Archive for 28 يونيو, 2014

صور رمضانية ممكن تغير حياتك – رمضاااان كريييييم :)

 

رمضان-شهر-القرآن

 

ramadan clock

 

 

 

 

 

10406615_752487208146678_9035792917805457519_n

Advertisements

ذكرياتى فى ثورة 30 يونيو :) مين نازل التحرير يوم 30؟

كتبت مجموعة تغريدات عن ذكرياتى فى التحرير يوم ثورة 30 يونيو أحب أعرف رأيكم فيها:

إتفقت مع أصحابى نتقابل فى التحرير و لما وصلت كلمتهم قالوا إنهم إتزنقوا فى مصطفى محمود فدورت على مجموعة سيدات وقفت وسطهم

 فى رجالة جدعان وقفوا حوالينا  و كل شوية كانت طيارات الجيش بتعدى و كانوا الناس بيشاورا لهم بحب شديد

 عمرى ما حنسى الكارت الأحمر إللى كان مكتوب عليه إرحل و مشبوك فيه صفارة يومها تعبت من كتر النفخ 🙂

 طبعا التحرير كان مليان على آخره و نزلوا لوحة كبيرة من على عمارة عليها صور قيادات الإخوان و كان فى بوسترات ملهاش حل

 من أجمد البوسترات إللى شفتها فى التحرير بوستر بيقول لقد نفذ برسميك 🙂

SAMSUNG

 كان فى بوستر رهيييب مغير صور أبطال فيلم 356 يوم سعادة بصور قيادات الإخوان و كان عنوان الفيلم 356 يوم تيييييييييييت

 كان يوم جميل و أنا مروحة ركبت تاكسى شابك علم مصر من برة بس لازقه كويس بماسمير و كمية ناس وهمية حاولت تشد العلم و فشلت!!

 مسك الختام لما روحت جارى الصيددلى المسيحى إللى كان فى الإتحادية أهدانى إمساكية رمضان 🙂 هى دى مصر

SAMSUNG

مين عنده ذكريات فى اليوم العظييم ده يحب يشركنى معاه فيها؟ فى إنتظار تعليقاتكم 🙂

 

فيديو مفاهبم إسلامية (8) “فإستبقوا الخيرات” – مسابقة أفلا يتدبرون القرآن الرمضانية

http://ba7ebmasr.com/quran_contest/

أهم ما تضمنه الفيديو:
* الإعلان عن مسابقة أفلا يتدبرون القرآن الرمضانية للسنة الثالثة
* تأملات فى قوله تعالى “فإستبقوا الخيرات” مع التركيز على فضل مساعدة الناس و قضاء الحوائج فى رمضان أو غير رمضان
* التحذير من آفات اللسان و على رأسها الغيبة لإنها تضيع ثواب قضاء الحوائج و غيرها من الأعمال الصاحة

 

#بحبك_يا_سيسى_لإنك_بتحب_مصر الرئيس السيسى يتبرع بنصف راتبه و أملاكه لمصرنا الحبيبة #القيادة_بالقدوة #تحيا_مصر

تحية من القلب لقائدنا العظيم المشير السيسى على تبرعه بتصف أملاكه و نصف راتبه لمصرنا الحبيبة هى دى القيادة بالقدوة فى أعظم صورها ‫#‏تحيا_مصر‬

أحب أفكر يسرى فودة و أمثاله من الحاقدين إللى مشافوش فى مبادرة الرئيس السيسى غير إنها إحراج للأغنياء إن الزعيم عبد الناصر كان بيأمم أملاك ناس و أراضيهم بدن سابق إنذار لكن رئيسنا بدأ بنفسه و طالب الناس يثبتوا حبهم لمصر بشكل عملى بدون ضغط أو إكراه و كلامى الغرض منه ليس إنتقاد الزعيم الراحل جمال عبد الناصر  كل عصر له متطلباته و الزعيم عبد الناصر كان يقضى على الإقطاع من خلال التأميم. لكن هدفى من هذه المقارنة هى تذكير عقول أصابها الزهايمر و قلوب عماها الحقد أحيانا و العمالة و الخيانة أحيانا! .

بحبك يا سيسى لإنك بتحب مصر 
حدعى ربنا يعزك و أنا بصلى العصر
30 يونيو صرخة شقت  طريق النصر
و السيسى بدايها بهمة من أول يوم فى القصر
بحبك يا سيسى لإنك بتحب مصر

المشير-السيسى-رئيس-جمهورية-مصر-العربية

رحمة الله على الطفلة الشهيدة هدى ضحية الإغتصاب فى المنيا ربنا يصبر أهلها

مش عارفة أوصف إحساسى لما شفت تفاصيل جريمة الإغتصاب البشعة إللى إتعرضت لها طفلة فى عمر الزهور لكن الحاجة الوحيدة الإيجابية إللى ممكن أنا أعملها كمواطنة عادية هى إنى أدعى لأهلها بقوة إن ربنا يصبرهم و إن الشهيدة هدى يوم القيامة تاخدهم و تدخلهم الفردوس الأعلى. ربنا يثبت أهلها أنا شفتهم و الحمد لله كلهم ربنا أنطقهم بما يرضيه فى هذه المصيبة كلهم قالوا “حسبى الله و نعم الوكيل”. الإبتلاء على قدر الإيمان و بدعى ربنا سبحانه و تعالى إنه يهون عليهم و يجعل صبرهم الجميل  فى ميزان حسناتهم

و طبعا مصر كلها منتظرة سرعة تنفيذ حكم الإعدام فى القاتل فياريت الإجراءات القانونية متطولش!

إن شا الله تكون الشهيدة هدى فى أحسن مكان فى الجنة دلوقت إحنا علينا ندعى لأهلها فى كل صلاة إن ربنا يصبرهم و يحفظ و لادنا.

الطفلة-الشهيدة-هدى-ضحية-الإغتصاب-المنيا

 

صورة مشرقة بالتفاؤل :) المسجد إللى جنب بيتى بيستعمل لمبات موفرة و شباب بينظفوا شوراع مصر

لمبات-موفرة-فى -المساجد

شايفين شكل اللبمات الموفرة يفتح النفس إزاى؟ سبحان الله إمام مسجدنا مكانش بيتكلم فى السياسة أبدا لكن كده أنا أخيرا عرفت إنه متحيز سياسيا لمصر 🙂  

الناس عمالة تقارن بين مرسى و الرئيس السيسى و أنا شايفة إن المقارنة مضحكة و ملهاش معنى لكن إفتكرت إن أيام مرسى مهانش عليهم يسيبونا مع الإمام الغير مسيس و مرة كنت بصلى الجمعة فى المسجد فجالنا حد عجيب منعرفوش و طلب من المصلين إنهم يقبلوا الإعلان الدستورى لمرسى فالمصلين هبوا فيه و قاطعوه فالإمام بتاعنا العاقل طلب من الناس عدم مقاطعة الإمام و طلب منه يغير الموضوع 🙂

سبحان الله بعدها بإسبوع مرسى إتضرب بالجزم فى مسجد تانى  و إتصور فيديو و خرج من المسجد حافى و رغم كل ده قرر البلتاجى يتحفنا بنكتة إن متاظهرى الإتحادية المعارضين للإعلان الدستورى مسيحيين!!!!

الحقيقة عندما أفكر فى شخصية البلتاجى بلاقى نفسى مش قادرة ألومه لإنه كل ما بيقول كلام مش منطقى أتباعه بيصدقوا من غير تفكير فكان وضع طبيعى إنه لما يهرب وقت فض إعتصام رابعة إنه يعمل فيديو على طريقة بن لادن و “يفتى!” ن أعداد المتوفين فى رابعة 3000! جايز أنا لو كنت مكان الإخوان كنت أشكك فى البيانات الرسمية للطب الشرعى لكن فى نفس الوقت هما صدقوا كلام البلتاجى الهربان إللى لا يمكن يكون فى وسيلة منطقية يكون عرف بيها أعداد المتوفيين!!! و بالتالى مادام هو بيلاقى ناس مستعدة تصدق أكاذيبه ميكذبش ليه؟!

 

بس كلمة أخيرة علشان أكون منصفة الإعلام شتم الإخوان لما كانت الكهربا بتقطع أيامهم و دلوقت بقى يطلب من الناس تستحمل! دى معايير مزدوجة و سلوك غير مقبول بس الحقيقة الإخوان برضه كانوا يفرسوا لإن لما الكهربا إتقطعت ايام مرسى طلبوا مننا نحمد ربنا و نستغلها فرصة فى صلة الرحم و لما مرسى مشى و الكهربا إتقطعت شمتوا فى بلدهم زى ما تكون صلة الرحم مرتبطة بإن مرسى يكون على الكرسى! فبالتالى إعلامنا الموقر و بتوع الإسلام هو الحل هما لإتنين يتسموا بإنعدام الموضوعية! الإخوان سابوا الحكم فأتمنى إن الإعلام يسيب المعايير المزودجة و يكون أداة تنوير و تثقيف و ليس بلبلة و تخويف!

المهم خلينا فى الصورة المشرقة التانية 🙂 النهارده كنت راكبة تاكسى حوالى الساعة 3 فى عز الحر على طريق النصر قريب من مكرم عبيد و شفت شباب زى الورد شاب كان بيدهن الرصيف و بنات كانوا ماسكين يفط بيطلبوا من أصحاب السيارات يتبرعوا  ولو بجنيه علشان ينظفوا الشارع 🙂 يا رب الروح الإيجابية الجميلة دى تستمر و تزيد…قولوا آميييييين 🙂

 

 

الرئيس السيسى يقود مصر لماراثون التقدم و الإزدهار #الرياضة_أمن_قومى

“الرياضة أمن قومى” جملة قالها الرئيس السيسى بالحرف الواحد و شدت إنتباهى فى حواره مع الإعلامى إبراهيم عيسى و الإعلامية لميس الحديدى أثناء فترة السباق الإنتخابى

و لإن السيسى رجل أفعال لا أقوال فإبتدى أول إسبوع فى رئاسته بالمشاركة فى ماراثون الدراجات و خاطب الشعب المصرى كله و نصحنا بممارسة الرياضة طبعا لما يكون هو أول واحد بيطبق إللى بيطلبه من الناس يبقى أتبث إنه يقود بالقدوة.

الرئيس-السيسى-ماراثون-الدراجات-4

 

الرئيس-السيسى-ماراثون-الدراجات-3

 

الرئيس-السيسى-ماراثون-الدراجات-2

إحنا بقى حنعمل إيه؟

أنا مشكلتى كبنت محجبة بلبس واسع إنى مش بعرف أمارس معظم الرياضات و زمان كنت بمارس الرياضات المائية و حصلت على بطولة نادى سبورتنج فى الغطس فى إسكندرية لما كان عندى 13 سنة و علشان كده لما عملت فيديو سألتكم فيه لو معاك 100 مليار جنيه تعمل إيه لمصر كان من ضمن أجوبتى إنى أنشىء نادى رياضى نسائى يكون فيه حمام سباحة مغلق علشان نقدر نعوم طول السنة و تقام فيه بطولات نسائية فى كل الرياضات.

عارفين يه أكتر رياضة نفسى أمارسها؟

إستعوا للمفاجأة…السباحة التوقيعية إللى البعض بيسموها باليه مائى تخيلوا لسه عندى أمل إنى أقدر أتعلم الرياضة دى لإنى لما كنت فى كندا كانوا بيعملوا سباحة توقيعية للكبار و بيعملولهم بطولات كمان عقبالنا يارب 🙂

و برضه عايزة أتعلم  مارشال آرت يعنى رياضة زى التيكوندو مثلا و كما ن أحب ألعب رياضة جماعية كرة السلة

أنا بعرف شوية ألعب بنج بونج بس مش بحس إنها رياضة قوى لإنى مش بتحرك و لا بعرق إتمرنت سكواش فترة و كنت مستمتعة جدا بس مبقاش ينفع بعد ما بقيت ألبس واسع

الحل الوحيد هو نادى رياضى نسائى لكن برضه فى حلول سريعة…

لقد إتخذت قرارا أرجو أن تعينونى عليه (تعبير شهير للزعيم الراحل جمال عبد الناصر 🙂 ) قررت إستجابة لنداء المشير أن أقوم بممارسة الإيروبكس الإيقاعى و نط الحبل فى المنزل و على فكرة نط الحبل تمرين هايل للجسم كله لغاية ما حلم إنشاء نادى رياضى نسائى يتحقق. و بعد ما أثبت هذه التمارين فترة و أتعود عليها حضيف لها طلوع سلم عمارتى 5 مرات كل يوم لإن طلوع السلم رياضة هااااايلة برضه و ممكن بعد كده اشترك فى جيم نسائى بشرط يكون كويس مش أى همبكة!

ده حل مؤقت ممكن أبدأ بيه لغاية ما حلمى فى إنشاء نادى رياضى نسائى يتحقق و لو حد فيكم يعرف نادى بيتيح التدريب على الرياضات المائية للنساء بشرط يكون حمام السباحة مش مكشوف و ميكونش إللى بينقذ من الغريق راجل!!! يقوللى و حكون شاكرة جدا 🙂

العقل السليم فى الجسم السليم “الرياضة أمن قومى”

و إنتوا يا قرائى ناويين تستجيبوا لطلب المشير إزاى؟ طبعا لو كنت ولد يبقى عندك إختيارات لا نهائية اللهم لا حسد و بالنسبة للبنات أدينى إديتكم شوية أفكار و طبعا ممكن يا بنات ترقصوا فى البيت 🙂

فى إنتظار تعلقياتكم 🙂