إنسف حمامك! فكرك القديم! مفاهيم خاطئة عن حقيقة العبادة و إختيار شريك الحياة نسفها د. أحمد عمارة تماما بفضل الله :) و بسببها لازم أصلح شوية مقالات!!

*** أنا الحمد لله غيرت الكلام  الغلط! إللى كتبته فى مقالة  نداء لكل بنت مسروعة! على الجواز: إحذرى هذه النوعية من العرسان!!   و مقالة ما أروع أن تكونى المرأة الوحيدة فى الوجود فى عين حبيبك فياريت إللى لسه ملقوش نصهم الحلو 🙂 يقروا المقالات دى لإنى بذلت فيها مجهود و إن شاء الله تستفيدوا منها 🙂 ***

إنسف معتقداتك الخاطئة! هو ده بالظبط إللى حصل لى لما حضرت صالون للدكتور أحمد عمارة نظمته دكتورة عطيات الصادق الصادق  فى مكرز الحياة بمدينة نصر يوم 15 مايو.

خدوا نفس عميق و إستعدوا علشان إللى حتقروه هنا غالبا حتكونوا أول مرة تسمعوه فى حياتكم بس كلها حتكون مفاجأت ختليكو سعداء و مستبشرين:

مفاهيم مرتبطة بالعبادة و علاقة الإنسان بالله:

* “و ما خلقت الجن و الإنس إلا ليعبدون“…الدعاء هو العبادة و أفضل الدعاء الحمد لله و بالتالى فإن جوهر العبادة هو …إستعدوا للمفاجأة: أن يدعوا الإنسان ربه بما يشاء بيقين فيستجيب الله  له فيرد الإنسان بشكر الله على عظيم نعمه مصداقا لقوله تعالى : “و لئن شكرتم لأزيدنكم

* قوله تعالى: “و ما تشاؤون إلا أن يشاء الله” ليس معناها أن الله يجب أن يشاء قبل أن نشاء نحن با معناها هو العكس تماما! تخيلوا؟ إذا شئنا نحن و دعونا الله بيقين سيشاء الله تعالى ما نشاء.

و كل الآيات التى فيها كلمة من يشاء تعنى أن مشيئة الإنسان تترتب عليها مشيئة الله و من أمثلتها: “يؤت الحكمة من يشاء و من يؤت الحكمة فقد أوتى خير كثيرا” و المعنى من يشاء أن يؤت الحكمة, يؤتيه الله الحكمة. زمثال الآخر: “يرزق من يشاء

ده معناه إن الأمور سهلة جدا كل إللى المطلوب مننا إننا نعوز الحاجة بصدق و نطلبها بيقين فى قدرة الله على الإستجابة و حتحصل بأمر الله :). متفاجئين؟ إشتنوا الجاى أشد…أنا كنت بسخن 🙂 هههههههههه و قد تذكرت حديث يؤيد هذا الكلام لم يذكره د.احمد يقول فيما معناه: عبدى أطعنى أجعلك ربانيا تقول للشئ كن فيكون.

* يرى د. أحمد عمارة أن الله خلقنا على هذه الأرض لنستمتع! أيون لنستمتع بس كده 🙂 و قد رد على بعض الآيات و الأحاديث التى يساء تفسيرها مثل قوله تعالى:”لقد خلقنا الإنسان فى كبد” و كلمة كبد معناها سعى و ليس تعب كما يتصور البعض.

و بالنسبة لحديث: “الدنيا سجن المؤمن وجنة الكافر” فقد فسره  د. أحمد أن سعادة الدنيا لا تساوى شئ بالنسبة لسعادة الآخرة و لهذا كانت الدنيا سجن. سنكون سعداء فى الدنيا إذا احسنا بالظن بالله و لكنها لا تقارن بسعادتنا حين نرى  وجه الله تعالى فى الجنة. إن شاء الله نكون كلنا من أهلها.

و مما يدل على هذا الكلام المقولة الشهيرة للعارفين بالله:” نحن فى سعادة لو عرفها الملوك لجالدونا عليها بالسيوف” و مقولة الإمام مالك الشهيرة:”قتلي شهادة،و سجنى خلوة ونفيي سياحة» و له كل الحق أن يعتقد ذلك. من معه الله فماذا فقد؟!

–  بالنسبة لإختيار شريك الحياة:

كان هذا الأمر تطبيق للمبادىء السابقة. إذا شئت أن تجد شريك حياتك إدع الله بيقين,  وسيرزقك الله بكل ما تطلب. بس يا ريت إحنا نتعلم إزاى نطلب. و أنا إتكلمت بالتفصيل عن كل حاجة قالها د.أحمد فى الموضوع ده فى مقالة:

 نداء لكل بنت مسروعة! على الجواز: إحذرى هذه النوعية من العرسان!! 

فيا ريت تقروها بعناية و إن شاء الله تستفيدوا منها 🙂

– مبادىْ إنسانية عامة:

* كل إنسان يؤخذ منه و يرد إلا الرسول عليه السلام و بالتالى لا يصح أن نطيع الآخرين و نصدقهم فى كل ما يقولوا و يجب أن نمررالكلام على عقولنا لإن أى بشر عرضة للخطأ. و مفيش حاجة إسمها يا إما اصدق كل حاجة بيقولها عالم معين أو أكدب كل حاجة بيقولها. فى لون رمادى و هو ده أساس التفكير النقدى إللى أنا حكتب عنه مقالة مفصلة إن شاء و إن كنت نوهت عنه فى التعليق باللون الموف فى آخر مقالة ندوة الأستاذ احمد المسلمانى فى الأزهر.

* إللى بنركز عليه بيزيد. لو فكرت فى عيوب غيرى مش حشوف غيرها و العكس لو فكرت فى مزاياه حتكبر و تزيد و نفس عليك. ركز على مزاياك ونميها.

* نصيحة خاصة للإلى إتدبسوا بالفعل و إتجوزوا ههههه: لو عايز شريك حياتك يعملك حاجة معينة إبدأ إنت الأول و إعمل له الحاجة دى. مثلا لو واحدة نفسها جوزها يعاملها بإحترام تبدأ هى بنفسها و تعامله بإحترام وهو أكيد حيعاملها بالمثل بس ساعات الموضوع بيحتاج صبر و إللى بيساعد عليه إننا نكون شايفين الصوة كاملة و فاكرين مزايا شريك الحياة مش بس عيوبه و إسمحوا أستعير جملة كنت كتبتها فى تعليق قبل كده:” يعنى لو جوزك هب فى وشك الصبح من غير سبب و بصيتى على يمينك حتلاقى الدبدوب الفحلقى إللى جابهولك فى عيد الحب ههههههههههه. فساعتها ممكن تتقبلى”جعيره” :) بهدؤ لإنك شايفةالصورة كاملة“.

* المفاجأت لم تقتصر على د. أحمد لكن بعض الحاضرات فاجئونى بأشياء نسفت عندى مفاهيم غلط كتير و كتبت عنها بالتفصيل فى مقالةما أروع أن تكونى المرأة الوحيدة فى الوجود فى عين حبيبك فيا ريت تقروها و تقولوا لى رأيكم

و ختاما أدعو الله عز وجل أن يجازى د.أحمد عمارة عننا خير الجزاء و ياريت تفتكرونى معاه بالدعاء 🙂

 مستنية تعليقاتكم 🙂

Advertisements

8 تعليقات

  1. مساء الخير يا طير 🙂 ندوات وحاجات واحنا عندنا اكتئاب … طبعا بتقولى مسائو قرررر يا سيدى 🙂
    لو فاكرة فى مرة فى القاعه الصوتية كنت حكيت لما كنت داخل على عملية وكان نفسى ان ربنا يعدينى منها وانى اجيب العربية اللى انا عايزها وصدقت نفسى وحلمى وكنت على يقين والحاجتين بفضل الله اتحققوا مع بعض ؟
    يعنى المفروض انا سبقت الدكتور احمد عمارة فى الموضوع ده 🙂
    هههههههههه
    فى كتاب يا هبة اسمه السر ياريت تشوفيه بس طبعا اللى كاتبه ملحد يعنى بيقول عند تحقق رغبتك اشكر الكون طبعا احنا موحدين بالله هنخليها اشكر ربنا وباقى الكتاب ممييييييز جدا

    رد

    • ربنا يكرمك يا سامح و إنت طبعا سباق لكل خير 🙂 و على فكرة انا شفت فيلم عن كتاب “السر” و أنا فى كندا لكن مقريتش الكتاب بس طبعا أحب أقراه إن شاء الله. هما برة عمالين يوصلوا باجتهادهم لجوهر الإسلام. أنا كنت فى ذهول من حاجات كتير كنت بسمعها هناك و صدق إللى قال إنهم مسلمين بلا إسلام. هما كده فعلا فى الفكر و المعاملات مصيبتهم فى التحرر إللى خلى ملهمش كبير لكن غير كده الحقيقة هما لهم إيجابيات كتير.
      و على فكرة إنت ليه مكتئب رغم إنك عارف “السر”؟ أنا حاسة إن صورة الفنان الراحل عبد المنعم مدبولى الحزينة إللى كنت حاططها على الفيس هى إللى عملت فيك كده بأثر رجعى ههههههههههههههه :). يا ترى ظنى فى محله؟

      رد

  2. لا هو مش لكده بصراحه …
    السبب انى بجيب الهم لنفسى كذا مرة اقول مادورش ومادخلش نفسى فى حجات تتعبنى .. لكن برجع وادور واعرف الاقى فى بلاوى مخططات امريكية وصهيونية مصييبة اعرفها من هنا يجيلى اكتئاب لكن مع الوقت ببتدى اخرج من حالة الاكتئاب وادور على حلول والحمد لله ربنا يعدينى من الحالة دى وافوق شوية واتفاجئ بحاجه جديده وهكذا 🙂

    رد

    • “و تلك الأيام نداولها بين الناس”
      و قال الله تعال مخاطبا بنى إسرائيل: “ثم رددنا لكم الكرة عليهم و أمددناكم بأموال و بنين و جعلناكم أكثر نفيرا”
      و قال الرسول عليه السام فيما معناه: “توشك ان تتداعى عليكم الأمم كما تتداعى الأكلة على قصعتها”
      كل إللى بيحصل ده مفيهوش جديد و لا شئ يفاجئ. جايز ميكونش جلينا حيشوف نصر الإسلام لكن ممكن نغرس البذرة فى الأجيال الجاية بإننا نكون على ثقة من نصر الله ووعده. أنا طبعا متخلية بشاعة المعلومات إللى ممكن تكون عرفتها لكن برضه لو إستسلمنا للإكتئاب حيكبلنا. “و لا تهنوا و لا تحزنوا و أنتم الأعلون إن كنتم مؤمنين”
      “و يمكرون و يمكر الله والله خير الماكرين” – صدق الله العظيم
      خلى الآيات الكريمة دى فى قلبك و إعمل إللى تقدر عليه و مين عارف…
      ما بين طرفة عين و إنتباهتها يغير الله من حال إلى حال

      رد

  3. hgاللهم ارزقنا الخير كله عاجله واجله

    رد

  4. اشكر الدكتور لانى استفدت منه وبدعوا له دائما

    رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s