صدق أو لا تصدق! شفت بلطجى ماسك مطوة فى إحتفالية الفن ميدان و كان قريب منى قوى يا مااااامى!- “بلطجى أونطجى!!”

سبحان الله ساعات لما كنت بنزل التحرير كان بيجليى هاجس إن ممكن يدخل بلطجية و كنت أأقول: “الله خير حافظا” و أنزل برضه لكk عمرى ما كنت أتخيل إنى حشوف بلطجى من قريب فى إحتفالية الفن ميدان!

الخلاصة أنى كنت واقفة و حبدأ أرسم  نفسى فى اللوحة إللى إنتوا شايفينها و فجأة لقيت الترابيزة إللى ورايا وقعت و الأوراق إللى كانت عليها إتبعرت فى الأرض فأول ما بصيت ناحيتها لقيت بلطجى ماسك مطوة فى إيده و كان بينى و بينه تلات خطوات تقريبا و فضل يزعق و يقلب الحاجات و يقول للناس يمشوا بصوت عالى.

الشئ المذهل إنى مخفتش منه يمكن لإن جالى ذهول فى الأول و بعد شوية حسين إن زعيقه فى الناس مصطنع و إن هو إللى خايف من جواه و مرعوب كمان!

الحمد لله البوليس وصل فى زمن فياسى و خدوه و مشيوا و أثار تأملاتى قد إيه هو ضعيف  قوى من جواه. صدقونى يا جماعة أنا شفت الخوف فى عينيه و هو بيخوف الناس. و بعد ما البوليس خده رسمت نفسى فى اللوحة إللى فوق لإنها كانت بعنوان إرسم نفسك و كتبتب من فوق:”لا للبلطجة”. وو أنا قاعدة أستنى بين فقرات الحفلة ألفت رباعية حلمنتيشية صغيرة بعنوان “بلطجى أونطجى!”

شفت البلطجى

لقيته أونطجى

ماسك مطوة فشينك

تقولش حاوى فى سيرك!

الناس فاكرينه برم

أتارى البعيد كوريك!!!

و عجبى!!!

و دى كانت آخر مغامرة من مغامرتى الميثرة و قد تكون أكثرمغامراتى غرابة بسبب عنصر المفاجأة! و عجبى!

فى إنتظار تعليقاتكم 🙂

3 تعليقات

  1. Posted by zizo on أبريل 8, 2012 at 10:49 م

    فعلن البلطجى اجبن خلق الله

    رد

    • سبحان الله فعلا يا زيزو و أنا على فكرة عملت لك شير للمقالة دى علشان شفت الراب إللى إنت ألفته على البلطجية و حاليا بقرأ فى سيرة سيدنا عمر بن العزيز عن فظائع و مجازر إرتكبها الحجاج بن يوسف الثقفى لكن كان صادق مع نفسه لما وصف نفسه للخليفة إنه حقود!
      العدوانية دليل على ضعف فى النفس و ليس قوة ربنا يصلح حال الجميع.

      رد

  2. Posted by zizo on أبريل 11, 2012 at 2:39 م

    اللهم امييييييييين
    ا

    رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s