Archive for 27 يناير, 2012

فيديو أجمل مناسبة: المولد النبوى حيكون يوم ميلادى :) محتاجة نصايح عملية لإحياء سنته…

إذا كان متصفحك لا يدعم مشاهدة الفيديو على هذه الصفحة إضغط هنا لتشاهده على اليوتوب.

أهم سؤال عندى عايزة نصيحة منكم إزاى أحتفل باليوم ده بإحياء سنة عن الرسول عليه السلام؟ يا ريت تدونى أفكار 🙂

و الفيديو يتضمن تحليل سريع لما حدث منذ 4 فبراير 2011 (جمعة الرحيل) حتى الآن. و لتحميل سلسلة فيديوهات على خطى الحبيب للدكتور عمرو خالد أو أى فيديوهات طويلة يمكن إستخدام هذا الموقع: http://keepvid.com/

خاطرة”4 فبراير يوم ميلادى أفديكى بعمرى يا بلادى” (كتبتها فى 4 فبراير 2011 ) سبحان مغير الأحوال

أتمنى إن شاء الله الفيديو يعجبكم و مستنية تعليقاتكم 🙂

Advertisements

فيديو أذكار الصباح و المساء خط أحمر! و أهمية التأمل و التدبر و التفكير النقدى

إذا كان متصفحك لا يدعم مشاهدة الفيديو على هذه الصفحة إضغط هنا لتشاهده على اليوتوب.

أهم ما تضمنه الفيديو: فضائل أذكار الصباح و المساء بصفة عامة:
• أن تكتب من “الذاكرين الله كثيرا و الذاكرات”
• أن تحيى سنة الرسول عليه السلام بذكر أدعيته المأثورة
• وقاية للإنسان من الحسد و السحر و غيرها من الشرور
• هى بتجمع بين الذكر و الدعاء
• هى تجمع كل الفضائل:
o فضل الإستغفار
o فضل التوكل على الله
o الباقيات الصالحات (خير الدعاء الحمد لله)
• طاقة إيجابية
فضائل آيات و أدعية محددة
كيف تواظب على الأذكار؟
أهمية التدير و الـتأمل
أنواع التأمل:
• تأمل فى الكون
• تأمل فى حياتنا و حياة الآخرين و أهمية الخروج من عالمنا الضيق و التعرف على معاناة الآخرين حتى نعطى مشاكلمنا حجمها الذى تستحقه.
• تأمل فيما نقرأ و نتعلم
• أهمية التفكير النقدى و عدم الإنسياق الأعمى وراء الاخرين
مقالات مرتبطة بالموضوع:
أهمية المواظبة على الأذكار و التقييم اليومى الإيجابى

أهمية التفكير النقدى: اللمبى 8 فولت نفسه مصر كلها تغير لأحمد العسيلى 🙂

فى إنتظار تعليقاتكم و أسألكم الدعاء 🙂

فيديو دروس النجاح (1) ليه الأطفال بتضحك لما تقع و الكبار لأ؟! – شوفوا إخراج بنوتتى :)

أبشروا يا إخوانى 🙂 بدأت سلسلة فيديوهات “دروس النجاح” من تأليفى و إخراج بنوتتى الجميلة مخرجة الروائع: هانيا تصفيق حاد 🙂

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب

– أهم سؤال بيطرحه الفيديو: ليه الطفل لما بيقع بيضحك و يفضل يحاول لغاية ما يمشى و إحنا يا كبار لما بنغلط بنحس إنها نهاية العالم؟
– ما تيجوا نتعامل مع أخطائنا بإيجابية و نعتبرها و سيلة للتعلم و نشوف الفشل على إنه وسيلة للنجاح مصداقا لقوله تعالى:”ويدرؤن بالحسنة السيئة” و الحديث الشريف:”كل إبن آدم خطاء و خير الخطائين التوابون” . إيه رأيكم؟

يا ريت تشوفوا الفيديو  لآخره علشان هانيا عاملة لكم مفاجأة و تقولوا لى رأيكم فى التعليق 🙂

و يمكنكم مشاهدة فيديو دعوة للنجاح المتوازن فى 2012 على هذه الرابطة : http://www.youtube.com/watch?v=dvIQFLjj_Mk

لفات طرح طويلة مبتكرة (4) – يا بناتيييت يا عسسسل التايجر وصل :)

إزيكو يا بناتيت 🙂

كل سنة و إنتو طيبين و أنا سعيدة إن أول مقالة حكتبها فى 2012 حتكون بناتى على الآخر 🙂

الحمد لله ربنا وفقنى و إشتريت البلوزة التايجر ذات الفرفورتين إللى إنتم شايفين الأسهم الخضرة -> عندهم.

و طبعا إنتو عارفين إن التايجر موضة. هو يعتبر موضة على طول الحقيقة عمره مابيروح زى الكاروهات و الإسود فى أبيض. مبدأيا قبل ما أأقولكم عملت ربطة الطرحة إزاى حد فيكو فيكم عارف الفرفورتين دول إسمهم إيه؟ 🙂

لو مش عارفة مش مهم و الله ما بتفرق معانا الأسماء 🙂 لكن الحقيقة الفرفورتين دول هما السبب إنى إشتريت البلوزة أساسا لإى قررت أغير إستخدامهم الأصلى و أحطهم على الطرحة زى ما إنتو شايفين فى الصورة.

فحطيت واحدة منهم فوق الطرحة البيضة و خبيت الدبابيس إللى شبكتهم فيها بالطرحة إللى مدية على بيج و سبت الفرفورة التانية حرة طليقة فوق الطرحة. ما رأيكم دام فضلكم ؟ 🙂

وإحنا كحزب المحجبات اللبيراليات ذوات المرجعية الإسلامية 🙂 برضه مسايرين الموضة و لينا ثقافتنا مش أى أى يعنى ههههههههههه

و ليا طلب أخير يا جماعة فى دعاء بيقال للناس لما بتشترى هدوم جديدة: لبست جديدا و عشت سعيدا و تزوجت تقيا و أنجبتى و ليا و متت شهيدة.

شفتوا ديننا جميل إزاى 🙂 حتى شرا الهدوم له دعاء رائع الحقيقة فياريت تدعوا لى بالجامد علشان الملايكة تقول و لكى مثله. إتفقنا؟ مستنية تعليقاتكم 🙂