Archive for 29 مارس, 2013

فرص للشباب (3) – بيع منتجاتك الإلكترونية (برمجة و تصميم جرافيك و غيرها) على الإنترنت

عندك أى منتج إلكترونى تحب تبيعه على النت؟

أخييييرا لقيت سوق إلكترونية ممكن تبيعوا عليها أى منتج إلكترونى تتخيلوه و فيه طريقة دفع تنفع فى مصر.

أى حاحة بتعرف تعملها على الكمبيوتر ممكن تبيعها  من أول ملفات الصوت لغاية لغات البرمجة مرورا بالفيديو و الكتب الإلكترونية و تصميمات الجرافيك. أجمل حاجة إنك بتحمل المنتج هناك مرة واحدة و عدد لا نهائى من  الناس ممكن تشتريه يعنى مثلا لو كنت مبرمج و عامل أكواد معينة ممكن ناس كتيرتشتيرها أو لو عامل كتاب إلكترونى و هكذا فكده ممكن تكسب فلوس و إنت نايم فى بيتكم  🙂

$$$ أبجنى تجدنى 🙂 أهم سؤال إزاى حيوصلك السيبج؟ الكاش مونى لامؤاخدة 🙂  $$$

لما تشترك فى الموقع إختار طريقة الدفع (skrill.com) ده موقع عالمى بتفتح فيه حساب مجانى و بتضيف فيه معلومات بسيطة عن حسابك فى البنك زى ال Swift Code فتقدر تحول أرباحك على حسابك فى البنك بطريقة إلكترونية. الموقع ده أنا بتعامل معاه من 2009 لإنى بشتغل عمل حر على الإنترنت  Freelance. الموقع عالمى و سمعته ممتازة و على ضمانتى يا شباب.

*** إضغط على أى صورة معروضة قدامك علشان تدخل الموقع و تبدأ رحلة المجد. ***

Freemarket.com Marketplace

دى أمثلة للحاجات إللى ممكن تبيعها و طريقة عرضها.

gaf-marketplace-options

gaf-marketplace

كمان ممكن تعرض خدماتك (كالبرمجة و الكتابة و تصميم الجرافيك) لطالبى العمل و تحدد سعرها مقدما.

gaf-marketplace-services

فى إنتظار تعليقاتكم وأسئلتكم. بالتوفيق إن شاء الله 🙂

لفات طرح طويلة مبتكرة (6) – دخلى الطرحة فى جاكت مفتوحة

إزيكو يا بناتيت 🙂

الفكرة دى سهلة قوى و الحقيقة أنا إستويحتها من د.هبة رؤوف لإنى مرة شفتها فى ندوة و كانت مدخلة الخمار فى جاكت مقفولة فأنا فكرت أعمل نفس الحركة فى جاكت مفتوحة.

و علشان يبقى شكل الطرحة حلو حتربطيها بطريقة  زى إللى باين فى الصورة الأولى  علشان فى الآخر تبان الطرحة كأنها توب لما تلبسى الجاكت.

scraf_jacket_1

لفات_طرح_طويلة

ما رأيكم دام فضلكم ؟ 🙂

فيديو الفن ميدان – علشان طائر النهضة مياكلش عصفورة تويتر!

إذا لم يكن متصفحك يدعم مشاهدة الفيديو على هذه الصفحة إضغط هنا لتشاهده على اليوتوب

حضرت إحتفالية الفن ميدان يوم 2 مارس و الفيديو بيعرض أهم العروض الفنية و الفاعليات إللى حصلت فى الإحتفالية و تأملاتى عن روح العمل الجماعى إللى إحنا محتاجينها علشان نرسم مستقبل مشرق لمصرنا الحبيبة بإذن الله.

السنة إللى فاتت فى بلطجى حاول يعكر صفو إحتفالية الفن ميدان لكن فشل المقالة دىبحكى فيها القصة كاملة للذكرى https://ba7ebmasrbegad.wordpress.com/2012/04/07/%D8%B5%D8%AF%D9%82-%D8%A3%D9%88-%D9%84%D8%A7-%D8%AA%D8%B5%D8%AF%D9%82-%D8%B4%D9%81%D8%AA-%D8%A8%D9%84%D8%B7%D8%AC%D9%89-%D9%85%D8%A7%D8%B3%D9%83-%D9%85%D8%B7%D9%88%D8%A9-%D9%81%D9%89-%D8%A5%D8%AD/

فى إنتظار تعليقاتكم  🙂