Archive for 17 مايو, 2011

إنسف حمامك! فكرك القديم! مفاهيم خاطئة عن حقيقة العبادة و إختيار شريك الحياة نسفها د. أحمد عمارة تماما بفضل الله :) و بسببها لازم أصلح شوية مقالات!!

*** أنا الحمد لله غيرت الكلام  الغلط! إللى كتبته فى مقالة  نداء لكل بنت مسروعة! على الجواز: إحذرى هذه النوعية من العرسان!!   و مقالة ما أروع أن تكونى المرأة الوحيدة فى الوجود فى عين حبيبك فياريت إللى لسه ملقوش نصهم الحلو 🙂 يقروا المقالات دى لإنى بذلت فيها مجهود و إن شاء الله تستفيدوا منها 🙂 ***

إنسف معتقداتك الخاطئة! هو ده بالظبط إللى حصل لى لما حضرت صالون للدكتور أحمد عمارة نظمته دكتورة عطيات الصادق الصادق  فى مكرز الحياة بمدينة نصر يوم 15 مايو.

خدوا نفس عميق و إستعدوا علشان إللى حتقروه هنا غالبا حتكونوا أول مرة تسمعوه فى حياتكم بس كلها حتكون مفاجأت ختليكو سعداء و مستبشرين:

مفاهيم مرتبطة بالعبادة و علاقة الإنسان بالله:

* “و ما خلقت الجن و الإنس إلا ليعبدون“…الدعاء هو العبادة و أفضل الدعاء الحمد لله و بالتالى فإن جوهر العبادة هو …إستعدوا للمفاجأة: أن يدعوا الإنسان ربه بما يشاء بيقين فيستجيب الله  له فيرد الإنسان بشكر الله على عظيم نعمه مصداقا لقوله تعالى : “و لئن شكرتم لأزيدنكم

* قوله تعالى: “و ما تشاؤون إلا أن يشاء الله” ليس معناها أن الله يجب أن يشاء قبل أن نشاء نحن با معناها هو العكس تماما! تخيلوا؟ إذا شئنا نحن و دعونا الله بيقين سيشاء الله تعالى ما نشاء.

و كل الآيات التى فيها كلمة من يشاء تعنى أن مشيئة الإنسان تترتب عليها مشيئة الله و من أمثلتها: “يؤت الحكمة من يشاء و من يؤت الحكمة فقد أوتى خير كثيرا” و المعنى من يشاء أن يؤت الحكمة, يؤتيه الله الحكمة. زمثال الآخر: “يرزق من يشاء

ده معناه إن الأمور سهلة جدا كل إللى المطلوب مننا إننا نعوز الحاجة بصدق و نطلبها بيقين فى قدرة الله على الإستجابة و حتحصل بأمر الله :). متفاجئين؟ إشتنوا الجاى أشد…أنا كنت بسخن 🙂 هههههههههه و قد تذكرت حديث يؤيد هذا الكلام لم يذكره د.احمد يقول فيما معناه: عبدى أطعنى أجعلك ربانيا تقول للشئ كن فيكون.

* يرى د. أحمد عمارة أن الله خلقنا على هذه الأرض لنستمتع! أيون لنستمتع بس كده 🙂 و قد رد على بعض الآيات و الأحاديث التى يساء تفسيرها مثل قوله تعالى:”لقد خلقنا الإنسان فى كبد” و كلمة كبد معناها سعى و ليس تعب كما يتصور البعض.

و بالنسبة لحديث: “الدنيا سجن المؤمن وجنة الكافر” فقد فسره  د. أحمد أن سعادة الدنيا لا تساوى شئ بالنسبة لسعادة الآخرة و لهذا كانت الدنيا سجن. سنكون سعداء فى الدنيا إذا احسنا بالظن بالله و لكنها لا تقارن بسعادتنا حين نرى  وجه الله تعالى فى الجنة. إن شاء الله نكون كلنا من أهلها.

و مما يدل على هذا الكلام المقولة الشهيرة للعارفين بالله:” نحن فى سعادة لو عرفها الملوك لجالدونا عليها بالسيوف” و مقولة الإمام مالك الشهيرة:”قتلي شهادة،و سجنى خلوة ونفيي سياحة» و له كل الحق أن يعتقد ذلك. من معه الله فماذا فقد؟!

–  بالنسبة لإختيار شريك الحياة:

كان هذا الأمر تطبيق للمبادىء السابقة. إذا شئت أن تجد شريك حياتك إدع الله بيقين,  وسيرزقك الله بكل ما تطلب. بس يا ريت إحنا نتعلم إزاى نطلب. و أنا إتكلمت بالتفصيل عن كل حاجة قالها د.أحمد فى الموضوع ده فى مقالة:

 نداء لكل بنت مسروعة! على الجواز: إحذرى هذه النوعية من العرسان!! 

فيا ريت تقروها بعناية و إن شاء الله تستفيدوا منها 🙂

– مبادىْ إنسانية عامة:

* كل إنسان يؤخذ منه و يرد إلا الرسول عليه السلام و بالتالى لا يصح أن نطيع الآخرين و نصدقهم فى كل ما يقولوا و يجب أن نمررالكلام على عقولنا لإن أى بشر عرضة للخطأ. و مفيش حاجة إسمها يا إما اصدق كل حاجة بيقولها عالم معين أو أكدب كل حاجة بيقولها. فى لون رمادى و هو ده أساس التفكير النقدى إللى أنا حكتب عنه مقالة مفصلة إن شاء و إن كنت نوهت عنه فى التعليق باللون الموف فى آخر مقالة ندوة الأستاذ احمد المسلمانى فى الأزهر.

* إللى بنركز عليه بيزيد. لو فكرت فى عيوب غيرى مش حشوف غيرها و العكس لو فكرت فى مزاياه حتكبر و تزيد و نفس عليك. ركز على مزاياك ونميها.

* نصيحة خاصة للإلى إتدبسوا بالفعل و إتجوزوا ههههه: لو عايز شريك حياتك يعملك حاجة معينة إبدأ إنت الأول و إعمل له الحاجة دى. مثلا لو واحدة نفسها جوزها يعاملها بإحترام تبدأ هى بنفسها و تعامله بإحترام وهو أكيد حيعاملها بالمثل بس ساعات الموضوع بيحتاج صبر و إللى بيساعد عليه إننا نكون شايفين الصوة كاملة و فاكرين مزايا شريك الحياة مش بس عيوبه و إسمحوا أستعير جملة كنت كتبتها فى تعليق قبل كده:” يعنى لو جوزك هب فى وشك الصبح من غير سبب و بصيتى على يمينك حتلاقى الدبدوب الفحلقى إللى جابهولك فى عيد الحب ههههههههههه. فساعتها ممكن تتقبلى”جعيره” :) بهدؤ لإنك شايفةالصورة كاملة“.

* المفاجأت لم تقتصر على د. أحمد لكن بعض الحاضرات فاجئونى بأشياء نسفت عندى مفاهيم غلط كتير و كتبت عنها بالتفصيل فى مقالةما أروع أن تكونى المرأة الوحيدة فى الوجود فى عين حبيبك فيا ريت تقروها و تقولوا لى رأيكم

و ختاما أدعو الله عز وجل أن يجازى د.أحمد عمارة عننا خير الجزاء و ياريت تفتكرونى معاه بالدعاء 🙂

 مستنية تعليقاتكم 🙂

نصائح تربوية (1) – إزاى بنتى ربتنى؟!!!

*** المقالة دى يا جماعة رغم إسمها مش مقصورة على الناس إللى عندهم أولاد و بس و لإن النصايح إللى فيها يمكن تطبيقها على جميع العلاقات الإنسانية ***

إبتدت رحلتى الممتعة مع قراءة كتب تربية الأطفال لما بنتى كان عندها سنتين.

الحقيقة أنا بنتى مكنتش طفلة هادية (حتطلع هادية لمين ههههههههههه) و كنا عند دكتورتها و فضلت تلف و تدور و تتتحرك يمين و شمال و لسؤ حظى كان فيه سلم ففضلت اطلع و أنزل وراها زى المكوك و طبعا مكنتش سعيدة ! و كان نفسى تهمد شوية لغاية  ما جه دورنا و دخلت عند الدكتورة و أنا بنهج و “عرقى مرقى!!”. فالدكتورة إبتسمت لى و قالت: “ما شاء الله بنتك ذكية جدا. أنا لما بلاقى طفل عنده سنتين قاعد هادى بقلق على طول”

فساعتها تبدد تعبى فى لحظة و حمدت ربنا إن بنتى طفلة طبيعية و قررت أقرأ كتب تربوية علشان أأقدر أفهم طبيعة مراحل العمرية المختلفة لبنتى و إزاى أتعامل معاها صح.  و فيها إيه لما أنهج ورا بنتى إللى مبتهمدش؟ هو الرسول عليه السلام قال: “الجنة مش تحت أقدام الأمهات” من شوية؟

مسلسل ونيس فى أوائل أجزائه التى شاركت الفنان محمد صبحى البطولة فيها الفنانة الراحلة سعاد نصر كان فيها عبارة مؤثرة فى المقدمة تقول فيما معناه: إتفقت أنا و زوجتى أن نربى أبنائنا على الأخلاق و القيم و لكننا إكتشفنا أننا كنا نربى أنفسنا معهم.

أنا حصل لى كده بالظبط لإن من أوائل الدروس التربوية إللى إتعلمتها إنى مينفعش كلامى يكون عكس فعلى. ده أنا ممكن متكلمش خالص و الطفل بيقلد الأفعال. لكن لازم أكون قدوة لبنتى و إلا حتصدقنى إزاى؟!

فطبعا إتربيت تمام…زمن المشى حافية و الشرب من بزبوز الإزازة و غيره إنتهى لغير رجعة و قيسوا على كده الحاجات الأهم.

إحساس الأمومة  و لا يقارن بأى إحساس تانى فى الوجود  و من أروع ما فيها أنها تجعلنا أفضل من كل النواحى.

عقبالكم كلكم لما تجيبوا أولاد يربوكوا إن شاء الله 🙂 قولوا آمين…

تنمية بشرية (1) – كيف تدير وقتك بذكاء؟

ممايثير الدهشة و التأمل أن الناس متفاوتون فى كل شئ إلا الوقت! و مع ذلك تجد أن البعض يحققون إنجازات غير عادية بينما الآخرون “يقتلون” أوقاتهم فيما لا يجدى و لا ينفع. فأى الفريقين تختار؟ أنا متأكدة أنك تتمنى بل تريد أن تكون فى الفريق الأول كما أننى واثقة أنك سمعت مرارا و تكرارا عن أهمية حسن إستغلال الوقت. فلماذا لم تتحول  هذه المعلومات النظرية إلى واقع عملى فى حياتك؟ هل حاولت تنظيم وقتك لفترة ثم توقفت لشعورك بالملل و أو الإحباط أو ما إلى ذلك؟

السر فى القدرة على إدارة الوقت بذكاء يكمن فى خمس كلمات: الحافز – الواقعية – المرونة – التوازن-التقييم المستمر

الحافز:

قال الشاعر محمود سامى البارودى:

و من تكن العلياء همة نفسه             فكل الذى يلقاه فيها محبب

هل لك حلم كبير أو أمنية غالية؟ إن لم يكن لديك حلما فعليك أن تخلق حلما. قد تسألنى لماذا و ما علاقة الحلم بتنطيم الوقت؟ الإجابة ببساطة أن حلمك  سيشعل حماسك و سيخلق لديك الحافز لتنظيم وقتك و تكريس جزء منه لتحقيق طموحاتك و أهدافك العالية مهما كانت مشاغلك و إلتزاماتك.

ضع نفسك مكان لاعب أولمبى محترف. ربما تعتقد أنه يقضى أوقات طويلة فى تمارين مضنية و تتسائل كيف لايشعر بالتعب أو الملل.  و الحقيقة أن مجرد تعلق نظر هذا اللاعب الطموح على لحظة إستلامه للميادلية الذهبية سيهون عليه أى شئ فى سبيل تحقيق حلمه.

أنت أيضا تستطيع أن تعيش حياة رائعة حافلة بالإنجازات إذا وضعت  حلمك نصب عينيك. حينئذ سيسهل عليك تنظيم و قتك بفاعلية و ستستطيع تجنب مضيعات الوقت بسهولة.

الواقعية:

إذا أرد أن تدير وقتك بفاعلية, فعليك أن تضع لنفسك أهداف واقعية لإستغلاله على الوجه الأمثل.

ما هو مقياس الهدف الواقعى؟ هو الهدف الذى إما يتحقق فى الواقع الملموس أو لا يتحقق بسبب عوامل خارجية ليس للإنسان أى يد فيها. فمثلا إذا وضعت لنفسك هدفا أنك ستمارس رياضتك المفضلة لمدة ساعتين و قمت بذلك الفعل, فهذا الهدف يعتبر واقعى. و أيضا إذا كنت تنوى ممارسة الرياضة و حدث ظرف خارجى حال بينك و بين تحقيق هدفك  كحالة مرض أو وفاة فى الأسرة, فما زال هدفك واقعيا رغم أنه لم يتحقق لسبب بسيط: أنك حين و ضعت الهدف لم تكن لديك القدرة على التكهن بالظروف الخارجية.

لكن مشكلة بعض الناس أنهم  يتعاملون مع الحياة بمنطق الآلة بمعنى أننى “مبرمج” على أن أفعل كذا و كذا خلال يومى تحت أى ظرف من الظروف و إن لم يحدث فأنا فاشل! هؤلاء الناس يسقطون فريسة سائغة للإحباط مما يؤثر بالسلب على قدرتهم على تنظيم أوقاتهم بفاعلية.

عزيزى القارئ: إعلم أن الحياة ليست قوالب جامدة و أن علينا أن نتقبل التيارات الخارجية المعاكسة فى بعض الأحيان لكن بغير أن يثنينا ذلك عن مواصلة السباحة فى إتجاهنا المنشود.

و أحيانا  يكون  هدفك غير  واقعى بسبب سؤ التقدير. فثلا إذا قدرت أنك ستنجز تقرير معين فى العمل فى ساعتين لكنك إستغرقت فيه ثلاث ساعات, فهذا يعنى أنك لم تكن واقعى فى تقديرك للفترة الزمنية المطلوبة فى كتابة التقرير.

كما أن غياب الواقعية ينبع أحيانا  من المبالغة فى تكديس اليوم بالأعباء و عدم مراعاة وضع فترات راحة كافية بينها مما يصيب الإنسان بالإرهاق فلا يتمكن من تحقيق جميع أهدافه.

القدرة على وضع أهداف واقعية للإستغلال الوقت مهارة مكتسبة تنمى بالممارسة و لذلك فأنا أنصحك بألا تستعجل النتائج. بمعنى أنه وارد جدا أن تتسم أهدافك بسؤ التقدير أو المبالغة فى البداية لكن بالمحاولة المتكررة و التقييم المستمر ستصبح أكثر قدرة على وضع أهدافك بفاعلية.

المرونة:

المرونة فى تنظيم الوقت مرتبطة إرتباط و ثيق بالواقعية بمعنى أنك حين تضع أهداف ليومك يجب أن يكون لديك  إستعداد كامل للتأقلم مع أى ظروف خارجية محتملة و أن تبذل قصارى جهدك لتحقق هدفك  على الوجه الأمثل فإن لم تستطع فأضعف الإيمان أن تنجز و لو جزء من هدفك الأصلى.

و دعنى أوضح ما أقصد بمثال بسيط: نفترض أنك كنت تنوى قراءة كتاب لمدة ساعة و فجأة طلب منك أحد أفراد أسرتك قضاء مصلحة مستعجلة تستغرق نصف ساعة. إذا كنت تتحلى بالمرونة فستتقبل الوضع و حينما تعود ستقرأ لمدة نصف ساعة و بالتالى ستكون أنجزت نصف هدفك الأصلى و  ذلك بالقطع أفضل من لا شئ.

و حينما تقوم بيقييم أدائك فى نهاية اليوم أو الإسبوع (كما سيأتى تفصيله فيما بعد) ستشعر بالرضا عن نفسك و بالتالى ستضمن الإستمرارية.

من المرونة أيضا إعطاء الأهداف و قتا أكثر من وقتها المتوقع بعض الشئ تحسبا لأى عوامل خارجية. مثال: إذا كان تقدريك أنك تستطيع الذهاب لمكان معين فى ساعة من الزمن, إجعلها ساعة و عشر دقائق فى جدولك فإذا حدث أى تأخير بسيط لأى سبب ستضمن إنجاز هدفك فى موعده. و ميزة هذا الأسلوب أيضا أنه يتيح لك أخذ فترات راحة قصيرة بين كل مهمة و التالية لها بدلا من اللهاث المضنى وراء تحقيق الأهداف.

التوازن:

دعنى أسألك سؤال: إذا إستطعت أن تكون بليونيرا على حساب صحتك و علاقاتك الأسرية هل تعتبر إنسان ناجح؟ قطعا لا!

العالم الغربى اليوم ينادى بأهمية التوازن لأنه يصنع النجاح بمفهومه الشامل الذى يضمن سعادة الإنسان و إستقراره.

فإذا أردت أن تدير و قتك بفاعلية, عليك أن تضع أهداف متوازنة تشمل جوانب حياتك المختلفة: الشخصية و العملية و الإجتماعية. و بمزيد من التفصيل نجد أن الركن الشخصى يشمل الجانب الوجدانى و الصحى و العقلى و الترفيهى بيما يشتمل الركن الإجتماعى على علاقاتك الأسرية و الإجتماعية و مساهمتك فى خدمة مجتمعك. أما الركن العملى فيشمل إحتياجاتك المادية و طبيعة عملك. (يوجد  نموذج لجدول إسبوعى متوازن فى نهاية المقالة).

و هذا يقودنا إلى أهم عنصر فى إدارة الوقت:  القدرة على تحديد الأولويات (Prioritizing). و هذا العنصر  نسبى و شخصى جدا بمعنى أن ما قد يكون أولوية قصوى بالنسبة لك قد لا يعنى أى شئ بالنسبة للآخرين.

هناك آلالاف البدائل التى يمكن أن تختار من بينها لقضاء وقتك فى ساعة معينة و بالتالى فإن أهمية تحديد الأولويات تنبع من أنها تساعدك على إختيار أهم هذه الأشياء بالنسبة لك.

خلاصة القول أنك إذا أردت أن تدير وقتك بفاعلية فعليك أن تحدد أولويات متوزانة لجوانب حياتك المختلفة و تضعها فى جدول زمنى إسبوعى ثم تبدأ التنفيذ و التقييم. مما يقودنا إلى نقطة شديدة الأهمية….

 

 

 

التقييم المستمر:

تقييم قدرتك على تنفيذ مخططك الإسبوعى بشكل دورى عامل أساسى فى نجاحك فى إدارة الوقت بفاعلية لأنه سيساعدك على إكتشاف أى خلل و من ثم تتمكن من تلافيه فى المستقبل.

 و يبدأ التقييم بأن تقارن بين الأهداف المكتوبة و ما تم إنجازه بالفعل. فإذا كانت الفجوة كبيرة بينهما قد يكون ذلك مؤشر  أنك وضعت أهداف غير واقعية. و إذا وجدت أنك قد حققت بفاعلية جميع الأهداف المتعلقة بالعمل لكن أهملت الجانب الصحى أو الترفيهى فهذا دليل واضح أنك تحتاج لمزيد من التوازن و هكذا.

بالمدوامة على التقييم الإسبوعى ستجد تحسن ملحوظ فى درجة كفاءتك فى إدارة الوقت فى فترة وجيزة.

نصائح عامة للإستفادة من الوقت بفاعلية:

  • دمج الأنشطة: فمثلا إذا مارست رياضة المشى مع صديق تكون دمجت الجانب الصحى و الإجتماعى فى نفس الوقت. و هناك أمثلة أخرى عديدة  منها الإستماع للموسيقى أو لشريط تنمية  بشرية أثناء القيادة أو القيام بالأعمال المنزلية. و إذا كنت تركب مواصلات لعملك فيمكنك أن تستثمر وقتك بالقراءة و هكذا.
  • إسناد بعض المهام للآخرين (Delegation): بعد تحديد أولوياتك ستكتشف أن هناك العديد من المهام التى  يمكن أن تسندها للآخرين كى تتفرغ لما هو أهم بالنسبة لك. فمثلا المرأة العاملة يمكن أن تستعين بخادمة للقيام ببعض الأعمال المنزلية.
  • الإستفادة من أحدث التقنيات التكنولوجية:  هناك العديد من الإختراعات التى تتيتح لك إنجاز الكثير فى وقت لا يذكر. فمثلا يمكنك بضغطة زر واحدة إدخال السرور  على جميع أفراد أسرتك بأن ترسل لهم رسالة معايدة على الهاتف المحمول.  و الأمثلة فى هذا المجال لا حصر لها و علينا أن نستفيد منها قدر المستطاع و نستغلها بذكاء.
  • تعلم متى تقول “لا”:  الرفض الإيجابى هو مصطلح يعنى أن تقول “لا” للآخرين دون أن تجرح مشاعرهم. مثال: إذا اتصل بك صديق أثناء إنشغالك بكتابة بحث هام فلا تخجل أن تخبره أنك مشغول فى أمر هام لكن فى نفس الوقت إبد إستعدادك للإستماع إليه فى و قت لاحق و كن لبق فى إسلوبك.
  • إعرف نقاط ضعفك: هذه النقطة فى غاية الأهمية و المقصود بنقاط الضعف هنا هى مضيعات الوقت. فمثلا إذا كانت عادتك أنك تقضى وقت طويل على الإنترنت أو فى مشاهدة التليفزيون فيجب أن تراعى ذلك و أنت تضع جدولك بحيث تمارس هذه الأشياء المحببة لنفسك بعد أداء الواجبات الأساسية. فمثلا إذا كان لديك تقرير فى العمل و بعده عليك الإتصال ببعض العملاء و تحتاج أن تأخذ عشر دقائق راحة بين المهمتين فليس من الحكمة أن تخصص هذه العشر دقائق للدخول على الإنترنت لأنك غالبا ستأخذ أكثر من الوقت المحدد لكن مثلا يمكنك القيام بتمارين الإسترخاء حينئذ ستضمن ألا تزيد فترة راحتك عن عشر دقائق. و يمكنك تخصيص وقت للتليفزيون و الإنترنت بعد الإنتهاء من العمل.

 

 

 

 

 

 

 

 

مثال لجدول إسبوعى متوازن يشمل جميع جوانب الحياة الأساسية:

(1)    وجدانى (2) صحى (3) عقلى  (4) أسرى  (5) عملى   (6) إجتماعى (7)ترفيهى  (الرقم المكتوب بالأحمر يعبر عن الوقت)

السبت

الأحد

الإثنين

الثلاثاء

الأربعاء

الخميس

الجمعة

 

7:309:00 ص

إستيقاظ و أخذ حمام و إفطار مع الأسرة (2)(4)

 

6:30 –7:30 ص

إستيقاظ و أخذ حمام و إفطار (2)

6:30 –7:30 ص

إستيقاظ و أخذ حمام و إفطار (2)

6:30 –7:30 ص

إستيقاظ و أخذ حمام و إفطار (2)

6:30 –7:30 ص

إستيقاظ و أخذ حمام و إفطار (2)

6:30 –7:30 ص

إستيقاظ و أخذ حمام و إفطار (2)

 

9:00 –10:30 ص

إستيقاظ و أخذ حمام و إفطار مع الأسرة (2)(4)

9:00ص – 8:00م

 

الذهاب لرحلة مع الأسرة و الأصدقاء

 (4)(6)(7)

7:30 –9:00 ص

ذهاب للعمل مع قراءة

(3) (5)

7:30 –9:00 ص

ذهاب للعمل مع قراءة

(3) (5)

7:30 –9:00 ص

ذهاب للعمل مع قراءة

(3) (5)

7:30 –9:00 ص

ذهاب للعمل مع قراءة

(3) (5)

 

7:30 –9:00 ص

ذهاب للعمل مع قراءة

(3) (5)

ص10:30 – 12:30م

لعب إسكواش فى النادى (2)(6)

9:15– 10:30ص

 مراجعة البريد الإلكترونى  (5)

9:15– 10:00ص

 مراجعة البريد الإلكترونى  (5)

9:15– 10:00ص

مراجعة البريد الإلكترونى  (5)

 

9:15– 10:30ص

 مراجعة البريد الإلكترونى  (5)

9:15– 10:30ص

 مراجعة البريد الإلكترونى  (5)

12:30 –2:00م

شراء مستلزمات الأسرة من السوق

(4)

10:30ص– 12:00م

 الإتصال بالعملاء  (5)

10:00ص– 12:00م

 الذهاب لمقابلة عميل  (5)

10:00ص– 12:00م

أعمال إدارية و مكتبية  (5)

10:30ص– 12:00م

 الإتصال بالعملاء  (5)

10:30ص– 12:00م

تقديم Presentation  (5)

2:00 –3:00م

الغذاء مع الأسرة

(4)

12:00– 1:00م

راحة ووجبة خفيفة مع الزملاء

 (2) (6)(7)

12:00 – 1:00م

راحة ووجبة خفيفة مع الزملاء

 (2) (6)(7)

12:00 – 1:00م

راحة ووجبة خفيفة مع الزملاء

 (2) (6)(7)

12:00 – 1:00م

راحة ووجبة خفيفة مع الزملاء

 (2) (6)(7)

12:00 – 1:00م

راحة ووجبة خفيفة مع الزملاء

 (2) (6)(7)

3:00 04:0م

الإسترخاء

و التأمل (Meditation) (1)(2)

1:00– 3:00م

حضور إجتماع الموظفين (5)

1:00– 3:30م

كتابة تقرير  (5)

1:00 – 5:00م

حضور دورة تدريبية عن التسويق (2) (5)

001: – 5:00م

حضور دورة تدريبية عن التسويق (2) (5)

001: – 5:00م

حضور دورة تدريبية عن التسويق(2) (5)

004:6:00م

تقييم جدول تنظيم الوقت للإسبوع الفائت و القيام بجدول الإسبوع القادم (1)(2)(3)(4)(5)(6)(7)

3:00– 5:00م

 أعمال إدارية و مكتبية  (5)

3:30– 5:00م

 أعمال إدارية و مكتبية  (5)

5:00– 6:30م

عودة للمنزل

5:00– 6:30م

عودة للمنزل

5:00– 6:30م

عودة للمنزل

5:00– 6:30م

عودة للمنزل

5:00 – 7:00م

مقابلة أصدقاء و تناول الطعام معهم (2) (6)(7)

6:30– 7:15م

تناول الطعام مع الأسرة (2) (4)

6:30– 7:15م

تناول الطعام مع الأسرة (2) (4)

6:30– 7:15م

تناول الطعام مع الأسرة (2) (4)

6:30– 7:15م

تناول الطعام مع الأسرة (2) (4)

6:00– 10:00م

الذهاب للسيمنا و المول مع الأصدقاء (6)(7)

7:15– 8:00م

 الإسترخاء

و التأمل (Meditation) (1)(2)

7:15– 8:00م

الإسترخاء

و التأمل (Meditation) (1)(2)

7:15– 8:00م

الإسترخاء

و التأمل (Meditation) (1)(2)

7:15– 8:00م

الإسترخاء

و التأمل (Meditation) (1)(2)

7:00  – 10:00م

ندوة ثقافية  مع أصدقائى (3)(6)

8:00–9:00م

قراءة (3)

8:00م-10:00م

 

زيارة للأقارب  (4)(6)(7)

8:00م– 9:30م

 الإتصال بالأهل و الأصدقاء (4)(6)

8:00م-10:00م

 

لعب إسكواش فى النادى

(2)(6)

8:00- 10:00م

العشاء و مشاهدة التليفزيون(2) (7)

9:00 –10:00م

مشاهدة التليفزيون (7)

9:30م-10:00م

قراءة (3)

10:00م – 12:00ص

دخول على الإنترنت (7)

10:00م – 12:00ص

قراءة عن العمل الحر على الإنترنت (3)(5)

10:00م

النوم (2)

10:00م

النوم (2)

10:00م

النوم (2)

10:00م

النوم (2)

10:00م

النوم (2)

12:00ص

النوم (2)

 

 

شكل الجدول بعد التقييم فى نهاية الإسبوع:

السبت

الأحد

الإثنين

الثلاثاء

الأربعاء

الخميس

الجمعة

 

7:309:00 ص

إستيقاظ و أخذ حمام و إفطار مع الأسرة (2)(4)

 

6:30 –7:30 ص

إستيقاظ و أخذ حمام و إفطار (2)

6:30 –7:30 ص

إستيقاظ و أخذ حمام و إفطار (2)

6:30 –7:30 ص

إستيقاظ و أخذ حمام و إفطار (2)

6:30 –7:30 ص

إستيقاظ و أخذ حمام و إفطار (2)

6:30 –7:30 ص

إستيقاظ و أخذ حمام و إفطار (2)

 

9:00 –10:30 ص

إستيقاظ و أخذ حمام و إفطار مع الأسرة (2)(4)

9:00ص – 8:00م

 

الذهاب لرحلة مع الأسرة و الأصدقاء

 (4)(6)(7)

7:30 –9:00 ص

ذهاب للعمل مع قراءة

(3) (5)

7:30 –9:00 ص

ذهاب للعمل مع قراءة

(3) (5)

7:30 –9:00 ص

ذهاب للعمل مع قراءة

(3) (5)

7:30 –9:00 ص

ذهاب للعمل مع قراءة

(3) (5)

 

7:30 –9:00 ص

ذهاب للعمل مع قراءة

(3) (5)

ص10:30 – 12:30م

لعب إسكواش فى النادى (2)(6)

9:15– 10:30ص

 مراجعة البريد الإلكترونى  (5)

9:15– 10:00ص

 مراجعة البريد الإلكترونى  (5) 50%

9:15– 10:00ص

مراجعة البريد الإلكترونى  (5)

80%

9:15– 10:30ص

 مراجعة البريد الإلكترونى  (5)

9:15– 10:30ص

 مراجعة البريد الإلكترونى  (5)

12:30 –2:00م

شراء مستلزمات الأسرة من السوق

(4)

10:30ص– 12:00م

 الإتصال بالعملاء  (5)

10:00ص– 12:00م

 الذهاب لمقابلة عميل  (5)

10:00ص– 12:00م

أعمال إدارية و مكتبية  (5) 40%

10:30ص– 12:00م

 الإتصال بالعملاء  (5)   75%

10:30ص– 12:00م

تقديم Presentation  (5)

2:00 –3:00م

الغذاء مع الأسرة

(4)

12:00– 1:00م

راحة ووجبة خفيفة مع الزملاء

 (2) (6)(7)

12:00 – 1:00م

راحة ووجبة خفيفة مع الزملاء

 (2) (6)(7)

12:00 – 1:00م

راحة ووجبة خفيفة مع الزملاء

 (2) (6)(7)

12:00 – 1:00م

راحة ووجبة خفيفة مع الزملاء

 (2) (6)(7)

12:00 – 1:00م

راحة ووجبة خفيفة مع الزملاء

 (2) (6)(7)

3:00 04:0م

الإسترخاء

و التأمل (Meditation) (1)(2)

1:00– 3:00م

حضور إجتماع الموظفين (5)

1:00– 3:30م

كتابة تقرير  (5)

1:00 – 5:00م

حضور دورة تدريبية عن التسويق (2) (5)

001: – 5:00م

حضور دورة تدريبية عن التسويق (2) (5)

001: – 5:00م

حضور دورة تدريبية عن التسويق(2) (5)

004:6:00م

تقييم جدول تنظيم الوقت للإسبوع الفائت و القيام بجدول الإسبوع القادم (1)(2)(3)(4)(5)(6)(7)

3:00– 5:00م

 أعمال إدارية و مكتبية  (5)

3:30– 5:00م

 أعمال إدارية و مكتبية  (5)

5:00– 6:30م

عودة للمنزل

5:00– 6:30م

عودة للمنزل

5:00– 6:30م

عودة للمنزل

5:00– 6:30م

عودة للمنزل

5:00 – 7:00م

مقابلة أصدقاء و تناول الطعام معهم (2) (6)(7)

6:30– 7:15م

تناول الطعام مع الأسرة (2) (4)

6:30– 7:15م

تناول الطعام مع الأسرة (2) (4)

6:30– 7:15م

تناول الطعام مع الأسرة (2) (4)

6:30– 7:15م

تناول الطعام مع الأسرة (2) (4)

6:00– 10:00م

التطوع فى حمعية خيرية مع الأصدقاء (6)

 

40%

7:15– 8:00م

 الإسترخاء

و التأمل (Meditation) (1)(2)

7:15– 8:00م

الإسترخاء

و التأمل (Meditation) (1)(2)   70%

7:15– 8:00م

الإسترخاء

و التأمل (Meditation) (1)(2)

7:15– 8:00م

الإسترخاء

و التأمل (Meditation) (1)(2)

7:00  – 10:00م

ندوة ثقافية  مع أصدقائى (3)(6)

8:00–9:00م

قراءة (3)

8:00م-10:00م

 

زيارة للأقارب  (4)(6)(7)

8:00م– 9:30م

 الإتصال بالأهل و الأصدقاء (4)(6)

8:00م-10:00م

 

لعب إسكواش فى النادى

(2)(6)

8:00- 10:00م

العشاء و مشاهدة التليفزيون(2) (7)

9:00 –10:00م

مشاهدة التليفزيون (7)

9:30م-10:00م

قراءة (3)

50%

10:00م – 12:00ص

دخول على الإنترنت (7)

10:00م – 12:00ص

قراءة عن العمل الحر على الإنترنت (3)(5)

80%

10:00م

النوم (2)

10:00م

النوم (2)

10:00م

النوم (2)

10:00م

النوم (2)

10:00م

النوم (2)

12:00ص

النوم (2)

12:00ص

النوم (2)

مهام تم إنجازها بالكاملمهام تمت بشكل جزئى مع و ضع نسبة مئوية لدرجة الإنجازمهام لم تتم

وختاما أود التنيه إلى أن شئ فى أوله يكون صعب حتى نعتاده و كذلك الحال بالنسبة لتنظيم الوقت. فمنذ متى كان الطريق للنجاح مفروش بالورود؟ عليك بالتحلى بالإرادة و المثابرة فى فترة البداية الصعبة حتى تصبح إدارة وقتك صفة أصلية فيك و بذلك تكون قد غرست بذور النجاح و التميز فى كل جوانب حياتك. مع خالص تمنياتى لك بالتوفيق و السداد.

نداء لكل بنت مسروعة! مقبلة على الجواز: إحذرى إقبلى هذه النوعية من العرسان!!!كان لازم أغير المقالة علشان….

1 slide 19

*** الإعتراف بالحق فضيلة و أنا لازم أعترف إنى بعد ما حضرت صالون للدكتور أحمد عمارة  إكتشفت إنى قلت بعض الأشياء الخاطئة فى هذه المقالة و قمت بتصحيحها باللون الأخضر على إعتبار إن الأخضر لون الخير  🙂 فياريت تهتموا بقراءة هذه الأجزاء. و فى نقطة تانية عايزة أوضحها الأفكار المطروحة هنا ممكن يستفيد قراء رجال برضه يعنى هى مش حكر على النساء. بمعنى إنى لو شلت كلمة “مهند” و حطيت مكانها “نانسى أو هيفا” المقالة حتبقى رجالى رسمى :). وأنا حبيت أوضح النقطة دى خصوصا لما لقيت تعليقات من شباب قروا المقالة. و كلمة أخيرة يا جماعة أنا ممكن أكون خرفت فى بعض أجزاء المقالة لكن “عدانى العيب” 🙂 فى ردودى على التعليقات فياريت تقروها هى كمان 🙂 ***

إزيكو با بناتيت 🙂

فى فرق كبير بين إنك تكونى عايزة تتجوزى و بين إنك تكونى مسروعة! على الجواز.

إن يكون ليكى فتى أحلام تتمنى ترتبطى فى يوم من الأيام ده شئ طبيعى لكن لما أى بنت بتعوز الموضوع ده زيادة عن اللزوم ممكن تقع فى غلطة شنيعة إنها تقبل أى حد و السلام! علشان تتجوز و  بعد كده تندم أشد الندم!

الحقيقة أنا فكرت اكتب المقالة دى لإنى آعرف بنات متضايقين زيادة عن اللزوم إن مفيش حد فى حياتهم زى ما يكون الجواز هو نهاية العالم! علشان كده قررت أكنب المقالة دى و حوضح فيها تلات حاجات أساسية:

1. إيه إللى بيخلى بعض البنات تتسرع على الجواز

2. إيه الخطوات الاساسية إللى المفروض تاخديها قبل!! ما تفكرى فى الجواز

3. و ختاما إيه نوعية العرسان إللى المفروض تفرى منهم فرارك من الأسد هههههههههههه.

جاهزين؟ ياللا نبدأ…بس محدش يزغدنى…إيه ده مستعجلين على إيه؟!! قطيعة تقطع الجواز و سنينه هههههههههههه

1. إيه إللى بيخلى بعض البنات تتسرع على الجواز؟

– المقارنات المتخلفة! إنت ممكن تكونى عادية فى الحياة خالص لكن  أول ما جارتك تتخطب تقوم القيامة و متقعدش! إشمعنى هى؟!! من أكثر العادات الإنسانية حماقة على الإطلاق هى إن  الإنسان يقارن نفسه بغيره. إللى بتعمل كده محتاجة تظبط إيمانيتها و تفتكر قوله تعالى:”إن سعيكم لشتى” و تفتكر كمان إن الجواز رزق ربنا حيبعتهولها فى الوقت المناسب. إللى المعانى دى مترسخة جواها, حتفرح من قلبها لما صاحبتها تتخطب قبلها, لكن لو حست بشئ من الحزن, تعرف إنها بتعمل مقارنة فة غير محلها و لازم تراجع نفسها.

الفراغ!! لو البنت كان فى فراغ فى حياتها, أكيد الجواز حيكون شغلها الشاغل!!

– للأسف ساعات المجتمع و الأهل هما إللى بيعملواالمقارنات المتخلفة و يفضلوا يخنقوا البنت فى عيشتها ( فى إعلان عجبنى قوى لعصير جهينة البنت بتقول فيه إلى طنط فلانة و فلانة وفلانة مش عارفة حتفرحوا بيا إمتى ههههههههههههه) هو فعلا سؤال رخم لما واحدة تقولك: هو إحنا حنفرح بيكى إمتى؟ زى ما يكون عندك إجابة!!! بس عارفين مرة سمعت واحدة سالت السؤال ده لبنت فى المسجد و جايز كانت بتسأله بحسن نية فردت البنت رد رائع و قالت: كله بأمر الله 🙂

2. إيه الخطوات الاساسية إللى المفروض تاخديها قبل!! ما تفكرى فى الجواز

زى ما بتذاكرى علشان تنجحى فى الإمتحان فى, فى خطوات معينة لازم تاخديها علشان تضمنى حسن إختيار شريك الحياة:

– تحلى كل المشاكل إللى تكلمنا عليها فى رقم 1 بإنك تثقى فى إن ربنا لا يقضى إلا بالخير و إن رزقك حيجيلك فى الوقت المناسب. و كمان لازم متقعيش فريسة للفراغ بإنك تملى حياتك بأشياء مفيدة مثلا إحرصى على ممارسة هوايتك المفضلة و إعملى أنشطة خيرية و إجتماعية و مهم جدا إنك تقوى علاقتك بربنا أيا كان دينك. و طبعا بالنسبة لبعض التعليقات إللى ممكن تكون مش لذيذة من الأهل أو المجتمع, فيا ريت  تتجاهليها تماما و ده حيكون سهل جدا لو علمتى الحاجات التانية لإنك لما تكونى سعيدة بجد من جواكى, محدش حيقدر يضايقك.

– لازم تكونى عارفة إيه مواصفات فتى احلامك بدقة قبل ما تبتدى تشوفى ناس و أول خطوة إنك تفهمى نفسك كويس الأول و تكونى صادقة مع نفسك. لازم تكونى فاهمة طبيعة شخصيتك و عارفة إيه مميزاتك و عيوبك علشان تقدرى تحددى صفات الشخصية المناسبة ليكى. و طبعا مش محتاجة أقولك إنك لازم تبتدى بنفسك و يكون فيكى نفس الصفات. يعنى مثلا مينفعش واحدة تقول إنها عايزة جوزها يكون واثق فى نفسه و هى معندهاش أى ثقة فى نفسها!

لو و إنت فى جلسة مصارحة مع نفسك إكتشفتى إن فى صفة تتمنيها فى شريك حياتك مش موجودة فيكى, لازم تحاولى تنمى الصفة دى فى نفسك قبل أى شئ.

( الحقيقة أنا عملت هنا خلط غير مقصود لإن طبعا شئ أساسى إنك تكونى صادقة مع نفسك و تحاولى تعالجى عيوبك بس دى حاجة بتعمليها لنفسك و ملهاش علاقة بإختيار شريك الحياة خالص.مسالة إنك لازم تكونى رائعة و محصلتيش علشان الشخص إللى بتحلمى بيه يظهر فى حياتك, ده مفهوم خاطىء.

كل المطلوب منك إنك تعرفى مواصفات فتى أحلامك بدقة وتركزى على إللى إنت عايزاه و  بعد كده يكون عندك يقين إن ربنا حيرزقك بيه. و هى دى الخطوات إللى المفروض تاخديها طبقا لكلام د. أحمد عمارة:

1- إكتبى كل المواصفات إللى بتحلمى بيها فى ورقة و متستعجليش إفضلى زودى على الورقة إسبوع ولا حاجة المهم خدى وقتك لغاية ما تحسى إنك حطيتى كل الصفات و مفيش حاجة ناقصة

2- إختارى أهم 7 صفات منهم

3- و دى ألذ حته خصوصا لو كان خيالك واسع زيى. إتخيلى إنك لقيتى الإنسان ده بالفعل و عيشى كل المشاعر الجميلة و أتخيلى أهم 7 صفات و هى متحققة فيه  بس حاولى متتخيليش ملامح شكل معينة و أهم حاجة منتسيش تتخيلى إنك بتشكرى ربنا إنه أنعم عليكى بيه

4-دكتور أحمد بيؤكد إنك لما تفضلى تعملى كده فترة بإذن الله حتلاقى الإنسان ده بكل صفاته الجميلة ظهر فى حياتك 🙂 )


و على فكرة فى دورات كتير بعضها مجانى بتعلمك إزاى تختار شريك حياتك. أنا مرة شفت إعلان فى جمعية رسالة. حاولى تستفيدى بالدورات دى و أهم عنصر لنجاحك فى إختيار شريك حياتك إنك تقتنعى من جواكى إن ده قرار مصيرى محتاج مجهود مش مجرد فستان أبيض و طرحة!!

– لازم تكونى واثقة فى نفسك وراضية تماما عن شكلك. انا مليش دعوة بعارضات الزياء إللى بيطلعوا فى الإعلانات كل إللى أعرفه إن ربنا مبيخلقش حاجة و حشة و إنك حتكونى أجمل إمرأة فى الكون فى عين الإنسان إللى حيختارك من دون الناس علشان تكونى شريكة حياته ( فى مقالة ما أروع أن تكونى المرأة الوحيدة فى الوجود فى عين حبيبك وعلى فكرة أنا عملت تغييرات فى المقالة دى برضه بناء على كلام د.أحمد و أعتقد إنها مفيدة إنكوا تقرأوها حكيت حكاية زميلتى إللى الناس إتريقوا على شكلها فى الشغل و عيطت لكن بعد كده ربنا حط فى طريقها إنسان حبها بجنون و تسمك بها بإستماتة. فياريت أى واحدة فيكم مش راضية عن شكلها تقرا المقالة دى و أكيد نظرتها لنفسها حتتغير)

لازم تكونى واقعية و إنت بتحطى مواصفات شريك الحياة لإن التطلع للكمال فى بشر حماقة كبيرة لإن عمرك ما حتلاقى عريس على الفرازة زى ما بيقولوا. لازم تكونى مستعدة إنك تحبيه حب غير مشروط بمعنى إنط بتحطى الصفات الأساسية إللى لازم تكون موجودة و بعد كده المفروض تتقبلى شريك حياتك على بعضه و متحاوليش تغيرى شئ فيه.

ممكن مثلا واحدة تقررا إنها لا يمكن ترتبط بإنسان مش بيصلى أو بيدخن لكن ممكن  يكون عصبى شوية لإنها شايفة إن العصبية إللى متدخلش المستشفى و متجيبش عاهات مستديمة 🙂 صفة ممكن تتحملها فى شريك حياتها لو توفرت فيه الشروط الأساسية.

و بالتالى إلى كل بنت حاطة مواصفات إنها عايزة زوج شبه مهند و عاطفى و حساس و ملياردير و بيرجع البيت الساعة 2 علشان يفسحها و مامته خرساء 🙂 ههههههه نصحيتى لها تروح تعيش فى المريخ لإنها بتدور على كائن فضائى ملوش وجود على الأرض!!    

(فى موضوع الواقعية أهم حاجة إنك تكونى صادقة مع نفسك و تسألى نفسك إنت تتمنى إيه بجد؟ مش إيه إللى العرف أو المجتمع قاله!. أنا حضرت ندوة قريب أكد فيها المحاضر أن السبب الرئيسى للزواج فى مصر طبقا للإحصائيات هو الضغوط الإجتماعية و هو أمر مؤسف جدا لإن فى الآخر إنتى إللى حيتتجوزى مش المجتمع! )                                                                                                                          

3.  إيه نوعية العرسان إللى المفروض تفرى منهم فرارك من الأسد هههههههههههه.   

(هنا بقى يا جماعة أنا عملت غلطة شنيعة إنى ركزت على السلبيات و إللى بيركز على السلبيات بتحصله. يعنى مثلا لو فضلتى تقولى مش عايزة زوج كذاب حيجيلك الكذاب لإن هو ده إللى إنت مركز عليه يبقى لازم نعكس لغتنا و نخليها إيجابية:

بدل ما تقولى: “مش عايزة زوج كذاب” قولى: “عايزة زوج صادق ”          

وبناء عليه حغير عنوان فقرة 3 المتخلف من: إيه نوعية العرسان إللى المفروض تفرى منهم فرارك من الأسد هههههههههههه.

إلى:

3. إيه أهم الصفات إللى المفروض تكون موجودة فى عريس علشان تقبليه من حيث المبدأ   

وطبعا حصحح التخريف السلبى إللى قلته عن كل نوع بكلام إيجابى )

بعد ما عملتى الواجب بتاعك و رسمتى صورة فى خيالك لفتى أحلامك آن الأوان إنك تخوضى معترك الحياة و تبدأى تشوفى ناس بالفعل و زى ما بيقولوا الكتاب بيابن من عنوانه. إليك بعض العرسان إللى لازم ترفضيهم من بابه!!

– جاى  فى السريع! تكونش فاكرنى كيس جوافة؟! فى رجالة بيكونوا مستعجلين على الجواز بشكل أوفر زى قصة الفنان ماجد الكدوانى فى فيلم “جاى فى السريع” لما كان عايز يشوف عروسة و يتجوزها فى يومين علشان يرجع شغله فى الإمارات! النوعية دى بتتعامل مع الجواز زى ما  يكونوا رايحين يشتروا كيس جوافة!! و إستعجالهم بيكون واضح فى إنهم بيحاولوا يحددوا تواريخ خطوبة و غيره من اول يوم و كمان بيكون عايز يريحك على الآخر علشان يخلص بسرعة فحتلاقيه بيوافقك على كل حاحة تقوليها حتى لو تخريف علشان ينجز. يا ريت النوع  ده تقوليله مع السلامة و متندميش!!

– التعديل الإيجابى للتخريف السابق: إنسان بشعر بقيمة الزواج و إنه قرار مصيرى و بالتالى يكون مستعد أن يعطيكى و قت كافى للتعرف عليه

– و فى ختام برنامج “متنقطنيش شكرا” يا ريت متردش على سؤالى بسؤال!! النوع ده بينقطنى لإنه بيقعد يلف و يدور و ميدكيش عقاد نافع. فى رجالة سطحيين جدا أول ما شكلك يعجبهم بيعتبروا إن كده تمام و لازم يكملوا فى الجوازة و مش مهم لو فيكى اى عيوب يبقى يغيرها بعد الجواز (دول ملهمش فى الحب الغير مشروط خالص!) .

النوع ده من العرسان دى بيكون خد القرار إنه عايز يكمل الجوازة و علشان يضمن إنك مترفضيهوش بيفكر قبل ما يتكلم و ممكن يلبس قناع مزيف و يفضل يتمسكن لحد مايتمكن!!! بس بيبانوا بقى لما تلاقيهم بيلفوا و يدورا و ميردوش على أسالتك بشكل مباشر لإن كل إللى يهمهم إنهم يريحوكى و يدوكى إجابة مثالية مش إجابة حقيقية!! فمثلا لو سالتى واحد هوايتك إيه فرد عليكى و قال: و إنت هوابتك إيه؟ ياريت تقوليله: هوايتى إنى أرفض الناس إلى بترد على سؤالى بسؤال! و ترويله طريق الباب. هههههههههه 

التعديل الإيجابى للتخريف السابق: إنسان واثق فى نفسه و مؤمن بأهمية الصراحة و الوضوح فى فترة الخطوبة و تشعرى بذلك من إجاباته الصريحة و المباشرة لأسلئتك و طبعا لازم تتعاملى معاه بنفس الطريقة علشان تقدروا تاخدوا القرار السليم

– إبن امه!! لو جالك عريس ساكت و مامته بتتكلم طول الوقت, ده معناه إنه عديم الشخصية و إبن امه و إنها حتحشر نفسها فى حياتكو بعد كده!!! يبقى لازم تقصرى من بابه.

التعديل الإيجابى للتخريف السابق: إنسان قوى الشخصية و بار بأهله

– إحذرى هؤلاء لإن ربنا مش بيحبهم! فى تلات صفات ذميمة جدا ربنا مش بيحبها فمش معقول ترتبطى بإنسان ربنا مش بيحبه. إحذرى تماما البخيل و المتكبر و الكداب. و من فضل ربنا و كرمه إن الصفات دى صعب إخفائها لإن البخيل مثلا حيكون بيعيط وهو بيشترى لك كيس فشار!!! فسهل قوى تكشفيه.

التعديل الإيجابى للتخريف السابق: إذا وجدتى أى من هذه الصفات فأبشرى لإن الله يحب من يتحلون بها: الكريم و المتواضع و الصادق

أنا طبعا خليت التخاريف السلبية إللى كنت كاتباها قبل كده علشان تقارنوا لإن أغلب الناس للأسف بتفكر زيى فلازم كلنا نتعود نغير طريقتنا, ياريت تشاركنا بالتعليق علشان كلنا نتعلم من بعض و مستنية رأيكم 🙂

ليه “متقبلتش!” فى المسجد و لا فى المكان إللى بتعلم فيه غناء فى نفس اليوم؟! و ليه أنا مبسوطة قوى بالحكاية دى؟!!

هل الإعتدال عمال يتقلص تحت وطأة التشدد يمينا و يسارا؟!!!

سؤال طالما ألح على و  من إسبوعين تقريبا تعرضت لمواقف غريبة فى نفس اليوم جددت جوايا الإعتقاد ده.

1- عدم فبولى! فى المسجد: كنت فى المسجد بحضر درس و سمعت أغنية يا بلادى على موبايل واحدة من البنات. فبعد الدرس إستأذنتها إنى آخد منها الغنوة على موبايلى فظهرت لنا أخت منقبة من حيث لاندرى و قالت بإستنكار: “إنتوا بتنقلوا أغانى فى المسجد؟” فأنا رديت عليها رد ندمت عليه بعد كده إنى قلت لها بظرف دى أغنية يا بلادى و الصح إنى مكنتش أديها أى مبررات لكن ده إللى حصل عموما!

2- فاكرين لما حكيت لكم بسعادة غامرة إنى رجعت أدرس غناء شرقى تانى؟ للأسف إضطريت أسيب المكان إللى باخد فيه لإن الأستاذ سئ السلوك جدا و بيهزر مع النبات بالإيدين و طول الوقت بيلمح نلميحات غير لائقة! و حاجة آخر مسخرة زى ما نكون فى كباريه!! رغم إنى كنت مخنوقة من الجو ده, كان ممكن أستمر لو كانوا هما متقبلينى و سايبننى فى حالى. ما أنا فى كندا كنت بتعامل مع ناس معندهمش دين أساس لكن الجميل فى معاملاتنا إن كل واحد محترم حرية التانى فى إنه يكون ما يشاء.

المشكلة إن الأستاذ كان مفروس منى لإنى مش زى الباقيين و كل شوية يلقح عليا بالكلام و القشة إللى قسمت ظهر البعير إنه طلب مننا نكلمه علشان نحدد معاد نقابله فطلبته و مردش عليا و لما رحت بعدها بفترة إتضح إنه كلم كل الناس التانيين و إن هما إتقابلوا بالفعل!! (و الله أنا مذهولة إنه نجحنى فى إمتحان ال Vocal أساسا  لأنه رفض يقبل واحد تانى قدام عينى! أنصف مرة واحدة فى حياته!!)

هو أنصف فى الأول وبعد كده بقى يتعمد يرخم عليا و يقوللى إنى مش عارفة أغنى معاهم و مرة طلب منى مقولش علشان مش عارفة أجيب طبقة الصوت فحركت شفايفى بس دون غناء علشان أحفظ الكلمات. فهو  إفتكر إنى بغنى و قال لى إنى كده بعطل الناس فساعتها أنا إبتسمت و قلت له:”إن فى حد غيرى بينشز لإنى مكنتش بغنى أساسا!!” و ساعتها جبت آخرى و سألته قدام الكل هو ليه مردش لما طلبته زى ما قال و رد على الباقيين, فقال لى كلام عايم معناه إنى كان المفروض اتصل بالليل مع إن هو إللى  طلب مننا نكلمه الصبح! فأنا لقيت نفسى مش قادرة أستحمله فقلت له إنى حدور على مكان تانى أتعامل فيه أحسن من كده و رحت سياباه و ماشية!!

للأسف هو إنتصر بس لما أكون فى مكان بتحجم فيه و بقعد يقوللى متغنيش و أنا رايحة أساسا أتعلم غناء يبقى حستمر إزاى؟ هو فى منصب قيادى و أساء إستخدام سلطته ده غير طبعا إن إحنا كنا بنغنى كورال و أنا سايبة الكورال من سن 11 سنة!!! فللسبب ده لوحده أنا كنت حمشى من نفسى بعد المدة إللى دفعت تمنها ما تخلص.

فلما تقارنوا بين الموقفين حتلاقونى وسط و الناس مش متقبلانى لإنى مش زيهم و هما الإتنين عكس بعض على طول الخط!!!

طيب إيه إللى باسطنى فى الموضوع ده؟ الحقيقة يومها كنت متضايقة جدا بالذات علشان موضوع الغناء لكن لما فكرت إكتشفت إن ميزتى الرأئعة إنى حقيقية و مش مزيفة و مش بركب الموجة و أجارى الناس التانيين علشان أعجبهم. أنا مقتنعة إن ربنا من قوق سبع سماوات مش حيعاقبنى علشان نقلت أغنية يا بلادى على موبايلى فى المسجد و بالتالى الأخت الموقرة إللى إتحشرت فى شؤونى ملهاش عندى حاجة! و فى نفس الوقت فخورة و معتزة بحجابى و إلتزامى السلوكى إللى بيغيظ المستهترين و يفرسهم! إيه إللى يضايق فى كده؟

“متحاولش تبقى حد تانى غير نفسك” نصيحة مخلصة يا ريت كلكو تفكروا فيها و تطبقوها و مستنية تعليقاتكم 🙂

“بيعة حلال و مكسبها صلاة النبى” – هما دول إللى يستحقوا الصدقة بجد….

“بيعة حلال و مكسبها صلاة النبى” – جملة جميلة قوى قالها شاب كان بيبع أقلام فى المينى باص و الحقيقة عجبتنى و قارنت بينه وهو شقيان طول النهار و يبنط من أتوبيس لأتوبيس علشان لقمة العيش و بين إللى مستسهل الشحاتة على أبواب الجوامع!!! مين فيهم أولى إن إحنا نتصدق عليه؟ إنتوا قولوا…

على فكرة فى ناس مبيقبلوش الصدقة رغم ضحالة إمكانيانهم. مرة شفت واحد بيبيع لب فى الشارع فقلت ديله جنيه صدقة لإنى مش باكل لب فهو إتضايق جدا و رفض وقال لى بكل إعتزاز:”أناببيع لب مبخدش صدقة من حد” طبعا هو مخدش منى فلوس لكن أخد كمية دعوات لا تتخيلوها لإنى إحترمت فيه عزة نفسه. (فى قصة شهيرة فى السيرة النبوية لما سيدنا أبو هريرة رضى الله عنه كان جعان جدا لكن مش عايز يطلب بصراحة فراح كلم سيدنا أبو بكر و عمر عن آيات فى القرآن على أمل إنهم يحسوا بجوعه من نفسهم بس هما ملاحظوش لكن الرسو ل عليه السلام هو إللى أخد باله و حصلت معجزة اللبن إللى كفى ناس كتير ببركة الرسول عليه السلام) ٌ قد إيه سيدنا أبو هريرة كانت نفسه عزيزة! سبحان الله الناس معادن…

ناس بتهين نفسها علشان نكلة وبريزة

و ناس متقبلش الصدقة علشان نفسها عزيزة!  و عجبى… 

أنا هدفى الأساسى من المقالة دى إنى أفكركم  من واجبنا كمجتمع إننا نتكافل و ده يتحقق بحاجتين:

* العمل على إنهاء ظاهرة الشحاتة بالإمتناع عن إعطاء ولو مليم واحد لأى شحات. لكن كلمهم برفق مصادق لقوله تعالى:”قول معروف و مغفرة خير من صدقة يتبعها أذى”

* العمل دعم محدود الدخل الذين “لا يسألون الناس إلحافا”.

أنا بحترم قوى الشباب اللى بيشتغلوا فى الدليفرى و كلهم على فكرة متعلمين و ده بيبان عليهم لكن بدل ما يقعدوا على القهوة ينبدوا حظهم إشتغلوا شغلانة شريفة. ربنا يبارك لهم و يو سع عليهم. فيها إيه إننا لما نطلب أكل ب 100 جنيه إننا ندى الولد إللى جايب لمنا ألكل لغاية بيتنا بقشيش 5 جنيه أو حتى 2 جنيه؟

نفس الكلام ينطبق على عمال نظافة حمامات المولات و كنساين الشوراع. و الله العظيم مرة شفت كناس كبير جدا فى السن لكن كان بيكنس بكل حماس فابتسمت فى نفسى و قلت إن الراجل ده عند ربنا أحسن من وزير مش شايف شغله!!

الفئة التالتة إللى بحس إنها محتاجة صدقة جدا هما رجال الأمن إللى بيقفوا عند البنوك مثلا. و دى شغلانة صعبة جدا على فكرة و طبعا فلوسها قليلة. فيها إيه مثلا إنك لما تروح تسحب فلوس من البنك ترش رشة جميلة على رجال الأمن إللى هناك ولو حتى من باب شكر ربنا على رزقه ليك؟

هما دول يا جماعة إللى يستحقوا الصدقة بجد و لازم ندعم محدودى و معدومى الدخل إللى كانوا أكثر المتضررين إقتصاديا من الثورة حتى لا يحدث ما لا يحمد عقباه لا قدر الله. ربنا يوفقنا جميعا للخير و مستنية تعليقاتكم 🙂  

أحلام خزعبلية (1) – نفسى مشكلتى الوحيدة فى الحياة تكون إزاى القطة متغرقش فى الجاكوزى؟! ههههههههه

الحقيقة و أنا فى كندا قريت كتاب لواحد من أكبر علماء التنمية البشرية فى أمريكا إسمه Anthony Robins و حكى فيه قصته المؤثرة إنه فى يوم من الأيام كانت مشكلته إنه مش لاقى مكان ينام فيه لكن بعد كده لما غير حياته و بقى مليونير كانت مشكلته إن مش لاقى مكان يكفى الناس إللى عايزة تسمع محاضراته 🙂

فهو كان بيقول إن الحياة لا تخلو من المشاكل لكن كل ما الإنسان بيطور نفسه المشاكل إللى بيواجهها بتكون ممتعة 🙂

أنا نفسى يكون عندى شقة كبيرة فى يوم من الأيام و يكون فيها جاكوزى بس برضه بعشق القطط و عايزة أجيب قطتين علشان يسلوا بعض و أنا مش موجودة و نفسى أقصى مشكلة تواجهنى إزاى أحمى القطة علشان متغرقش فى الجاكوزى 🙂 و ده معناه طبعا إن كل المشاكل التانية حتكون إختفت…

طبعا أنا النهارده معنديش جاكوزى و ده جايز ميفاجئكوش لكن الشئ المؤسف إنى حتى القطة مش طيالها لإنى عايشة مع مامتى و هى خايفة على عفش البيت! طبعا هى من حقها تخاف على عفشها و إللى يعيش فى بيت أهله لازم يحترم رغباتهم لكن أنا جربت عيشة الحرية يا جماعة لما رحت كندا لوحدى و كان عندى قطة جميلة هناك إسمها Tiger

فواضح إنى انا لازم اشتغل جامد علشان اقدر أجيب شقة لنفسى فساعتها أأقدر أجيب قطة و كمان بالمرة أجيب جاكوزى بالمساج…يا سلام روعة و الله  منعش جدا…و ليكو عليا يا جماعة أول ما ربنا يفتح عليا حتبنى القط “جعلص” إللى غرقان فى الزبالة فى الصورة إلى فوق و حعوضه عن كل أيام الحرمان بس المهم إن حياته المرفهة متتنتهيش أوام لو فكر ينط فى الجاكوزى….هههههههههههههه مش بقوللكم أحلام خزعبلية؟