Archive for 25 أبريل, 2012

فيديو أقصر الطرق للسعادة فى الدنيا و الآخرة :) إستعدوا للإنبهار!

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب

أهم ما تضمنه الفيديو:

http://www.Ba7ebMasr.com/ – هبة حسنى. ما هى أقصر الطرق لسعادة الدنيا و الآخرة؟
• السعادة هى الهدف الأول لكل إنسان صغير أو كبيرا
• صدق أو لا تصدق! أثبتت الأبحاث أن التفوق أكثر شئ يجلب السعادة للأطفال (و الكبار)! التفوق هنا بمعنى تحقيق الذات مش لازم التفوق الدراسى : ( خصوصا فى تعليم زى بتاعنا نسال الله السلامة ههههههههه بس إن شاء الله الأمور بعد الثورة
• كل إنسان محتاج يشعر بالإنجار ليحقق السعادة الحقيقية
• سر السعادة فى الدنيا و الآخرة هى وضع أهداف “ذكية” . إختار هدف واحد يحقق فوائد كتيرة و “ركز” عليه. أمثلة:
o التركيز على الخشوع فى الصلاة بيصلح يومك كله و يساعدك على التخلص من نقط ضعفك. “إن الصلاة تنهى عن الفحشاء و المنكر”
o إخلاص النية لله يجعلك لا تحتاج أن تتعلم الصبر على مضايقات الآخرين لن الإخلاص يجعلك لا تبالى برأيهم من الأساس
o سنة البكور تحقق لك البركة فى الوقت و طاعة الرسول عليه السلام
o “رب هب لى الشجاعة لتغيير ما أستطيع تغييره و السكينة لقبول ما لا أستطيع تغييره و الحكمة اللازمة للتفريق بينهما” . الإنسان العاقل يغير نفسه و ليس الآخرين أو الظروف.
o عامل الآخرين بطريقة تخرج منهم أجمل ما فيهم
o أمثلة طريفة من اليوتوب 🙂 و أحب أأقول لأى حد بيغنى على اليوتوب و بيجليه تعليقات سيئة “نادرا” زى حالاتى إن مفيش قانون يمنع الجمايس إنها “تنعر!” على اليوتوب و إللى مش عاجبه يدوس ستوب هههههه
o أغنية “نقدر؟ طبعا نقدر!” من تأليفى من مسرحية غابة من أون لاين https://ba7ebmasrbegad.wordpress.com/2011/12/19/%D8%A3%D8%BA%D8%A7%D9%86%D9%89-%D9%85%D8%B3%D8%B1%D8%AD%D9%8A%D8%A9-%D8%BA%D8%A7%D8%A8%D8%A9-%D8%A3%D9%88%D9%86-%D9%84%D8%A7%D9%8A%D9%86-%D9%85%D9%86-%D8%AA%D8%A3%D9%84%D9%8A%D9%81%D9%89-3/

o 30 أبريل آخر موعد لتقديم الشعر الغنائى لمسابقة بإيدينا بكرة أحلى

https://ba7ebmasrbegad.wordpress.com/2010/10/23/%D9%85%D8%AD%D8%AA%D8%A7%D8%AC%D8%A9-%D9%85%D9%84%D8%AD%D9%86-%D9%84%D8%A3%D8%BA%D9%86%D9%8A%D8%A9-%D8%A8%D8%A5%D9%8A%D8%AF%D9%8A%D9%86%D8%A7-%D8%A8%D9%83%D8%B1%D8%A9-%D8%A3%D8%AD%D9%84%D9%89/

أسألكم الدعاااااااء 🙂

صدق أو لا تصدق! شفت بلطجى ماسك مطوة فى إحتفالية الفن ميدان و كان قريب منى قوى يا مااااامى!- “بلطجى أونطجى!!”

سبحان الله ساعات لما كنت بنزل التحرير كان بيجليى هاجس إن ممكن يدخل بلطجية و كنت أأقول: “الله خير حافظا” و أنزل برضه لكk عمرى ما كنت أتخيل إنى حشوف بلطجى من قريب فى إحتفالية الفن ميدان!

الخلاصة أنى كنت واقفة و حبدأ أرسم  نفسى فى اللوحة إللى إنتوا شايفينها و فجأة لقيت الترابيزة إللى ورايا وقعت و الأوراق إللى كانت عليها إتبعرت فى الأرض فأول ما بصيت ناحيتها لقيت بلطجى ماسك مطوة فى إيده و كان بينى و بينه تلات خطوات تقريبا و فضل يزعق و يقلب الحاجات و يقول للناس يمشوا بصوت عالى.

الشئ المذهل إنى مخفتش منه يمكن لإن جالى ذهول فى الأول و بعد شوية حسين إن زعيقه فى الناس مصطنع و إن هو إللى خايف من جواه و مرعوب كمان!

الحمد لله البوليس وصل فى زمن فياسى و خدوه و مشيوا و أثار تأملاتى قد إيه هو ضعيف  قوى من جواه. صدقونى يا جماعة أنا شفت الخوف فى عينيه و هو بيخوف الناس. و بعد ما البوليس خده رسمت نفسى فى اللوحة إللى فوق لإنها كانت بعنوان إرسم نفسك و كتبتب من فوق:”لا للبلطجة”. وو أنا قاعدة أستنى بين فقرات الحفلة ألفت رباعية حلمنتيشية صغيرة بعنوان “بلطجى أونطجى!”

شفت البلطجى

لقيته أونطجى

ماسك مطوة فشينك

تقولش حاوى فى سيرك!

الناس فاكرينه برم

أتارى البعيد كوريك!!!

و عجبى!!!

و دى كانت آخر مغامرة من مغامرتى الميثرة و قد تكون أكثرمغامراتى غرابة بسبب عنصر المفاجأة! و عجبى!

فى إنتظار تعليقاتكم 🙂

فيديو ضاعف حسناتك على اليوتوب و قصة لوحة جماعية رسمتها مع الأطفال يوم اليتيم

إذا لم يدعم  متصفحك مشاهدة الفيديو على هذه الصفحة إضغط هنا لتشاهده على اليوتوب 

أهم ما تضمنه الفيديو:

• اليوتوب ممكن يكون نبع من الحسنات (أو السيئات!) الإختيار لك
• كيف تستفيد من اليوتوب فى تلقى المعلومات؟
o أكثر مصداقية لإنك ترى بنفسك الأحداث
o لا تحكم على الفيديو من عنوانه
o يجب أن تشاهد الحوارات و المداخلات التليفونية كاملة لإن تقطيع أجزاء من حوارت ممكن يساء إستخدامها
o أرجو من يضعون عنوانين الفيديو أن يتقوا الله ويتحروا الصدق لإنى صدقت عناوين فيديوهات كتير و إتضح إنها “إشتغالات!”
o شير فى الخير: علق على الفيديو فيبان على الفيس بتاعك و تويتر
• كيف تستفيد من اليوتوب فى كمدون؟
o تعريف جمهور اليوتوب بمدونتك من خلال الفيديو
o بناء علاقة أكثر حميمية مع مشاهديك لإن الفيديو مؤثر أكثر من الكتابة
o توفير وقتك لإن الكلام أسرع من الكتابة 🙂
o ليه أنا عاملة برواز على الصورة؟
• حكاية اللوحة الجماعية إللى رسمهتا مع الأطفال فى حديقة الطفل اليوم دون تخطيط مسبق! سبحان الله 🙂 حسيبكم تستمعوا بلوحات الأطفال و فى إنتظار تعليقاتكم 🙂