور عمرو خالد أو أى فيديوهات طويلة يمكن إستخدام هذا الموقع: http://keepvid.com/

خاطرة”4 فبراير يوم ميلادى أفديكى بعمرى يا بلادى” (كتبتها فى 4 فبراير 2011 ) سبحان مغير الأحوال

أتمنى إن شاء الله الفيديو يعجبكم و مستنية تعليقاتكم

أهم ما تضمنه الفيديو: فضائل أذكار الصباح و المساء بصفة عامة:
• أن تكتب من “الذاكرين الله كثيرا و الذاكرات”
• أن تحيى سنة الرسول عليه السلام بذكر أدعيته المأثورة
• وقاية للإنسان من الحسد و السحر و غيرها من الشرور
• هى بتجمع بين الذكر و الدعاء
• هى تجمع كل الفضائل:
o فضل الإستغفار
o فضل التوكل على الله
o الباقيات الصالحات (خير الدعاء الحمد لله)
• طاقة إيجابية
فضائل آيات و أدعية محددة
كيف تواظب على الأذكار؟
أهمية التدير و الـتأمل
أنواع التأمل:
• تأمل فى الكون
• تأمل فى حياتنا و حياة الآخرين و أهمية الخروج من عالمنا الضيق و التعرف على معاناة الآخرين حتى نعطى مشاكلمنا حجمها الذى تستحقه.
• تأمل فيما نقرأ و نتعلم
• أهمية التفكير النقدى و عدم الإنسياق الأعمى وراء الاخرين
مقالات مرتبطة بالموضوع:
أهمية المواظبة على الأذكار و التقييم اليومى الإيجابى

أهمية التفكير النقدى: اللمبى 8 فولت نفسه مصر كلها تغير لأحمد العسيلى

فى إنتظار تعليقاتكم و أسألكم الدعاء

و حضر الإحتفالية (سأذكر ألأسماء بترتيب الظهور علشان محدش يزعل هههههههه)

الأستاذ عبد الرحمن يوسف – د.المعتز بالله عبد الفتاح – المخرج محمد دياب – د.مصطفى النجار – د.عمرو حمزواى – الأستاذ محمد الصاوى – الشيخ معز مسعود – قس لا أذكر إسمه – الفنان على حجار

و إذا كان متصفحك لا يدعم مشاهدة الفيديو على هذه الصفحة إضغط هنا لتشاهده على اليوتوب.

فى إنتظار تعليقاتكم

 قصيدة “لا مساس  بلعنة  لا مساس!”

راحت ناس و جت ناس

و لا مساس بلعنة لا مساس!

مبارك ياما قالها و عادها بحماس!

كان يقول لا مساس

و يدوس على رقاب الناس!

دلوقتى الإخوان بيقولوها

بنفس النبرة ….بنفس الإحساس

ليه؟!!  ليه و إزاى تعيدوها تانى؟

ما إنتوا شاربين من نفس الكاس

يا ما دقتوا المر و إتسجنتوا

يا إما إتكويتوا بنار “لا مساس!”

أديكم ملكتم زمام الأمر

و الأمريكان بتجرى عليكم ..و إيديكم بتنباس!

يا تر حتفضلوا فاكرين إن حكمكم لينا

تكليف مش تشريف  و لا حتقعوا فى فخ لا مساس؟

صدقونى أنا مش ضدكم… و لا ضد حكمكم

و لا ضد تصريحكم فى الأساس

بس إعذرونى إذا كنت من جوايا

مش طايقة من تانى أسمع ” لا مساس!”

طبعا يا جماعة المشكلة مش فى تعبير لا مساس لكن المشكلة إنه كان بيتقال و مكانش بيتنفذ فلو الإخوان حابين يستخدموه براحتهم بس ياريت ينفذوه. بس أنا لو منهم أحسن مستعملش تعبيرات كان ليها مردود سلبى عند الناس قبل الثورة و مش شرط طبعا يكون الإخوان قالوا كده بالحرف جايز الصحيفة  إللى نشرت الخبر هى إللى قالته. المهم عندى إن الإخوان  يكونوا قد كلامهم و ساعتها ممكن كلنا نحب “لا مساس”.

و هو ده فيديو اللمبى إللى أنا إستخدمت فيه نفس التعبير الرقيق من أكتر من سنة! لو مش قادر تشوفه على الصفحة دى إضغط هنا علشان تشوفه على اليوتوب

مستنية تعليقاتكم

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب

- أهم سؤال بيطرحه الفيديو: ليه الطفل لما بيقع بيضحك و يفضل يحاول لغاية ما يمشى و إحنا يا كبار لما بنغلط بنحس إنها نهاية العالم؟
- ما تيجوا نتعامل مع أخطائنا بإيجابية و نعتبرها و سيلة للتعلم و نشوف الفشل على إنه وسيلة للنجاح مصداقا لقوله تعالى:”ويدرؤن بالحسنة السيئة” و الحديث الشريف:”كل إبن آدم خطاء و خير الخطائين التوابون” . إيه رأيكم؟

يا ريت تشوفوا الفيديو  لآخره علشان هانيا عاملة لكم مفاجأة و تقولوا لى رأيكم فى التعليق

و يمكنكم مشاهدة فيديو دعوة للنجاح المتوازن فى 2012 على هذه الرابطة : http://www.youtube.com/watch?v=dvIQFLjj_Mk

كل سنة و إنتو طيبين و أنا سعيدة إن أول مقالة حكتبها فى 2012 حتكون بناتى على الآخر

الحمد لله ربنا وفقنى و إشتريت البلوزة التايجر ذات الفرفورتين إللى إنتم شايفين الأسهم الخضرة -> عندهم.

و طبعا إنتو عارفين إن التايجر موضة. هو يعتبر موضة على طول الحقيقة عمره مابيروح زى الكاروهات و الإسود فى أبيض. مبدأيا قبل ما أأقولكم عملت ربطة الطرحة إزاى حد فيكو فيكم عارف الفرفورتين دول إسمهم إيه؟

لو مش عارفة مش مهم و الله ما بتفرق معانا الأسماء لكن الحقيقة الفرفورتين دول هما السبب إنى إشتريت البلوزة أساسا لإى قررت أغير إستخدامهم الأصلى و أحطهم على الطرحة زى ما إنتو شايفين فى الصورة.

فحطيت واحدة منهم فوق الطرحة البيضة و خبيت الدبابيس إللى شبكتهم فيها بالطرحة إللى مدية على بيج و سبت الفرفورة التانية حرة طليقة فوق الطرحة. ما رأيكم دام فضلكم ؟

وإحنا كحزب المحجبات اللبيراليات ذوات المرجعية الإسلامية برضه مسايرين الموضة و لينا ثقافتنا مش أى أى يعنى ههههههههههه

و ليا طلب أخير يا جماعة فى دعاء بيقال للناس لما بتشترى هدوم جديدة: لبست جديدا و عشت سعيدا و تزوجت تقيا و أنجبتى و ليا و متت شهيدة.

شفتوا ديننا جميل إزاى حتى شرا الهدوم له دعاء رائع الحقيقة فياريت تدعوا لى بالجامد علشان الملايكة تقول و لكى مثله. إتفقنا؟ مستنية تعليقاتكم

نساء مصر خط أحمر و تدمير مصر خط أحمر!

 أهم النقاط المطروحة فى الفيديو:

• إظهار المقصود بعلامات الإستفهام بعد إعطائكم فرصة للتخمين
• مقاطع من مقالة الكاتب الكبير جلال عامر “الثلاثة يشتغلونها!” و التى كانت السبب فى تأليف هذا الكاريكاتير. يمكنك قراءة المقالة كاملة فى هذه الرابطة: http://www.almasryalyoum.com/node/559701
• خطبة جمعة الداعية مصطفى حسنى بتاريخ 9 ديسمبر و التى أعتبرها أكثر الرودود إيجابية على ما نمر به من محنة عصيبة و فتنة تجعل الحليم منا حيران. إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب.  
• مفيش داعى نلوم ولاد الشوارع إللى رقصوا لما حرقوا البلد لإن إهمال المجتمع ليهم حرق قلوبهم!
• دورى و دورك كأغلبية صامتة و حزب الكنبة! ياريت كل واحد يقوللى إيه الدورالإيجابى إللى حيقوم بيه لإثبات حبه لمصر بالفعل مش بالكلام. أنا إخترت إن دورى يكون…
• لينك صفحة “نحبها نبنيها” و فيها قائمة بالمبادرات التنموية : http://ba7ebmasrbegad.wordpress.com/%D9%86%D8%AD%D8%A8%D9%87%D8%A7-%D9%86%D8%A8%D9%86%D9%8A%D9%87%D8%A7/
• لينك فيديو “الضبابية الهبابية” 

الفيديو بشمل مقاطع بعض أغانى المسرحية و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

إذا كان متصفحك لا يدعم مشاهدة الفيديو على هذه الصفحة إضغط هنا لتشاهده على اليوتوب

تشرفت بالتعاون مع فرقة المسرح العربى و قمت بتأليف أربع أغانى لمسرحية “غابة أون لاين” و هى مسرحية غنائية إستعراضية للأطفال. و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

*** الأغنية المعروضة هنا هى النسخة الأصلية لكن تم حذف بعض أجزائها فى المسرحية بسبب الوقت. أجزائى المفضلة باللون الموف ***

أغنية “حكاية حيوانات الغابة“

لأميرة: ياللا تعالوا تعالوا تعالوا يا شطار

الحيوانات: هييييييييه

الأميرة: إسمعوا منى إسمعوا منى آخر الأخبار

الحيوانات: إييييييييه

إزاى جدو وحيد و فارة و أرنب ويا حمار

و غزالة  و أسد زعميهم  باشا واقف زنهار

ضحك عليهم حتة تعلب خلى الغابة دمار؟!!!!

 إسمح لى يا ملك الغاب خليت عقلى إحتار

إزاى سبت التعلب يغلب؟! آه ده صحيح مكار

لو كنت مصحصح له كان طبعا كش و غار

قللى يا “أس أس” (إسم دلع الأسد فى المسرحية) إنت أسد بجد و لا حمار؟! ههههههههههه

الحيوانات:  معلش يا حمار …متزعلش يا حمار…لامؤاخذة يا حمار…متقصدش يا حمار

الأميرة: ياللا تعالوا تعالوا تعالوا يا شطار

الحيوانات: هييييييييه

الأميرة: إسمعوا منى إسمعوا منى آخر الأخبار

الحيوانات: إييييييييه

إزاى جدو وحيد و فارة و أرنب ويا حمار

و غزالة  و أسد زعميهم  باشا واقف زنهار

ضحك عليهم حتة تعلب خلى الغابة دمار؟!!!

و إنتوا إزاى يا حيوانات الغابة يا شطار

سيبتوا التعلب يدخل بينكم و يكشف الأسرار

فضل يقول ويعيد و يزن ينخور ليل و نهار

كره كل واحد فى التانى الحب ما بينكوا إنهار

 ياللا تعالوا تعالوا تعالوا يا شطار

الحيوانات: هييييييييه

الأميرة: إسمعوا منى إسمعوا منى آخر الأخبار

الحيوانات: ييييييييه!!

إزاى جدو وحيد و فارة و أرنب ويا حمار

و غزالة  و أسد زعميهم  باشا واقف زنهار

ضحك عليهم حتة تعلب خلى الغابة دمار

ضحك عليهم حتة تعلب خلى الغابة دمار

ضحك عليهم حتة تعلب خلى الغابة دماااااار؟!!!

تشرفت بالتعاون مع فرقة المسرح العربى و قمت بتأليف أربع أغانى لمسرحية “غابة  أون لاين” و هى مسرحية غنائية إستعراضية للأطفال. و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة  لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

*** الأغنية المعروضة هنا هى النسخة الأصلية لكن تم حذف بعض أجزائها فى المسرحية بسبب الوقت. أجزائى المفضلة باللون الموف ***

دويتو “نقدر؟ طبعا نقدر!“

الأميرة: نقدر؟ طبعا نقدر نملا الدنيا عمار

حسين: نقدر؟ طبعا نقدر نخلى الصحرا خضار

الأميرة: نقدر؟ طبعا نقدر نملا الدنيا عمار

حسين: نقدر؟ طبعا نقدر نخلى الصحرا خضار

الأميرة و حسين :نقدر بس نقرر…إن إحنا حنتغير

و نعلى نكبر بعزيمة و إصرار

الأميرة: حياتك أغلى هدية و منة من الرحمن

ربك قالك عيشها بفرح و نور و إيمان

قد ما تزرع تحصد

قد ما تتعب تكسب

و تحقق أحلامك و توصل بر أمان

تقدر؟

حسين: طبعا حقدر أخلى ليلى نهار

الأميرة: تقدر؟

حسين: طبعا حقدر أكون للدنيا منار

حقدر لما اقرر ...إنى لازم أتحرر

من يأسى و من خوفى و لا يهزمنيش إعصار

الأميرة: نقدر؟ طبعا نقدر نملا الدنيا عمار

حسين: نقدر؟ طبعا نقدر نخلى الصحرا خضار

الأميرة: نقدر؟ طبعا نقدر نملا الدنيا عمار

حسين: نقدر؟ طبعا نقدر نخلى الصحرا خضار

الأميرة و حسين :نقدر بس نقرر…إن إحنا حنتغير

و نعلى نكبر بعزيمة و إصرار

حسين: شمس الأمل طالعة تدوب يأس سنين

و تدفى أيامنا بلهفة و شوق حنين

كل ما تضحكى ضحكة

كل ما ترسمى بسمة

تبقى حياتك بلسم يطيب كل حزين

تقدرى؟

الأميرة: طبعا حقدر ألون الأزهار

حسين: تقدرى؟

الأميرة:  طبعا حقدر أكمل المشوار

حقدر لما أقرر

إنى لازم أفجر

بقلمى و ريشتى و عملى ينابيع الأنوار

الأميرة و حسين: نقدر؟ طبعا نقدر نملا الدنيا عمار

نقدر؟ طبعا نقدر نخلى الصحرا خضار

نقدر؟ طبعا نقدر نملا الدنيا عمار

نقدر؟ طبعا نقدر نخلى الصحرا خضار

نقدر بس نقرر…إن إحنا حنتغير

نقدر بس نقرر…إن إحنا حنتغير

و نعلى نكبر بعزيمة و إصرار

و نعلى نكبر بعزيمة و إصرار

و نعلى نكبر بعزيمة و إصرار

نقدر!

تشرفت بالتعاون مع فرقة المسرح العربى و قمت بتأليف أربع أغانى لمسرحية “غابة  أون لاين” و هى مسرحية غنائية إستعراضية للأطفال. و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة  لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

*** الأغنية المعروضة هنا هى النسخة الأصلية لكن تم حذف بعض أجزائها فى المسرحية بسبب الوقت. أجزائى المفضلة باللون الموف ***

دويتو “الذكريات“

الأميرة: فاكر لما كنا لسه صغيرين

وقلوبنا لسه خضرة

و حلمنا برىء

حسين: فاكرة لما كنا لسه صغيرين

وقلوبنا لسه خضرة

و حلمنا برىء

الأميرة و حسين: الحلم كان برئ

لكنه كان جرىء

كان سننا صغير

و الحلم كان كبير

الأميرة: فاكر لما كنا بنجرى فى الغيطان

طايرين فوق الحواجز

و حلمنا فرحان

الحلم كان برئ

لكنه كان جرىء

كان سننا صغير

و الحلم كان كبير

حسين: أنا فاكر كل حاجة زى شمس النهار

يا ما غنينا لبكرة

فى حضن الأزهار

الحلم كان برئ

لكنه كان جرىء

كان سننا صغير

و الحلم كان كبير

الأميرة: فاكر لما كنا لسه صغيرين

حسين: لأ فاكرة لما كنا لسه صغيرين

الأميرة و حسين: وقلوبنا لسه خضرة

و حلمنا برىء

الحلم كان برئ

لكنه كان جرىء

كان سننا صغير

و الحلم كان كبير

كان سننا صغير

و الحلم كان كبير

كان سننا صغير

و الحلم كان كبير

كان سننا صغير

و الحلم كان كبير

Filed under: أغانى, أغانى من تأليفى, أغانى تم عرضها, إليكم آخر أخبار ى الفنية :), صور معبرة ]]> http://ba7ebmasrbegad.wordpress.com/2011/12/19/%d8%a3%d8%ba%d8%a7%d9%86%d9%89-%d9%85%d8%b3%d8%b1%d8%ad%d9%8a%d8%a9-%d8%ba%d8%a7%d8%a8%d8%a9-%d8%a3%d9%88%d9%86-%d9%84%d8%a7%d9%8a%d9%86-%d9%85%d9%86-%d8%aa%d8%a3%d9%84%d9%8a%d9%81%d9%89-2/feed/ 0 ba7ebmasrbegad بوستر مسرحية غابة أون لاين إضغط هنا لمشاهدة صفحتهم على الفيس دويتو الذكريات مسرحية غابة أون لاين http://ba7ebmasrbegad.wordpress.com/2011/12/19/%d8%a3%d8%ba%d8%a7%d9%86%d9%89-%d9%85%d8%b3%d8%b1%d8%ad%d9%8a%d8%a9-%d8%ba%d8%a7%d8%a8%d8%a9-%d8%a3%d9%88%d9%86-%d9%84%d8%a7%d9%8a%d9%86-%d9%85%d9%86-%d8%aa%d8%a3%d9%84%d9%8a%d9%81%d9%89-1/ http://ba7ebmasrbegad.wordpress.com/2011/12/19/%d8%a3%d8%ba%d8%a7%d9%86%d9%89-%d9%85%d8%b3%d8%b1%d8%ad%d9%8a%d8%a9-%d8%ba%d8%a7%d8%a8%d8%a9-%d8%a3%d9%88%d9%86-%d9%84%d8%a7%d9%8a%d9%86-%d9%85%d9%86-%d8%aa%d8%a3%d9%84%d9%8a%d9%81%d9%89-1/#comments Mon, 19 Dec 2011 10:21:10 +0000 Ba7ebMasr.com - هبة الله حسنى http://ba7ebmasrbegad.wordpress.com/?p=1863 ]]>

تشرفت بالتعاون مع فرقة المسرح العربى و قمت بتأليف أربع أغانى لمسرحية “غابة  أون لاين” و هى مسرحية غنائية إستعراضية للأطفال. و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة  لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

*** الأغنية المعروضة هنا هى النسخة الأصلية لكن تم حذف بعض أجزائها فى المسرحية بسبب الوقت ***

أغنية “الناس الطيبين“

فى ناس الخير ماليها

تشوفها تجرى عليها

تشفيك لمسة إيديها

دول ناسنا الطيبين

تديك و جيبها فاضى

تتعب و القلب راضى

تغسل أحزان و ماضى

دول ناسنا الطيبين

الله على نور عيونهم

و دفا الحب إللى بينهم

ملناش بركة غيرهم

دول ناسنا الطيبين

فى ناس الخير ماليها

تشوفها تجرى عليها

تشفيك لمسة إيديها

دول ناسنا الطيبين

عرفتوا يبقوا مين؟

دول ناسنا الطيبين

قولولى هما مين؟

عم محمد و أمين

و جرجس و إسماعين

من كل ملة و دين

دول ناسنا الطيبين

إسمحوا لى يا إخوانى أقدم لكم جيتارى الأحمرانى جوجو مين عايز يسمع عزفى؟ الفيديو فيه أغنيتن واحدة إتعلمتها من الأستاذ و التانية طلعتها سماعى على الجيتار.

و فى نفس الفيديو حقدم دراسة تحليلية لسيكولوجية الفنانين بصفتى واحدة منهم و حطرح سؤال حيوى: هو الفنان مجنووووون و لا محظوظ؟

إحكموا بنفسكوا

و إذا مكنتش عارف تشوفوا الفيديو من هنا إضغط هنا علشان تشوفه على اليوتوب 

مستنية تعليقاتكم

أهم ما تضمنه الفيديو:

• أهمية التوازن لتحقيق النجاح. مثال: ما فائدة أن تصبح مليونيرا على حساب صحتك و علاقتك الأسرية؟!
• الجوانب الأساسية فى الحياة: الجانب الروحانى و الصحى و العقلى و الأسرى و المالى و الإجتماعى و التطوعى و الترفيهى
• ماهى مهمتك فى الحياة؟ – “و ما خلقت الجن و الإنس إلا ليعبدون” – كيف ستحقق هذه الآية فى نفسك؟ اكيد ليس بتقليد الآخرين مصداقا لقوله تعالى:”إن سعيكم لشتى”. المطلوب أن تفهم نفسك جيدا و تحسن إستغلال المواهب و القدرات التى و هبها الله لك و هذه أفضل طريقة تشكره عليها.
• نموذج مهمتى فى الحياة: Mission statement
• ما هى قيمك الأساسية فى الحياة؟ أمثلة التسامح – إتقان العمل – التحسن المستمر
• أسئلة تساعدك على رسم خريطة حياتك:
o لو لم يكن أمامى إلا 6 أشهر أعيشها ماذا كنت سأفعل فى هذا الوقت؟
o ماذا أريد أن يقول الناس عنى بعد موتى؟ (الأهل – الأصدقاء – الأبناء….)
• أمتع طريقة لوضع الأهداف: إفترض أن لديك مصباح علاء الدين و أنك تستطيع تحقيق كل أحلامك. كن جامحا فى طموحاتك و إن شاء الله ستحققها كلها.
• ما هى ال Vision Board و ما أهميتها ؟ إضغط هنا لمشاهدة صورة توضيحية: http://www.jetsetlife.tv/blog/wp-content/uploads/2008/09/vision-board.jpg
• كيف تدمج الأهداف لتحقق أكبر قدر منها فى زمن قيصر
• الطريقة المثلى لوضع أهداف قصيرة المدى من وجهة نظر ستيفين كوفى مؤلف كتاب “العادات السبع للناس الأكثر فاعلية” هى وضع جدول إسبوعى مبسط بدل من جدول يومى معقد
• وسائل تعينك على تحقيق الأهداف:
o إستعين بصديق
o كون Success Group
• مقالات قيمة مرتبطة بموضوع الفيديو:
o كيف تدير وقتك بذكاء: http://ba7ebmasrbegad.wordpress.com/2011/05/12/%D8%AA%D9%86%D9%85%D9%8A%D8%A9-%D8%A8%D8%B4%D8%B1%D9%8A%D8%A9-1-%D9%83%D9%8A%D9%81-%D8%AA%D8%AF%D9%8A%D8%B1-%D9%88%D9%82%D8%AA%D9%83-%D8%A8%D8%B0%D9%83%D8%A7%D8%A1%D8%9F/
o متحاولش تبقى حد تانى غير نفسك: http://ba7ebmasrbegad.wordpress.com/2010/09/12/%D9%85%D8%AA%D8%AD%D8%A7%D9%88%D9%84%D8%B4-%D8%AA%D8%A8%D9%82%D9%89-%D8%AD%D8%AF-%D8%AA%D8%A7%D9%86%D9%89-%D8%BA%D9%8A%D8%B1-%D9%86%D9%81%D8%B3%D9%83-%E2%80%93-%D8%B1%D8%AD%D9%84%D8%AA%D9%89/
• و ختاما أسألكم الدعاء و فى إنتظار تعليقاتكم

يوم 28 نوفمبر 2011 من أروع أيام حياتى و سيظل محفور فى ذاكرتى لإنه تجسيد لأول ثمرة ملموسة من ثمار ثورة 25 يناير.

كنت أشعر بسعادة بالغة و أنا مش لاقية نهاية الطابور إللى حقف فيه من كتر إقبال الناس رغم إنى خرجت من بيتى الساعة 9 صباحا!!! و ربنا كرمنى و رجعت البيت قبل آذان العصر ب 5 دقايق علشان ألحق صلاة الظهر. يعنى إحنا بنتكلم على 5 ساعات تقريبا كانت عبارة عن طوابير فى طوابير

أول ما رحت فى 3 حاجات أسعدونى جدا:

1- الجيش كان مأمن المكان بشكل ممتاز

2- حجم الإقبال كان غير عادى رغم إنى نزلت بدرى جدا و رغم إن التصويت مستمر بكرة كمان و مع ذلك ناس كتير كانت متحمسة للمشاركة الفورية

3- أما أروع حاجة إطمنت لها إن الناس إللى فى الطوابير كانت مختلفة فى سنها و مستواها الإجتماعى و بتعكس الشعب المصرى بكل أطيافه و ده طمننى إننا إن شاء الله حيكون عندنا برلمان متوازن.

 نيجى بقى للسؤال المهم : أنا إنتخبت ميييييييييييين؟

الحقيقة أنا إنتخبت حزب الكنبة قصدى حزب  ”الفتوى لوج!” إللى الناس الحشرية محتاجة تقعد عليه علشان تتعالج و تبطل تحاول تعرف أنا إنتخبت مين هههههههههههههههه أمال هما تعابين نفسهم و عاماين ستاير ليه؟

آسفة يا جماعة مكانش قصدى إن أرخم و أديها ألش السنين و إشتغالات:) معلش إعذرونى أصلى “مضحضحة” من الوقفة بس التعب كان ممتع و كمان كان حواليا بنات لذاذ جدا صاحبت واحدة فيهم و إديتها رقمى قبل ما نفترق. (أحد مزايا الطوابير الطوييييييييييييييييييييييييل جدا منخارها إنك ممكن تكون صداقات حميمة مع ناس متعرفهمش)

أكيد إنتوا فهمتوا بالفكاكة كده إنى كش ناوية أأقولكم أنا إنتخبت مين بالظبط لكن ممكن آجى على نفسى و أغششكم المعايير إللى على أساسها إنتخبت النهارده:

* أنا كنت حريصة إن أنا نفسى أدعم التنوع داخل المجلس فإخترت مرشح مشتقل و مرشح فردى يتبع حزب و قائمة لحزب تانى خالص

* أنا كنت حريصة فى إختيارتى إنى أدى فرصة للشباب الواعد المتميز (كفاينا عجايز و تحف أثرية فى البرلمان!!!!!)

* تالت حاجة و دى فورت دمى إمبارح إنى إتعذبت فى البحث عن المرشحين الفرديين فى دايرتى على النت و ملقتش معظمهم! و بعد تفكير عميق و حيرة شديدة قررت إنى مأصوتش لأى حد مكلفش نفسه إنه يحط بياناته على النت! ما هو مش معقول نواب برلمان مصر بعد الثورة ميكونوش مواكبين العصر! ده الفيس بوك ساهم بشكل كبير فى إنجاح ثورتنا. يبقى الناس إللى مكلفوش نفسهم و حطوا بياناتهم ببلاش على النت عايشين فى كوكب تانى أكيد! مش كده و لا إيه ياجماعة؟!!!

و بالتالى أنا إنتخبت ناس إهتموا إنهم يحطوا بياناتهم على النت و سهلوا عليا إنى أتعرف عليهم.

بس كده يا إخوانى أنا سعيدة قوى و بكتب لكم المقالة دى و أنا بتغدى لإنى مش قادرة أصبر إنى أحكى لكم عن مغامرتى المثيرة و إحساسى الذى لا يوصف إن مصر الحمد لله بتخطو أول خطوة على طريق الإصلاح.

أما المفارقة المذهلة فهى إن رغم ورجليا “مفقفقة ” بمعنى الكلمة فبعد شوية صغيرين عندى حصة جيتار فى وسط البلد بس أنا مش حأجل الحصة لإنى أساسا بعد الدقايق علشان أروح

آه صحيح أنا لسه مزفتش لقراءى الأعزاء خبر الجيتار السعيد: إسكتوووا مش بعد ما قعدت أولول شهور طويلة أخيرا إتشمللت إشتريت كلاسيك جيتار الإسبوع إإلى فات و أخدت أول حصة؟ هييييييييييييييييييييييييييه إن شاء الله حكتب مقالة كاملة عن الموضوع ده لإنها آلة رائعة فعلا.

و ملحوظة أخيرة على الصورة الهلامية إللى إنتوا شايفينها إن إصرارى العجيب  إنى أصور نفسى بالموبايل رغم إنى عايشة مع بشر مش حيمانعوا إن هما يصورونى خلانى أعمل صورة مبتكرة عاجبانى أوى

يا ترى إنتخبتوا ولا لسه؟  و إيه إحساسكوا بالإنتخابات؟ و إنتخبتوا مين ؟ طبعا مليش عين أسأل السؤال ده خااالص بعد الإشتغالة إللى عملتها فيكو ههههههههه. مستنية تعليقاتكم

قصيدة ”حنتخب و مش حنسحب!”

حنتخب! حنتخب و أنا بنتحب

على كل أم فقدت إبنها

على كل نقطة دم بتنسكب

حنتخب! حنتخب و مش حنسحب

علشان ثورتنا صاحية

و تاريخ بلدنا النور بينكتب

حنتخب! حنتخب و مش حتغلب

علشان ترابك يا بلدى

حقول للقهر “لأ”… حصبر… ححتسب

حنتخب! حنتخب و مش حنسحب

علشان بكرة إللى جاى

و عشان مشتقبل و لادنا علينا حيتحسب

حنتخب! حنتخب و مش حنسحب

حنتخب! حنتخب و مش حنسحب

حنتخب! حنتخب و مش حنسحب

 كاريكاتير شعرى “الضبابية الهبابية!”

و قد خيمت سحابة من الضبابية الهبابية

على كافة الأجواء المصرية

جعلت عنين ظباطنا مدخششة (يا كبد أمها!)

فعمت عنين شباب ثورتنا الأبية

و هل علينا طنطاوى ببيانه

فأثنى على أداء الداخلية

فقد إستطاعوا برغم قتامة الضبابية

أنا ينشنوا على عين واحدة

 و تركو الثانية بكل سماحة وعفوية

ما أروعهم! حين قالوا تحلينا بضبط النفس

فقد “ظبطوا أنفسهم” متلبسين

بأشنع الجرائم الإنسانية!!

أما لجان تقصى الحقائق

فلها وظيفة حيوية

يا إما متلاقيش حقائق من أساسه

يإما تدى توصيات تلاقيها

 فى أأقرب صفيحة زبالة مرمية!!!

فماذا عسانا أن نفعل بالله عليكم؟

نقطع نفسنا؟ !!!!!

ما هى إيدينا مغلولة

و إنتم كمان أكيد مغلولين مننا

و شكررررررررا

فى إنتظار تعليقاتكم.

أهم ما تضمنه الفيديو:

أولا شعار “حتنخب و مش حنسحب”
• أهمية ألا تلهينا متابعة الأحداث الجارية و تداعيات جمعة المطلب الواحد عن الإستعداد للإنتخابات
• أؤيد كلام الأستاذ إبراهيم عيسى أن الإنتخابات لن تؤجل
• كلام للأستاذ وائل الإبراشى و قصة حدثت لى شخصيا مع سائق تاكسى تؤكد أنا حزب الحرية و العدالة سيكتسح الإنتخابات
• أنشأت صفحة “إنتخب صح” لمعرفة كيفية الإنتخاب أما من ستختاره فيجب أن تكون الكفاءة و الوطنية عى أهم معيار.
• طرائف هجوم الإعلام على الإسلاميين و أهمية أن نكون محايدين فى إختيار من يمثلنا فى البرلمان بعيدا عن تأثير “إعلام الألغام”

ثانيا رأيى فى تداعيات الأحداث:
• بعد ما إتهرينا كلام عن الإستقطاب, كلمة “ضبابية” بقت لبانة فى بق كل الناس بما فيهم د. عمرو موسى! فلو كنت مش فاهم تأكد إن محدش فاهم حاجة!
• لا ألوم الإخوان على ما ترتب مليونية 18 نوفمبر لإنهم عبروا عن رأيهم فى وثيقة السلمى بشكل سلمى و وجود فصائل أخرى مثل حركة 6 أبريل يجعل توجيه اللوم للإسلاميين وحدهم أشبه بنكتة بايخة
• إيه حكاية إن مواقف د.سليم العوا و غيره من الجيش بتتغير؟ لما الجيش يغير كلامه مش معقول الناس تفضل موافقاه على طول الخط و نففس الرد يقال على “شهر عسل الإخوان مع الجيش” لكن…
• الإخوان ليسوا ملايكة للأسباب التالية….
• رأيى الشخصى إن الجيش عايز الإنتخابات و الداخلية عايزة تشعللها و الحكومة قلتها أحسن!!!
• تنويه عن قصيدة “حتنخب مش حنسحب” و كاريكاتير “الضبابية الهبابية”

و فى إنتظار تعليقاتكم…

أمتع و أروع فرح حضرته فى حياتى

لكن علشان أنا طمعانة قووووى فى الثواب حطلب منكم و أنا مغمضة العينين من كتر التعب إنكم تدخلوا على موقع حمعية بيت العائلة التى تساهم فى تيسير الزواج لغير القادرين و حتى الآن قامت بمساعدة ما يقرب على 2000 شاب و فتاة على الزواج. و على فكرة هما أخدوا فتوى من الأزهر إن التبرع لهم يصلح للزكاة و أنا بإذن الله لما آجى اطلع زكاتى القادمة حتكون معاهم بس غير كده ممكن تتبرع  بأى مبلغ و لهم مندوبين بياخدوا الفلوس ممكن تتطوع معاهم كمان.

للإستعلام إتصل برقم 16139 أو  0190300050

و إنتظروا منى تكملة المقالة قريبا مع صور راااائعة … بس قبل ماأمشى ممكن أطلب طلب صغير؟

يا ريت إللى داخل على مشروع جواز يساهم فى الجمعية دى بنية إن ربنا يبارك فى جوازه و إللى لسه معندوش مشاريع ممكن يساهم برضه بنية إن ربنا يرزقه بنصه الحلو أما إللى إتجوزوا بالفعل فإللى فيهم مكفيهم ههههههههههههه  

تمام يا فندم هى دى الصور زى ما وعدتكم و عقبال الجميييييييييييع

موقع الجمعية: http://family-house.org/

زى ماإنتوا شايفين فى الصورة إللى جاية العرسان منطلقين لإن دى آخر ليلة حينطلقوا فيها هههههههههههههههههههههه  

إن شاء الله الفيديو ده حيكون درس خصوصى فى الشعر الغنائى من خلال تحليلى لأغنية تتر مسلسل خاتم سليمان وغيرها من الأغانى فى صفحة يسعدنى التعاون معكم. و كمان حقوللكم تأملاتى فى مضمون الغنوة و فى الآخر حخغنى جزء منها و من أغنية “طير فى السما” و “الميلونيرات” لإنهم بيعبروا عنى جدا

إذالم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب

كلمات أغنية “عاشق سارح في الملكوت”  تتر مسلسل خاتم سليمان:

عاشق سارح فى الملكوت

ميهموش العمر يفوت

يدفع في الحرية حياته

لو اتكتف للحظة يموت

قلبه بيبرق زي الماس

ولا يملك غير الإحساس غرقان في جروحه وآلامه

وبيداوي في جروح الناس

بايع قلبه للي يحبه

ومعندوش للحب شروط

عاشق سارح في الملكوت

ولو اتكتف للحظة يموت

عاشق سارح فى الملكوت

ميهموش العمر يفوت

يدفع في الحرية حياته

لو اتكتف للحظة يموت

طير في السما وملوش عنوان

وفي ايده خاتم سليمان كان عايز بالضحكة يغير

ويتوه كل الأحزان عاش الحلم كأنه حقيقة

وافتكر إن الدنيا بريئة من طيبته سلم لحبيبته

وحبيبته بتبيع في دقيقة

فوق واتحرر من أوهامك

العمر بيخلص قدامك الطير مش هيطير في جهنم

ومفيش سمكة بتعشق حوت

عاشق سارح فى الملكوت

ميهموش العمر يفوت

يدفع في الحرية حياته

لو اتكتف للحظة يموت

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب

إضغط هنا لمشاهدة كاريكاتير سلفى و شحات و اللمبى (1)

ملحوظة هامة:

يا ريت محدش يقوللى إشمعنى السلفيين إللى بتهاجميهم لإن السبب واضح: لو حد شيوعى أو علمانى قرر “يهبل و يعبط!” ممكن أفوت له لإنه مش بيمثل الدين لكن السلفيين بيصدروا فتاويهم على إنها حق مطلق و أنها تمثل الإسلام و ده شئ غير مقبول.

فيه مفكر إسلامى مش فاكرة إسمه دلوقت له آراء عجيبة زى جواز التدخين فى نهار رمضان و إن الحجاب مش فرض. رغم غرابة آرائه إللى أثارت عليه الكثيرين فهو عبر عنها على إنها رأيه و لم يلزم بها أحد و بالتالى أنا شايفة إنه من حقه يقول إللى هو عاوزه.

ما برضه داعية الحرية إيناس الدغيدى بررت إعتراضها على الحجاب بجملة لن أنساها ما حييت: “ليه نخبى الجمال؟!!!!“ ده رأيها و مألزمتش بيه حد و رغم غرابته مش من حقنا نمنعها من الكلام.

 لكن كلمة فتوى كلمة كبيرة و بتحمل معنى الإلزام و بتوحى أن قائلها على قدر كبير من العلم يسمح له بالفتوى.

أنا بطالب كل المصريين ميطلبوش أى فتوى و ميصدقوش أى فتوى إلا لو كانت من دار الإفتاء المصرى التابع للأزهر الشريف و فى جملة مأثورة أنا مش متأكدة هى حديث و لا لأ تقول فيما معناه “أجرأكم على الفتيا أجرأكم على النار”. فهل من مجيب؟

فولولوله فولولوله

فولولوله فولولوله الحقيقة

قولوله يبطل يفتى

ده حاجة خنيييييييقة!! و عجبى

أرجو الإستماع للفيديو كاملا لأنى قمت بتصحيح فى آخره. روابط تدل على موافقة جايزة نوبل فى الفيزياء لآية قرآنية

http://www.themuslimtimes.org/2011/10/religion/expanding-universe-nobel-prize-this-year-and-the-holy-quran

http://www.turntoislam.com/forum/showthread.php?t=80613

http://learn.real-islam.us/?attachment_id=150

إزيكو يا جماعة

أوعدكو إن دى حتكون أجمل و أمتع مقالة تقروها عن الثقة بالنفس مش بس لإنكم حتضحكوا لدرجة السخسخة لكن الأهم إنى حدى أمثلة عملية و مش حكلمكم كلام نظرى ممل! و بهدى المقالة دى بشكل خاص للقارئ زيزو لإنه ناوى يخوض “معركة” فيديوهات اليوتوب قريبا فحبيت أديلله فكرة عن الأعاجيب إللى حيشوفها! أرجوك يا زيزو متتصدمش

تعليقات بسيطة على الصورة:

أعتقد إن الصورة معناها العام واضح و هو إن ثقتى بنفسى هى إللى خلتنى مغرقش فى طوفان التعليقات السلبية و برضه “شمس التعليقات الإيجابية ” زودت الثقة و دعمتها.

و على فكرة كل التعليقات إللى إنتوا شايفينها إتقالت لى بالحرف تقريبا على اليوتوب و المدونة و طبعا أنا بعتبر كلمة مجنونة تعليق إيجابى بغض النظر عن نية قائلها لإن برضه فى ناس قالت لى إنى عبقرية و زى ما إنتوا عارفين إن بين العبقرية و الجنون شعرة ساعة تروح آآآه و ساعة تيجى ههههههههههههههههههههههه فبكرر للمرة الألف: أنا إسمى هبة و جنانى موهبة عقبالكم هههههههههههههههههه

إرشادات لقراءة بقية المقالة:

• التعليقات إللى حتشوفوها أنا حنقلها بالحرف من على اليوتوب من غير أى تغيير

• فى ملاحظة عامة إن كل النماذج إللى حتشوفوها بيحاولوا يحسسونى إن هما بينصحونى و مش ياخدوا بالهم إنهم بيناقضوا نفسهم على الآخر و بعد ما بقنعهم تماما إنى واثقة فى نفسى “بيجروا ناعم” فى الآخر لدرجة إن فى واحد كلمنى عن بنتى!

• الذيذ فيا إنهم لما بيصلحوا أسلوبهم أنا بتقمص شخصية المتحولين بعد الثورة و بكلمهم كويس لإن هو ده الصح  :)

• تعليقات الناس حتكون باللون الأسود و ردى عليهم حيكون أزرق و حكتب ملاحظات تحليليلة باللون الموف…إستعدوا للضحك الهستيرى:)

أولا تعليق “صوت المرأة عورة!” على فيديوهات الفنان ماهر زين و جميل هبة:

هى: بصراحة أحسن تشيلي الفيديو بأسرع وقت ممكن أسفين عالصراحة بس عشان ما تتعرضيش لتعليقات سخيفة

 أنا: ههههههه واضح إن شخصيتك قوية جدا بس واضح كمان إنك مشفتش التعليقات الرهيبة إللى جت لى على فيديوهات تانية و برد عليها إزاى و إللى إنت مش قاهمه إن أنا متقبلة إن بعض الناس مش حيعجبهم شغلى و بالتالى مش بتفاجئ لما بسمع تعليقات من إياها. بس أشكرك قوى إن قلبك عليا ساعات بحس إنى فاهمة الناس أكتر ما هما فاهمين نفسهم و الإحساس ده بيخوفونى ! ربنا يصلح حال الجميع

هى علقت التعليق إللى فات على فيديو الفنان ماهر زين و  باقى التعليقات كملتها فى فيديو “جميل هبة”:

هى: يا ستي أديني سمعت جاجة تانية منك و بصراحة زادت البلة طين و أخدتي من وقتي الثمين و بإختصار صوت المرأة عورة و عاملاها في رمضان كمان .. توبة من دي النوبة حرام تسميها قصيدة….سلالالالالالام

ملاحظة .قلبت الكلمين الطين بلة و البلة طين للضرورة الشعرية

أنا:  ههههههههههه حضرتك شخصية الحوار معاها ممتع جدا (أنا كنت فاكرة إنى بكلم شاب مش بنت علشان الإسم مكانش واضح ) و إسمح أوضح لك بعض النقاط:

أولا أنا قلت لك إنك مشفتش تعليقات على فيديوهاتى التانية لكن مطلبتش منك تتفرج عليهم واضح إنك فهمت كلامى غلط لإن أنا إنسانة إيجابية و مادامت بتدى تعليقات من إياها فعمرها ما حتيجى منى و حقولك روح شوف حاجة تانية ليا لكن طبعا ده من حقك

 ثانيا و ده الأهم ما دام حضرتك مقتنع إن صوت المرأة عورة إللى خلاك تشوف فيديو نسائى؟ و الحقيقة أنا عاملة صوت راجل صعيدى صوته أجش مش عاملة حاجة هشك بشك علشان حضرتك تعيش عليا دور الواعظ! و لك خالص تحياتى و دمتم ههههههههههههههه

مش قادرة أقولك حفتقد تعليقاتك البناءة قد إيه و أتمنى إن توبتك عن مشاهدة أعمالى تكون توبة نصوحة هههههههههههههههههههههههههههههه­ههه (طبعا الجملة الأخيرة أشد رد على تعليق سلبى كتبته فى حياتى إستعدوا بقى علشان حتشوفوا إزاى حتغير موقفها 180 درجة)

هى: أولا أنا أنثى و لست بذكر

ثانيا أنا ما دخلتش اليوتيوب مخصوص عشان أسمع لهبة اللي أنا لم أعلم أساسا بوجودهاو لكن أنا بستمع للمنشد الرائع ماهر زين و دخلت بفعل القدر عندك على كل حال القناعة الشخصية هي الأهم و إذا إنت مقتنعة بأعمالك أتمنى لك التوفيق (كده و صلت لها الرسالة بوضوح)

أنا: أشكرك على الإيضاح و على أمنياتك الطيبة و لك مثلها إن شاء الله

ثانيا تعليق “خلى عندك حياء” على فيديو المشير:

ده بقى شخص ناقض نفسه على  الآخر و هزقنى فى الأول و بعد كده بقى وديع جدا. شوفوا بنفسكوا…

هو: الله يخرب بيت التفاهة..هو يعني كان حد قالك ان البلد ناقصة تفاهة عشان جاية تكملي عليها ؟!ومين اللي ضحك عليكي وقالك ان صوتك النشاز دة كويس؟ومستغربة ليه من القرضاوي ؟؟ هو حد قالك انه اشترى الأغنية وقعد يسمع فيها؟ اأكيد سمعها فى اى حته فى تاكسي ولا كافتيريا ولا راديو شغال فى أي داهية تاخد التفاهة ..

انتى اللى هتعلقى على القرضاوى ؟؟؟؟؟؟؟؟ مفيش غير رد واحد بس للأسف مايتقالش لواحدة اعرفي الأول يعني ايه الخجل والكسوف اللي المفروض يكونوا عند اى بنت وبعدين علقي على واحد زي ده يارب انتى اللي تتيوبي

أنا: يا سيدى ربنا يعافيك مما إبتلانى به و أنا مش حعلق على رأيك فى صوتى لإن فى ناس بتعمل ديسلايك لأم كلثوم و فيروز أما بالنسبة لدكتور يوسف القرضاوى أنا مقلتش عليه غير كل خير فمش فاهمة إيه إلى مضايقك إنى جبت سيرته؟ إسلوبك فى النقد غير راقى و لو كان نفسك ربنا يتوب عليا زى ما بتقول فياريت تقتدى بالرسول عليه السلام فى تعامله مع العصاه! رغم إنى مش شايفة إنى بعمل حاحة غلط اساسا خصوصا بعد ما قريت كتاب د. يوسف بتعمق لكن أقصد إن فى إسلوب راقى تكلم بيه الناس إللى مش عاجباك سلوكهم و لا إيه؟

واضح إن تعليقى غاظه جدا بصوا على الإنفجار إللى جاى:

هو: هههههههههههههههههه بتعمق ؟؟؟؟!!!!! ههههههههههههههههههه ماشي يازينة البنات أنا هأقتدي برسول الله (اللهم صلى عليه وعلى آله وصحبه وسلم ) وخليكي انتي اقتدي بأم كلثوم وفيروز

الله الله الله … ياسلاااااااااام على الصوت الرائع الجميل الفظيع اللى ماسمعتش زيه .. ياريت تتحفينا كمان وكمان .. ياريت تنورينا كمان وكمان وتزيدينا من الفن الراقي … !!

ايه رأيك في الاسلوب الراقي دة ؟

مفيش غير ربنا معاكي

ربنا يعافينا ويعافيكي وكل المسلمين والمسلمات

(على فكرة هو خد 6 لايك على التعليق الأول و 4 على التعليق التانى لإنه إستخدم النبرة الدينية فى الحوار فحرك مشاعر الناس لكن مخدش باله إنه بيناقض نفسه بس أنا وضحت له النقطة دى بعد كده فى الآخر)

أنا: انا حترقع عن الرد على تريقتك و خصوصا إن واضح إنك مبتعرفش تتكلم بطريقة تانية! و أيوة أنا قريت الكتاب بتعمق و نفسى أعرف تريقتك عليا سببها إنك قريته اساسا و لا لأ؟..الكتاب إسمه الإسلام و الفن و موجود فى السوق حضرتك تقدر تقراه قبل ما تتهمنى من دماغك إنى مقريتوش كويس لإنى قريت جزء المعازف و الأغانى 3 مرات مش مرة واحدة . لو وقتك سمح ممكن تبقى تقراه و تناقشنى فيه مناقشة موضوعية و لو كنت ناوى ترد عليا بتريقة فأنا حضحك من الأعماق فياريت تشجينى ههههههههههههههههههههههه

إستعدوا للتحول الصارخ الذى لا يخلو من لغة الناصح الأمين!!!

هو: بصي يابنتي انتي عشان مانطولش فى الكلام,أحلى حاجه فى الموضوع دة ان ضميرك صاحي وعشان كدة انتى بتدورى فى الحلال والحرام وعشان كدة بردو كنتي فرحانة بالكتاب دة وطايرة بيه فى السما عشان لاقيتي فتوة تقولك ان الفن أو الغنا حلال,ماعلينا,اللى عايز أقوله ان الخراب اللى اسمه النت مليان منافقين..خلى بالك منهم(اللى بيكون تعليقهم: الله صوتك جميل ممكن نكون أصدقاء؟)

تاني حاجه ياريت تدورى في معنى “ولا متخذات أخدان”

بس.. وأنا آسف لو فى حاجه زعلتك,وشكرا, سلامي للأمورة بنتك وخلي بالك منها واديلها كل وقتك, سلام

يا سلام على الرقة و الوادعة! و طبعا أنا مجبتش سيرة بنتى فى الفيديو لكن واضح إنه دخل المدونة و عرف معلومات أكتر عنى و هو كان واضح إنه عايز ينهى الحوار على كده بس طبعا أنا مسكتش بس زى ما قلتلكم لما هو إتكلم كويس أنا كمان غيرت إسلوبى:

أنا: انا بشكرك على التحسن الواضح فى حوارك معايا و ده دليل على إنك إنسان محترم و نيتك طيبة و إسمح أعلق على بعض الأمور.حضرتك الأول إبتديت بإنك قلتلى إنت مين علشان تتكلمى على القرضاوى و ده معناه إنك بتحترم علمه فلما أكدت لك إنه مش ضد غنا المراة و قلت لك إسم الكتاب فجأة بقت مشكلتى إنى بدور على أى كتاب علشان يدينى الفتوى إللى أنا عايزها؟! مأظنش إن د.يوسف عالم يستهان بعمله علشان أكون أنا بدور على أى حد يحلل لى الحرام بعد إذنك حكمل التعليق فى خانة تانية علشان اليوتوب مش بيسمح بكلام كتير

الحاجة التانية إللى محيرانى إن مش قادرة أفهم موقف حضرتك إيه بالظبط من غناء المراة لو حضرتك شايف إنه حرام إللى خلاك سمعت الفيديو لآخره ؟ ليه حضرتك لم تترفع عن فعل الحرام؟ إسمح لى يعنى ما هو لو غنا المراة حرام يبقى الإستماع ليها حرام و أنا متأكدة إن حضرتك سمعت الغنوتين لأن كلامى عن د.القرضاوى كان فى آخر الفيديو فمتزعلش منى أنا شايفة إن كلامك فى كم كبير من التناقض و أحب أطمنك إنى عارفة يعنى إيه متخذات أخدان و مش النوع الساذج إللى بيضحك عليه من شباب النت! أشكرك على إهتمامك بتنبيهى

و عندها خرج و لم يعد لكن بعد أن تحول من وحش كاسر إلى حمل وديع

ملاحظات أخيرة:

يا ترى خدتوا بالكم فى الأمثلة السابقة فاتوا إن إللى هاجمونى هما إللى عندهم مشكلة مش أنا؟

* يبقى أول حاجة لازم تقولها لنفسك لما حد يهاجمك إن هو إللى عنده المشكلة و من خبرتى حقولك إن ده مش حيكون سهل فى الأول. رغم إقنتاعك العقلى إن هما إللى عندهم مشكلة حتلاقى نفسك بتستفز فى الأول برضه بس لو فضلت تقول لنفسك الحكاية دى حتوصل لمرحلة إن هما يصعبوا عليك فمش حتتضايق خالص.

* و طبعا أنا برد عليهم بقوة علشان هما إللى بدؤا بالهجوم لكن أول ما بيغيروا إسلوبهم بكون متفهمة و بغير إسلوبى أنا كمان

* اليوتوب ممكن يكون نموذج مصغر لمعترك الحياة وأى مكان حتروحه ممكن تصادف النوعية دى من الناس و ثقتك بنفسك هى جهاز مناعتك العاطفى إللى حيخليك تقدر تقاوم أعاصير الحياة بدل ما تكون ريشة فى مهب الريح

و أديكوا شوفتوا اول ما إللى بيهاجموك بيلاقوك قوى وواثق فى نفسك هما إللى بيتحولوا.

عايزة أعرف رأيكم بصراحة: يا ترى دى أشد مقالة قريتها عن الثقة بالنفس فى حياتك؟ و إيه اكتر حاجة أثرت فيك وإتعلمتها منها؟ مستنية تعليقاتكم .

و سبحان الله إن أول عمل فنى ليا حيشوفه جمهور مش نتاوى حيكون فى إسكندرية و سبب إنبهارى إن جدتى لأمى إسكندرانية صميمة و ربنا يديها الصحة قربت على 90 سنة و لسه بتغنى الأغانى القديمة بصوت رائع. جدتى كمان كانت بتعزف سماعى فأنا و بعض الأحفاد فى الأسرة ورثنا عنها الموهبة الموسيقية فأثار تأملاتى إن إسكندرية كانت نبع الموهبة الفنية فى عليتنا و إن شاء الله أول عمل ليا كشاعرة غنائية حيكون فى إسكندرية برضه

بس عارفين إتعرفت على الفرقة إزاى؟ بعد كرم ربنا اليوتوب يشكر جدا لإن احد أعضاء الفرقة شاف شغلى و كلمنى  و بدا التعاون بيننا و إمبارح كانت أول مرة أتعرف عليهم و ما شاء الله هما كلهم رائعين. بس فى نفس الوقت لاحظت فى عينيهم إندهاش رهيييييييييييب لما شافونى داخلة لابسة واسع و طرحة طويلة لإن غالبا مكنتش هى دى الصورة إللى فى خيالهم عن واحدة بتهرج و مقلدة اللمبى على اليوتوب ههههههههه

هما مقالوش حاجة طبعا بس انا لمحت الذهول فى عنيهم و أنا بفهم الناس جدا عموما هى دى أنا بتوليفتى العجيبة ههههههههههههههه

و كان معادى معاهم بالليل فقبل ما أشوفهم رحت زرت جدتى و كان عيد ميلادها لسه قريب و إديناها غنا أنا و هى  يمكن قعدنا ساعة بحالها نغنى ما إنتوا عارفيننى أنا ما بصدق و سبحان الله رغم إنها ساعات بتنسى اسامى الناس أو أشكالهم بحكم سنها عمرها ما نسيت كلمات الأغانى يا سلام عليها و هى بتغنى هان الود للفنان عبد الوهاب حاجة و لا أغنية الريع للفنان فريد الطرش حاجة روعة و الله العظيم و قالت لى جملة كلها حكمة إمبارح: قالت إن إللى بيغنى كتير بيكون سعيد و ده كلام حقيقى فعلا. إنتوا عارفين إن فى اليابان بيعالجوا الإكتئاب بالغنى؟! و سبحان الله أيام الرسول عليه السلام كانوا بيغنوا و هما بيحفروا الخندق علشان يتحمسوا فالغنا شئ جميل جدا…فيا ريت كلكوا تغنوا و ميهمكوش إنكم تسمعوا تعليقات رقيقة زى “جتك القرف ” إللى جت على اليوتوب هههههههههههه.

و بعد ماسيبت جدتى  رحت قعدت على البحر ساعتين و خدت الصور الجميلة إللى حتشوفوها فما عدا صورتى طبعا لإن مكانش فى مراية على الشط علشان اصور نفسى بالموبايل زى ما بعمل كل مرة

و على فكرة أنا ليا ذكريات لاتنسى فى إسكندرية:

* أول جايزة خدتها فى حياتى كانت فى الرسم و كان عندى 5 سنين و سلمها لى الفنان سيف وانلى شخصيا و كانت فى إسكندرية

* أول مرة أتحرر من اسر الكورال و أغنى سولو كان فى إسكندرية برضه

* أخدت بطولة نادى سبورتنج فى الغطس  و كان عندى 13 سنة

* كنت مشتركة فى المركز الثقافى فى سيدى جابر و إشتركت فى الزهرات و مرة طلعت الزهرة المثالية لأ الكدب خيبة كنت التالتة لإن كان فى إتنين أأقل شغب منى هههههههه

* و الحقيقة أنا قضيت المرحلة الإبتدائية كلها تقريبا و جزء من المرحلة الإعدادية فى إسكندرية علشان كده لها ذكريات جميلة محفورة جوايا و أنا سعيدة جدا إن أول إنطلاقة فنية حقيقية ليا حتكون هناك

و أترككم تستمتعوا بالصور و فى إنتظار تعليقاتكم و دعواتكم

أهم النقاط المطروحة فى الفيديو:
• أعترض على إستخدام شعار الإسلام هو الحل لأغراض سياسية بصفة عامة حتى لو إستخدمه حزب ليبرالى!!!
• أنا أتعامل بكثافة مع بنات من الإخوان و يعجبنى فيهم إندامجهم فى المجتمع و اساليبهم المتطورة فى الدعوة
• أسباب إعتراضى على الشعار بصفة عامة:
o نحن نمر بفترة عصيبة و توترات طائفية لا ينبغى معها إقحام الدين فى السياسة
o درء المفسدة مقدم على جلب المنفعة و هذا الشعار حق يراد به باطل
o إستخدام هذا الشعار يلهب عواطف البسطاء من الناس و يوحى أن الإخوان معهم الحق المطلق (فاكرين أيام ما كانت بيتقال للناس قولوا “نعم” للتعديلات الدستورية و إلا تكفروا ؟ هذا الشعار بيحمل نفس المعنى بشكل ضمنى)
o إعتراض بعض الإخوان البارزين على الفكرة منهم دكتور عبد المنعم أبو الفتوح الذى قال أن إستخدام هذا الشعار حرام شرعا كما إعترضت د.هبة رؤوف على إقحام المرجعية الدينية فى برامج الأحزاب
o بعض الاراء ترى تغيير الشعار “الإخوان هما الحل” أو “تفسير الإخوان للإسلام هو الحل”
• علاقاتى الشخصية بالإخوان و جانب من أنشطتهم الدعوية المميزة
• مقالات مختلفة دافعت فيها عن الإخوان
• أسباب واقعية لأزمة الحوار فى مصر و طريقة بسيطة لعلاجها و لو حتى فى برامج التوك شو
• تعقيبى على حوار الشيخ محمود المصرى مع الإعلامى عمرو الليثى فيما يتعلق بماذا لو حكم الإسلاميين…
• رسالة لكل مسلم يحب الإسلام

مستنية تعليقاتكم

إن لم يكن متصفحك مشاهدة الفيديو إضغط هنا لمشاهدته على اليوتوب

الأغانى بالترتيب تصاحبها الطبلة:
- عالطبلة و الطبالة
أغانى الأفراح:
- يا عشاق النبى
- يا نجف
- بطلوا ده و إسمعوا ده
- أفراح وورود (إسلامية)
أغانى عاطفية:
- أسمر ملك
- موشح شاغلى بالحسن بدر
أغانى رحلات:
- عيش ناشف
- بم بم لهوى
- أغنية زهرات
أغانى دينية:
- نسبى و نطرد (عن أحوال العالم الإسلامى)
- أنا إن سألت القوم عنى من أنا (تأليف دكتور يوسف القرضاوى)

يا رب تعجبكم و فى إنتظار تعليقاتكم

أهم القضايا التى يناقشها الفيديو:

أولا دورنا أفراد:

• اللجؤ لله تعالى بالدعاء و التضرع (أحترم جدا لجؤ الأقباط لله تعالى فى هذه المحنة)

• مين مصدق النكتة البايخة إن مواطن سرق مدرعة من الجيش يوم أحداث ماسبيرو؟ دى عينة من الفيديوهات إللى الناس عمالة تعمل لها شير بدون تحقق! يا ريت لا نساهم فى إشعال الفتنة و لا ننقل أى معلومة بدون تحقق(شير فى الخير)

ثانيا سؤال عااااجل للمسؤولين: إيه فايدة لجنة تقصى الحقائق فى أحداث ماسبيرو ما دامتم لم تسمتعوا لتوصيات اللجنة التى كانت أحد أعضائها الأستاذة نهى الزينى و قدمت توصيات كانت يمكن أن تمنع الكارثة ؟!!!

نداْء للمسؤولين:

• إنتو بتعلموا الناس إن “البلطجة هى الحل!” علشان مش بتاخدوا إجراءات إلا لما تحصل كوارث

• أتمنى سرعة التعامل مع الملفات الحساسة فى المرحلة القادمة

و ختاما أنا سعيدة بوجود لجنة و طنية (غير تابعة للحكومة) لتقصى الحقائق و هو  ما أكده دكتور عمرو حمزاوى.

إذا لم يدعم متصفحك مشاهدة الفيديو على هذه الصفحة إضغط هنا لمشاهدته على اليوتوب

الفيديو لحلقة الأمس (9 أكتوبر)  من برنامج “أ ب سياسة ” الذى يقدمه د.معتز و يذاع على قناة التحرير.

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب   

الحقيقة أنا مشغولة جدا لكن إحساسى بالمسؤولية ناحية قراء المدونة دفعنى أن أضع هذا الفيديو القيم بين ايديكم. أتمنى أن تشاهدوه و إن شاء الله سأقوم بتلخيصه و التعليق عليه فى أقرب فرصة . فى إنتظار أرائكم و تعليقاتكم.

* إضغط هنا لتشاهد قائمة بأسماء الفائزين *

الحمد لله ربنا وفقنى و حصلت على جايزة برنامج عصير الكتب عن مؤلفات الكاتب الكبير جلال عامر فى مقر جريدة “المصرى اليوم” يوم 4 اكتوبر. و تشرفت أنا وباقى المتسابقين بمقابلة الأستاذ مجدى الجلاد الذى تفضل مشكورا بتسليمنا الجوائز و كانت قيمة جدا بالنسبة لمسابقة ثقافية. الفيديو ده بحكى فيه أثر الدعاء لله بيقين على سرعة الإستجابة من خلال قصة فوزى بالجائزة. أتمنى يعجبكم و فى إنتظار تعليقاتكم و دعواتكم

و إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب.

إن لم يكن متصفحك يدعم مشاهدة الفيديو على هذه الصفحة إضغط هنا لتشاهده على اليوتيوب.

الحقيقة فكرة الفيديو جه جت لى بعد لغة العيون إللى مبارك عملها أثناء شهادة المشير طنطاوى فى المحكمة! طلبت معاه يبحلق للمشير دقيقة كاملة فبالنيابة عن المشير بهدى مبارك أغنية “يا أبو عيون جريئة” و “دارى العيون!” بعد تعديل الكلمات إن شاء الله تعجبكوا هههههههههههه

إذا كان متصفحك لا يدعم مشاهدة الفيديو على هذه الصفحة إضغط هنا لتشاهده على اليوتوب

أبو عيون جريئة

قولوله قولوله قولوله الحقيقة

قولوله محدش طايقه و فلوله خنيقة

قولوله ححبه! لو حاكموه و عليته

قولوله ححبه! لو حاكموه و عليته

محاكمة نزييييهة

أبو عيون جريئة… أبو عيون جريئة

~*~*~*~*~*~*~*~*~*~*~*~*~*~*~*~*~*~*~*~*~

دارى العيون

دارى العيون داريها ده الشر ساكن فيها

دارى العيون  دارى العيون دارى العيون

الظلم بان فى العيون صحى عقول الناس

و قال فى وصف جموح السلطة و الإفساد:

أنا لازق فى الكرسى! و إبنى جاى يا مرسى

زعيم يقتل شبااااااب و يقولك إهوانى

و لما داق الهوان بيقولك إنسانى

و عيونه تبص لها متطقش جرئتها

دارى العيون داريها ده الشر ساكن فيها

دارى العيون داريها ده المكر ساكن فيها

دارى العيون  دارى العيون دارى العيون

 ما رأيكم دام فضلكم؟ مستنية تعليقاتكم

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب

إزيكم يا قرائى الأعزاء

لأاول مرة عملت فيديو فضفضة  من القلب فى  مواضيع دينية و سياسية وفنية و شخصية. إن شاء الله تعجبكم و تستفيدوا منها و مستنية تعليقاتكم

الأغانى: ليلة إمبارح مجانيش نوم, عند شك فى إيه, ريح قبلى معاك, حلوين من يومنا و الله, و البانجو علينا غالى (من تأليفى)!

مستنية تعليقاتكم

إزيكم يا قرائى الأعزاء

الكاريكاتير إللى إنتوا شايفنيه فى الصورة من تأليفى و إستوحيته من النكتة إللى حقولهالكو دلوقت. و الحقيقة أنا بعتذر إن النكتة فيها شئ من الإبتذال لكن قيمة عرضها عليكم أهم جزئية الإبتذال من وجهة نظرى.

نكتة يا مصرى يا كبيييير!

كان فى مصرى و إسرائيلى و بنت شابة و إمرأة عجوزة قاعدين قدام بعض فى القطر و بعدين القطر عدى تحت نفق مظلم فمكانش حد شايف التانى و فجأة سمعوا صوت قبلة و حد بيتضرب بالقلم على وشه فلما القطر عدى النفق لقوا الإسرائيلى بيهرش فى خده.

الست العجوزة قالت فى سرها: أما إسرائيلى سافل بجد حاول يقبل البت فلطشته بالقلم

الإسرائيلى قال لنفسه: أما راجل مصرى محظوظ هو يقبل البت و أنا أتضرب بالقلم

المصرى قال لنفسه: يا سلام عليا بست إيدى و بعدين ضربت الإسرائيلى بالقلم على وشه يا مصرى يا كبيييير!

النكتة دى جت لبنتى على الموبايل و أول ما حكيتهالى كان رد فعلى إن ضحكت جامد لكن بعد كده إتضايقت لما تأملت فيها بعمق:

للأسف إحنا قيمنا الجميلة عمالين نفقدها و الغدر ده سمة خسيسة و منحطة من سمات اليهود على مدار تارخهم المخزى و عمرها ما كانت فينا! إزاى نقلدهم فى صفاتهم الذميمة و كمان نفخر بكده؟ أنا لسه كنت بتفرج على محلل سياسى كان بيحكى إن النظام الرأسمالى ساعات بيكرس قيم إستهلاكية على قيم أخلاقية فمثلا هو قال إن الفيفا أهم قيمة عندها قيمة الإثارة علشان كده ممكن مباريات تكون نتيجتها مش عادلة لإن قيمة الإثارة بقت أهم من قيمة الفوز العادل!

و من ناحية تانية ربنا سبحانه و تعالى ذم اليهود لما قالوا: “نحن أبناء الله و أحبائه” و رد على حججهم الباطلة بقوله تعالى :”قل فلم يعذبكم بذنوبكم بل أنتم بشر ممن خلق“

اليهود بيعتبروا نفسهم طبقة راقية و ما عاداهم يعامل معاملة الحيوانات و علشان كده إستحلوا دماء و أعراض غير اليهود و بيسمونا الأممين! فى بروتوكلاتهم . للأسف الشديد بعض المسلمين المتشددين إبتدوا يحسوا إنهم معاهم الحق المطلق فبقوا هما كمان بيسفهوا أى حد غيرهم و هما فى فعلهم الشائن ده بيقتدوا باليهود! دى كانت ملحوظة هامة سمعتها من الدكتور أحمد عمارة و هى فى محلها للأسف. مع إن ربنا سبحانه و تعال نهانا عن هذا الفعل نهى صريح فى القرآن بقوله:”فلا تزكوا أنفسكم هو أعلم بمن اتقى“

و لما حضرت درس لدكتورة سوزان الشافعى شرحت فقه الإسلام فى الحرب و إن الرسول نهى بشكل صريح عن الغدر. يبقى إحنا فين من سنته؟!!! 

ويا ريت محدش يقول لى  دى مجرد نكتة! لإن النكت لها أهمية كبيرة و بتعكس قيم الشعوب. أنا ححكى لكم حاحة أول مرة أأقولها على المدونة: أنا طبعا بشوف إحصائيات الصفحات إللى إتشافت على المدونة و تفاصيل تانية كمان. ففى مرة حد ترجم صفحات من مدونتى ب الEnglish عارفين ترجم أنهى صفحات؟ صفحة النكت و مصنف المبادرات التنموية فقط!

ده بيعكس إيه؟ ده دليل إن نكت أى شعب بتقول حاجات كتير قوى عنه و أنا علشان كده انا بدق ناقوس الخطر لإنى شايفة إن نكتة المصرى إللى بيفخر! بغدره بإسرائيلى تعكس إنحراف مخيف عن قيمنا الأصيلة. إنتوا شايفين إيه؟ مستنية تعليقاتكم

هو كان أول شاعر أشتريله ديوان شعر فى حياتى و كان عنوانه “و يبقى الحب” و بعد كده إشتريت أعماله الكاملة و بقيت أنهل منها الشئ الكثير. و إبتديت أنا كمان أكتب خواطر شعرية و كان عندى الأجندة إياها بتاعة كل المراهقين و أنا فاكرة كويس إنى كنت بقعد ورا خالص فى الفصل أتبادل الأشعار مع زميلتى آمنة ربنا يمسيها بالخير

و فى مرة و أنا بقرا مقالة لشاعرنا الكبير حكى فيها إن والده كان بيقومه يصلى الفجر و بعد الظهر كان بيسمع أم كلثوم فساهمت هذه الطفولة فى صقل شخصية شعارنا الكبير بنسيج روحانى و ثقافى متامسك.

سبحان الله! أنا عشت نفس الطفولة تقريبا لإنى أذكر إن والدى رحمة الله عليه كان برضه بيصحينا نصلى الفجر و كان بيشغل سورة البقرة بصوت الشيخ محمد صديق المنشاوى كتير لدرجة إنى حفظت أجزاء كتير منها و فى نفس الوقت كان كييف سماع الفنان الراحل فريد الأطرش. فأنا كمان إتغرس فى صميم تكوينى غرس روحانى و فنى عميق. و تغلغلت موسيقى الفنان فريد الأطرش فى اعمافى لدرجة إنى أول غنوة عزفتها سماعى فى حياتى كانت أغنية الربيع. و  كل ما بأسمع تلاوة الشيخ المنشاوى على طول بفتكر طفولتى و بحس براحة شديدة لما بسمعه للسبب ده.

فلما قريت مقالة شعارنا الكبير إبتسمت من الشبه إللى بي طفولتى و طفولته  :) و الحقيقة لو تأملتوا فى كتابتى حتلاقيها بتعكس 3 جوانب فى شخصيتى يا إما الجانب الروحانى ياما الجانب الحالم الشاعرى يا إما الجانب المرح و ده بينتقل عبر الأجيال فى العيلة و  له سبب فنى برضه

جدتى ربنا يديها الصحة كانت هى كمان تعشق الفنان فريد ألطرش و تغنى كل أغانيه بصوت رائع فكان جدى يغير جدا و يقول لها يا ريته كان أخرس ههههههههههههههههههههههههههه شفتوا أنا طلعت بنت نكتة لمين؟

أما أطرف ذكرياتى الفنية إنى رغم عشق والدى الله يرحمه للفنان فريد الأطرش و تفضيل والدتى للإستماع للفنانة فايزة أحمد و الفنانة نجاة  فأنا طلعت بحب عبد الحليم من نفسى و مع إنى مش فاكرة إن أهلى إشتروا له أى شرايط إلا إنى كنت حافظه له أغانى كتير.

لدرجة إنى مرة كنت فى مركز شباب و كنت تقريبا فى الإعدادية و غنيت أغنية “يا خلى القلب” من أولها لآخرها و عجبت الناس جدا و لغاية دلوقت أنا مش عارفة حفظتها إزاى ده أنا حتى عمرى ما شفت الفيلم!!

علشان كده أغنية “يا خلى القلب” لها ذكريات خاصة بالنسبة لى لإنها أول أغنية مش وطنية أغنيها قدام ناس و لما عملت فيديو كوكتيل الأغانى الكلاسيك خليتها لآخر الفيديو فكنت آخر إندماج و أنا بغنيها

بس يا إخوانى أنا سعيدة إن فى أوجه شبه بينى و بين الشاعر الكبير فاروق جويدة و أن  شاء الله تكون فى حاجات أكتر متشابهة بينى و بينه و زى ما هو شاعر كبير أنا كمان عندى طموح إنى أصبح شاعرة غنائية كبيرة فى المستقبل القريب بإذن الله. دعواتكم

إزيكم يا إخوانى

كنت قبل كده كتبت مقالة عن تأملاتى فى فى قصيدة “مدرسة الحب” و “زيدينى عشقا” للشاعر العبقرى نزار قبانى. و النهارده إن شاء الله سأكمل تاملاتى فى أعماله الرائعة مع قصيدة “إنى خيرتك”. و جميع هذه القصائد غناها الفنان الرائع كاظم الساهر.

 و إن لم يدعم متصفجك مشاهدة فيديو الأغنية إضغط هنا لتشاهده على اليوتوب

الحقيقة أنا عادة بكتب الأشعار باللون الأسود و مقاطعى المفضلة باللون الأزرق لكن القصيدة دى بالذات كلها مفضلة عندى علشان كده حعملها كلها بالأزرق و المقاطع الراااا ئعة  حتكون بالموف

إني خيرتك

إني خيرتك فاختاري
مابين الموت على صدري
أو فوق دفاتر أشعاري

اختاري الحب .. أو اللاحب
فجبن أن لا تختاري
لا توجد منطقه وسطى
مابين الجنة والنار (طبعا الكلام ده مجازى لإنه توجد الأعراف بين النار و الجنة الفعلية فى الآخرة  ربنا يجعلنا من أهلها. لكن الشاعر هنا يقصد إنه مش بيحب اللون الرمادى فى المشاعر و رغم إنى  بحب الإعتدال فى كل شئ فأنا موافقاه تماما فى الجزئية دى بالذات)

ارمي أوراقك كاملة

وسأرضى عن أي قرار

قومى
انفعلي
انفجري
لا تقفي مثل المسمار!
لا يمكن أن أبقى أبدا
كالقشه تحت الأمطار

إني خيرتك فاختاري
مابين الموت على صدري
أو فوق دفاتر أشعاري

مرهقة أنتي .. وخائفة
وطوييييل جداً .. مشواري..مشوارى

غوصي في البحر .. أو ابتعدي
لا بحر من غير دوار
الحب .. مواجهه كبرى
إبحار ضد التيار

صيب و عذاب و هموم و رحيل بين  الأقمار

يقتلني جبنك .. يا امرأة
تتسلى من خلف ستار

إني لا أؤمن في حب
لا يحمل نزق الثوار
لا يضرب مثل الإعصار

لا يكسر كل الأسوار

أه لو حبك يبلعني
يبلعني .. مثل الإعصار

إني خيرتك فاختاري
مابين الموت على صدري
أو فوق دفاتر أشعاري

************************************

تأملاتى فى معانى القصيدة نفسها:

أولا أول مفارقة طريفة لاحظتها بعد ما ركبت الصورة الموجودة فوق إن القصيدة عنوانها إنى خيرتك و انا إخترت صور فيها  ست بتخنق راجل و راجل بيخنق ست بشنبه! (الرجولة عمرها ماكانت شنب لكن  على رأى الفنانة دنيا سمير غانم فى فيلم طير إنت: الرجولة قلب و مواقف. حد يحرق شنب النجعاوى هههههههههه)  بمعنى إن الصور “خنيقة ”  و عكس عنوان القصيدة تماما و طبعا ده وضع مؤسف فى مجتمعنا حتكلم عنه بالتفصيل فى الجزء التانى من المقالة لكن دلوقت خلينا فى الجزء الممتع و هو تأملى فى معانى القصيدة نفسها:

إني خيرتك فاختاري
مابين الموت على صدري
أو فوق دفاتر أشعاري

المقصود إنها لو إختارت تحبه بكل كيانها حتكون شريكة حياته للأبد (و ده المقصود بالموت على صدرى) أما لو كانت عايزة تعيش قصة حب باردة من غير مشاعر حقيقية فساعتها حيفارقها و حتكون مجرد جزء من ذكرياته إللى بيكتب عنها فى أشعاره.

بعد كده القصيدة كلها بتشرح إزاى يكون الحب الحقيقى المبنى على مشاعر قوية جارفة.

و هو بيعتبر إن مفيش “نص نص” فى المشاعر يا إما تكون حاجة رائعة يا إما ملهاش لازمة و أنا شرحت الحتة دى بالذات فوق باللون الأخضر.

بعد كده أنا شايفة إن بقية معانى القصيدة واضحة مش محتاجة شرح و أنا كنت إديت أمثلة من الحياة  فى مقالة ما أروع أن تكونى المرأة الوحيدة فى الوجود فى عين حبيبك على ناس طبقوا بالفعل جزئية “الحب  مواجهه كبرى إبحار ضد التيار” و “إني لا أؤمن في حب لا يحمل نزق الثوار لا يضرب مثل الإعصار لا يكسر كل الأسوار” و على فكرة الجزء ده هو جزئى المفضل فى القصيدة كلها.

الحقيقة إن الشاعر العبقرى نزار قبانى إستوعب حقيقة إن العلاقة بين زوجين هى أكتر علاقة إنسانية لازم يكون فيها تحرر لإنك بتكون على قدر كبير من الشفافية و التلقائية و الخصوصية .  و بالتالى الإنسان لما يبدأ يعيش قصة حب مع شريك الحياة لازم تكون مبنية على التفاهم و القبول المتبادل و الحب الغير مشروط. و للسبب ده الدين حرم زواج البنت دون رضاها و إعتبر إن عدم طاعة الأهل فيما يتعلق بشريك الحياة لا يعتبر عقوق. وربنا عظم قدر هذه العلاقة الإنسانية السامية فى كتابه العزيز بقوله تعالى “و من آياته أن جعل لكم من انفسكم أزواجا لتسكنوا إليها و جعل بينكم مودة و رحمة إن فى ذلك لآيات لقوم يتفكرون” و قوله تعالى”وأخذنا منكم ميثاقا غليظا“

نيجى بقى للسؤال المؤلم: هل تقاليد مجتمعنا المتخلفة بتساعدنا على حسن إختيار شريك الحياة؟

الإجابة لأ للأسف! لإن فى ضغوط إجتماعية كتيرة على الرجال و النساء على حد سواء بتخليهم يقبلوا أى حد و السلام فى بعض الأحيان و أنا كنت شرحت بالتفصيل الضغوط الإجتماعية إللى البنات بتعانى منها و بتخلى بعضهم يستعجلوا فى الجواز فى مقالة نداء لكل بنت مسروعة! مقبلة على الجواز: إحذرى إقبلى هذه النوعية من العرسان!!!

أما الرجالة فبيكون عليهم ضغوط من الأهل لإنهم ممكن يتحكموا فى إختيارته و يقولوله إتجوز دى و متتجوزش دى و طبعا لإن الأهل بيساعدوا  أولادهم ماديا فى مصاريف الزواج التعجيزية إللى معظهما ملهاش آى لازمة من وجهة نظرى!! فساعتها الأهل ممكت “يلووا دراع” إبنهم علشان حيساعدوه ماديا فيلاقى نفسه مضطر يرضخ لتحكماتهم و يعيش تعيس طول عمره! (طبعا الأهل بتكون نيتهم كويسة لإنهم بيعملوا كده عن حب و عن قناعة إنهم عارفين مصلحة إبنهم أكتر منه لكن بينسوا إن دى فى النهاية حياته و من حقه إنه يقرر إزاى يعشيها زى ما هو عاوز)

و أنا كنت حكيت فى مقالة سابقة قصة البنت إللى كانت بتشتغل عندنا و إزاى إن إبن الجيران إللى بيحبها طول عمره فسخ خطوبته علشان يتقدم لها بعد ما هى إتطلقت!! أنا بضرب أخماس فى أسداس لإن هما من طبقة إجتماعية بسيطة و عادة بيكون فى نظرة متدنية للمرأة فى الأوساط دى. لكن هو كان صادق مع نفسه و مع مشاعره  و حارب الدنيا علشان يتجوز إللى قلبه إختارها لإن عنيه مكانتش شايفة غيرها فى الدنيا

و على العكس أعرف قصة واحد أعجب بواحدة جدا و مكانش يعرف إنها كانت متجوزة قبل كده فلما عرف إستكبر! إنه يرتبط بيها  رغم إن مشاعره ناحيتها كانت قوية جدا فراح إتجوز واحدة تانية و بعد كده طلقها علشان الروس تتساوى!!  و يقدر يتقدم لحبيبته الأولى!!!! بس لما حب يرجع لها كانت هى إرتبطت بغيره و كان فات الأوان للأسف!

مجتمع إيه ده إللى يحرم الحلال و الناس فيه تدوس على مشاعرها علشان عرف متخلف هما إللى إخترعوه علشان يكبلوا بيه نفسهم؟!!

أنا الحقيقة عشت فى الخارج و الناس أسعد حالا مننا بكتير لإن محدش فيهم بيخاف من كلام الناس لسبب بسيط: محدش فيهم بيتكلم على التانى و لا بيتدخل فى شؤونه فهما أساسا متحررين من أسر إن الإعتبارات الإجتماعية تأثر فى حياتهم الشخصية. يا بختهم!

أنا بدعو أى قارىء عجبته القصيدة و نفسه يعيش قصة حب حقيقية إنه ميستسلمش لهذه التقاليد المتخلفة ويثور عليها (زى ما جار البنت إللى بتشتغل عندنا عمل) و يكون صادق مع نفسه و مع مشاعره لإننا بنعيش مرة واحدة.

و بالنسبة للبنات حابة أنبه إن الجواز مش لعبة و الزوجة عليها مسؤوليات مخيفة قدام ربنا. يكفى إنك تعرفى إنك لازم تسمعى كلام جوزك فى أى حاجة يطلبها منك مادمت مش حرام. يبقى لازم تحسنى إختيار إنسان مش حيحملك ما لا تطيقى و أو يتحكم فيكى بشكل خانق. و على فكرة أولويات المرأة بتكون أداء الفرائض لله أولا ثم حقوق الزوج ثم الأبناء. يعنى الزوج بيجى قبل الأبناء و بالتالى الستات للى بيقعدوا فى البيت زى الشمبانزى! و حجتهم العيال حيتحاسبوا حساب مش هين خصوصا لو إهمالهم فى نفسهم تسبب إن الزوج يعمل حاجة غلط! (المنولوجيست عصام بركات كان بيتريق على الستات إللى بيلبسوا إيشربات فى البيت و كان بيقول إنها تصحى الصبح عاملة عقدة الإيشارب على اليمين و لما تحب تعمل نيو لوك توديها على الشمال هههههههههههههه أما الدكتور إبراهيم الفقى فكان بيقول إن فى ستات بيبقوا عاملين زى مرضعة فرانكشتين ههههههههههههههه)

يبقى على إيه تقبلى أى حد؟ ما تستنى لغاية ما يجيلك إللى حتقدرى تكونى زوجة صالحة ليه.

من الآخر يعنى يا إما ترتبطى بإنسان رائع بكل المقاييس يا بناقص و بلاش ترضى بأنصاف الحلول علشان إعتبارات إجتماعية متخلفة لإن كلام الناس مش حينفعك لما تندمى إنك أسأت الإختيار علشان ترضيهم على حساب سعادتك و نفس الكلام بالحرف يبنطبق على الشباب.

و أنا طبعا يا جماعة بتكلم بحرقة لإنى دقت طعم الفشل قبل كده و كانت الضغوط الإجتماعية هى السبب. و إللى إتلسع من الشوربة بينفخ فى الزبادى زى ما بيقولوا علشان كده أنا متمناش إن أى حد تانى يخوض نفس التجربة الأليمة. و لغاية ما تقوم ثورة إجتماعية فى بلدنا زى ما قامت ثورة سياسية يا ريت كل واحد و كل واحدة فينا تقرر إنها حتكون رئيسة جمهورية حياتها و متسمحش باى تدخل  خارجى من أعراف متخلفة لا تمت للدين بصلة. إتفقنا؟  

فأنا قلت أهون على بنتى مصابها الأليم و أعمل لها و جبات مفرحة  طوييييييييييل جدا منخارها ههههههههههه

لما جت من المدرسة أول يوم أتحفتها بالوجبة المبينة فى الصورة إللى تحت و هى الحقيقة عبارة عن سندوتشات شاورمة فراخ (و على فكرة العيش المدور ده توست أنا قطعته بكباية علشان يدى شكل الوش و دى فكرة أخدتها من على النت أما باقى الأفكار الهلامية للوجبات فكلها من تصميم و إبداعات المغفور لها إللى هى أنا قولوا إن شاء الله)

قدمت لبنتى الوجبة و أنا فى منتهى الحماس لكن هى فجرت لى قنبلة إنها مبقتش تحب شاورمة الفراخ! فرسيت إن أنا إللى شلت الليلة لكن طبعا ميأستش! و عنها يا ريس….

جيت تانى يوم عملت الوجبتين التحفة إللى إنتو شايفينهم ههههههههه

و لما قدمت لبنتى وجبة المكرونة طويلة المنخار قلت لها إن البنت الجميلة إللى فى الطبق هى بطلة إعلان ترو شيبسى و إن لما البطل إتخض من طول منخارها ضربها بالبوكس فى وشها علشان كده عينيها ورمت (خلوا بالكوا أنا كان عندى هدف إستراتيجى إنها تاكل الخرشوف و قد كان هههههههههههه ) و برضو وضحت لها إن النبت سنانها صفرا علشان مغسلتش سنانها بسيجنال تو النهارده ههههههههههههههههه.

و عملت لها جنبه طبق جنينة السلطة زى ما إنتوا شايفين و أحب أوضح إن البطاطس المحمرة هى الشمس لكن باقى محتويات الحديقة واضحة جدا زى الشمس مش كده قلبى إتقطع لما قطفت الورد و كلته ههههههههههههههههههه

الحقيقة الهدف الأساسى  من المقالة بخلاف إنى أهزر زى العادة إنى أأقولكم إن رغم كراهيتى الشديدة لكل ما بتعلق بشغل البيت من طبخ و مواعين و غيره (و قصيدة حوضى القذر تشهد!) إلا إنى إستمتعت جدا لما قررت إن الطبخ يبقى فيه شوية إبداع.

و طبعا أنا مؤمنة جدا إن العين بتاكل قبل الفم علشان كده تزويق الطبق بيفتح الشهية و علشان كده هى الحمد لله إنبسطت و اكلت أحسن من العادة.

و بصفة عامة فى حاجات كتير الإنسان مش بيحب يعملها لكن ممكن يخليها ممتعة لو قصد. مثلا أنا مش بطيق أاقف فى الطوابير و كنت بزهق جدا لكن لإن مفيش فى إيدى حاجة أاقدر أعملها علشان أغير الوضع ده فقررت أتقبل الأمر و أستغل الوقت فى أى شىء ممتع. ممكن مثلا أذكر الله أو أسبح و ساعات بغنى فى سرى و ساعات بعلى صوتى و أغنى نشاز على أمل إن إللى واقفين قدامى يطفشوا هههههههههههه

و الخلاصة إن  ما دام حتعمل الحاجة كده و لا كده يبقى العقل و الحكمة بيقولوا إنك تعملها و إنت راضى. مهما تكون الحاجة مملة و خنيقة نقدر نخليها ممتعة لو قصدنا.

و اسيبكم مع إعلان ترو شيبس إللى ألهمنى فكرة هذه الوجبات اللوزعية

محبتكيش و لا دقيقة

و حخطب واحدة مش بيئة  

فكوينى منكى أرجوكى

لو حتى تزقلطينى من فوق

طوييييييييييل جدا منخارك 

و إللى إتجنن و إختارك 

ينساك سريعا و بفلق (الحقيقة أنا مش فاكرة آخر كلمة فحطيت يفلق من دماغى ههههههههههه)

ما شاء الله على رقة إحساس الشاعر! حاجة تدوب الحجر بصراحةهههههههههههه ده جميل هبة ممكن ينتحر لو سمعها هههههههههههههههههههههههه

بس على فكرة جملة “طويييييييييييل جدا منخارك” مستوحاه من بيت فى قصيدة للعبقرى نزار قبانى بعنوان “إنى خيرتك فأختارى” غناها كاظم و كان بيقول و طوييييييييييييل جدا مشوارى. القصيدة دى تحفة و أنا حفاظها صم و إن شاء حبقى أكتب عنها مقالة قريب إنتوا عارفين انا كيفيية شعر نزار و شاعر الإحساس فاروق جويدة رغم إن هما عكس بعض على طول الخط! لكن هما الإتنين عباقرة و طبعا مؤلف قصيدة زقلطينى من فوق لا يقل عبقرية! هههههههههههههههههههههه

ما رأيكم دام فضلكم؟ مستنية تعليقاتكم و إللى عنده أفكار أكلات سريعة و مبتكرة يا ريت يقوللى

بمناسبة الذكرى العاشرة لأحداث 11 سبتمبر الدامية إسمحوا لى أفتح حقيبة الذكريات و أأقولكم إزاى الكارثة ى أثرت عليا بشكل شخصى.

الحقيقة أنا سافرت كندا  فى يوليو سنة 2002 و لسؤ حظى مريت على نيويورك ترانزيت! رغم إننا كنا حنكمل على كندا فى نفس الطيارة و كنا بس حنقعد ساعات بسيطة فى المطار لكن هما صمموا يفتشوا شنطنا و أنا كواحدة محجبة كانوا باصين لى بقرف شديد  نظرات كلها كراهية رعبتنى و طبعا كان فى سؤ معاملة و طريقة سيئة فة تفتش شنطنا رغم إننا مش داخلين أمريكا أساسا.

طبعا أنا إلتمست لهم العذر لإن مكانش عديتسنة على أحداث سبتمبر و الجرح كان لسه مخفش (هو الحقيقة مخفش لغاية النهارده لكنه أأقل حدة بكتير عن سنة 2002!)

الموقف ده رعبنى لإنى خفت لما أوصل كندا أتعامل بنفس الطريقة المهينة لكن من كرم ربنا و فضله إن الكنديين كانت معاملتهم مختلفة خالص زى ما يكونوا من كوكب تانى

و الحقيقة أنا سافرت كندا لوحدى تماما و مكانش ليا قرايب فى تورونتو خالص! يعنى كانت مغامرة بكل المقاييس لكن كانت مغامرة محسوبة من ناحية إن تخصصى كان مطلوب جدا قبل الأحداث لدرجة إن إللى كانوا فى نفس تخصصى كانوا بيتعينوا خلال إسبوعين من وصلوهم لكندا. و كمان كانت مغامرة محسوبة من ناحية إنها بلد أمان جدا و معدل الجريمة فيها شبه منعدم.

لكن سبحان مغير الأحوال أنا كنت جاية بقول إنى حلاقى شغل تانى يوم لكنمنبقاش فى أى شغل بسبب أحداث سبتمبر و حفيت علشان ألاقى شغل لغاية ما فلوسى خلصت و إضطريت أشتغل جرسونة فى كافيتريا!

لكن عسى ان تكرهوا شيئا وهو خير لكم. لما معرفتش ألاقى شغلى فى أى شركات خدت كورس مجانى بيعلمنى إزاى أفتح شركة من البيت و أعمل بيزنس و فعلا فتحت شركة من البيت بعمل فيها تصميم مواقع على النت و بدرس فيها كورسات كمبيوتر. فالحمد لله كانت تجربة مفيدة لإنى إتعلمت التسويق و بقى هو ده مجال عملى دلوقت. و طبعا الدرس إللى إتعلمته بقوة إن دوام الحال من المحال و إن مفيش مسلمات و إن مهما الإنسان خطط و فكر ممكن أى حاحة تحصل فى لحظة تهد كل إللى بناه فى سنين.

و طبعا كنت متابعة المجازر إللى عملها بوش الإبن فى العراق!!  و كمان كنت هناك لما أعيد غنتخابه و كنت بضرب اخماس فى أسداس إزاى زعيم بالغباوة دى يعاد إنتخابه!

مفيش شك إن الأعمال الإنتقامية الوحشية إللى قامت بيها أمريكا كلفتها مليارات و دفعت تمنها غالى فى  الأزمات الإقتصادية الطاحنة إللى مرت بيها! 

و السؤال إللى بيطرح نفسه: هل قتل اطفال العراق شفى غليل الأمريكان؟ و ده يجرنا لسؤال أهم:  هل كان بن لادن العدو الوحيد لأمريكا أم كانت هى عدوة نفسها؟!!!

بيتهيألى الإجابة واضحة…داين تدان!!! مستنية تعليقاتكم.

Filed under: مقالات, مقالات شخصية, نبض الشارع أحداث الساعة, صور معبرة ]]> http://ba7ebmasrbegad.wordpress.com/2011/09/11/%d8%ad%d9%82%d9%8a%d8%a8%d8%a9-%d8%a7%d9%84%d8%b0%d9%83%d8%b1%d9%8a%d8%a7%d8%aa-1-%d8%a5%d8%b2%d8%a7%d9%89-%d8%a3%d8%ad%d8%af%d8%a7%d8%ab-11-%d8%b3%d8%a8%d8%aa%d9%85%d8%a8%d8%b1-%d8%a3%d8%ab%d8%b1/feed/ 4 ba7ebmasrbegad تأثير أحداث 11 سبتمبر_2011 http://ba7ebmasrbegad.wordpress.com/2011/09/07/%d9%81%d9%8a%d8%af%d9%8a%d9%88-%d9%82%d8%b5%d9%8a%d8%af%d8%a9-%d8%ad%d9%88%d8%b6%d9%89-%d8%a7%d9%84%d9%82%d8%b0%d8%b1-%d8%a8-%d8%a7%d9%84english-%d9%85%d8%b1%d9%81%d9%82%d8%a9-%d8%a8%d8%b5/ http://ba7ebmasrbegad.wordpress.com/2011/09/07/%d9%81%d9%8a%d8%af%d9%8a%d9%88-%d9%82%d8%b5%d9%8a%d8%af%d8%a9-%d8%ad%d9%88%d8%b6%d9%89-%d8%a7%d9%84%d9%82%d8%b0%d8%b1-%d8%a8-%d8%a7%d9%84english-%d9%85%d8%b1%d9%81%d9%82%d8%a9-%d8%a8%d8%b5/#comments Wed, 07 Sep 2011 18:53:46 +0000 Ba7ebMasr.com - هبة الله حسنى http://ba7ebmasrbegad.wordpress.com/?p=1577 ]]> إزيكو يا جماعة

لما لقيت الحالة جيم و العملية مأشفرة و ال 20 فيديو العربى إللى عملتهم على اليوتوب مأكلونيش عيش (لغاية دلوقت لازم نتفائل برضه ) قلت يا بت إعملى لك فيديو إنجليزى جايز الأجانب يكون ناصحين و يستغلوا جنانك الرسمى

و عنها يا ريس عملت فيديو لشعر حلمنتيشى إنجليزى كنت ألفته السنة إللى فاتت بيتكلم عن حوضى القذر يا بخته إللى حكون من نصيبه هههههههههه

أنا الحقيقة مترجمتش الكلمات لكن الخلاصة إنى بقول إن المواعين بتتراكم بسرعة مخيفة جوه الحوض و إن فى مخلوقات فضائية غريبة سكنته و إن مش طالبة معايا أغسل المواعين و أفضل إنى أهيس و أعيش حياتى

و بعد كده إتكلمت عن نفسى و عن مهاراتى العلمية المعملية الفذة فى مجال  الكتابة و التسويق الإلكترونى و نصحت الناس إن هما يشغلونى علشان ياخدوا من خبراتى و أنا آخد من جيوبهم هههههههههههههه

مين عارف يمكن الفيديو ده يكون سبب فى لقمة طرية تجيلى أو سبوبة قولو إن شاء الله و حتلاقوا صورة الحوض منورة فى الآخر

و إذا كنت مش عارف تشوف الفيديو من هنا إضغط هنا على تشوفوه على اليوتوب

Humorous poetry written and recited by :
Heba Hosny - http://www.HebaHosny.net
My Stinky Sink
==============
I can nearly sink
in my Stinky sink
With a 4th pyramid of dishes
Typical Egyptian what you think?!
It's happening so fast...
it's making me sick
SCARY dishes piling up in a blink!
Give me a hand here pal...
do something QUICK!
Alien creatures are growing at my sink
Should I clean them up? Is that what you think?
I'd rather write this poem and sip my drink
Screw the dishes I'm much busier than you think!
Wanna take a cold shower and dress in pink
Yes, I'm sparkling clean but my sink STINKS!

Holly Waaw
==========
Sober up bro
Here comes the pro
Yo yo yo I run the show
What's up y'all?
I have it all
Holly waaw! chick so fine
Yeah baby she's divine
Big time hustler did you know?
Telling the world hustle and flow
Canadian Egyptian East hugs the west
Hire me and forget the rest
No bias dude! I'm keepin it real
For killer branding, I am the winning deal  

OMG! Who is that bombshell?
Look at me stealin Salma Hayek's title!
Here I am in a nutshell...

Award winning marketing pro
Killer copywriter who digs SEO
Authentic branding is what I know
Hire me and cashin the dough $$$

فى إنتظار تعليقاتكم و محدش يقوللى أغسل المواعين لو كان حابب يحتفظ يصداقتى هههههههههههه

كل سنة و إنتم طيبين

دى أول مقالة بكتبها بعد رمضان و كنت ناوية أكتبها ليلة العيد لكن منعنى المرض و الشغل المتلتل إللى كان لازم أخلصه فأنا بعتذر عن التأخر فى كتابة المقالة لكن قد يكون ده للخير علشان لو كان حد فينا مش راضى عن أداؤه بعد رمضان إن شاء الله يستفيد بالنصايح دى.

الصورة إللى فوق هى غلاف الكتيب إللى إشترتيه  و هو من تأليف دكتور عمرو و أنا شايفة إنه قيم جدا. أنا ن شاء االله حلخص أهم ما جاء فيه لكن أنصح بشراء الكتيب الأصلى إن أمكن لتمام الفائدة.

مقدمة أساسية عن أهمية فهم طبيعة العلاقة بين الإنسان و الشيطان حتى لا يتسرب الياس لنفوسنا:

* تكون الشياطين مسلسلة فى رمضان علشان كده أول ما بيحى العيد الشيطان بيهاجمنا بضرواة علشان ييأسنا و يحسسنا إن كل إللى عملناه فى رمضان زى قلته و إن مفيش فايدة فينا! مصداقا لقوله تعالى:”و لقد صدق علهم إبليس ظنه” .

طبعا كل ده كلام فارغ و أى طاعة عملها فى رمضان حتاخد أجرها كامل بإذن الله حتى لو ضعفت شوية بعد رمضان. إحنا بشر و البشر بيغلطوا و إبليس أكد إنه مش حيسيبنا :”لأقعدن لهم صراطك المستقيم” يبقى إبليس هدفه الأساسى إنه ييأسنا من رحمة ربنا و طبعا سهل قوى الإنسان  يحس بكده لو كان ماشى مستقيم فترة طويلة و فجاة راح عامل حاجة بعيدة قوى. لكن الحل بسيط: إعرف إن إبليس هدفه ييأسك و متنولوش غرضه و خايك دايما فاكر قوله تعالى:”قل يا عبادى الذىن أسرفوا على أنفسهم لا تقنطوا من رحمة الله” (لا تقنطوا معناها لا تيأسوا).

يبقى لما ربنا يوقلنا منيأسش و إبليس يقولنا إيأسوا نسمع كلام مين؟ اللحظة إللى تكون متضايق فيها قوى من نفسك هى نفس اللحظة إللى لازم تحسن فيها الظن بالله و تسارع بالإستغفار و العودة للطريق المستقيم مصداقا لقوله تعالى: “و يدرؤن بالحسنة السيئة“

و أنا ليا مع الشيطان قصص و حكايات ساعات بيعرف يضحك عليا زى ما حصل فى قصة سندريللا الخيبة! و ساعات تانية بكون مصحصحة له.

مثلا لما أخدت على نفسى عهد إنى كل ما أتوضا أصلى ركعتين زى سيدنا بلال رضى الله عنه, جاللى عم إبلبيس و قاللى بس إنت كده حتضيعى وقت و ووراكى شغل و إلتزامات فأنا غظته و بقيت اصلى الركعتين بنية إن ربنا يبارك لى فى الوقت غيظة غيظة يا إبليس إلعب غيرها! ساعات بكون حويطة و مش سهلة برضه لإنى مقتنعة تماما إن ذكر الله عمره ما بيكون مضيعة للوقت بالعكس أى حاجة تانية بنعملها فى يومنا هى إللى ممكن تقلقنا لكن لما أصلى ركعتين خفيفتين مبياخدوش 5 دقايق  ممكن هما دول إللى يعملوا بركة فى يومى كله و أقدر أعمل حاجات  أكتر بكتيرمن إللى كنت ناوية أعمله. فأنا من هذا المنبر بأعلن إنتصارى على إبليس فى هذا الأمر. تصفيق حاد هههههههههههه

بعد مافهمنا إزاى ننتصر فى حربنا مع الشيطان فى 5 أشياء عملية و سهلة جدا يؤكد دكتور عمرو خالد إننا لو إلتزمنا بيهم حنقدر نثبت على الطاعة بعد رمضان بتوفيق الله:

1- صلى فى المسجد (للرجال) و صلى فى أول الوقت مهما تكن الظروف و النساء يحاولوا يصلوا جماعة إن أمكن

2- إذكر الله كل يوم ولو 5 دقائق:

أنصح بشدة بأذكار الصباح و المساء لأن بها أدعية متنوعة و معظمها ماثور عن الرسول عليه السلام. الأذكار لها 3 فوائد رائعة من وجهة نظرى:

     *  أن تكتب من “الذاكرين الله كثيرا و الذاكرات”

     * أن تحيى سنة الرسول عليه السلام بذكر أدعيته المأثورة

     * وقاية للإنسان من الحسد و السحر و غيرها من الشرور

3- إدعو الله كل يوم و لو دقيقتين (أذكار الصباح و المساء تشمل أذكار و أدعية فلو واظبنا عليها حناخد فضل الأمرين و بالنسبة للدعاء مش لازم تقعد تدعى بأدعية مأثورة أو مكلكعة من الناحية اللغوية! ممكن تتكلم مع ربنا بالبلدى خالص من غير تكليف المهم تكون مخلص فى دعائك و عندك يقين إن ربنا حيستجيب لك و أنصح بقراءة مقالتى عن صالون الدكتور أحمد عمارة لمزيد من المعلومات)

4- إبدأ ختمة جديدة للقرآن وواظب على قراءة و لو صفحة واحدة من المصحف كل يوم ( و زى ما قلتلكم فى مقالة دورى رمضان قراءة صفحة واحدة بتدبر و فهم لمعانى الكلمات أفضل بكتير من قراءة جزء متفهمش منه حاجة! طبعا أحسن حاجة إنك تقرا جزء كامل بتدبر. طيب أعمل إيه معنديش وقت؟ إقرا إللى تقدر عليه  لكن بتدبر و ياريت  تجربوا “وصفة سيدنا بلال السحرية” للبركة فى الوقت. فاكرينها؟  يييييييييييه إيه الزهايمر ده؟! إطلعوا شوفوها فوق حتلاقوها منورة باللون الموف سبحان الله مفيش فايدة! انا لازم أهزر بأى طريقة ههههههههههه

5- الصحبة الصالحة: الصاحب ساحب زى ما بيقولوا فإحرص إن يكون لك أصدقاء صالحين يعينوك على الطاعة لإن وجودهم حيفرق كتير جدا و حيسهل عليك المهمة و ده شئ أنا عارفاه عن تجربة.

و ختاما ينصح دكتور عمرو خالد أن تحرص على خدمة الإسلام و ألا تكون عبادتك لله عبادة موسمية تنتهى بإنتهاء رمضان لإن ده حال كتير من الناس للأسف الشديد فلا تكن واحد منهم لكن إحرص أن تحول الإسلام من شئ طارئ إلى شئ دائم فى حيات وده سهل جدا. مثلا إذهب لحضور درس معين فى المسجد بصفة دورية. إعمل أنشطة خيرية و تطوعية كل إسبوعين و هكذا. المهم تواظب على إن الدين يكون له مكان دائم فى حياتك و النيتجة الرائعة إن ربنا سبحانه و تعالى سيكون له مكان دائم فى قلبك و ستنال سعادة الدارين بإذن الله.

اللهم آمين. أسألكم الدعاء و فى إنتظار تعليقاتكم

*** يا جماعة القصيدة دى مينفعش تتقرى بس! لازم تشغلوا الفيديو لو كنتوا عايزين ضحك مضاعف ***

إزيكو يا جماعة : )

الحقيقة أنا سعيدة إنى حفرغ شحنة التهييس إللى جوايا قبل العشر الأواخر من رمضان ههههههههههه و أتمنى قصيدة “جميل هبة ” تعجبكم  و إذا كنتم مش عارفين نشوفوا الفيديو على الصفحة دى إضغطوا هنا علشان تشوفوه على اليوتوب

قصيدة جميل هبة مستوحاه من قصيدة ألفها شاعر زمان معروف بإسم جميل بثينة. و ده جزء من القصيدة الأصلية إللى بنيت عليها التهييس إللى حتشوفوه بعد كده

أبثيبة إنك قد ملكتى فاسجحى

وخذى بحظك من كريم واصل

فلرب عارضة علينا وصلها

بالجد تخلطه بقول الهازل فأجبتها بالقول بعد تستر

حبى بثينة عن وصالك شاغلى

لو كان فيه كقدر قلامة

لوصلتك أو أتتكى رسائلى

منتهى الرقة الإحساس!  و الآن أقدم لكم الدبش بتاعى! قصدى قصيدة “جميل هبة”:

أهبة! أهبة! إنت إتملكتى فإسجحى

و خدى ما تريدى ده أنا واااصل

البنت بهانة قوم عرضت على “وصلها”

كهربا و نور جلت و الله ما هو حاصل!

هبهوتى ..هبهوتى هى إللى فى مجام مركبوتى

و شبشبى و زنوبتى فى نخاشيشى محطوطة

لو كان فى جلبى مكان لبرغوتة

كنت بصيت لك إنت يا سفروتة!

إمشى إنجرى عاد لأطخك بلا رخامة

و إنت ماسخة كده بلا طعم شيه الشمامة

أهبة! أهبة جيت لى يا جميل على بهيمة الشوج

يا جعصة عسسسسسسسسسسسل إدلت عليا من فوج

بردى نارى و جولى سلامات

حكم البت بهانة هاريانى مسيجات!

هبة ترد بخجل و تقول: يا حومتى! يخرب عجلك يا شيخ الغفر..إنت فاجئتنى ههههههههئ

يا سنة سوخة يا ولاد!! 

جاااموسة بتضحك يا خواتى

شيخ الغفر؟!!

ده أنا معاكى بكون فشر دبحية الزفر

يخرب مطنك يخرب ضحكتك هههههههههههههه

ما رأيكم دام فضلكم؟

 إذا كان متصفحك لا يدعم مشاهدة الفيديو على هذه الصفحة إضغط هنا لتشهاده على اليوتوب

ربنا وفقنى و حصلت على هذه الأسئلة وقبل ما أبدأ أجاوبها حسيت إن من واجبى إنى أعرضها على قراء المدونة و يا ريت قبل ما تكملوا قراءة تدعوا لى بالخير لإنى محتاجة دعائكم بشدة

الأسئلة يا جماعة قمة الروعة  و  لو جاوبتوها ممكن حياتكم كلها تتغير. أنا إشتريت كراس مخصوص علشان اجاوب على الأشئلة دى و ناوية أسيب صفحات فاضية بين كل سؤال و التانى لإن الأسئلة دى محتاجة تأمل و إجابتها حتاخد وقت و إن شاء الله ناوية اجاوب عليها كل قبل إنتهاء رمضان و إن شاء الله حشرككم فى تأملاتى فى  الإجابات خصوصا بالنسبة للأسئلة إللى ممكن أكتر الناس تتفق على  إجاباتها.

لو نفسك رمضان يكون ثورة تغيير حقيقية بالنسبة لك, خد على نفسك عهد إنك تجاوب الأسئلة دى بعمق و صدق قبل إنتهاء رمضان. إتفقنا؟ مستنية تعليقاتكم