Archive for 14 فبراير, 2013

كوميديا سوداء (1) – #فيديو #سكتش#كاريكاتير الفنان محمد صبحى يدين التحرش وهرتلة النظام!

إذا لم يكن متصفحك يدعم مشاهدة الفيديو فى هذه الصفحة إضغط هنا لتشاهده اليوتوب

أهم ما تضمنه الفيديو:

 * أجزاء من حوار الإسكتش مستوحاه من مسرحيات تخاريف وو جهة نظر للفنان محمد صبحى.

* لينك مقالتى الإنجليزية إللى  ترجمت فيها اللافتات التى حملتها بنات مصر الأبطال كى يرى العالم كله أننا سنظل نقاوم للنهاية! : http://searchwarp.com/swa866606-Egypts-Revolt-Eye-Witness-2-The-Shout-Out-Against-Women-Harassment.htm

* لينك المقالة إللى شرحت فيها ما حدث لى فى التحرير فى الذكرى الثانية للثورة https://ba7ebmasrbegad.wordpress.com/2013/02/08/stop-women-harassment-egypt-2013/

* إيه حكاية “هما إللى وادهم (الميدان و الإتحادية)”؟ و كيف يستخدم هذا السؤال السمتفز كتبرير للعنف من أيام ست البنات أم كبساين

* من قتل يقتل ودم الجندى و كل الشهداء مش حيروح هدر

* مهازل قيلت عن حمادة و هى محاولة متخلفة لتبرير سحله و تعريته من ضمنها إنه شاذ!!! و بقية الهرتلة حتلاقوها فى الفيديو….على فكرة بعض رموز السلفيين حيقعدوا كوميديانات البلد فى بيوتهم!!! لنا الله

* المبادرات الممتازة للتعامل مع التحرش و من ضمنها حملة “ميدان آمن للجميع” و توفير كورسات فى الدفاع عن النفس

* لمحات مؤثرة من قصة المجاهدة زينب الغزالى و كيف إنها إستطاعت قتل من حاول إغتصايها فى المعتقل

* أتمنى إن التصريحات التى نسيبت إلى عزة الجرف شهدت إنها شافت تصرفات غير لائقة فى خيام معتصمى الإتحادية تكون ملفقة و إلا من حقنا نسألها نفس السؤال إللى بقى لبانة فى بق النظام: “يا أم أيمن إيه إللى وداكى الإتحادية؟!!” صدقينى الموضوع مش مستحملك إنتى كمان

كاريكاتير-محمد-صبحى-مجلس-الشورى

* فى إنتظار تعليقاتكم

أحيى جدا مسيرة “الشارع لنا” و رسالتها القوية و أرقام حملة “ميدان آمن للجميع” و صفحتهم على الفيس…

— بنات مصر خط أحمر —

أنا سعيدة حدا بالجهود المنظمة لمكافحة التحرش و كان آخرها حملة “ميدان آمن للجميع” التى بدأت فعاليتها يوم الجمعة الماضى فى التحرير و هذه المقالة بها تفاصيل كتر عن الحملة: http://www.almasryalyoum.com/node/1290786

harassment-resistance

حاليا أعضاء الحملة 150.هى دى بياناتهم:

  • صفحة الفيس: https://www.facebook.com/opantish

  • تويتر: https://twitter.com/opantish

  • الخطوط الساخنة (تستخدم فى حالات الطوارىء فقط و فى المظاهرات التى ستعلن الحملة عن المشاركة فيها): 01157892357/01016051145/01202390087

إستمرارا لردود الأفعال المشرفة ستقام وقفات إحتجاجية على العنف ضد المرأة فى مصر فى 24 دولة اليوم الثلاثاء 12 فبراير أمام القنصليات المصرية فى هذه الدول الساعة 11 صباحا بتوقيت كل دولة.

إمبارح أنا كتبت مقالة بالإنجليزية ونشرتها فى موقع أمريكى  سجلت فبها هذا الموقف العالمى المشرف  و قمت  بترجمة اللافتات التى حملتها بنات مصر الأبطال كى يرى العالم كله أننا سنظل نقاوم للنهاية! هى دى لينك المقالة: http://searchwarp.com/swa866606-Egypts-Revolt-Eye-Witness-2-The-Shout-Out-Against-Women-Harassment.htm

و الحقيقة قبل هذه التطورات الرائعة إنتابتنى مخاوف عرضتها فى هذه المقالة يوم 8 فبراير لكن هذه المخاوف تبددت بعد هذه التطورات و بالتالى حسحب الكلام إللى حتلاقوه فى آخر المقالة (و أنا سايباها كتأريخ للماضى) و بقول بعلو صوتى لكل بنات مصر إنزلوا الميدادين  مرفوعين الرأس.

 ****** بقية المقالة هى مقالتى السابقة و سأتركها للتاريخ  ******

سعادتى لا توصف بمسيرة  الشارع لنا التى إنطلقت يوم 6 فبراير من مسجد السيدة زينب و للتحرير وكنت أتمنى اشارك فيها لكن ظروفى مسمحتش للاسف.

منظر نساء مصر الأحرار و هما متمسكين بحقهم فى نزول الميدان و الإخوة إللى كانوا محاوطين المسيرة علشان يحموها رجع لذاكرتى شهامة و رجولة الشاب المصرى إللى الأحداث المؤسفة الأخيرة خليتنا ننساها.

لا للتحرش

الرسالة فى حد ذاتها كانت قوية و مؤثرة لكن المهم هو إنه يكون فى آلية فى المستقبل تضمن بيها اى بنت حتنزل الشارع إن محدش يلمسها. أنا من متابعتى فهمت إن فى المستقبل حيكون فى جهات بتلبس ملابس مخصوصة علشان البنات تستعين بيهم و تكون فى حمايتهم فى أى فعاليات فى المستقبل. الجهات دى محتاجة تعلن عن نفسها بوضوح و أماكن وجودها لازم تكون معروفة للجميع.

لو ده محصلش يبقى نزولنا الشارع غلط من باب “و لا تلقوا بأيديكم إلى التهلكة” بمعنى إن أى بنت تمشى فى شارع ظلمة و تتعرض للإغتصاب أو التحرش  بتكون مسؤولة بشكل ضمنى لإنها حطت نفسها فى الموقف ده.

women-march.100

هى دى كل الفكرة  و أنا مش بقول الكلام ده من فراغ: أنا نزلت التحرير فى الذكرى الثانية للثورة بعد الظهر و كان المشهد جميل لكن للأسف فى ست كبيرة قالت لى إن حصل لها تحرش بس زعقت لما حست بالتحرش و قالت:  إنتوا بتتحرشوا بينا علشان تمشونا طيب إحنا مش ماشيين!

و دخلت بعد المغرب بيتزا هت محمد محمود أغسل إيدى و إتحبسنا جوة  و دخل بنات مضروبين فى وشهم و دايخين من الغاز و فى ناس قالوا إن حصل لهم تحرش فدخلوا المحل يستخبوا و العاملين قفلوا الباب الأمامى بس كان فى خبط جامد على الباب و خرجونا من الباب الخلفى أنا و كذا بنت و كان معانا واحدة فوق الستين.

أنا لما لقيت الوضع كده قررت أروح مش جبن منى و الله العظيم لكن لما أشوف بعينى ناس تانيين إتعرضوا للتحرش مينفعش أرجع الميدان تانى لإن إللى بتعمل كده بتلقى بإيديها للتهلكة. طبعا انا متفهة وجهة النظر إللى بتقول إننا لو مشينا حنحقق هدفهم و على فكرة الست العظيمة إللى خرجت معانا من الباب الخلفى رجعت الميدان تانى و مهمهاش.

لكن بعد كده سمعنا عن حوادث الإغتصاب الجماعى الممنهجة المؤسفة إللى حصلت فى التحرير. يبقى إيه الحل؟

لا للتحرش

الحل إننا نشارك فى المسيرات بس يكون فيه وسائل كافية و معروفة سلفا لحمايتنا. لازم المنظمات الحقوقية تلعب دور واضح و تقول لنا مناطق تجمعها ساعتها ممكن ننزل أى مسيرات من غير ما نخاف أن نكون من أهل الآية الكريمة: “و لا تلقوا بأيديكم إلى التهلكة

فى فرق كبير بين الشجاعة و التهور و الإخوان دلوقت عاملين زى الحيوان الجريح و بيتعاملوا مع المعارضة بشراسة شديدة و منطق البقاء للأقوى. أنا قريت فى سيرة سيدنا عمر بن عبد العزيز إن لما حصل فتن و قتل فى المدينة آل بيت النيى لزموا بيوتهم. أكيد هما مكانوش جبناء لما عملوا كده.

أنا حكرر طلبى تانى: ياريت اى بنت من هنا ورايح متنزلش اى مسيرة إلا لما تعرف أماكن تواجد المنظمات الحقوقية المعنية بمكافحة التحرش و بالتالى لازم المنظمات دى يكون لها زى معروف و تعلن فى كل مرة عن اماكن تواجدها و كمان تطمننا على الوسائل الفعالة إللى حتستخدمها لحمايتنا. لو ده محصلش يبقى عدم النزول أصح من وجهة نظرى.

إنتوا شايفين إيه؟ فى إنتظار تعليقاتكم…

فيديو كاريكاتير و فزورة المطرمخاتى أسحابى (4) عن سحل حمادة! لو إنت مكان حمادة كنت عملت إيه؟

*** الحمد لله 🙂 حمادة غير أقواله و إعترف إن أفراد الشرطة هما إللى سحلوه…الحق أحق أن يتبع ***

إذا لم يكن متصفحك يمنع مشاهدة الفيديو على هذه الصفحة إضغط هنا لتشاهده على اليوتوب

أهم ما تضمنه الفيديو:

تعليقى على أزمة سحل حمادة المؤسفة و غيرها من الأحداث المؤسفة من يوم 25 يناير حتى اليوم

كاريكاتير و فزورة المطرمخاتى أسحابى (4) عن سحل حمادة!

المرة إللى فاتت سالتكم فى فزروة كاريكاتير المطرمخاتى أسحابى (3) : إذكر مرة واحدة الإخوان إعتذروا فيها عن خطئهم أو إعترفوا بالفشل او التقصير؟

حل الفزورة: ممنوع إلقاء الأسئلة الخرافية!!!!!

.
فزورة اليوم:   لو إنت مكان حمادة كنت عملت إيه؟

فى إنتظار تعليقاتكم… 

فيديو كيف تسعد الرسول عليه السلام يوم ميلاده؟ نصائح عملية…

إذا لم يكن متصفحك يمنع مشاهدة الفيديو على هذه الصفحة إضغط هنا لتشاهده على اليوتوب

أهم ما تضمنه الفيديو:

* صفحة بها  مواقع و كتب و فيديوهات عن سنة و سيرة الرسول عليه السلام http://www.Ba7ebMasr.com/i-love_prophet_mohammed/

* شرح صورة الفيديو

* هدفى من يوم المولد

* سؤال يستحق التأمل: ماذا أعددت لها؟ (الآخرة)

* كيف تسعد الرسول عليه السلام بإحياء سننه يوم ميلاده؟
1- صلة رحم 2- إحسان للجار 3- صوم 4-قراءة عن الرسول عليه السلام و مشاهدة فيديوهات: 5-أمر بالمعروف و نهى عن المنكر (بما لا يخالف شرع الله) 6- أمر بالخرشوف و نهى عن البروجر 🙂 (نتبع سنة الرسول عليه السلام فى الأكل) 7- رسائل ربانية

فى إنتظار تعليقاتكم و كل عام و إنتم بخير

التعليم بالإضحاك – فيديو سكتش الحماوات الفاتنات :) مين وحشته الفنانة مارى منيب؟

إذا لم يكن متصفحك يمنع مشاهدة الفيديو على هذه الصفحة إضغط هنا لتشاهده على اليوتوب

بلاى ليست فيديوهات التعليم بالإضحاك http://www.youtube.com/playlist?list=PLC1D8C575FC9300DA