أخيرا رجعت أدرس غناء شرقى من أول الشهر و أتمنى إن كل الناس تمارس هوايتها المفضلة

أعزائى قراء المدونة الكرام:

أخيرا رجعت أدرس غناء شرقى من أول الشهر و انا فى منتهى السعادة علشان كده بدعوكم كلكم إنكم تمارسوا هواياتكم المحببة لإن لما الإنسان بيخصص وقت يعمل فيه شئ بيحبه, المتعة إللى بيشعر بيها بتديله طاقة جبارة و بتساعده على أداء واجباته و مسؤلياته فى الحياة.

و طبعا رجوعى لدراسة الغناء خبر سار جدا بالنسبة لزوار المدونة الدائمين لإن ده معناه إن فى أمل إن النشاز إللى بقدمهلكو يقل شوية هههههههه و بنصح اى حد ناوى يستمع لأعمالى السابقة يكون جاهز بسدادات ودان و إن لم تتوفر عليه بتذكر ثواب الصابرين هههههههههههههه 🙂

انا بالذات لازم أدرس غناء لإنى مجنونة رسمى و بالطريقة إللى كنت بغنى بيها أغانى صعبة لساعات طويلة و كان ممكن فعلا إنى أبوظ صوتى!! و أنا كنت كلمتكم بالتفصيل عن هوس الغناء بالساعات الطويلة إللى بيجيلى فى مقالة الفنون جنون!! و المشكلة إنى لما بغنى اغانى صعبة مش بكون حاسة بأى تعب ساعتها لكن بعد كده زورى بيوجعنى جدا!!

لكن دلوقتى انا بحفظ الأغانى إللى بدرسها و مركزة عليها و با خد تمارين صوت كل مرة (Vocalize) يبقى كده فى امل إن النشاز يقل و فى إنى لا أفقد النطق فى يوم من الأيام!!

عموما أنا عمرى ما شفت فنان عاقل فمفيش جديد فى القصة دى لكن مفيش شك إن صقل الموهبة بالدارسة هو “أعقل” حاجة ممكن أعملها فى الموضوع ده. دعواتكم :).

و على فكرة يوم 1 ابريل كان يوم “الصياعة المستحبة” بالنسبة لى لإى قضيت اليوم كله فى الشارع :). الأول رحت شاركت فى تنظيف شارع مع جمعية رسالة و بعد كده رحت التحرير و كانت جمعة إنقاذ الثورة و بعد كده  و ختمت اليوم بأول حصة غناء شرقى منذ 4 شهور. هيييييييييييييييييييييييييييييييييييه

ياريت كل إللى يقرا المقالة دى يقول لى فى التعليق هواياته إيه و بيمارسها كل أد إيه و لو حاسس إنك مش مدى هوايتك حقها, أتمنى إن مقالتى تأثر فيك و صدقنى حتكون أسعد بكتير لما تعمل الحاجة إللى بتحبها. و ربنا يسعد الجميع. قولوا إن شاء الله :).

Advertisements

2 تعليقان

  1. Posted by sayed on يوليو 31, 2011 at 10:31 ص

    انا بردو بعشق حاجة اسمها الغنا لانى عاطفى بطبعى وبسمع اغانى كتير اوى وبيقولوا عليا ان عندى هوس بالاغانى والموسيقى وكمان بحب اغنى الاغانى..باذن الله ناوى اجيب جيتار واتعام الغان وعندك حق انك لما تمارس هواية بتحلى وقتك ويا جمال موهبة الغنا.وشكرا

    رد

    • ربنا يوفقك 🙂 انا عاجبنى قوى حماسك و على فكرة أنا كنت بتعلم كلاسيك جيتار و إبتديته و أنا كبيرة و كان ممتع جدا. أنا كمان إن شاء الله عايزة أرجع أخد دوروس جيتار بس إدعى لى ربنا يبارك فى الوقت 🙂

      رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s