الصفحة دى كان إسمها “من أنت” لغاية النهارده (10 سبتمبر 2011) لكن قررت أغيرها لمن أنتم؟! 🙂 تيمنا بزعيم أفريقيا الأوحد (و أنا فعلا أتمنى إنه يكون أوحد!) مهدم القذافى! تصفيق حاد 🙂 و أنا بعتذر عن تأخرى فى تغيير إسم الصفحة و ذلك بسبب ….. مش عارفة أهى طقت فى دماغى النهارده و خلاص 🙂 هههههههههههههههههههههه
يسعدنا التعرف عليك 🙂 أرجو أن تكتب البيانات التالية فى التعليق:
إسمك:
بريدك الإلكترونى(إختيارى):
موقعك الإلكترونى أو مدونتك (إختيارى):
هواياتاك/ إهتمامتك(إجبارى 🙂 ) :
أى حاجة تانية تحب تقولهالنا عن نفسك:
Advertisements
Posted by محمد لطفي on أكتوبر 10, 2010 at 2:01 ص
جميل اووي الكلام دا من حسن الي احسن واحب اعرفك بنفسي محمد لطفي مواليد 12 ديسمبر 79 يبقي عمري كام احسبيها بقي خريج سياحة وفنادق ههههههههه يعني كنا جيران علي بعد خطوات كنت بروح مكتبة الجامعة الامريكية كتير حاليا شغال مساعد مدير ف كنتاكي الدمام السعودية وفعلا شعار حلو بايدنا بكرة هيبقي احلي
Posted by Ba7ebMasr.com - هبة الله حسنى on أكتوبر 10, 2010 at 2:57 م
أهلا بيك يا محمد و أشكرك على كلامك الجميل المشجع.
ربنا يوفقك و يا ريت لو عندك أى موهبة فنية تبعت لى على Ba7ebMasrAwy@gamil.com علشان أنشرها فى مساهمات القراء.
Posted by عيد عبد الغنى on ديسمبر 4, 2010 at 5:00 م
شاعر
فى اول الطريق ابحث عن صديق
Posted by عيد عبد الغنى on ديسمبر 4, 2010 at 5:01 م
عيد عبد الغنى
eidedd@yahoo.com
http://www.facebook.com/profile.php?id=100000850417748
شاعر
فى اول الطريق ابحث عن صديق
Posted by Ba7ebMasr.com - هبة الله حسنى on ديسمبر 4, 2010 at 5:44 م
جميل أوى تعريفك بنفسك يا عيد. إن شاء الله تكون لقيت الصديق على Ba7ebMasr.com و يا ريت تبعت لى نماذج من أشعارك على Ba7ebMasrAwy@gamil.com علشان أنشرها فى صفحة إبداعات القراء. ربنا يوفقك 🙂
Posted by عيد عبد الغنى on يناير 10, 2011 at 11:43 ص
شكرا لك هبه
ولكن ممكن تعملى اميل على الياهو كمان للمراسله عليه
انا افضل الياهو واميلى على الياهو ولا استخدم الا الياهو وهناك اشخاص تفضل الهوتميل
وعمل اميل على الياهو لكى ترضي الجميع
او لو هناك اى وسيله اخرى لارسال الاعمال
تحياتى
Posted by Ba7ebMasr.com - هبة الله حسنى on يناير 10, 2011 at 7:45 م
أنا طبعا ممكن أعمل إيميل على الياهو بس إنت ممكن تبعت لى من الياهو بتاعك و حيوصل على ال gmail بتاعى عادى و حقدر أرد عليك عادى برضه. يعنى إنت مش حتستخدم غير الياهو كل المطلوب إنك تكتب ba7ebmasrawy@gmail.com زى أى إيميل بتبعته. لو أنا فهمتك غلط يا ريت تقوللى 🙂
Posted by Ba7ebMasr.com - هبة الله حسنى on يناير 10, 2011 at 7:49 م
و ممكن يا عيد تبعت لى إللى إنت عايزه فى رسالة على الفيس بوك و أنا أنشرها فى صفحة إبداعات القراء لو كده أسهل لك 🙂
Posted by عيد عبد الغنى on يناير 12, 2011 at 9:47 ص
كده اسهل طبعا شكرا ليك يا هبه
Posted by mahmoued on أبريل 1, 2011 at 11:33 م
عايز اتعرف عليك اكتر ياهبة
Posted by Ba7ebMasr.com - هبة الله حسنى on أبريل 2, 2011 at 7:07 ص
ربنا يكرمك يا محمود. ده شئ يسعدنى طبعا :). ممكن نتواصل من خلال الفيس بوك أو الإيميل على Ba7ebMasrAwy@gamil.com. أحب أسمع من حضرتك قريب 🙂
Posted by غير معروف on مايو 21, 2011 at 8:01 م
انا من جيل اليائس المظلوم دائمآ الا و هو جيل حسني مبارك الله يسمحة علمنا الجهل في كل شئ و الجبن او الخوف من كل شئ وكمان جهل في السياسة وجعل الشعب كانه جاموسه في ساقية اسمها لقمت العيش اما الان جسيت وكاني في السجن وطلعت برائة و حياة جديدة كلها امل و تفائل و الله اكبر تحيا مصر
Posted by Ba7ebMasr.com - هبة الله حسنى on مايو 21, 2011 at 8:10 م
كلماتك دى بتعبر عن إحساس كل مصرى و مهما كانت حالنا النهارده من إنفلات أمنى وغيره فدى نتيجة طبيعية لأى ثورة. لو تشبثنا بالأمل و إقترن الأمل بالعمل الجاد و المخلص إن شاء الله مصر حترجع تقود العالم كله زى ما قادته من 7000 سنة. لا يصح إلا الصحيح. بإيدينا بكرة أحلى 🙂
Posted by dalia on يونيو 2, 2011 at 11:47 م
بدينا بكرة أحلى
Posted by dalia on يونيو 2, 2011 at 11:46 م
انااسمى داليا بحب اتعلم يعنى انمى مهاراتى المختلفة و اهمها و اللى اتمنى انك يا هبة تساعدينى فيها التسويق الالكترونى و بحب كمان الشطرنج جداو هو اهم هواياتى و عجبنى جدا طريقة تعليمك للاطفال عن طريق الهوايات اعتقد دى طريقة تعليم مونتسورى عن طريق المحاكاة باللمس للاشياء و عمل شئ مفيد ممكن يا هبة تساعدينى فى سؤالك ايضا عن موقع Odesk هو بجد كويس و لا لا ممكن تردى عليا ضرورى و حياتك و تقوليلى بيجى منه و لا نصب و اوفر وقتى
Posted by Ba7ebMasr.com - هبة الله حسنى on يونيو 3, 2011 at 11:20 ص
Odesk موقع ممتاز و بتقبضى فيه فلوس حقيقية لإنك بتشتغلى بجد بشرط الإنجليزى يكون كويس. يا ريت تدخلى عليه و تشوفى الفيديوهات إللى هما حاطينها و لو عندك أى سؤال يسعدنى جدا إنى أساعدك و على فكرة فى موقع مصرىى للموضوع ده إسمه http://www.lancerscafe.com
ممكن تبقى تدخلى عليه برضه أكيد حتلاقى معلومات مفيدة. و أنا إن شاء الله حبقى انشر ملخص لموضوع الشغلى على النت قريب و إن شاء الله يكون مفيد للجميع 🙂
Posted by daliakasem on يونيو 9, 2011 at 11:40 ص
هبة انا عملت اكونت فعلا و عملت البايمنت ميسود الفيزا كارد بس لسة مش وصلت و عملت امتحان اوديسك ريدى و خدته لكن كل ما اقدم فى شغل يرفضونى مش عارفة ليه يمكن لانى لسة مشتغلتش بجد على الموقع و لسة معنديش عدد ساعات عليه كمان انا مش فاهمة طريقة حساب عدد الساعات بالشغل عليه حاسة انى تايهة شويه ممكن تفيدينى لو سمحتى و بالنسبة للموقع المصرى بيبقى الدفع على الشغل ازاى و شكرا جدا ليكى
Posted by Ba7ebMasr.com - هبة الله حسنى on يونيو 9, 2011 at 8:36 م
أنا محتاجة أتكلم معاكى بالتفصيل فحبعت لك رقمى على إيميلك فياريت تكلمينى فى أى وقت و أهى تبقى فرصة اسمع صوتك 🙂
Posted by عبدالله خلف on يونيو 8, 2011 at 9:00 م
احم احم … بسم الله الرحمن الرحيم
أحب اعرف شخصى المتواضع .
العبد الفقير لله / عبدالله خلف محمد
من المنيا يعنى صعيــــــــــــــــــــــــــــد مصر
خريج تربيه انجلش و بأدى الخدمه العسكريه حاليا .
هوياتى التدريس والبرمجه وبحاول ف المجال ده وجت خطوه الجيش عطلتنى . الحمد لله
abdallahkhalaf28@yahoo.com
((( بدأت باحم احم )) عشان مبقاش تقليدى زى الللى قبلى )))
بحب الاختلاف والتمييز ف حياتى
Posted by Ba7ebMasr.com - هبة الله حسنى on يونيو 8, 2011 at 10:24 م
يرحمكم الله يا متميز 🙂 و أنا فعلا من علاقتى بيك على الفيس أشهد لك بالتميز و النضج فى أفكارك بس أكتر حاجة بتعجبنى فيك هى التفاؤل و الأمل و ربنا يوفقك لكل خير إن شاء الله 🙂
و سلم لى على اهل المنيا أجدع ناس 🙂 تصور عمرى ما زرت المنيا لكن بعد الثورة بقيت نفسى ألف مصر كلها شبر شبر 🙂
منور المدونة دايما يا عبد الله 🙂
Posted by OmiMasr on يوليو 17, 2011 at 3:32 م
بياع فجل.. وسواق .. والويك إند عندى يعنى ويك إند … مصرى وأبويا وأمى وإجدادى مصريين .. بس مع الأسف مع الأسف معنديش شهادة من إتنين موظفين مختومة بختم النســــــــــــــــــــــــــــــــــــــــــــــــــــــــــــــــــــــــــر لأ لسه .. ســــر 😀
Posted by Ba7ebMasr.com - هبة الله حسنى on يوليو 17, 2011 at 11:24 م
ههههههههههههههه رائع جدا نورت الملحمة 🙂
Posted by Ahmed Elgammal on يوليو 22, 2011 at 3:12 م
أنا أسمى
اده أنا نسيت إيسمى و لا إيه , يلا مش مهم
بصوا على بال ما أفتكر . . . يووووه نست كنت هقول إيه
– أنا معتصم هنا , الى عاوز يجى أهلا بيه http://www.facebook.com/midoelgammal
Posted by Ba7ebMasr.com - هبة الله حسنى on يوليو 22, 2011 at 6:35 م
هههههههههههه تمام يا أحمد 🙂 أنا دخلت على صفحتك على الفيس و عملت لك فريند و إن شاء الله نتواصل قريب
Posted by Ahmed Elgammal on سبتمبر 14, 2011 at 2:07 م
أنا ده 🙂 http://www.facebook.com/a7medelgammal
Posted by Ba7ebMasr.com - هبة الله حسنى on سبتمبر 14, 2011 at 10:34 م
أهلا و سهلا يا فندم منور المدونة 🙂
Posted by zizo on سبتمبر 12, 2011 at 7:25 م
مع انى مابحبش اتكلم عن نفسى كتيير 😀
اسمى احمد الشهير بزيزو
بنى ادم عادى بسيط فى حالى
لسة طالب فى كلية حاسبات ومعلومات عين شمس وبدرس برمجة رغم انى مش حاببها بس عادى معرفتها برضو مهمة
هواياتى شوية فى المزيكا والالحان بس بحاول ابعد عن الطريق ده
واهم هواية انى حابب اعرف كل حاجة واتعلم كل حاجة بغض النظر الحاجة دى بحبها ولا لأ زى فوتوشوب وتصميم انيميشن وده هدفى فى المرحلة الجاية لأن عندى فكرة ممكن تتعمل انيماشن وكتبت شوية فى السيناريو بتاعها علشان كدة بحاول اطور من نفسى فى الفوتوشوب لأن ده بداية للأنيماشن
وان شاء الله متفائل جداااااا ان حال البلد يتصلح
الايميل ahmed_zizo73@yahoo.com
Posted by Ba7ebMasr.com - هبة الله حسنى on سبتمبر 12, 2011 at 7:57 م
يا أهلااااااااااااااااا يا زيزو 🙂 إنت كان لازم تدخل الصفحة دى من زمااااان 🙂 أنا لازم اشكر القذافى إنه إداك الحافز 🙂 ههههههههههههه
عندى ليك سؤالين:
* ليه بتقول :”حابب اعرف كل حاجة واتعلم كل حاجة بغض النظر الحاجة دى بحبها ولا لأ” أنا قصدى ليه تتعلم حاجة مش بتحبها؟ أنا مقصدش الكلية طبعا لأغن كلنت مكتب التنسيق بيدبسنا فى أى حاجة و السلا لكن غير كده ليه تحاول تتعلم حاجة مش بتحبها؟
* ليه رغم حبك للتلحين عايز تبعد عنه؟
* عمرك ما قلت لى على مشروع الأ نيماشين بتاعك 🙂 ياريت تكلمنى عنه أكتر 🙂
تشكرات أفنظييييم 🙂 هههههههههههههههههههه
Posted by zizo on سبتمبر 12, 2011 at 10:29 م
-لأن معرفة كل حاجة حتى لو مش بحبها كويسة برضو يعنى ممكن فى يوم من الايام احتاجها يعنى طبعا نادر اوى لما الواحد يلاقى شغل فى تخصصه او فى حاجة هو حاببها فلما يبقى عندى القدرة فى مجالات كتيير ده هيخلينى اقدر اشتغل مع نفسى بمعنى ان ماينفعش اعتمد على حاجة واحدة بس ماحدش عارف الظروف ايه فطول ما انا فاضى لازم احاول اتعلم حاجات اكتر
– اما بالنسبة للتلحين كان نفسى اتعلم عزف على الات مختلفة بس ماحصلش نصيب وجات عليا فترة كنت بحاول اعمل الحان بالكمبيوتر بس فمعرفتش اتعامل مع البرامج اوى فأكتفيت بالريمكسات وبعض الميكسات غير كدة المجال ده فى شبهات يعنى الله اعلم الكلام ان الموسيقى فى حد ذاتها حرام وفى كلام كتيير اوى فى الموضوع ده فقررت انى ابعد عنه
– اما لموضوع الانيميشن ماجتش مناسبة والله 😀 بس لسة انا بحاول ولسة حاسس ان قدامى المشوار طويل
بس هى الفكرة جاهزة وهى بكل بساطة عبارة عن غابة وليها الاسد طبعا الملك بس فى مجموعة غابات جنب بعض وكل غابة ليها ملك وحدود بس الفرق بئة ان الغابة فيها تكنولوجيا بس بطريقتهم وعندهم قوانين وضرائب وكل حاجة زى البشر مش عايز ادخل فى تفاصيل اوى بس هى هتبدأ بشكل كوميدى بس لحد ماتتعرفى على نظامهم وبعد كدة هيحصل مغامرات ومشاكل يعنى بأختصار الغرض من القصة مناقشة مشاكل البلد بس بطريقة كوميدية بس كدة 😀
Posted by Ba7ebMasr.com - هبة الله حسنى on سبتمبر 13, 2011 at 10:27 ص
بالنسبة للتعليم كلامك صح طبعا بس من تجربتى الشخصية الإنسان حيكون أسعد لو كان بيشتغل فى حاجة بيحبها فياريت تحاول تدور فى الاتجاه ده الأول قبل ما تتعلم إللى مبتحبوش 🙂
بالنسبة لكااااارثة تحريم الموسيقى فأنا أؤوكد لك إن ده كلام فارغ و كل العلماء المستنريين اكدوا الكلام ده و أنا قريت كتاب إسمه الإسلام و الفن للدكتور يوسف القرضاوى أكد فيه إباحة إستخدام جميع الآلات الموسيقية و قال إن سبب كراهية بعض العلماء للموسيقى زمان إنها كانت دايما مرتبطة بشرب الخمور و مجالس اللهو المحرم.
لكن الموسيقى فى حد ذاتها مش ممكن تكون حرام بالفطرة حتى! ده الكون كله سيمفونيةّ!! فياريت تحرر نفسك من وهم حرامنية الموسيقى تماما.
على فكرة رااااائعة فكرة الأنيمشن 🙂 و يا ريت تكملها و لو إحتجت مساعدة فى الأداء الصوتى أختك موجودة 🙂
Posted by zizo on سبتمبر 13, 2011 at 2:20 م
مش عارف بس هبقى ارجع للموسيقى قدام شوية ان شاء الله
وبالنسبة للأنيميشن هكمل فيه ان شاء الله واللى شجعنى اكتر ان الفكرة هتناقش ظروف البلد بطريقة غير مباشرة وكوميدية ومن غير تفاصيل سياسية معقدة ومملة واكييييييد طبعا ان شاء الله لما اخلص هبقى اعمل حلقة وابعتها لحضرتك علشان الفكرة توضح اكتر ولو عجبت حضرتك اكيييييييد هيكون لحضرتك دور اساسى فى الاصوات 😀
Posted by Ba7ebMasr.com - هبة الله حسنى on سبتمبر 13, 2011 at 8:58 م
ده شئ يسعدنى طبعا يا زيزو 🙂 ربنا يوفقك 🙂 أنا أول مرة اعرف إن ليك ميول فنية …إحنا طلعنا زمل 🙂 لازم ابعت.للقذافى جواب شكر 🙂 ههههههههههههههههه
Posted by zizo on سبتمبر 13, 2011 at 10:02 م
هههههههههههههههههه انا عندى ميول فنية من زمااان بس ماعنديش الجرأة انى اطلعها او ماكنش عندى ثقة كافية فى نفسى 😀
Posted by Ba7ebMasr.com - هبة الله حسنى on سبتمبر 14, 2011 at 10:02 ص
إنت قلت حاجة مهمة قوى يا زيزو و أنا بحييك عليها 🙂 الثقة بالنفس زى المية و الهوا بالنسبة للفنان لإنك حتط شغلك قدام الناس و بعضهم ممكن ينقدك بشكل جارح فلازم تكون واثق فى نفسك و فى موهبتك و تكون فاهم إنك لا يمكن تعجب كل الناس. ساعتها حتتقبل النقد ببساطة 🙂 و أديك شايف التهزيق إللى بيجيللى على اليوتوب و إزاى دايما ردى بيتضمن كلمة “ههههههههههههههههههههههههه” 🙂 لو كنت حفضل أضايق نفسى من كل نعليق مش هو كانت مرارتى إتفقعت من زمان هههههههههههههههه d:
Posted by zizo on سبتمبر 14, 2011 at 2:19 م
ههههههههههههه عندك حق فعلن انا شوفت بيجيلك نقد بصراحة لا يحتمل ومع ذلك بتتقبليه وعلى فكرة حضرتك كان ليكى دور كبير فى شوية الثقة اللى جولى دول لما شوفت فيديوهاتك على اليوتيوب ده شجعنى اكتر يعنى مش عارف اشكر حضرتك ازاى يعنى بجد
وفعلن الثقة دى اهم حاجة
Posted by Ba7ebMasr.com - هبة الله حسنى on سبتمبر 14, 2011 at 10:38 م
ربنا يكرمك يا زيزو 🙂 لو عايز تشكرنى بجد كمل شغلك و إنشره فى أسرع وقت و إنت لسه متحمس …ياللا مستنية إبداعاتك 🙂
Posted by Mostafa Khataan on سبتمبر 16, 2011 at 12:01 م
انا اسمى مصطفى واتشرف بمعرفتكم جميعا
وكل الى اعرفه فى حياتى هو الكمبيوتر والبرمجه وشويه فى السياسه ومعرفش حاجه تانيه غير المدونه دى وشويه على الفيس بوك fast.bux.com@gmail.com
Posted by Ba7ebMasr.com - هبة الله حسنى on سبتمبر 16, 2011 at 6:26 م
أهلا و سهلا يا مصطفى نورت المدونة 🙂 أنا كمان كنت مبرمجة زمان بس الحمد لله خفيت و بقيت فنانة مجنونة 🙂 عقبالك هههههههههههههههههه
Posted by لولو on فبراير 1, 2012 at 10:19 ص
السلام عليكم أنا حبيت كلامك جدا وشخصيتك حطيت علامه علي الموقع لأنه عجبني وأنا نادر ألاقي حاقه تعجبني .أنا أحب كتابة القصص وأحب الفن كله والأفلام والرسم والجميع يقول أني موهوبه لاكن عندي مرض شديد وأكتئاب . وأحب عمروسعد جدا.ههه
Posted by Ba7ebMasr.com - هبة الله حسنى on فبراير 1, 2012 at 7:46 م
ربنا يكرمك يا لولو 🙂 و ألف شكر على تعليقك الجميل. ياريت تبعتى لى أعمالك الفنية و يسعدنى أنشرها فى صفحة إبداعات القراء. و على فكرة الفن اروع علاج للإكتئاب فإنت محظوظة إنك فنانة. جربى لو كنتى متضايقة ترسمى أو تغنى و إدعى لما تروقى 🙂 و طبعا القرب من ربنا أعظم علاج بس أنا برد عليكى من الناحية الفنية كمان لإن الفن نفسه علاج و على فكرة أنا إتكلمت عن الموضوع ده بالتفصيل فى فيديو ياريت تشوفيه و تقوليلى رأيك 🙂 http://www.youtube.com/watch?v=R5Umh8ulI2M
Posted by لولو on فبراير 4, 2012 at 1:53 م
السلام عليكم شكرا علي كلامك موضوع المرض أصعب بكثير مش كفر مني لا كن مرضي صعب وقاسي. الفيديو لايعمل عندي بسبب نوع الموبايل تبعي أصلي بشوف النت بالموبايل . كنت أتمني أشوفه أتمني أني أشري لابتوب قريب أن شاء الله . أنا أكتب قصص وخواطر أن شاء الله يحزن علي أعجابك أتمني أنشرهن هنا في وقت قريب أصلهن يحتجن لبعض الترتيب . ملاحظه : سوري علي كلامي عن عمرو سعد أحسها مش في محلها .وسوري أيضا عن نقدي للقصه أحسه مش كويس ثقالة دم بعيد عنك .وشكرا
Posted by Ba7ebMasr.com - هبة الله حسنى on فبراير 8, 2012 at 10:00 م
أشكرك يا لولو و على فكرة أنا حسيت إن نقدك للقصة بناء و مضايقنيش خالص. ياللا متكسليش مستنية إبداعاتك 🙂
Posted by مني on فبراير 24, 2012 at 11:20 ص
أنا أحب الموسيقي والأغنيات ولاكن لما أسمعها أحس بالأكتأب. وتترك أثر في النفس مثل الحزن والقلق والتشائم .لهاذا أعتقد أنها حرام لضررها الكبير علي النفس أعتقد ! أرتاح لما أتركها لاكن أرجعلها ثاني وأشعر بالضيق مرة ثانيه .أشعر بالحيرة !حتي أغاني حمزة نمرة رغم أنها فن ملتزم وموسيقي جميله ألا أني بعد سماعها أكتأب وكثيرين مثلي لهم نفس الرأي. إلي أحسه أن الموسيقي ليس ورأئها إلاالضياع النفسي . قرأت كلام القرضاوي وأعترف أني أقتنعت بكلامه عن عدم حرمانية الموسيقي.وأنا رجعت أسمعها بسب كلام القرضاوى لاكن شعور الأكتأب موجود . ديما أسأل اللي يسمعو موسيقي أنتو تحسو بالأكتأب والحزن لمي تسمعو موسيقي أغلب الأجابات نعم . وهذي سؤالي لكي ياهبه ؟
Posted by Ba7ebMasr.com - هبة الله حسنى on فبراير 24, 2012 at 9:04 م
أهلا و سهلا بيكى يا منى نورتى المدونة 🙂
بالنسبة لسؤالك عن الموسيقى أنا شخصيا بستمتع جدا بسماع الموسيقى فى أغلب الأحيان و مفيش أى موسيقى بتجيب لى إكتئاب إلا إللى بتكون نرتبطة بذكرى حزينة عندى و ساعتها مش بتكون الغنوة هى السبب. وطبعا فى أغانى بتكون معانيها و كلامها كئيب و النوع ده أنا غالبا مش بحب أسمعه. و الحقيقة إن فى علم كامل إسمه العلاج بالموسيقى معروف عالميا و كنت شفت إعلان عن ندوات عنه فى مصر. لو تأملاتى فى الكون كله حتلاقيه موسيقى رائعة و سيمفونية ساحرة من غناء الطيور و صوت المياه المنسابة ده حتى القرآن كله نغم و كان الرسول عليه السلام يقول فى حديث: ليس منا من لم يتغن بالقرآن.
أنا حاسة و الله أعلم إن إحساسك بإحتمال إن الموسيقى تكون حرام جايز يكون بيخليكى متحبيش تسمعيها لكن العلماء المعتدلين أكدوا إنها مش حرام فلو إنتى إقتنعتى بالكلام ده أكيد نظرتك للموسيقى حتتغير :).
و أشكرك على قصتك الجميلة إن شاء الله خقرأها فى أأقرب فرصة و أقولك رأى أهلا بيكى فى المدونة 🙂
Posted by محمود شوقى on يوليو 30, 2012 at 12:01 ص
يا استاذة هبة ايميل حضرتك على الفيس اسمه ايه
Posted by Ba7ebMasr.com - هبة الله حسنى on يوليو 30, 2012 at 1:32 م
هو ده لينك الفيس بتاعى : http://www.facebook.com/hebatallah.hosny
Posted by محمود شوقى on يوليو 30, 2012 at 2:33 ص
ألسلام عليكم انا محمود من الأسماعيلية بغنى واللينك دة وانا بغنى فى المدرسة http://www.youtube.com/watch?v=-wlRq_3lyCA&feature=youtu.be
Posted by غير معروف on أكتوبر 16, 2013 at 7:04 ص
ههههههههههههههههههههههههههه
Posted by Ba7ebMasr.com - هبة الله حسنى on أكتوبر 17, 2013 at 8:55 م
هههههههههههه عيد سعيد 🙂 الصفحة دى مخصصة للتعارف فلو حابب (أو حابة) بعد الضحك تعرفنى انا و زوار المدونة عليك (أو عليكى) فده شىء يسعدنا جدا 🙂