إزاى تفرضى إحترامك على أى شاب (2) – طرائف و عجائب شباب الفيس بوك :)

إزيكو يا بناتيت 🙂

فى مقالة إزاى تفرضى إحتامك على أى شاب فى النت أو فى الحياة قلت لكم إن كلمة “حضرتك” و قراية القرآن كله من الوسائل الفعالة و كمان قلت لكم إن الكتاب بيبان من عنوانه.

المهم حصل لى مؤخرا موقف حبيت أشرككم فيه:

واحد بعت لى رسالة على الفيس بوك و قاللى: “أحب أتعرف”. عادة الناس بتعمل Friendship Request من غير ما يبعتوا رسايل. فأنا بعد تفكير رديت عليه و قلت: “أنا برحب بأى صداقة أساسها الإحترام و ليا أصدقاء كتير على الفيس بوك يسعدنى إن حضرتك تكون واحد منهم” 🙂

فرد عليا و قال ما معناه:”و الله يا أختى أنا كويس قوى” . شوفتوا يا بناتيت؟ بقيت أخته  رسمى علشان سطرين كتبتهم ووحددت موقفى من الأول 🙂 و بعد كده عمل Friendship Request.

لكن سبحان الله لإن الناس مش زى بعض, فيه واحد تانى بعت لى رسالة يقول لى:”أحب أتعرف” فرديت عليه نفس الرد العبقرى فرد عليا و قال:”يعنى إنت شايفانى مش محترم؟!”

طبعا أنا كنت حقع على الأرض من الضحك لإن الكلام إللى أنا قايلاه لا يمكن يستفز إلا إللى على إللى على راسه بطحة. فرديت و قلت له:”أنا آسفة إذا كان حضرتك جالك الإنطباع ده. أنا معرفش حضرتك علشان أحكم عليك. كل الفكرة إن بحب إن موقفى يكون واضح من البداية” فرد عليا و قال:”أوك مفيش مشكلة” (و أنا مش عارفة إيه ظاهرة كتابة كلمات إنجليزى بحروف عربى. مرة واحد كتب لى نو كموينت بالعربى! عموما ده ممكن يبقى موضوع ظريف لمقالة تانية )

اللذيذ فى الموضوع إن الشاب ده معمليش Friendship Request بعدها لكن هو حر طبعا..

عموما الناس مش زى بعض خالص فى تفسيرها للأمور لكن المهم إن إنتى تكونى واضحة من البداية. و ربنا يصلح حال الجميع 🙂

5 تعليقات

  1. Posted by zizo on يونيو 8, 2011 at 7:07 م

    هههههههههههههههههه فعلن بس مش دايما الكتاب بيبان من عنوانه بس مسيره فى يوم هيبان على حقيقته
    بس طبعا بالنسبة للفيديو بيعجب نوعية من الناس ومش بيعجب نوعية منهم بس فى نوعية بتخبط فى الكلام وبتشتم ودى ماينفعش التعامل معاها
    لأن التعامل معاها ماينفعش غير بأسلوبهم
    ولكن المهم طبعا تقبل النقد البناء واحترام اراء الاخرين طالما فى حدود الاحترام

    رد

    • ههههههههههههههههه هو الحقيقة يا زيزو كل كلامك صح و ضيف عليه إن أنا موعودة بالعجايب 🙂 لكن أنا الحقيقة الشتايم بتضحكنى أغلب الوقت و عمرى ما شلتها إلا لما ناس قالوا كلام مش محترم لكن الشتايم العادية منها “قالوا مجنون إللى يفكر إنك بتعرفى تغنى” هههههههههه دى مثلا كانت حاجة عادية و لعلمك الشتايم لها ميزة تانية إنها بتثير فضول ناس كتير إن هما يشوفوا الفيديو فأنا بشكرهم جدا ههههههههههههههههههههههههه

      رد

      • Posted by zizo on يونيو 8, 2011 at 9:05 م

        ههههههههههههههههه على رأيك ساعات الشتايم بتعمل دعاية للفيديو

  2. Posted by عبدالله خلف on يونيو 8, 2011 at 8:50 م

    ههههههههههههههههههههههههههههههههههههههههه
    انا اول مره اسمع الفيديوهات يا م. هبه وطلعوا لذاذ جدا والله وبالذات اعلان اتصالات والمفاجأه الكبرى اللى ف اخر (( أنا فودافون ههههه))
    وكمان على صوتك بالدعا الصدى مش مأثر اوى يعنى زى ما كل الكومنتات قايمه على كده ..
    لكنى عجبنى طموحك وانك بتعملى الحاجه اللى انتى عايزها . ربنا يوفقك ويكرمك دوما يا رب

    رد

    • ربنا يكرمك و يباررك فيك يا عبد الله 🙂 بس ليه كده حرقت المفاجأة 🙂 هههههههههههههه
      و الحمد لله إن فيديوهاتى عجبتك و أوعدك بناء على طلب الجماهير إن الفيديوهات القادمة ستكون خالية من الصدى تماما إن شاء الله 🙂

      رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s