نصائح تربوية (1) – إزاى بنتى ربتنى؟!!!

*** المقالة دى يا جماعة رغم إسمها مش مقصورة على الناس إللى عندهم أولاد و بس و لإن النصايح إللى فيها يمكن تطبيقها على جميع العلاقات الإنسانية ***

إبتدت رحلتى الممتعة مع قراءة كتب تربية الأطفال لما بنتى كان عندها سنتين.

الحقيقة أنا بنتى مكنتش طفلة هادية (حتطلع هادية لمين ههههههههههه) و كنا عند دكتورتها و فضلت تلف و تدور و تتتحرك يمين و شمال و لسؤ حظى كان فيه سلم ففضلت اطلع و أنزل وراها زى المكوك و طبعا مكنتش سعيدة ! و كان نفسى تهمد شوية لغاية  ما جه دورنا و دخلت عند الدكتورة و أنا بنهج و “عرقى مرقى!!”. فالدكتورة إبتسمت لى و قالت: “ما شاء الله بنتك ذكية جدا. أنا لما بلاقى طفل عنده سنتين قاعد هادى بقلق على طول”

فساعتها تبدد تعبى فى لحظة و حمدت ربنا إن بنتى طفلة طبيعية و قررت أقرأ كتب تربوية علشان أأقدر أفهم طبيعة مراحل العمرية المختلفة لبنتى و إزاى أتعامل معاها صح.  و فيها إيه لما أنهج ورا بنتى إللى مبتهمدش؟ هو الرسول عليه السلام قال: “الجنة مش تحت أقدام الأمهات” من شوية؟

مسلسل ونيس فى أوائل أجزائه التى شاركت الفنان محمد صبحى البطولة فيها الفنانة الراحلة سعاد نصر كان فيها عبارة مؤثرة فى المقدمة تقول فيما معناه: إتفقت أنا و زوجتى أن نربى أبنائنا على الأخلاق و القيم و لكننا إكتشفنا أننا كنا نربى أنفسنا معهم.

أنا حصل لى كده بالظبط لإن من أوائل الدروس التربوية إللى إتعلمتها إنى مينفعش كلامى يكون عكس فعلى. ده أنا ممكن متكلمش خالص و الطفل بيقلد الأفعال. لكن لازم أكون قدوة لبنتى و إلا حتصدقنى إزاى؟!

فطبعا إتربيت تمام…زمن المشى حافية و الشرب من بزبوز الإزازة و غيره إنتهى لغير رجعة و قيسوا على كده الحاجات الأهم.

إحساس الأمومة  و لا يقارن بأى إحساس تانى فى الوجود  و من أروع ما فيها أنها تجعلنا أفضل من كل النواحى.

عقبالكم كلكم لما تجيبوا أولاد يربوكوا إن شاء الله 🙂 قولوا آمين…

Advertisements

4 تعليقات

  1. ههههههههههههههههههههههههههههههه
    بصراحه يا مدام هبه ولو انى كلمه مدام مش لايقه لانها هتكبرك وخصوصا وانا حاسس انك 20 او 21 .. والله مش مجامله .. المهم مقالاتك يا هبـه غايه ف الجمال تمتاز بالبساطه والسلاسه علاوه على خفه ظلك اللى بتظهر فيها ..
    وموضوع زى ده اشارتى اليها وبطريقه حلوه اوى …
    ربنا يوعدنا بالعروسه اولا ثم الاولاد ثانيه ان شاء .
    وفعلا مش مهم الكلام ولا النصايح أهم حاجه الفعل سواء لاشخاص كبار واو بالاخص لو كانوا اطفال ..
    متألقه والى الامام دائما يا هبـــــــه

    رد

    • ربنا يكرمك يا عبد الله و يرزقك بالزوجة الصالحة و الذرية إن شاء الله :).
      و ألف شكر على كلماتك الجميلة و أنا سعيدة إن مقالاتى بتعجبك. تشجعيكم ليا بيدينى حافز إنى أستمر فى الكتابة و إن شاء الله دايما أكون عند حسن ظنكم 🙂

      رد

  2. Posted by عبدالله خلف محمد on مايو 16, 2011 at 10:24 م

    رربنا يعزك يا م. هبــــــــــه… ويارب دايما متالقه ونشوفك جا ف العاشره مساءا ولا ف قناه التحرير لانك بصراحه تستحقى ده ..

    رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s