هى أذاوق الشنط شنيعة كده ليه؟! هأ هئة سعيدة يا أم شنطة جديدة..شوفتوا صورتى مع الشنطة ههههه

إزيكو يا بناتيت 🙂

أنا طبعا مؤمنة بالمبدأ القائل: لولا إختلاف الأذواق لبارت السلع. لكن واضح إن الناس إللى ذوقها زيى قليلين فى البلد علشان كده بحفى!! علشان أشترى شنطة كل مرة!! يا ترى إنتوا كمان عندكوا نفس المشكلة؟

الحقيقة أنا مش بطيق الحليات الفضى و الدهبى إللى “بيلطعوها” على الشنط عمال على بطال  و كمان مش بحب خالص إيدين الشنط إللى على شكل ضفيرة!!! فى كمية شنط فيها ضفاير غير طبيعية! دى تنفع باروكة مش شنطة ههههههههه.

و حنروح بعيد ليه؟ الصور أبلغ من أى كلام…متعوا نظركوا بمهرجان الحليات البيئة!!

بس لإن ربنا قادر على المعجزات إستطعت النهارده (19 مايو 2011 و هو يوم يجب أن يخلده التاريخ 🙂 ) إنى أجيب شنطة ذوقها شيك شوية و برضه كان فيها حليات متخلفة بس أنا شليتها علشان الجيش بيقولك إتصرف 🙂

و طبعا من فرحتى بالإنجاز إللى عملته أخدت صورة تذاكرية مع الشنطة زى المحدثين.

هأ هئة سعيدة يا أم شنطة جديدة 🙂 هههههههههههه

طبعا الأصح إنى أأقول: اللهم إنى أسألك من خيرها و خير ما هى له و أعوذ بك من شرها و شر ما هى له…اللهم آمين

10 تعليقات

  1. Posted by زهرة البنفسج on مايو 19, 2011 at 5:40 م

    مبروك الشنطة ياهبهوب ذوقك فعلا عملي رقيق

    رد

  2. الف مبروك ربنا يرزئك خيرها

    رد

  3. Posted by zizo on مايو 20, 2011 at 2:47 م

    ههههههههههههههه مبرووووووك تعيشى وتجيبى غيرها

    رد

  4. بس علي فكرة بجد فيه طفرة دلوقت في أذواق الشنط يعني مش عارفة انتي ساكنة فين لكن شنط روكسي هايلة وبالاخص كلب ألدو وفيه في الهرم مجموعة محلات تحفة في سيتي مول المشكلة الوحيدة ان الشنطة الشيك دلوقت لا يقل سعرها عن 150 علي الاطلاق ربنا معاك

    رد

    • معاكى حق يا داليا!
      صدقى أو لا تصدقى: الصور إللى أنا عارضها دى من محل قى عباس العقاد!!!
      أنا بحب روكسى جدا فى الشرى برضه فممكن رحلة الشوبنج الجاية تكون هناك. ربنا يكرمك إنك فكرتينى 🙂

      رد

  5. وه على ايه يعنى هتتحســــــــــــــــــــــــــــــــــــد ههههههههههههههههههههههههههههه
    ولا هى تلاكيك وخلاص ههههههههههههههههههههههه

    رد

    • على رأيك 🙂 هههههههههههه بس تعبت قوى على ما جبتها و هما إسبوعين و طارت. ياللا خير إن شاء الله طبعا جبت واحدة تانية بس خلاص مش ححط صور حاجات تانى على المدونة علشان ربنا يبارك لى فيها حكم بعيد عنك وعن السامعين فى ناس عينيهم مدورة و مقورة ههههههههههههههههههههههههههههه

      رد

اترك رداً على Ba7ebMasr.com - هبة الله حسنى إلغاء الرد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s