أغنية “بإيدينا بكرة أحلى” – المر يحلى أكيد لو إيد حتحضن إيد – ألف مبروك للفائزين فى المرحلة الأولى

  يسعدنى الإعلان عن مسابقة “بإيدينا بكرة أحلى”  لإكتشاف المواهب الفنية فى الشعر الغنائى و الغناء و التوزيع الموسيقى و التلحين و إخراج الفيديو. 


يسعدنى الإعلان عن الفائزين فى المرحلى الأولى ( الشعر الغنائى) من مسابقة “بإيدينا بكرة أحلى”
  لإكتشاف المواهب الفنية فى الشعر الغنائى و الغناء و التوزيع الموسيقى و التلحين و إخراج الفيديو.وهم بالترتيب الأبجدى طارق الموجى – عبد الله مطر – محمد مرسى – مصطفى محمود – يسرى الفار – شاعر مجهول ! إضغط هنا لقراءة مساهتهم الرائعة و أتمنى لهم مزيد من النجاح و التوفيق بإذن الله

 إضغط هنا  لمزيد من التفاصيل عن مسابقة “بإيدينا بكرة أحلى” لإكتشاف المواهب الفنية و مشروع Ba7ebMasr.com

أغنية بإيدينا بكرة أحلى

 

أكيد حيجى اليوم الحب يجمعنا

أكيد حيجى اليوم حنحس بالمعنى

المر يحلى أكيد

لو إيد حتحضن إيد

و نخطى أى بعيد

و الدنيا حتساعنا

بإيدينا..يإيدينا …بإيدينا بكرة أحلى

بإيدينا..يإيدينا …بإيدينا بكرة أحلى

أكيد حيجى اليوم و الحلم يتصدق

أكيد حيجى اليوم و الورد يتفتح

كل الهموم حتدوب

و الفرح يملا دروب

و شمس مالها غروب

حتدفى أيامنا

بإيدينا..يإيدينا …بإيدينا بكرة أحلى

بإيدينا..يإيدينا …بإيدينا بكرة أحلى

أكيد حيجى اليوم و الفجر حيشقشق

أكيد حيجى اليوم و طيرنا حيزقزق

و كل طفل و ليد

فى قلبه حلم عنيد

و همة صلبة حديد

حتشق أحزاننا

بإيدينا..يإيدينا …بإيدينا بكرة أحلى

بإيدينا..يإيدينا …بإيدينا بكرة أحلى



Advertisements

73 تعليق

  1. هبة
    لقد أسعدتينى من قبل بالتعليق على إحدى التدوينات فى مدونتى، وكنت أنوى أن أرد على تعليقك وأشكرك كثيرا عليه، لأنه تعليق جيد للغاية ومفيد، ولكن للأسف ظللت أؤجل يوما بعد يوم، ومرت أيام كثيرة دون أن أعلق ودون أن أشكرك حتى الآن، ولكن يبدو أن الفرصة قد حانت، ليس فقط لكى أشكرك على تعليقك، وأنما لأبدى إعجابى الشديد بكلمات هذا الأغنية الرائعة.

    هذه الكلمات عبقرية بحق، وتدل على موهبة واضحة وقوية لديك، ويستطيع الإنسان العادى أن يحكم بذلك بمجرد قراءته لها.

    إن مفرداتك قوية، وجملك معبرة وحية ويتم تصورها فى الذهن بمجرد قراءتها.

    إذا أردت رأيى، فينبغى عليكى مراسلة أكبر عدد ممكن من المطربين (وأبدأى بالنجوم منهم) لكى تطلعيهم على هذا الانتاج الرائع. لا تبحثى على ملحن للأغنية، وإنما أبحثى لها عن مطرب، وهو من سيتولى أمر الملحن والموزع والفرقة الموسيقية وكل شئ بعد ذلك إذا أعجبته الأغنية.

    أمر أخير، عندما قرأت جملة (أكيد حيجى اليوم و الحلم يتصدق) لم أفهم ما الذى قصدتيه بأن الحلم (يتصدق)، أم أنك كنت تقصدين (أكيد حيجى اليوم و الحلم يتحقق) وخصوصا أن (يتصدق) على نفس وزن (يتحقق)؟

    وأمر آخر، فى جملة (و الفرح يملا دروب)، أشعر أن كلمة (دروب) ستكون أفضل وأكثر عمومية إذا أصبحت معرفة بالألف واللام لتصبح (الدروب)، وبذلك فإن الفرح سيملأ كل الدروب، وليس بعض الدروب فقط الذى تشير إليه وتدل عليه كلمة (دروب) الغير معرفة.

    هذه مجرد إنطباعات قارئ غير متخصص، وأنت طبعا أدرى منى بهذه الأمور، وما تكتبينه سيكون بالتأكيد هو الأصح والأفضل.

    مرة أخرى أريد أن أحييك، وابدى اعجابى الشديد بموهبتك، وأتمنى أن تظهر كلماتك الرائعة هذه -وغيرها- للنور.

    عمرو مكاوى

    رد

  2. ألف شكر يا عمرو على تعليقك الجميل وواضح إنك قرأت الأغنية بعناية وده شئ يسعدنى جدا.
    طبعا أنا واصفة نفسى بإنى كاتية و يسعدنى أألف أغانى لأى فنان موهوب لكن بإيدينا بكرة أحلى هو شعار Ba7ebMasr.com و لو شفت أى فيديو من بتوعى حتلاقى الشعار فى آخر الفيديو علشان كده أنا عايزة أغنى الغنوة دى بالتحديد لإنها بتعبر عنى جدا. علشان كده بدور على ملحن.
    أنا فعلا ناوية إن شاء الله إنى أحاول أأقدم شغلى لفنانين كبار بس لازم يكون عندى بالقليل 5 أغانى على مستوى عالى. إن شاء الله ربنا يبارك فى لوقت و أقدر أعمل الحكاية دى بسرعة.
    بالنسبة لتعلقاتك على كلمات الأغنية: أنا قصدت أستخدم كلمة “يتصدق” لسببين: “يتحقق” كلمة متوقعة و أنا حبيت المستمع يتفاجئ بكلمة تانية وفى سبب تانى أهم إن الإنسان لازم يصدق حلمه الأول و يؤمن بيه علشان يتحقق.
    بالنسبة لتعليقك على “الدروب”. أنا معاك إن التعريف بالألف و اللام حيدى معنى أشمل من الناحية البلاغية لكن مش حيكون ماشى مع وزن البيت إللى قبله.
    و الحقيقة أنا أشكرك جدا إنك إقتطعت من وقتك علشان تكتب لى تعليق جميل و مشجع و ربنا يوفقك لكل خير بإذن الله 🙂

    رد

  3. مساء الخير انا ملحن من الاسكندرية هذه الكلمات رائعة وبجد نحن فى حاجة اليها فى هذه الايام نريد بعض التفاؤل هل لحنت ام لا ؟ لا اقدر ان الحن الا بأذن صاحب الكلمات ..ولاننى دخلت على الموقع بالصدفة. ارجو الرد دكتور بهاء زكى bahaazaky3@hotmail.com 0174054961 الاسكدرية

    رد

  4. ألف شكر يا دكتور بهاء 🙂 إن شاء الله حكلم حضرتك جدا قريب و كنت حابة أبعت لحضرتك رقمى علشان تكون عارفه لكن فى مشكلة فى إيميل حضرتك

    رد

  5. Posted by غير معروف on مارس 3, 2012 at 2:20 م

    اكيد هييجي اليوم هيفسر الاسرار
    اكيد هييجي اليوم و يدوي الف نهار
    وهييجي لينا الدور
    وشباب كما البنور
    هيهد لينا السور
    وهيخلق الجنه
    تحيه مني ليكي ياهبه … طارق الموجي

    رد

  6. Posted by غير معروف on مارس 3, 2012 at 11:45 م

    أنا مطرب وشاعر يسعدني المشاركه

    رد

  7. Posted by محمد سعد on مارس 3, 2012 at 11:47 م

    أنا مطرب وشاعر يسعدني المشاركه

    رد

    • أهلاو سهلا بيك يا محمد 🙂 إحنا بنرحب بالفنانين متعددى المواهب فطبعا ممكن جدا تشترك فى الـأليف و الغناء. بالنسبة للشعر الغنائى ياريت تبعت لى مساهمتك على: Ba7ebMasrAwy@gmail.com و لو سمحت إكتب مسابفة بإيدينا بكرة أحلى فى ال Subject

      و أنا حرد عليك بملف Audio فيه الغنوة باللحن المبدأى بصوتى علشان تحفظ أى كوبليه يعجبك و تبعتهولى بصوتك. ألف شكر لإهتمامك و ربنا يوفقنا إننا نتعاون فى عمل فنى هادف و متميز بإذن الله.

      رد

  8. Posted by محمد سعد on مارس 4, 2012 at 10:04 م

    تمام يا هبه يشرفني التعاون معاكم وهو بجد عمل يستحق ان الواحد يتعب علشانه وميرسي جدا لأنك فكرتي تعمل شغل هادف زي ده

    رد

  9. Posted by محمد سعد on مارس 4, 2012 at 10:05 م

    وأنا بعتلك أدد ع الفيس بأسم ( الشاعر المتيم ) وهبعتلك مسج ع الفيس بحاجه من شغلي

    رد

  10. اكيــــد هيجى اليوم ونحب بعضنـــا
    اكيــــد هيجى اليوم ونبقى ايد واحده كلنـــا
    هنطفى من قلــــوبنـــا النــار
    والليل هيبقــا نهــار
    والحلم ماهينهـــار
    طول ما أيدينـــا فى أيد بعضنـــا
    ___________________
    تحيــــاتى لك يا هبه وهذا جذء من كلمـــاتى
    ارجو المواصله على الاميل البريدى eslam.jawa2020@yahoo.com
    او على الهاتف 01114378353

    رد

  11. ومع احترامـــى ليكى شويه تعديـــلات فى الكوبيليه بتاعك
    اكيد هيجى اليـــوم والحلم يتحقق

    اكيد هيجى اليــوم وواقعنا يتصدق

    كل الهموم حتدوب

    و الفرح يملا دروب

    و شمس مالها غروب

    حتدفى ايامنا
    ________________________________________
    ومن هنا كسبـــنا المعنى فوق واضح وتحت كسبنـــا كوبليه المعنى فيه برضو واضح
    اكيــــد هيجى اليوم وعنينـــا هتفتح أأأأه
    اكيـــد هيجى اليوم والورد هيفتح

    كل طفل صغيــــر

    فى قلبه حلم يحير

    الاســـوار تداريه

    وحلمه يعلى بيه

    عندو اصرار وعزيمه يحقق اماليه
    ________________________________-
    لو فيه اى ملاحظــــات ارجو المشاركه عبر البريد

    رد

  12. ياريــــت ميجيش اليـــوم اللى ملوش اى معنى
    ياريــــت ميجيش اليـــوم ومحـدش يسمعنـــا
    هنشوف بكره ســــــــواد
    ونتوه فى وهـــــم غريب
    وامبـــــارح عدا وفـــات
    ونضيع فى بحر غويط

    وادى كوبليه تانى ياريت يعجبك

    رد

    • آسفة يا إسلام أنا مكنش عندى وقت أشوف المدونة قبل كده…أشكرك على مساهمتك هى مناسبة من حيث الوزن لكن الغنوة تفاؤلية جدا فكلمات زى سواد و وهم مش حيكونوا مناسبين. أكون شاكرة جدا لو قدمت مساهمة تانية يكون فيها تفاؤل و أمل و ياريت فى المستقبل تبعت لى المساهمات على Ba7ebMasrAwy@gmail.com
      لإنى بجمعها مع بعض و ألف شكر لإهتمامك 🙂

      رد

  13. انــــا بنفـــى مش بقــــول بكــره هيبقــى سواد

    رد

  14. اكيد حيجى اليوم ما نخافش من بكرة
    اكيد حيجى اليوم والحلم ليه فكرة
    وكل همسة شوق
    والنسمة طايرة لفوق
    هننسى معنى الخوف
    ونطوى اوهامنا
    بايدينا بايدينا بكرة احلى
    مصطفى

    رد

  15. اكيـــــــــد هيجى اليوم مانخبيش بسمتنا
    اكيـــــــــد هيجى اليوم ونحس بقيمتنـــا
    بأدينـــــــا نمحـــــى احزانــــــــا
    والفـــــرحه جايـــه اكيــــــــد
    وببــــــــكره نبنــــــــى امـــالنـــا
    طـــــول ما الآيد فى الآيــــــــــــــد
    بأدينا بأدينـــا بادينـا بكــــــره احـــلى

    EsSsOoOo
    تحيــــــــــــــــــــــــــــــــــاتى لكـــى

    رد

  16. Posted by ahmed on مارس 18, 2012 at 2:36 م

    اكيد هيجى اليوم ونصحصح من النوم
    اكيد هيجى اليوم والكســـلان هيقوم
    فى العمــــــــــل افكــــــــــار
    من شبـــــــــــاب احرار
    وفى العزيمــــــــه اصرار
    لى ألغـــــاء الاجبـــــــــار
    بادينا بادينا بكره احلى
    احمد

    رد

  17. اكيـــــــــد حيجى اليوم مانخبيش بسمتنا
    اكيـــــــــد حيجى اليوم ونحس بقيمتنـــا
    وبضى الامـــــــل والنـــــور
    اكيـــــــد هنهد الســــــــــور
    هننســــى خــــــــــوف الليل
    ونشــــــــــوف فى بكــــره الخيــــر
    بأدينا بأدينـــا بادينـا بكــــــره احـــلى

    تحيــــــــــــــــاتى ويـــــــاريت ميكونش فى اى ملاحظــــــــات 😀
    EsSoOo

    رد

  18. انـــــــــهى واحده

    رد

  19. الووووووووووو

    رد

  20. Posted by yosryelfr on مارس 26, 2012 at 3:28 ص

    اكيد حاييجي اليوم.. ونبص قدامنا
    اكيد حاييجي اليوم .. ونشق احلامنا
    من جوه قلب الخوف
    نطلع لمدد الشوف
    والفرح بينا يطوف
    بإدينا بإدينا .. بإدينا بكره احلي
    بإدينا بإدينا .. بإدينا بكره احلي

    رد

  21. Posted by yosryelfr on مارس 26, 2012 at 3:29 ص

    مع تحياتي ياهبه
    يسري الفار

    رد

  22. اكيد حيجى اليوم ونكســــر القيـــــود
    اكيد حيجى اليوم ونتعلــــم الصمـ،ود
    هنحمى كل غيوم
    غطت احلامنا فى يوم
    وطول ما شايفين بكره احلى
    الحلم بينـــــا هيحلى
    وبأدينا بأدينا بكره احلى

    رد

  23. تحيــــــــاتى لكــــى مع تـــانى كوبليه
    ياريت ينول اعجبابك
    مع تحيات EsSoOo ELFnan

    رد

  24. ايوه يعنى اضافت ولا لا

    رد

    • زى ما إنت عارف أنا عاملة مسابقة فحاليا بجمع كل المساهمات علشان أختار الأعمال الفايزة فحاليا مساهمتك التانية محطوطة مع باقى المتسابقين. ألف شكر على إهتمامك 🙂

      رد

  25. الاخت هبة تحياتي
    اليك هذا الكوبليه ….
    بكره اللي جي اكيد
    احلى من امبارح …. واحلى من حلمنا
    مادمنا بالتأكيد
    بنحب ونسامح …. ونخاف على بعضنا
    لا وهم هيسعنا
    ولا خوف هيمنعنا
    ولا حاجة هتصدنا
    ……..
    خالد الحصرى
    kalhossari@hotmail.com

    رد

  26. يعنى اكتبلك كوبليهات من هنا للصبح يعنى ولا ايـــــــــــــه

    رد

    • هههههههههه زى ما يعجبك لإن طبعا كل ما تبعت أكتر فرصتك فى الفوز حتزيد و عموما 30 أبريل هو آخر معاد لتلقى مساهمات الشعر الغنائى و أنا بعمل فيديو دلوقت بعلن فيه عن الموضوع ده علشان عايزين المسابقة تتقدم بسرعة.

      رد

  27. Posted by غير معروف on مارس 31, 2012 at 9:13 ص

    الاخت الفاضلة / هبة …
    السلام عليكم ورحمة الله وبركاته …
    اليك هذا المقطع الجديد … مع خالص تحياتي

    اكيد هيجي زمان
    وأشوف وليد ثورتي

    عدل وايمان وامان
    نور على دنيتي

    وحلمنا المولود
    مبخفش من معبود
    وبيعدي كل حدود
    وبيحرسه ربنا

    تحياتي وتقديري

    رد

  28. اكيد حيجى اليوم ونمحى كل احزانا
    اكيد حيجى اليوم ونحقق كل امالنــا
    نور القمر هيضئ
    ونخطى خطوه اكيده
    هينور لينا الطريق
    لاحلامنـــا العنيده
    بأدينا بأدينا بكره احلى

    تحيـــــــــــــاتى مع 3 كوبليه
    مع تحيات EsSsoOo ELFnan

    رد

  29. شوفـى دول

    اكيد حيجي اليوم ونحس بكلامنا
    اكيد حيجي اليوم والدنيا قدامنا
    ده امبارح هيبقي ذكري
    وحترسم بايدك بكـرا
    وحيدق القلب دقا
    والضحكه تندهنا

    اكيد حيجي اليوم وننسي الامنا
    اكيد حيجي اليوم ونركز باهدافنا
    ده المستقبل فى علم الغيب
    وبكره تلقي جانبك حبيب
    ياخدك بايدك ويا النصيب
    والضحكه تسمع بوجدانا

    احمد عـادل
    email : romansimot@yahoo.com

    صفحتى بالفيس بوك
    https://www.facebook.com/b3srt.2lm.ahmed.adel

    الاكونت الخاص بيا
    https://www.facebook.com/mooneg.ahmed

    تحت امرك لو الكلمات عجبتك .. اكمل لو تحبي …

    رد

  30. Posted by عبدالله مطر on أبريل 22, 2012 at 10:21 ص

    أكيد هييجي اليوم والدنيا تحسدنا
    وليلنا يبقى نهار والحب يسعدنا

    والأمن يبقى حديد والزرع يبقى جديد
    ومصر تتجمع كل الايدين في الايد

    رد

  31. Posted by عبدالله مطر on أبريل 22, 2012 at 10:23 ص

    أكيد هييجي اليوم ومصر هتنور
    تطلع شمس النهار في قلوبنا وتْعَمَرْ
    ونروح نطول القمر ونبني ونْعَمَرْ
    نحقق الحلم اللي كان في قلوبنا متحير

    رد

  32. Posted by عبدالله مطر on أبريل 22, 2012 at 10:38 ص

    أكيد هييجي اليوم والشدة ديا تزول
    نبني لحياتنا نظام يقدر يلاقي حلول
    ونواصل المشوار نفضل في ضَىْ نهار
    نعرف نجيب قبطان يجعل حياتنا عمار

    رد

  33. Posted by غير معروف on أبريل 24, 2012 at 10:23 م

    اكيد هييجي اليوم والدنيا نسمعنا
    ونبقى قد القول والحب يجمعنا
    نكتب تاريخ معروف
    ونشيل جدار الخوف
    نسكن في كل حروف
    تدي الكلام معنى

    عبدالله مطر
    matter99@hotmail.com

    رد

  34. ـــــــــــــــــ
    أكيد هيجى اليوم وتزول كل الغيوم
    نبنى الأمل بإيدينا والفرح لينا يدوم
    وصوت الحق بعلى وينصر المظلوم
    بالعدل قلوبنا تدفى وتدوب كل الهموم
    بإيدينا… بإيدينا…بإدينا بكرة احلى

    رد

  35. Posted by محمود شوقى on يوليو 30, 2012 at 10:59 ص

    السلام عليكم يا استاذة هبة ازى حضرتك انا محمود شوقى من الأسماعيلية ودة اللينك وانا بغنى فى المدرسة http://www.youtube.com/watch?v=-wlRq_3lyCA&feature=youtu.be

    رد

  36. اكيد هايجى يوم والنصر يبان
    اكيد هايجى يوم على كل جبان
    والوحده تلم الشمل
    والكل يشيل الحمل
    ونقطع راس الظلم
    ونبداء مشروعنا

    رد

  37. ياريت ياهبه تبعتيلى اضافه عشان فى حاجات كده ارجو انك تسمعيها عن اغنيه نحلم ببكره وكمان عشان تسمعى كلمات عملها انا mostafa_joo@yahoo.c

    رد

  38. Posted by طارق on نوفمبر 10, 2012 at 2:17 م

    السلام عليكم ازيك يا هبة انا اسمى طارق الحسينى مؤلف اغانى ويشرفنى الانضمام واساهم فى هذا العمل العظيم بفيديو من تاليفى وكلماتى ارجو تعليقك علية ونفسى بجد اعمل حاجة لمصر امى واذا عجبك الفيديو بتاعى ارجو الرد عليا او الاتصال على هذا االارقام الاتية 01063032283
    01063031175

    رد

    • ألف شكر على إهتمامك يا طارق 🙂 إن شاء الله حشوف الفيديو الخاص بك فى اسرع وقت و بإذن الله يكون في تعاون بيننا أما بلنسبة للمسابقة تحديدا فزى ما شفت 30 أبريل كان ىخر يوم لتقديم الشعر الغنائى و بالتالى المصداقية تحتم علي عدم قبول أعمال جديدة بعد التاريخ المحدد…اشكرك على تفهمك مع خالص تمنيانى لك بالتوفيق 🙂

      رد

  39. Posted by غير معروف on نوفمبر 12, 2012 at 11:52 ص

    على فكرة انا عندى اشعار كتيرة عن مصر مش الفيديو دا بس وكان نفسى اعمل حاجة للبلدى بالتعاون معاكى وتساعدينى فى اكتشافها

    رد

  40. Posted by غير معروف on ديسمبر 10, 2012 at 6:33 م

    شكرا ليكى ياهبة ودا شرف ليا ان اكون عند حسن ظن حضرتك ويارب اعمالى تطلع للنور على ايديكى وانا بجد شاكر ليكى على اهتمامك وان ان شاء
    الله عامل قصيدة ابقى ابعتهالك قريب ان شاء الله تعالى

    رد

  41. Posted by غير معروف on ديسمبر 10, 2012 at 6:37 م

    ودا الايميل بتاعى MAGKO_77@YAHOO.COM

    رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s