Archive for 20 نوفمبر, 2013

فيديو كلمة الفريق السيسى فى رثاء شهداء الغدر و الإرهاب فى سيناء

رحمة الله على شهداء الغدر و الإرهاب فى سيناء كلمة الفريق السيسى و إن ملأها الحزن لكن فى ذات الوقت ملأها الإصرار و العزم على تطهير مصر من الإرهاب.  اللهم إحفظ مصر جيشا و شعبا بجميل حفظك و أنت خير الحافظين.

 

منصورة-يا-مصر

masr-gameela-مصر-جميلة

Advertisements

فيديو إلهمنى شكرا (3) إزاى تقنع أى حد برأيك و تأثر فى الناس بطريقة سهلة و مضمووونة؟ #كتر_شيرك

الفيديو ده بيحكى قصة واقعية عن طريقة مضمونة و مؤكدة فى إقناع الناس من كل الأعمار. إذا إقتنعتوا بطريقة الإقناع إللى فى الفيديو ياريت تشيروه علشان مصر كلها تقتنع 🙂 كتر شيييييييييييرك

لينك قناة فنان اليوتوب المتميز مجدى صبحى:  http://www.youtube.com/user/magdy818/videos

 

فى نتظار تعليقاتكم 🙂

فيديو حملة “ضد النسيان” مبادرة شبابية فى حب مصر…فاكرين أهداف الثورة؟ #بحب_مصر

الهدف من حملة “ضد النسيان”هو التذكير الدائم والمستمر لكل مصرى و مصرية  بالقصاص للشهداء وبأهداف الثورة والطرق والمسالك التي تؤدي لتحقيق هذه الأهداف بالإضافة للتوعية  بالعقبات التي تحول دون تحقيقها وبدون ذكر أسماء.

الجملة دى من عندى: إحنا مش عايزين نتوه فى أحداث فرعية و لا نسمح بتفاهات( زى شعار رابعة!!!) تنسينا أهدافنا الكبيرة و علشان كده إتحمست جدا لفكرة الحملة

الحملة سيكون لها وجود قوى على الإنترنت  وسيتم نشرها  في شوارع المحافظات المختلفة من خلال الإحتكاك المباشر مع الجمهور. ياريت تتحمسوا لها و تشاركونا.

يسعدنا إنضمامكم لجروب الحملة https://www.facebook.com/groups/dedelnesyan/

فى إنتظار تعليقاتكم

منصورة-يا-مصر

masr-gameela-مصر-جميلة

Completed Swiss eLearning Institute’s eCommerce Course Certificate

Heba_Hosny_eCommerce_Course_Certificate

Swiss eLearning Institute’s eCommerce course is designed to equip individuals with invaluable information about the current and emerging electronic commerce trends and technologies.

Throughout the course, students will be offered detailed presentation of proven internet marketing techniques and best practices. Topics covered include email marketing, social media marketing, search engine optimization, online advertising, online marketing campaigns tracking tools solutions, and more.

To sum up, Swiss eLearning Institute’s eCommerce course provides a comprehensive roadmap for building a successful Internet business.

  For more information about my writing/marketing portfolio, please check   the following link

http://www.HebaHosny.net/portfolio.htm

البؤساااء! معاناتى فى شراء طقم سورايه و توارد خواطر عجيييييب مع د.منال عمر!

أخدت بلا فخر دور البطولة المطلقة فى مسرحية  les miserables (البؤساااااء!) و أنا بعافر علشان ألاقى طقم سورايه خالى من مهرجانات الترتر و يكون واسع طبعا لكن ميكونش واسع لدرجة إن أى واحدة عادية لو لبسته تبان حامل فى الشهر ال999!!!  الحمد لله كنت قربت أأقول “ما نابنى إلا تضييع وقيتا و فأفأة قدميا!” لكن ربنا كرمنى قبل الفرح بأقل من 48 ساعة و جبت الطقم إللى فى الصور. هو مش طقم أساسا لكن الحمد لله إن البلوزة و الجيب كانوا فى نفس المحل و أنا وفقنهم على بعض….الله الله عالخبرة 🙂 ههههههههههههههههههه

20131107_223854

الأول كنت ناوية أأجر لقيت اذواق فساتين السورايه الإيجار وحشة و أسعارها أوحش!! فقررت أجيب جاهز و أنا سعيدة جدا الحمد لله “بالطقم” إللى جبته لإن البلوزة موديلاها واسع زى ما تكون شال فمش محتاجة طرحة طويلة. و أجمل حاجة إن الطقم نفسه إنه هادى جدا لكن الإيشارب و الجزمة هما إللى نطقوه  و خلوه مناسب لفرح فكده مش حيتركن فى الدولاب و حقدر أروح بيه زيارات و مناسبات تانية. إحساس الإنجاز بعد فأفأة الرجلين جميييييييييييييييل قوى يا نتيتة 🙂

نصيحتى  المخلصة لكم بعد تجربتى المريرة أولا إنك متنزليش قبل الفرح بفترة بسيطة تدورى على سواريهات خصوصا  لما يكون ذوقك مش هو الذوق الغالب فى السوق! و ياريت تريحى دماغك و تفصلى لو ينفع و طبعا يستحسن تجيبى طقم مش مأفور فى لمعته عشان تقدرى تستعمليه فى مناسبات تانية و سيبى اللعب على الإكسسورات و الإيشارب 🙂

20131107_222308

ده فيما يتعلق بالفستان أما د.منال  عمر فحصل بينى و بيتها توراد خواطر عجييييب…

طول عمرى بروح أفراح مودرن و معروف إن دايما أهل العروسة بيكونوا قاعدين فى ناحية و أهل العريس فى ناحية. لأول مرة فى حياتى المرة دى آخد بالى من الموضوع و أحس إننا كده منعزلين رغم إن الفرح إشهار نسب بين اسرتين فمن الطبيعى إنهم يكونوا عايزين يعرفوا بعض لكن تقسيم الكراسى كده بيخلى كل “فريق!” يروح من غير ما يتعرف على أى حد جديد 😦

كل الأفكار دى مرت بخاطرى و أنا قاعدة وسط أهلى إللى بعرفهم و كنت حابة أتعرف على أهل العروسة و جه فى بالى إن ياريت معازيم الأفراح يعملوا  Ice Breakers  و دى ألعاب مصممة إن ناس بيتقابلوا فى مكان لأول مرة يقدروا يتعرفوا بشكل حميم و بطريقة تلقائية و لذيذة و مفيهاش إحراج. فسألت نفسى ليه منعملش كده و بدل ما أنا قاعدة وسط أهلى إللى بشوفهم كتير بدل ما أكون صداقات جديدة؟!

الفرح كان يوم الخميس 7 نوفمبر فلما إتفرجت على لقاء د.منال عمر تانى يوم مع الإعلامى محمود سعد فى حلقة 8 نوفمبر لقيتها بتناقش نفس الموضوع و بتتكلم عن الحميمية الإجتماعية و بتنتقد التلقيد المستورد فى أفراحنا إن أهل العروسة يقعدوا فى ناحية و أهل العريس يقعدوا فى ناحية تاية!!!

توراد الخواطر العجيب إللى حصل لى مع د.منال خلانى خدت قرار إن أى فرح ححضره فى المستقبل حكون مبادرة و حتعرف على الفريق التانى من المعازيم. و لو علاقتى وطيدة بالعروسة أو العريس حقترح إنهم يعملوا Ice Breakers دمها خفيف علشان الأسرتين يتعرفوا.

.إنتوا شايفين إيه؟ ما رأيكم دام فضلكم؟ 🙂