كلمات تنبض بالحكمة(2) – شكر واجب للكاتب بلال فضل لإنه برنامجه سيكون سبب فى إفلاس جيبى و ثراء عقلى :)


شكلى كده يا جماعة كل إسبوع ححط لكم مقدمة برنامج عصير الكتب على المدونة لإنها دايما بتكون متميزة.

الإسبوع الماضى (فى حلقة 8 مايو), تحدث الكاتب بلال فضل فى مقدمة برنامجه عن أهمية فهم أصول الفقه لمواجهة التطرف الدينى و هذا الإسبوع تناول تجربة ماليزيا فى إحداث ثورة إقتصادية جعلتها تلحق بركب الدول المتقدمة فى سنوات قليلة و كان ذلك بفضل رؤية واضحة لحاكمها مهاتير محمد. و يمكنكم مشاهدة الفيديو فى نهاية المقالة.

و الحقيقة أنا من أهم أسباب إعجابى ببرنامج عصير الكتب إنه أعطانى حافز على القراءة. فى نهاية كل حلقة يعرص الأستاذ بلال كتاب و يطلب من المشاهدين تقديم رؤية نقدية عنه خلال شهر و قمت بالفعل بأول محاولاتى فى هذا الصدد و كانت و قدمت رؤية نقدية لكتاب مصر على كف عفريت للكاتب الكبير جلال عامر.

النهارده نزلت إشتريت كتاب “إسلام بلا مذاهب” للدكتور مصطفى الشكعة  و إن شاء الله حعمل رؤية نقدية له و أسلمها قبل يوم 12 يونيو إن شاء الله.

الكتاب ضخم جدا مقارنة بالكتاب السابق لكن موضوعه شيق جدا بالنسبة لى فهو  يتناول بالشرح و التحليل نشأة ما يسمى بالمذاهب الإسلامية المختلفة كالخوارج و الشيعة و المعتزلة…إلخ

بالإضافة لهذ الكتاب إشتربت كتاب “كتاب ملوش إسم” للكاتب الرائع المتميز أحمد العسيلى إللى أنا إنيهرت بكلامه فى برنامج عصير الكتب. هو يدعو لإطلاق حرية الفكر و إننا منكونش زى البقرة إللى عينيها مربوطة و بتلف فى الساقية! و أنا الحقيقة حكتب مقالة مفصلة عن مفهوم التفكير النقدى إن شاء الله. إحتمال أكتبها النهارده من فرط إستشعارى لأهمية هذا الأمر.

و كمان إنبهرت بالكاتب الشاب وليد يحيى مؤلف كتاب “تاريخ شكل تانى” و كنت حشترى الكتاب النهارده برضه بس البائع ملقاهوش و سألنى عن إسم الناشر فلو حد فيكم يعرفه يا ريت يقوللى. الحقيقة أنا قررت أقرأ الكتاب لما تم الحديث عن فصل يعرض مقارنة بين الحجاج بن يوسف الثقفى و هتلر! فأيقنت أنى أمام كتاب تحليلى ممتع و ليس كتاب سردى ممل. بمعنى إنى لما بقرا كتب تاريخ تقوللى فلان كح سنة 70 و عطس سنة 80 بنام من الكاتب بعد فتمو ثانية وبشخر كمان ههههههههه. لكن عرض التاريخ فى صورة مقارنات و تحليلات أكيد سيكون ممتع جدا فى قراءته.

النهارده حبدأ عهد جديد من المواظبة على القراءة اليومية بتوفيق الله و من فضلكم إدعوا لى 🙂 و مش حقدر أطلب من الأستاذ بلال فضل إنه يبطل يعرض كتب رائعة لمجرد إنى قربت أفلس بسببه 🙂  ههههههههههه لإنى أفضل ثراء عقلى و خواء جيبى على العكس 🙂 و بالتالى لا يسعنى إلا أن أشكره و أتمنى له مزيد من التوفيق و التالق 🙂

و مستنية تعليقاتكم 🙂

**** إذا كان متصفجك لا يدعم مشاهدة الفيديو فى هذه  الصفحة إضغط هنا لمشاهدته على اليوتوب ****

2 تعليقان

  1. خالص تمنياتى انك مش بس توظبي على القراءة إنما كمان كل يوم يكون اكتر من الى ابلو كما وكيفا وعلى فكرة مفيش امتع من انفاق الفلوس في شراء الكتب وبتكتمل المتعة لما الواحد يقراء الكتاب ويشعر بالاستفاده منه كفايا كلام لحسن تشخـــــــــري منى.

    رد

    • هههههههههههههه ربنا يبارك فيك يا دكتور عمر و حضرتك عندك حق فعلا…أنا فعلا إبتديت أقرا كتاب “إسلام بلا مذاهب” و شدنى جدا و إن شاء الله النهارده حبدأ فى كتاب أستاذ أحمد العسيلى…إدعى لى 🙂

      رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s