شميت النسيم مع أصحابى على الفيس :) أمال أنا بحب الفيس بوك من شوية؟!

*** صديقتى فى الصور إرتدت النقاب مؤخرا علشان كده خبيت وجهها ***

بصراحة يا جماعة أنا بعشق الفستوك :)(إسم دلع الفيس البوك)  لإنه كان بعد توفيق ربنا سبحانه و نعالى السبب فى حاجات كتير جميلة حصلت لى مهنا إنى قدرت أسيب البرمجة  و أشتغل فى الكتابة و كمان إتعرفت على الفنان جورج عجايبى و علشان سعادتى تكمل قابلت فى شم النسيم السنة دى لأول مرة اصحاب عزاز عليا جدا و عشرة طويلة على الفيس بس دى كانت أول مرة أأقابلهم على الطبيعة. و أنا سعيدة جدا إنى إتشرفت أخيرا بمقابلة محمد لطفى خصوصا إنه من الزوار الدائمين للمدونة (و جه وقت كان هو الزائر الوحيد! بصراحة السنة إللى فاتت لما كانت المدونة لسه فى بدايتها و “بتنش” 🙂 ههههههههه) .

و على فكرة هو لسه كاتب كتابه قريب على البنوتة الجميلة إللى جنبه فى الصور و تخيلوا إن هما عرفوا بعض بعد كرم ربنا و فضله من خلال الفيس بوك؟! سبحان الله الزراق. أما البنوتة التانية فهى فيس بوكية نشطة جدا و بنت حلال مصفى دايما بتشجعنى و تعمل لى لايك 🙂 (أنا مش حقول أسماء البناتيت علشان مستأذتهمش)

لكن سبحان الله رغم إعترافى بجمايل الفستوك إلا  إنى إنبسطت  أكتر بكتير  لما شفتهم على الطبيعة  بعيد عن الكومنيت و اللايك و الشير. مهما كان العلاقات الإنسانية المباشرة حاجة تانية و طبعا إتعرفنا و إتكلمنا فى مواضيع كتير على رأسها الثورة (و على فكرة هما ال 3 قالوا نعم و أنا قلت لا للتعديلات الدستورية و محدش فيهم ضربنى بالنار 🙂 و ده معناه إن فى أمل الحوار الوطنى يكون راقى قولوا إن شاء الله)

و حسيبكم تستمعوا بالصور و على فكرة إحنا إتقابلنا فى الأزهر بارك و كان على آخره زحمة بس دى حاجة جميلة خلى الناس تنبسط و ربنا يسعدنا دايما 🙂

*** على فكرة كل الصور إللى أنا مش طالعة فيها أنا إللى مصوراها بس اكتر إتنين عاجبننى صورة محمد مع عروسته و صورة الأطفال و هى بتتزحلق 🙂 ***

 

*

 

Advertisements

20 تعليق

  1. الله عليك ياميدو وانت منور الصور 😀

    رد

  2. طبعا الصور منورة بالصحبة الحلوة اللي كانت موجودة وكان لازم يا زيزو تيجي عيد ميلادك الجاي بقي ههههههههه

    رد

  3. وميرسي اووي يا م. هبة وحضرتك من اجمل الاصدقاء اللي عرفتهم ………. أستمتعنا كتير انا وهند بأرائك وأفكارك . وكل أستفتاء وثورة وشم نسيم وحضرتك طيبة

    رد

  4. Posted by زهرة البنفسج on أبريل 26, 2011 at 11:07 ص

    اليوم كان راااااااااااائع وانا سعيدة اوووووووي بمعرفتك ياهبهوب وكان نفسي اليوم ماينتهيش بسرعه كده لأن الكلام معاكي ممتع جدا ياحبيبتي وياريت نكررها دايما

    رد

  5. ربنا يديم بينا المحبة يا رب ويجمعنا ما يفرقنا أبداً

    رد

  6. Posted by زهرة البنفسج on أبريل 26, 2011 at 11:42 ص

    اللهم ااااااااااامين يامروة

    رد

  7. اليوم كان راااااااااااائع بصحبتكم الجميلة و أجمل حاجة إنى كنت حاسة إنى أعرفكم من الزمان (طبعا ما إحنا عشرة على الفيس :)) و بإذن الله نكررها تانى قريب

    رد

  8. حاجه جميله والله .. ان معرفه الفيس تتحول للواقع وتتم القابله ف الواقع (( ليها طعم تانى )))
    وربنا يسعد ايامكوا ديما …
    وعقبال العزاااااااااااااااااااااااااب اللى زيى هههههههه

    رد

    • ربنايكرمك يا مصطفى..و الله لو ظروفك سمحت و جيت زيارة للقاهرة يسعدنا إنا إحنا نشوفك 🙂
      و لو ليك اصحاب فى الفيس من نفس محافظتك ممكن ترتبوا مع بعض و تتقابلوا صدقنى حتحس بطعم تانى خالص…ربنا يكرمك 🙂

      رد

  9. Posted by عبدالله خلف محمد on مايو 16, 2011 at 10:29 م

    عبدالله يا م. هبـــــــــــــــــــــــــــــــــه..ههههههههه
    وفعلا انا ليا صحبى من اسكندريه تعرفت عليه عالفيس ولما نزلت اسكندريه وقابلته كان ليها طعم تانى ..
    وانا ليا اصحابى من الشارع اللى ورايا بكلمهم عالفيس وبقابلهم اخر اليوم هههههههههههههههههههههههههههه

    رد

  10. هههههه مصطفى مين؟
    هى إيه الحكاية؟ أنا بجيب الأسامى دى منين؟!!! زيزو من الجروب عندنا مرة علق هنا فى المدونة برضه فانا رديت و قلت له ربنا يكرمك يا يحيى هههههه و الله العظيم…مساء السطل ههههههههههه 🙂
    يا سلام بتكلم جيرانك على الفيس و لما بتخرجوا بتعملوا شير للعربية ههههههههههه كفاية كده لحسن تتنقط و لا حاجة…أنا أصلى عايزة أنام على آخرى…أشوفك على خير هنا أو على الفيس 🙂

    رد

  11. Posted by عبدالله خلف محمد on مايو 16, 2011 at 11:07 م

    ههههههههههههههههههههههههههههههههههههههههههههه
    ههههههههههههههههههههههههههههههههههههههههههههه
    هما كده الناس المبدعيين بيبقا دماغهم مشغول بافكار وابداعات .
    بس حلوه ((( شير للعربيه )) هههههههههههههههههههههههههه
    وانتى من اهل الخير كله يا م. هبه .

    رد

    • ربنا يكرمك يا عبد الله و يبارك فيك. الحقيقة إنت من الناس إللى بحس إن قلبهم كله خير و ده بيابن قوى من كتابتك على الفيس و من صورة برفايلك المتفائلة :). أنا سعيدة جدا بصداقتك و ربنا يوفقنا جميعا للخير 🙂

      رد

  12. Posted by حسين الكاشف on يونيو 11, 2011 at 5:36 م

    سالسلام عليكم
    انا دخلت هنا بالصدفه …بس شفت جو لذيذ ومحترم …
    انا اتبسط الشوية دول والله
    شكرا ياهبة

    رد

  13. Posted by عيسي on مايو 7, 2015 at 12:06 ص

    صاحب العسل

    رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s