Archive for 31 مايو, 2013

رباعياتى (2) – مين إللى قال إن آهاتى بحة ضعف….

سلام عليكم 🙂

فى فيديو نصيحة ثقافية (2) كنت فضفضت معاكوا إنى ناوية أقرأ كل يوم بعض من أعمال الراحل صاح جاهين و أألف حاجة على سبيل التدريب الإبداعى…

يسعدنى النهارده إنى أأقدم لكم  رباعية (2) فى سلسلة رباعياتى  و هى مستوحاه من رباعية الرائع صلاح جاهين:

يوم قلت آه…سمعونى قالوا فسد

ده كان جدع قلبه حديد و اتحسد

رديت على اللايمين أنا وقلت…آه

لو تعرفوا معنى زئير الأسد

عجبى!!

ردى المتواضع على هذه الكلمات الخالدة:

مين إللى قال إن آهاتى بحة ضعف؟!

ده الشعرا ياما بدعوا آهات على كل لون و صنف

عمرى ما حخنق صرختى لجل ما تقولوا شجاعة

ما جبان إلا إللى يدفن دمعته بين الهموم عالرف

عجبى!! 

رأيى المحايد فى الرباعية 2 إنها  أحسن من رباعية 1 بس لسه  مش تحفة فنية بس يهمنى جدا جدا جدا….إلى ما لانهاية أعرف رأيكم 🙂

رباعيات-الشاعرة-هبة-حسنى-1

رباعياتى (1) – عارفة بإن الحب بلسم….

سلام عليكم 🙂

فى فيديو نصيحة ثقافية (2) كنت فضفضت معاكوا إنى ناوية أقرأ كل يوم بعض من أعمال الراحل صاح جاهين و أألف حاجة على سبيل التدريب الإبداعى…

يسعدنى النهارده إنى أأقدم لكم أول رباعية أألفها فى حياتى و هى تمثل خواطرى فى قوله تعالى: “إدفع بالتى هى أحسن فإذا الذى بينك و بينه عداوة كأنه ولى حميم”

عارفة بإن الحب بلسم يطيب كل قلب عليل

يا إللى رويتوا نبع الحب نور فى قلب الليل

ياما سامحتوا و صفيتوا و جبرتوا الحزين

فإتعدى الكون منكم بداء الحب الجميييل

و عجبى!! 

رأيى المحايد فى الرباعية إنها  معقولة كبداية لكن مش تحفة فنية و يهمنى جدا أعرف رأيكم 🙂

فيديو نصيحة ثقافية (2) – إزاى نواظب على القراءة فى زمن الإنترنت؟ صدقونى! عصفورة تويتر مش حتطير هههههه

أهم ما تضمنه الفيديو:

لينك فيديو نصيحة ثقافية (1) _ كيف تستفيد مما تقرأ أقى إستفادة؟ https://www.youtube.com/watch?v=SfPwhy6Cu6I

لينك مقالة تفكير نقدى (2) — كاريكاتير اللمبى 8 فولت نفسه مصر كلها تغير لأحمد العسيلى 🙂 http://www.Ba7ebMasr.com/2011/07/12/critical-thinking-tips/

لينك موقع الألعاب الذهنية

http://www.lumosity.com/

فى إنتظار تعليقاتكم 🙂

فيديو إلهمنى شكرا (2) أضمن و أمتع طريقة ممكن تلاقى بيها شغل بشرط تدعو لى :) إتفقنا؟

 

فى إنتظار تعليقاتكم 🙂

تخليد صورة “القطة المذهولة” إللى تألقت مع باسم :) مياااااااو

يسعدنى تخليد صورة القطة المذهولة إللى تألقت فى برنامج  باسم يوسف أكتر من مرة و عادة بتكون مذهولة من عبارات مسفة و صادمة بيقولوها ناس من القنوات إياها!

أنا قررت أخلد صورتها هنا لإنى كل ما بفتكر شكلها بسخسخ من الضحك فحبيت أسعد القراء بشرط تدعو لى 🙂

أقدم لك صورة القطة المذهولة من سكرين شوت أخدتها من فيديو برنامج البرنامج رأسا لحضراتكم …

مع قطة باسم…إنسى الفريسكا و إندهشششششششششششششش!

القطة-المذهولة-باسم-يوسف

فيديو يا مصر يا شهد الأمانى … ده حبى ليكى له طعم تاااانى

إذا لم يكن متصفحك يدعم مشاهدة الفيديو على هذه الصفحة إضغط هنا لتشاهده على اليوتوب

الفيديو ده حصاد جنان الفنانين لإنى بقالى كام يوم عمالة أغنى الغنوة دى بطريقة مش طبيعية فقلت أنزلها فيدديو علشان أتهد و أعرف أشوف أكل عيشى 🙂 الفنانين لاسعيييين رسمى أى نعم لكن سعداء. دول فى اليابان بيعالجوا الإكتئاب بالغنى!

ياللا يا نتينة إستمتعوا بغنايا و إللى مش عاجبه يشتم براحته خااالص أنا جلدى أتخن من مرسى ههههههههههههه

فيديو دورى و دوركم و دور كل مسلم عنده نخوة تجاه سفالة إسرائيل فى القدس

إذا لم يكن متصفحك يدعم مشاهدة الفيديو على هذه الصفحة إضغط هنا لتشاهده على اليوتوب

بصوا كويس على اللوحة إللى فى إيد الراجل الطيب ده: كفايانا ندين و نشجب!!!!!

مليونية_نصرة_الأقصى

فى إنتظار تعليقاتكم…