Archive for 31 يناير, 2015

بالفيديو و الصور كلمة الرئيس السيسي تعقيباً علي هجمات العريش الإرهابية 31-1-2015: طول ما المصريين على قلب رجل واحد حننتصر على الإرهاب

أهم ما تضمنته كلمة الرئيس السيسي تعقيباً علي هجمات العريش الإرهابية 31-1-2015: لونت الأجزاء إللى فيها تحذير باللون الأحمر و النقط إللى مهم نفضل فاكرينها بالأزرق و لونت الأجزاء الإيجابية التحفزية باللون الأخضر لإنه لون الخير و مصر بخير بإذن الله 🙂

  • يوم 21 يونيو 2013 خيرت الشاطر طلب مقابلة الرئيس السيسى لمدة 40 دقيقة أو أكتر و قاله حتلاقى ناس بتحاربكم من أفغانستان و العراق و ليبيا. انا كنت عارف و إنتوا عارفيين إن الإرهاب حيستمر لإننا هزمنا نظام فى أقوى حالاته 
  • المنطقة كانت حتتحول لنار لا يعلم مداها إلا النار لو كانوا الإخوان إستمروا (دى نقطة مهمة جدا علشان لازم نفتكر إن إللى إحنا فيه دلوقت أخف الضررين)
  • إرادة مصر هى المستهدفة
  • إنتوا إخترتوا و انا مخبتش عليكو حاجة هما قالوا يا تتحكموا يا تتقتلوا
  • أهم حاجة إن روحنا المعنوية تففضل مرتفعة
  • انا ميهمنيش غيركم ميهمنيش غير المصريين مقدرش اقاوم إلا بيكم يا مصريين
  • و كلمة أخيرة للإرهابيين: إللى ساعدكم و إللى إداكم إحنا شايفنه و مش حنسيبه
  • إحنا بفضل الله حننتصر بالعمل
  • إراداتكم و خياركم هو الأمر النافذ
  • طول ما المصريين على قلب رجل واحد يبقى حننتصر
  • دور بناء مصر دور مشترك بينى و بينكم

 

كلمة-الرئيس-السيسى-31-1-2015-شهجاء-العريش

من فضلكم عايزين ننزل يوم 6 فبراير بإذن الله نعلن دعمنا للرئيس و للحرب على الإرهاب فى الميادين عايزين نبقى إيد واحدة فى مواجهة تنظيم إرهابى غادر خسيس قوتنا فى وحدتنا.

الجمعة-فبراير-6-2015-مواجهة-الإرهاب

بالفيديو حوار قيم جدا للفنان محمد صبحى و مبادرته لدعم أسر الشهداء

الفنان محمد صبحى و الدكتور أسامة الأزهرى كانوا ضيوف برنامج “ممكن” يوم 30 يناير 2015 و تزامنت الحلقة مع الحادث الإرهابى الغادر لجنودنا البواسل فى سينا. أتمنى تشوفوا الحلقة بالكامل و تسمعوا مداخلات الناس إللى كلها مرارة مقترنة بإصرار عجيب خلانى مطمنة إن حربنا ضد الإرهاب محسومة و إن النصر حليفنا بإذن الله و عونه و مدده و توفيقه و كافنا فخرا إن مصر محفوظة بحفظ الله و مذكورة فى كتابه العزيز.

و من المداخلات إللى أرت فيا جدا حد قال العدالة البطيئة ظلم!الناس بتصوت بسبب بطء تنفيذ الأحكام عالإرهابيين زى حبارة! أسمع إبن تييت مؤيد للإخوان يقول إن القضاء مسيس! الله غالب

الفنان محمد صبحى عرض مباردة جديرة بالدعم أن يتم التواصل بشكل دورى مستمر بأسر الشهجاء فى القاهرة و المحافظات فى مكان تجمع كبير بحيث يتاح لهم التعبير عن مشاكلهم و أحلامهم و تطلعاتهم  و يتم دعمهم  ماديا و منوعيا و هى مبادرة كريمة و تستحق التشجيع و أتمنى أن تحظى بدعم المجتمع المدنى.

 

 

 

صور من حفل توقيع كتاب “بداية” الجماعى بمعرض الكتاب

 

صور من حفل توقيع كتاب بداية الجماعى إللى إتشرفت بالمشاركة فيه بقصة قصيرة “نغمة نشاز” الحفلة تمت فى قاعة در ليان للنشر بخيمة 2 فى معرض القاهرة الدولى للكتابحفل-توقيع-كتاب-بداية-دار-ليان-للنشر-معرض-الكتاب-2015-هبة-حسنى-1

 

الكتاب-الجماعى-بداية-دار-ليان--للنشر-معرض-الكتاب-2015

 

حفل-توقيع-كتاب-بداية-الجماعى-هبة-حسنى

حفل-توقيع-كتاب-بداية-دار-ليان-للنشر-معرض-الكتاب-2015-555

 

حفل-توقيع-كتاب-بداية-دار-ليان-للنشر-معرض-الكتاب-2015-6

 

حفل-توقيع-كتاب-بداية-الجماعى-هبة-حسنى-معرض الكتاب-2015-ليان

صور مضيئة (1) – قوات حماية المواطنين مشهد مشرف فى شوارع مصر

قوات-حماية-المواطنين-ذكرى-ثورة-25-يناير-2015

ناقوس الخطر (4) – هما ليه الإرهابيين مفجروش دار الأوبرا مع إنها مش مـتأمنة؟!

رب إجعل هذا البلد آمنا” – صدق الله العظيم

*** يهمنى قبل ما أبدأ إنى أوضح إنى مقدرة الجهود الكبيرة إللى بيبذلها ضباط الشرطة و كم المحاولات الإرهابية الخسيسة إللى هما قدروا يحبوطها بتوفيق الله و بعضهم نال شرف الشهادة و قدم روحه فداء لوطنه. و قلت كتير إننا لازم نشوف الصورة كاملة و إن كم القنابل و العلمليات الإرهابية التى تم إحباطها أكتر بكتير من العمليات إللى نجحت. فأنا معترفة بكل ده و مقدراه تماما لكن فى نفس الوقت بلفت النظر لأهمية تأمين الحدائق العامة و المنشأت الأثرية و المعالم الثقافية كدار الأوبرا ***

النهارده كنت فى حديقة عامة و طبعا محدش فتشنى و أنا داخلة فجه فى بالى مددى سهولة إن الإرهابيين يشوفوا شغلهم فى الحدائق العامة و فجأة فقت على حقيقة مؤلمة: إن مفيش مكان إللى داخلينه بيتفتشوا فى مصر غير المولات…

مثلا لما رحت رحلات لأماكن أثرية مع حملة تنشيط السياحة الداخلية عمرنا ما إتفتشنا فى أى حتة رحناها و فى حتت بحس إنها بدائية بحيث إنها مفيهاش أى كاميرات مراقبة و مثلا فى مدرسة السلطان حسن بنمشى شوية فى دهاليز ظلمة على ما بنوصل للقاعة الرئيسية فسهل جدا إن عم الإرهابى يحط قنبلة!

و تراكمت فى ذهنى الأماكن الحيوية إللى مش متأمنة فى مصر و إفتكرت إنى برضه عمرى ما إتفشت و أنا داخلة دار الأوبرا! ده كمان فيها أبواب محدش قاعد عندها أساسا  و طبعا وسط الجناين الكتير إللى هناك إخفاء قنبلة أسهل من السهولة!

فأنا من هذا المزنق بدق ناقوس الخطر (خصوصا إننا داخلين على 25 يناير) إللى أتمنى يكون صرخة تحذير للسلطات و ليس مصدر إلهام لإرهابيين!

ربنا يحفظ مصر من كل سؤ…قولوا آمين  

ناقوس-الخطر

رحمة الله على فقيد الأمة العربية الملك عبدالله بن عبد العزيز

إختار الله تعالى إلى جواره الملك عبدالله بن عبد العزيز آل سعود الذى تنعاه الأمة العربية كلها ببالغ الأسى.

و طبعا أنا ككل المصريين أتذكر مواقف الفقيد المشرفة فى دعم مصر بعد ثورة 30 يونيو و أتشرف أننى كنت ضمن جموع المصريين الغفيرة التى صلت صلاة الغائب على الفقيد فى كل مساجد مصر عقب صلاة الجمعة.

أسأل الله عز و جل أن يتغمد فقيد الأمة العريبة بوافر فضله و رحمته و أن يسكنه فسيح جناته…اللهم آمين.

 

الملك-عبد-الله-بن -عبد-العزيز-رحمه-الله

 

ناقوس الخطر (3) – إمتى “المسؤولين” حيبقوا مسؤولين؟

مجموعة كبيرة من أصحاب المطالب الفئوية إتجمعوا عند مدينة الإنتاج الإعلامى و جابر القرموطى جاب لقطات لهم! خلاص بقى الإعلام هى الطريقة “الوحيدة” إللى أغلب الناس تقدر بيها تاخد حقوقها! دى النتيجة الطبيبعة لما يكونوا المسؤولين مش مسؤولين!!

مسؤولين

 

و طبعا يا جماعة المظاهرة إللى إتجمعت قدام مدينة الإنتاج الإعلامى مشش حادثة فردية. الناس بتلجأ للإعلام فى حل مشاكها  كل يوم فى برامج كتييير جدا زى صوت الناس و مالآخر و غيرهم كتير. أكتر حاجة مؤلمة بالنسبة لى إن كل الناس إللى بيتكلموا بيقولوا إنهم راحو للمسؤولين و قدموا إلتماسات بعضها بتفضل سنين و محدش عبرهم! يعنى هما ملجأوش للإعلام إلا لما فاض بيهم و طبعا البيه المسؤول مش بيعوز شكله يبقى وحش قدام الناس فمعظم المشاكل بتتحل بالطريقة دى! 

إللى حيحصل فى المستقبل القريب إن الناس “حتقصر” و حتلجأ للإعلام من بابه بدل ما تضيع وقت! فياريت المسؤولين ميقصروش فى أداء مسؤوليتهم و إلا الناس هى إللى حتقصر بس مين يا ترى مين إللى حيلم المكسر؟!!!