عملتها ياولاااد! إنتخبت و الحبر الفسفورى يشهد :) عارفين إنتخبت مين…

كلاكيت تانى مرة: إنتخبت رئيس مصر 2012 و الحبر الفسفورى يشهد …إضغطوا هنا علشان شوفوا إنتخبت ميييين 🙂

يوم 28 نوفمبر 2011 من أروع أيام حياتى و سيظل محفور فى ذاكرتى لإنه تجسيد لأول ثمرة ملموسة من ثمار ثورة 25 يناير.

كنت أشعر بسعادة بالغة و أنا مش لاقية نهاية الطابور إللى حقف فيه من كتر إقبال الناس رغم إنى خرجت من بيتى الساعة 9 صباحا!!! و ربنا كرمنى و رجعت البيت قبل آذان العصر ب 5 دقايق علشان ألحق صلاة الظهر. يعنى إحنا بنتكلم على 5 ساعات تقريبا كانت عبارة عن طوابير فى طوابير 🙂

أول ما رحت فى 3 حاجات أسعدونى جدا:

1- الجيش كان مأمن المكان بشكل ممتاز

2- حجم الإقبال كان غير عادى رغم إنى نزلت بدرى جدا و رغم إن التصويت مستمر بكرة كمان و مع ذلك ناس كتير كانت متحمسة للمشاركة الفورية

3- أما أروع حاجة إطمنت لها إن الناس إللى فى الطوابير كانت مختلفة فى سنها و مستواها الإجتماعى و بتعكس الشعب المصرى بكل أطيافه و ده طمننى إننا إن شاء الله حيكون عندنا برلمان متوازن.

 نيجى بقى للسؤال المهم : أنا إنتخبت ميييييييييييين؟

الحقيقة أنا إنتخبت حزب الكنبة قصدى حزب  “الفتوى لوج!” إللى الناس الحشرية محتاجة تقعد عليه علشان تتعالج و تبطل تحاول تعرف أنا إنتخبت مين هههههههههههههههه 🙂 أمال هما تعابين نفسهم و عاماين ستاير ليه؟

آسفة يا جماعة مكانش قصدى إن أرخم و أديها ألش السنين و إشتغالات:) معلش إعذرونى أصلى “مضحضحة” من الوقفة بس التعب كان ممتع و كمان كان حواليا بنات لذاذ جدا صاحبت واحدة فيهم و إديتها رقمى قبل ما نفترق. (أحد مزايا الطوابير الطوييييييييييييييييييييييييل جدا منخارها إنك ممكن تكون صداقات حميمة مع ناس متعرفهمش)

أكيد إنتوا فهمتوا بالفكاكة كده إنى كش ناوية أأقولكم أنا إنتخبت مين بالظبط لكن ممكن آجى على نفسى و أغششكم المعايير إللى على أساسها إنتخبت النهارده:

* أنا كنت حريصة إن أنا نفسى أدعم التنوع داخل المجلس فإخترت مرشح مشتقل و مرشح فردى يتبع حزب و قائمة لحزب تانى خالص

* أنا كنت حريصة فى إختيارتى إنى أدى فرصة للشباب الواعد المتميز (كفاينا عجايز و تحف أثرية فى البرلمان!!!!!)

* تالت حاجة و دى فورت دمى إمبارح إنى إتعذبت فى البحث عن المرشحين الفرديين فى دايرتى على النت و ملقتش معظمهم! و بعد تفكير عميق و حيرة شديدة قررت إنى مأصوتش لأى حد مكلفش نفسه إنه يحط بياناته على النت! ما هو مش معقول نواب برلمان مصر بعد الثورة ميكونوش مواكبين العصر! ده الفيس بوك ساهم بشكل كبير فى إنجاح ثورتنا. يبقى الناس إللى مكلفوش نفسهم و حطوا بياناتهم ببلاش على النت عايشين فى كوكب تانى أكيد! مش كده و لا إيه ياجماعة؟!!!

و بالتالى أنا إنتخبت ناس إهتموا إنهم يحطوا بياناتهم على النت و سهلوا عليا إنى أتعرف عليهم.

بس كده يا إخوانى أنا سعيدة قوى و بكتب لكم المقالة دى و أنا بتغدى لإنى مش قادرة أصبر إنى أحكى لكم عن مغامرتى المثيرة و إحساسى الذى لا يوصف إن مصر الحمد لله بتخطو أول خطوة على طريق الإصلاح.

أما المفارقة المذهلة فهى إن رغم ورجليا “مفقفقة :)” بمعنى الكلمة فبعد شوية صغيرين عندى حصة جيتار فى وسط البلد بس أنا مش حأجل الحصة لإنى أساسا بعد الدقايق علشان أروح 🙂

آه صحيح أنا لسه مزفتش لقراءى الأعزاء خبر الجيتار السعيد: إسكتوووا مش بعد ما قعدت أولول شهور طويلة أخيرا إتشمللت إشتريت كلاسيك جيتار الإسبوع إإلى فات و أخدت أول حصة؟ هييييييييييييييييييييييييييه إن شاء الله حكتب مقالة كاملة عن الموضوع ده لإنها آلة رائعة فعلا.

و ملحوظة أخيرة على الصورة الهلامية إللى إنتوا شايفينها إن إصرارى العجيب  إنى أصور نفسى بالموبايل رغم إنى عايشة مع بشر مش حيمانعوا إن هما يصورونى خلانى أعمل صورة مبتكرة عاجبانى أوى 🙂

يا ترى إنتخبتوا ولا لسه؟  و إيه إحساسكوا بالإنتخابات؟ و إنتخبتوا مين ؟ 🙂 طبعا مليش عين أسأل السؤال ده خااالص بعد الإشتغالة إللى عملتها فيكو ههههههههه. مستنية تعليقاتكم 🙂

Advertisements

8 تعليقات

  1. Posted by د.م.محسن محمد فؤاد الفايد مرشح رئاسة مصر on نوفمبر 28, 2011 at 4:25 م

    رائع و عقبال جميع المصريين في التصويت
    بيان من دكتور مهندس / محسن محمد فؤاد فايد
    المرشح المحتمل لرئاسة مصر المحروسة
    و مرشح مجلس الشعب الدائرة الاولي فئات مستقل بالزقازيق
    بشأن الاحداث الحالية في مصر المحروسة
    وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ
    ندين استعمال القوة المفرطة التي تعاملت بها قوات الأمن مع المعتصمين والمتظاهرين، في التحرير والمحافظات الأخرى و ندعو كافة السلطات المعنية التعامل العاقل والمتزن للأمور لما فيه مصلحة الوطن أولا وأخيرا، مطالبين بالوقف الفوري لكل أشكال العنف ضد المتظاهرين وخلق قنوات حوار فعالة وفورية للنظر في مطالب الثوار، وذلك حقنا لمزيد من الدماء وتفادي سقوط ضحايا جدد ، و نؤكد علي ضرورة إجراء الانتخابات الرئاسية ونقل السلطة والبلاد لسلطة مدنية منتخبة في أقرب فرصة ممكنة وفقاً لمطالب القوى الثورية
    خلاصة خطاب معالي المشير:
    1) قبول استقالة الحكومة. 2) الالتزام بالانتخابات البرلمانية.
    2) رئيس الجمهورية قبل يونيو 2012. 4) استفتاء شعبي لتسليم السلطة الفوري اذا اراد الشعب.
    خطاب موجه الي الشعب … لم يتعرض للشهداء؟؟ لذلك مطلوب الاعتراف بان كل من لقوا حتفهم في الاحداث شُهداء..
    المشكلة تكمن في الفارق الكبير بين دوري المجلس ( السياسي )و( العسكري) كفائته في الامر الثاني ليست محلا للشك و ندعو الله جميعا ان يتم الحفاظ على هذه الكفائه.
    مطلوب : تحقيق واسع و محاكمة عادلة و سريعة للمسئولين عما حدث في ميادين التحرير المصرية عن طريق لجنة تحقيق محايدة.
    الي المصريين جميعا دعوة الي التوحد و الوحدة قوة, اللهم هَب أهل مصر الحكمة والقوة والتعقل و قوة اتخاذ القرار. يا عقلاء الامة يا شرفاء الوطن حانت ساعة التدخل لانهاء سيول الدماء الطاهرة من شباب مصر. نطالب الجهات المعنية احترام حقوق الشعب في ممارسة حقوقه في التظاهر السلمي والاعتصام.
    يتوجه الدكتور محسن فؤاد فايد المرشح المحتمل لرئاسة مصر المحروسة بواجب العزاء الي اسر جميع شهداء مصر الذين سقطوا في ميادين التحرير المصرية وندعو الله عز وجل ان يسكنهم فسيح جناته و يجعلهم في جنات مكرمين و يُلهم اهاليهم الصبر والسلوان وندعو الله ان يحرس مصر من كل سوء.
    مادام المجلس العسكري تعهد بترك السلطة بعد 30 يونيو 2012 م فعلينا الصبر و الهدوء و العمل بالتعاون الكامل مع القوات المسلحة و الشرطة المصرية علي إنجاح الانتخابات البرلمانية و انتخابات الرئاسة بكل ما أوتينا من قوة ، لكي يتم نقل السلطة الي المدنية بحلول يوليو 2012 بأمان و سهولة و دون إراقة المزيد من الدماء المصرية الشريفة. لذا فأدعو جميع جموع الشعب من الناخبين الذين يحملون بطاقة الرقم القومي الي الذهاب الي صناديق الاقتراع كل في محافظته و كل في ميعاده للتصويت للمرشح الذي يراه مناسبا لمصلحة الوطن أولا .
    نحن في حاجة شديدة الي (مُصلحين) و ليس (سياسيين) مصر المحروسة تحتاج من كل ابنائها المخلصين دعوات وجهود مخلصة صادقة لانقاذها مما يتم تدبيره لنا …. انهيار الدولة المصرية لصالح من ؟؟ للأسف القوي المعادية الخارجية والقوي المُحركة تُنفذ ما تُريده بالايادي المصرية…. كفاية فوضي ….كفاية فعلا … ايه اللي بيحصل الان في ميادين تحرير مصر ؟؟؟؟؟
    مع تحيات دكتور/ محسن محمد فؤاد فايد المرشح لرئاسة مصر…انسان مصري لديه ما لدي المصريين من طموحات للتواصل : محمول 0141701471 ايميل mohsen2512011@gmail.com

    رد

  2. انا كنت شاكك برضو ان حضرتك مش هتقولى انتخبتى مين بالضبط 😀 بس على الاقل واضح من الكلام الاحزاب المستبعدة 😀 بس شىء جميل جدا انك وضحتى الدنيا كانت عاملة هناك ازاى ده شىء يطمنا اننا نروح ننتخب واحنا مطمنين ان صوتنا هيتعمل بيه ان شاء الله اصل انا تبع الجيزة فلسة مرحلة تانية 😀 والحقيقة واضح اوى انا هنتخب مين من البوستات اللى بحطها على الفيس ده طبعا بعد ماعملت تحرياتى عن معظم الاحزاب واه نسيت اقولك
    مبرووووووووووك الجيتار الجديد 😀

    رد

    • الله يبارك فيك يا زيزو 🙂 أنا بالنسبة لى الجيتار متعة غير عادية و كنت إبتديت أتمرن عليه من زمان ووقفت بس المرة دى إن شاء الله لا توقف. دعواتك 🙂
      ما شاء الله إنك إستنتجت إنى مش حقول إنتخبت مين ده معناه إنك بقيت فاهم شخصيتى كويس و ده شئ يسعدنى طبعا 🙂 و الله إنتوا حظكم أحسن مننا إن عندكم وقت أنا كنت ناوية أبتدى أدور من بدرى لكن المهازل إللى حصلت فى التحرير نكدت عليا أوى بصراحة. عموما الأحزاب أمرها سهل الفردى هما إللى ممكن يغلبوك فياريت تحاول تبدأ من دلوقت دى نصيحتى المخلصة ليك وربنا يوفقنا جميعا لما فيه الخير لمصر.

      رد

  3. Posted by Ahmed Elgammal on ديسمبر 5, 2011 at 6:24 م

    wow

    Very Nice 😀

    رد

  4. اشتغاله جميله..ودائما معتاديين من حضرتك على المعلومه والفايده الممزوجه بخفه الظل ..
    وانا الصراحه بحقد عليكى انك انتخبت وشاركتى ف اول ثمره لثوره 25 يناير … وسعدت جدا ان اول اسباب فرحتك ..ان -(( الجيش كان مأمن المكان بشكل ممتاز)) .. ( احم احم )) هههههههههههه…. ووعقبالى كدا لما انتخب الدوره الجيه ان شاء الله .

    رد

    • أهلللللللللللللا يا عبد الله ربنا يكرمك على تعليقك الجميل 🙂 كل سنة و إنت طيب 🙂 إيه أخبار الخدمة العسكرية؟ إوعى تكون إشتغلت على المدفع بللم و لا حاجة هههههههههههههههههههههه
      بالنسبة لل احم احم بتاعة سعتك هو فعلا الجيش كان مأمن الإنتخابات جدا أنا مش بجامله فى الحكاية دى. و الحقيقة قدرته على تأمين الإنتخابات تؤخد له و عليه لإن السؤال إللى بيطرح نفسه ليه مأمنش البلد فى مناسبات تانية؟!!!
      طبعا المشاركة فى إنتخابات المرحلة الأولى كان لها إحساس جميل بس برضه مكنتش لاحقة بسبب أحداث قناص العيون و الحاجات إللى تفور الدم إللى حصلت قبل الإنتخابات على طول و علشان كده معرفتش أقرا كويس عن المرشحين خصوصا البهاوات إللى مكلفوش خاطرهم يحطوا بياناتهم على النت ببلاش!!! فأنا لما جالى إحباط قلت أنا كمان “بلاش” أرشحهم لإنهم عايشين فى القرون الوسطى هههههههههههههه
      إنت عندك ميزة إنك لسه ممكن تقرا عنهم أكتر و طبعا بعد ما إتكلمت بالتفصيل عن الناس إللى إنتخبتهم (الكدب خيبة 🙂 ههههههه) أكيد من حقى أسألك حتنتخب مييييييين؟!!!! 🙂

      رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s