رأى الكاتب الكبير أحمد رجب فى المتهكمين على جهاز الجيش…

 

إتضح إن الفنان محمد صبحى له أكونت واحد رسمى على توتير أنشأه حديثا وهو  @m_msobhy  و أنا بعتذر عن نشر التغريدة المفبركة من غير تحقق و اوعدكم إنى مش حعمل كده تانى بس حبيت أسيب الصورة علشان أى حد عامل فلولو للأكونت المفبرك يعرف صاحبه إنه إنكشف من غير ألفاظ تييييت و بعدين يعملله أنفولو!   إحنا عايشين فى زمن الفبركة فياريت بلاش نشير إلا حاجات مؤكدة! _إختراع_الجيش- محمد-صبحى-يرد-على-المشككين-فى

أحمد-رجب-رأى-جهاز-الجيش-الفيروس

الكاتب الكبير أحمد رجب جاب الخلاصة…يا ترى لو الإختراع ده طلع مش فنكوش كل إللى “سبقوا!” و إتريقوا عليه حيحسوا بإيه؟!!! إيه زمن العجايب ده؟ أنا موافقة إننا ننتقد الجهاز لو طلع فاكس لكن ياريت نصبر لما الأمور تبان! و الإحتمال الأكبر إن الجهاز يكون حقيقى لسبب منطقى بسيط: إيه مصلحة الجيش إنه يوعد الناس و يخلف؟ ربنا عرفوه بالعقل!

فاكرين لما ناس أفتوا إن برنامج باسم إتقفل بسبب المشير السيسى و طلع كلام فارغ لما شفنا الحلقة؟ و أنا الحقيقة إتهمت باسم إنه قاصد ميعرضش الحلقة بعد ما شير الفيديو بتاعها على تويتر يوم منعها و فضل مخبيها عننا لغاية ما تعاقد مع إم بى سى مصر فقرر يسعدنا بمشهادتها بعد ما الناس هرتلت و جابت سيرة المشير السيسى عالفاضى و هو طبعا أرقى من ذلك وعنده مهام كبيرة تشغله عن الكلام الفارغ ده!

قصة حلقة باسم مثل عملى على إن “المرء عدو ما يجهل” و إذا كان فى درس ممكن نتعلمه منها هو إننا منأفورش قبل ما الحقايق تبان لكن واضح إن باسم يوسف شخصيا لسه مستوعبش الدرس ده لإن هرى الإختراع تريقة فى حلقته إمبارح!

يا ترى إنتم يا قراء المدونة الأعزاء ناوىين تبعدوا عن  الأفورة و الإستنتاجات المسيقة و لا لكم رأى تانى؟ أحب رأيكم و تعليقاتكم…

Advertisements

2 تعليقان

  1. Posted by غير معروف on يناير 10, 2017 at 6:36 م

    و الاختراع دا مش طلع فنكوش و هبل و ضحك ع الدقون فى الاخر لا لأ

    رد

    • أشكرك على اهتمامك قعلا الاختراع طلع مش حقيقى والمخترع اتحاسب على كذبه على حد علمى وبالتالى منقدرشش نقول إن الجيش المصرى كله “تعمد!” خداع الجمهور لإنه ببساطة مش محتاج يعمل كده ومحدش طلب منه يخترع حاجة. فى فرق كبير بين إن يكون فى عنصر فاسد واحد وأن المنظومة بحالها تكون فاسدة. والمؤسف برضه إن إللى تهكموا على جهاز الجيش استبقوا الأحداث ومكانش عندهم دليل على كلامهم وقتها زى نوعية الناس إللى غاوية “تشمت!” فى بلدها وتتفه من أى إنجاز! ياريت نحب مصر أكتر ما بنكره المسؤولين … أتشرف بزيارتك لمدونتى وأشكرك على اهتمامك بالتعليق.

      رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s