فيديو للبنات فقط (7) الحب شنكلة! تعملي إيه إذا وقعتي في “العشق الممنوع”؟ #المبدعة_الربانية

بمناسبة الفلانين حبيت أفكر كل البنات الحلوين إن الحب شنكلة! بس الخبر السعيد إن كل شناكل الكون متقدرش تقيدك أول ما تستوعبي إن الماضي سجن في ايديكي مفتاحه… رغم إن أنا مؤخرا اتفرجت على مسلسل “حكايات بنات” الجزء التاني على اليوتيوب وده كفيل إنه يدي لأي حد بيشوفه جرعة كآبة مكثفة 😦 بس أنا عملت المعجزة وطلعت من المسلسل بتأملات مفيدة ورغم إن عنوان الفيديو يوحي بالنكد الأزلي إلا إنك إن شاء الله هتلاقي فيه كلام إيجابي جدا وواقعي في نفس الوقت… ياللا يا بناتيت سيبوا كل إللي في إيديكم وتعالوا نقعد مع بعض قعدة حب وفضفضة ونجاوب مع بعض على أسئلة مهمة:

*  تعملي إيه إذا وقعتي في العشق الممنوع؟

* إزاي تقدري “تعذري!” إنسان ملك عليكي كل مشاعرك ورغم كده مبادلكيش نفس المشاعر وتخرجي من تجربتك معاه بأروع الدروس؟

* تأملات راااائعة في قصة زليخة مع سيدنا يوسف عليه السلام

*  إزاى تكوني حرة وسعيدة ومنفتحة؟

* إزاي تدركي إن الماضي سجن في ايديكي مفتاحه؟

  *سر السعادة والروقان يكمن في الثقة بالله وتوقع أن أي شىء (تعرفيه أو معترفيهوش) ممكن يحصل وإنك هتكوني سعيدة مهما يحصل…فتعيشي حياتك كلها تستقبلي مفاجأت ربك بشغف واستمتاع مصداقا لقوله تعالى: “رب إني لما أنزلت إلي من خير فقير”  صدق الله العظيم

* هنعيش مع بعض تأملات في معاني جميلة تضمنتها الآية الكريمة “ربنا هب لنا من أزواجنا وذرياتنا قرة أعين واجعلنا للمتقين إماما

وختاما هنتناول بالشرح والتفصيل الفرق الشااااسع بين أغنية “هتمناله الخير” وأغنية “أصعب حب“!!! وكمان هنعيش مع معاني عمييييقة تناولتها أغنية الفنان إسماعيل يس والفنان شكوكو “الحب بهدلة”  🙂

فيما يتعلق بروعة الانفتاح وانتظار المفاجأت الربانية بشغف واستمتاع ألفت الخاطرة الشعرية “شهرزاد وشهر طار” وبعتبرها من أروع ما كتبت…

إن شاء الله الفيديو والخاطرة الشعرية يعجبوكم ويلهموكم 🙂 في انتظار تعليقاتكم…

Advertisements

صورة حتغير حياتك (8) قطتين رااااائعتين وتأملات أروع #المبدعة_الربانية

صورة جميييلة وتأملات أجمل…الصورة الرائعة دي صورتها بكاميرا موبايللي من سنة 2012 وأثارت فيا تأملات كتيرة من ساعتها. إنما قبل ما أكلكلم عن تأملاتي من فضلكم اكتبوا تعليق على الصورة وبعد ما تقرأوا تأملاتي ممكن تكتبوا تعليق تاني لو حبيتوا…هدفي من كده إني أعرف تعليقكم المبدأي على الصورة وهل نظرتكم لها هتتغير بعد ما تقرأوا تأملاتي؟؟

* أول تأمل ليا في الصورة كان تأمل رمزي جدا وتزامن مع أحداث الثورة فحسيت إن التحام القطتين على اختلاف ألوانهم يرمز لوحدتنا الوطنية المنشودة…

*ولما ألفت كتابي الإنجليزي Read My Pook, Beoble! إللي بحكي فيه عن حياتي بين مصر وكندا وأروع الدروس المختلفة إلي اتعلمتها من العيش في ثقافات متناقضة استخدمت صورة القطتين برضه. لكن المرة دي مكنتش برمز بيهم لتكامل حياتي بين الشرق والغرب لكن كنت برمز لروعة التناغم البشري بين كل جنسيات العالم إللي عايشته في مدينة تورنتو. حياتي في كندا مش بس علمتني أتقبل الاختلاف لكن بعد شوية بقيت “بحب” الاختلاف لدرجة العشق لأن تعاملي مع ثقافات مختلفة وسع أفقي وألهمني بشكل تعجز الكلمات عن وصفه…

 **** اضغطوا على الصورة لتحميل كتابي Read My Pook, Beoble!  ****

* في رمضان إللي فات اشتركت في مسابقة تصوير للتعبير عن سيرة الرسول عليه السلام واستخدمت نفس الصورة مصحوبة بالآية الكريمة “وما أرسلناك إلا رحمة للعالمين” وعملت ربطت بين ألوان القطط والألوان المستخدمة في الآية الكريمة…

* مؤخرا شكل القطتين فكرني باليين واليانغ  🙂  علامة اليين واليانغ ترمز لكيفية عمل الأشياء في العلم الصيني القديم. الدائرة الخارجية تمثل “كل شيء”، بينما الشكلان الأبيض والأسود داخل الدائرة يمثلان التداخل بين طاقتان متضادتان، طاقة اليين “الأسود” وطاقة اليانغ “الأبيض” الطاقتان المؤديتان لحدوث أي شيء في الحياة.

يا ترى دى هتكون آخر تأملاتي مع القطتين؟ مأظنش…

 

يا ترى كاميرا موبايللي هتخليني ألقط صورة أروع من كده في يوم من الأيام؟ جايز جدا لأن الجمال في الكون لا حدود له…في انتظار تعليقاتكم 🙂

فيديو فزورة موسيقية (3) حزروا بعزف أغانى إيه؟ روووومباااااا #المبدعة_الربانية

أهلا بيكم فى حلقة جديدة من فزروة موسيقية…النهارده إن شاء الله هعزف لكم أغانى مصرية اتعزفت على موسيقى الرومبا…استعدوا للاستمتااااع #المبدعة_الربانية

فيديو فزورة موسيقية (2) حزروا بعزف أغنية إيه؟ ماجدة الرومي والعندليب #المبدعة_الربانية

 

أهلا بيكم فى حلقة جديدة من فزروة موسيقية…النهارده إن شاء اله هعزف لكم مقدمات أغانى للعندليب الأسمر عبد الحليم حافظ ولصاحبة الصوت الساحر ماجدة الرومي…استعدوا للاستمتاع

فيديو إلهمنى شكرا (14) شارك فى #حملة_اعمل_للهيافة_بلوك #المبدعة_الربانية

 

 الهدف من حملة “اعمل للهيافة بلوك” إننا نغذى وعينا بكل ما هو جميل راقى . ربنا ألهمنى فكرة إنى أعمل موسوعة فنية وثقافية تشمل كل ما هو جميل وراقى فى مجال الدرما والكتابة والموسيقى والرسم كل أنواع الفنون. علشان تشاركوا فى الحملة كل المطلوب إنكم تبعتولى أسماء أعمال فنية أوكتب أو أى عمل إبداعى عجبكم علشان أضيفه .للموسوعة الفنية وبكده نقدر نعمل للهياقة بلوك…..فى انتظار مساهمتكم.

 

#حملة_اعمل_للهيافة_بلوك بدأتها #المبدعة_الربانية ووصلت إليك … لا تجعلها تقف عندك ..لن ينفجر حاسوبك إذا عملت لايك وشير…كتر شيييييرك وفى انتظار تعليقك…

تم بحمد لله نشر كتابى الإنجليزى !Read My Pook, Beoble على منصة #كتبنا #المبدعة_الربانية

تم بحمد لله نشر أول كتاب ليا باللغة الإنجليزية “Read My Pook, Beoble” على  تطبيق كتبنا.

رابط تصفح وتحميل الكتاب:

 http://kotobna.net/Book/Details?bookID=1159

و الحمد لله نشرت نفس الكتاب  على موقع أمازون  فى شهر مايو.

الكتاب بتكلم فيه عن حياتى ما بين مصر وكندا بإسلوب كوميدى وطبعا كالعادة كان لازم أحط رسومات كاريكاتير ليا ومقالات عن مصر …مش عارفة إزاى قدرت ألخص تاريخ حياتى فى 12 ألف كلمة وشوية إنما تقدروا تقولوا إنى جبت كاميرا وصورت أهم اللقطات فى حياتى بإسلوب مرح ويثير التأمل فى نفس الوقت. أوعدكم إنكم حتستمعوا بكل حرف فى الكتاب…

دى المقالة إللى نشرتها  عن الكتاب على موقعى الإنجليزى :

http://hebahosny.net/mybiokindleebook.htm

Overview of My Hilarious Kindle EBook “Read My Pook, Beoble!”

You zbeak London?’…’Atrocious!’ is the best word that came to mind when I remembered how my Egyptian English teacher used to pronounce English. He obviously mixed up the “Bs” with the “Ps” and the “Zs” with the “Ss”. On the plus side, the fact that I can speak proper English today only proves that I’m a miracle worker!…

Read My Pook, Beoble!” is a “Colorful Enlightenment” lived and written by yours truly: A Canadian/Egyptian artist who strives to portray the best of both worlds (the East and the West) through my thought-provokingly funny artwork.

Throughout the book, I shed light on the unusual experiences a Middle Eastern woman would go through when she immigrates to Canada alone.

The cultural shock…The unexpected summer rains on an interview date…How did “The Artist’s Way” book by Julia Cameron helped me heal my “creative scar tissues”…How did I manage to blend in and turn into a beautiful piece of the magnificent mosaic of Canadian diversity…What happened when I performed standup comedy for the first time ever…Why do I brag mySTINKY sink on my personal branding video…Why do I HATE male-dominance (Go figure!)…Why do I have a soft spot the British accent…and the list goes on.

The book includes some of my poetry and cartoon illustrations…

A Butterfly can freely choose where to fly

But as a caterpillar, she didn’t even try

Safe in her silky prison

She didn’t panic…she didn’t cry

A MASTERPIECE IN THE MAKING

She was…and will always be until the day she dies

These words sum up my journey.

Fasten your seatbelts. You’re up for a wild ride…

#المبدعة_الربانية

توفيت إلى رحمة الله لويز ل. هيز الكاتبة الأمريكية مثلى الأعلى فى التسامح فى سن ال 90

%d9%84%d9%88%d9%8a%d8%b2-%d9%87%d9%8a%d8%b2

 

توفيت إلى رحمة الله لويز ل. هيز الكاتبة الأمريكية مثلى الأعلى فى التسامح فى سن ال 90 …لويز عفت عن من اغتصبها فى سن الخامسة فكانت النتيجة أنها نجت من مرض السرطان دون تدخل جراجى…

سبحان الله من دقائق قليلة كنت بتفرج على تفسير الشيخ الشعرواى لقوله نعالى “خذ العفو…” وذكر فى تفسير الآية أن الإنسان حينما يعفو عمن ظلمه هو الذى “يأخذ” الخير وذلك هو السر فى قوله تعالى “خذ العفو” أى “خذ (خير) العفو.”

لويز نجت من مرض لعين بسبب قدرتها الفائقة على التسامح وأمضت 90 عاما من عمرها سفيرة للحب…رحمة الله عليها. هذه المقالة تحكى قصتها المؤثرة بالتفصيل… رحمة الله عليها…

مقتطفات من كتاب “إشراقة روح 2” (1) – اغتصبها فى سن الخامسة فسامحته فنجت من مرض قاتل…إنها لويز ل. هيز الأسطورة