يوم الغضب تحول ليوم الصخب!

لمصلحة مين إن مظاهرة سلمية تتحول لمصادمات دموية؟ محدش إستفاد من الموضوع ده غير قناة الجزيرة و بعض الأقليات إللى لهم أجندات خاصة! لكن عم محمد و عم جرجس و ال 80 مليون مصرى إللى أكترهم يا إما محدودي  او معدومى الدخل ياترى مطالبهم المشروعة سترى النور و لا لأ؟  كان نفسى اليوم كله يستمر سلمى زى ما بدأ لكن كده الهدف الأصلى للمظاهرات ممكن “يتوه ” لإن الحكومة حتكون مشغولة يا كبد أمها بالتصدى للمتسببين فى الشغب!

و مش قادرة أستوعب برضه سبب الربط المسبق بين إللى حصل فى تونس و مظاهرة 25 يناير إللى كان المفروض إنها تكون سلمية!

حتلاحظوا فى الفيديو إللى جاى إن المواطن بيقول فيما معناه: “إنتوا قفلتوا طرق التغيير السلمى. و إحنا بنفتح طريق للتغيير على الطريقة التونسية!”. محدش حيستفيد غير أعدائنا لو لجئنا للعنف! أنا شفت أكتر من فيديو أجنبى بيربط بين إللى حصل فى تونس و بين يوم الغضب. أما قناة الجزيرة إللى المفروض إنها عربية فمافيش غير لفظ واحد يوصفها: زبالة!!!


إيه إللى يحصل لنا؟ إيه إللى بيحصل فى كل البلاد العربية؟ إحنا رايحين على فين؟! تساؤلا ت  كثيرة تصرخ جوايا و إجاباتها مخيفة لكن أملى فى حفظ الله و لطفه بنا.

Advertisements

2 تعليقان

  1. الي جمييع المتظاهريين جمييل جدا كل اللي بتعملوه وربنا معاكم يارب بس انتبهوا من المندسيين ومن يحاول سرقه ماتقوموا به ومن يحاول التخرييب وينسب هذا الي الشرفاء منكم جنود الامن المركزي اخواننا والي ضباط وجنود الشرطه المتظاهر هذا اخوك وابنك وابوك انت وانا ونحن جميعا مكويين بنار الاسعار طالع عنيناوعنيك معانا جميعنا بيأن من انخفاض المرتبات وارتفاع في الاسعار نكون مع بعض احسن يمكن نقدر نعمل حاجه مع بعض وربنا يقوينا ويقويكم معانا

    رد

    • اللهم آمين يا ممحمد. إحنا شعبنا واعى و بصراحة بعد الشروط المجحفة إللى حطتها المعارضة للحوار مع عمر سليمان أنا مش حاسة إنه فيه حزب معارضة واحد قلبه على مصر بجد! كلها مصالح!! ما هى المواقف دى بتبين معادن الناس و بالنسبة لى المعارضة طلعت صفيح لكن ده مش معناه أنى راضية عن النظام الحالى لكن كل إللى عايز يشعلل الدنيا قلبه مش على البلد و يا ريت شبابنا يفهم ده و الرئيس قال كلام كافى بخرس كل الألسنة فى بيان إمبارح. “رب اجعا هذا بلدا آمنا” إنك ولى ذلك و القادر عليه.

      رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s