و عجبى(2) – يا عينى على المصريين فى الغنا الحزين! معايا دكتوراه فى الآآآآآه!

مساء الحزن و الكآبة مع رشة نكد فشر الهبابة 🙂

فى مقالة  ما أروع الجرأة على الحق! حاجات مبخافش منها و حاجات مضحكة بترعبنى كنت فضفضت معاكو إنى بخاف من السواقة علشان كده بركب تاكسات كتير. و ياما سمعت أغانى لها العجب و للأسف معظمها حزيييييين و كئييييييييييييييب بس أنا لما بسمعهم بكون عايزة أسخسخ من الضحك. مستغريبن؟!  طيب شوفوا العينة و احكموا بنفسكوا…

* مرة كنت رايحة أجيب بنتى من مكان و إتأخرت عليها لإن سواق التاكسى سمع المكان غلط و أنا كنت مركزة مع الأغانى :). الغنوة كانت بتقول: “أنا عامل دماغ تمام مام مام …مش بانجو ولا برشام شام شام” 🙂  تحفة طبعا لكن بعده نفس المطرب قلبها نكد إسود وقال: “أنا عازمك على جراح و أحزان و آلام! ما هو كله من خيرك! كتر ألف خيرك!!!” سبحان مغير الأحوال واضح إن الصنف إللى بلبعه كان مضروب و لا حاجة 🙂 هههههههههههه

* المرة دى ربنا حب يمتحن صبرى و سمعت واحد بالع خيارة بالعرض فى زوره و أأقل شئ يقال عن صوته إنه شنييع!!! إسمعوا قمة الإبداع: “إتخرجت من كلية الأحزان و معايا دكتواره فى ال آآآآآآه! ” يا عينى على السجع….  قطيعة تقطع النكد و سنينه هههههههههههههههه

* المرة دى بقى أنا إتصدمت صدمة عمرى: مطرب شعبى إبتدى أغنيته بشعر لسيدنا على كرم الله وجهه. كا ن بيقول:

 النفس تبكى على الدنيا و قد علمت

أن السلامة فيها ترك ما فيها

لا دار للمرء بعد الموت يسكنها 

إلا التى كان قبل الموت يبنيها

فإن بناها بخير طاب مسكنه 

و إن بناها بشر خاب بانيها

رائع مش كده؟ أنا كنت طيارة من السعادة. هو ألقى الشعر ده من غير تلحين و بعدين إبتدى يغنى و عنيكم ما تشوف إلا النور! لقيته بيقول: أنا حنتقم منك و حعمل فيك و أسوى!! واضح فعلاإن كلام سيدنا على أثر فيه 🙂 هههههههههههههه حاجة عجيبة!

دى مجرد عينة بسيطة من الأغانى الحزينة إللى بسمعها فى التاكسات بس فى واحدة  كانت فى الصميم بتقول: “لا تقول لى لو سمحت و لا تقوللى من فضلك أنا خلاص إرتحت و نويت أنفضلك” ههههههههههههههههههههههههههههه 🙂

يا سلاااااام يا عينى علينا فى الحزين…”كتاب حياتى يا عين” و “جرحونى و قفلوا الأخزخانات” و عجبى!!! مستنية تعليقاتكم 🙂

Advertisements

4 تعليقات

  1. Posted by غير معروف on يوليو 29, 2011 at 6:53 ص

    ههههههههههههههه موضوع رائع وعلى فكرة بردو نفس الكلام فى الميكروباصات وتلاقى السواق مشغل اغنية ماتتسمعش ومعليها على الاخر والناس يقولوله وطى الكاسيت شوية وهو يعمل فيها مش سامع 😀
    ساعتها بئة لو الطريق واقف بنزل اكمل الطريق مشى
    امضااااااااء zizo

    رد

    • هههههههههههههه معاك حق يا زيزو 🙂 أنا علشان بكتب الأغانى و ليا فى الموضوع جامد كتير بتشدنى الأغانى الشعبية بالذات و ساعات بتكون حلوة قوى …. لكن ما بتطلب معانا كائبة و نكد, المصريين ملهمش زى بصراحة 🙂 ههههههههههههه

      رد

  2. No comment
    🙂

    رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s