Archive for 15 يناير, 2015

بالصور حضرت حفل توقيع كتاب “أثر النبى” للكاتب المبدع عمر طاهر – إنتظروا رؤيتى النقدية للكتاب قريبا

حضرت حفل توقيع كتاب “أثر النبى” للكاتب المبدع عمر طاهر و هو كتاب يروى قصص منتقاه من سيرة صحابة و أحفاد الرسول عليه السلام بشكل أدبى شيق مع الإحتفاظ بالسياق التاريخى للأحداث.

شخصيات الكتاب منتقاه بعناية بحيث تكون قصصهم تمس الجانب العاطفى و الوجدانى فى السيرة النبوية العطرة. أيضا حرص الكاتب على تسليط الضؤ على بعض الصحابة الغير معروفين بقدر كافى.

 

بإذن الله حكتب رؤية نقدية تفصيلية عن الكتاب فى أقرب فرصة.

الكاتب عمر طاهر تبرع بأرباح الكتاب كاملة لبنك الطعام المصرى و هو بها مثل يحتذى فى الحسنات المضاعفة ربنا يجعل الكتاب فى ميزان حسناته بإذن الله.

حفل-توقيع-كتاب-أثر-النبى-عمر-طاهر-1

خرجت من حفلة توقيع الكاتب المبدع عمر طاهر تملأنى مشاعر روحانية جميلة لكن لما شفت واحد بيضرب واحدة بالقلم أكتر من مرة فى شارع 26 يوليو فى الزمالك مشاعرى إتغيرت بس حاولت أحتفظ بالطاقة الإيجابية إللى كانت جوايا بإنى ادعى إن ربنا يصلح حالنا .. قولوا آمييييين

صور حتغير حياتك (2) – حرر نفسك و إجعلها لله

حرر-نفسك

أهم تواريخ فى معرض الكتاب 2015: 30 يناير حفل توقيع بداية – 1 فبراير إطلاق دليل الكاتبات – 6 فبراير حفل توقيع إشراقة روح :)

التواريخ دى أهم تواريخ فى معرض القاهرة الدولى للكتاب 2015 بالنسبة لى لإنهم مرتبطتين بمشاركات مختلفة ليا بإذن الله و عونه و توفيقه.

يوم 30 يناير الساعة 3 مساء  حفل توقيع الكتاب الجماعى “بداية” صادر عن دار ليان للنشر إللى بشارك فيه بقصة قصيرة “نغمة نشاز

لينك إيفنت حفلة التوقيع على الفيس بوك  https://www.facebook.com/events/891923770852680/

الكتاب-الجماعى-بداية-دار-ليان--للنشر-معرض-الكتاب-2015

 

يوم الأحد 1 فبراير الساعة 12 ظهرا: إطلاق دليل الكاتبات المصريات إللى أتشرف بإنى موجودة فيه

دليل الكاتبات

 

و ختاما يسعدنى تشريفكم لحفل توقيع كتابى الأولى “إشراقة روح” الصادر عن دار ليان للنشر.

بإذن الله حفل التوقيع سيكون يوم الجمعة 6 فبراير الساعة 6 مساء بجناح دار ليان للنشر خيمة 2  أثناء فعاليات معرض القاهرة الدولى للكتاب ال46 لعام 2015 بإذن الله.

لينك إيفنت حفلة توقيع كتاب “إشراقة روح” على الفيس من فضلكم إشتركوا فى الإيفنت علشان تتابعوا آخر التطورات https://www.facebook.com/events/770718349670967/

و أشارك فى نفس المعرض فى الكتاب الجماعى “بداية” الصادر عن دار ليان للنشر بقصة قصيرة بعنوان “نغمة نشاز“.

</a

كل الحفلات حتقام فى دار ليان للنشر بخمية 2 فى المعرض و آدى الخريطة علشان أبقى سهلت المهمة على الجمييييييييييييع 🙂

دار-ليان-للنشر-معرض--الكتاب

حدث بالفعل (4) رحت تدريب السباحة بتاعى فى عز البرد! الرياضة أمن قومى :)

ما أروع السباحة فى الصقيع 🙂 صدقوا أو لا تصدقوا! النهارده (الموافق 7 يناير 2015 )رحت تدريب السباحة بتاعى عادى خالص و لا كأن الدنيا تلج و لا أى حاجة…المدربة بتاعتى صحيتنى بدرى تأكد عليا المعاد ووالدتى جالها ذهول إنى نازلة أعوم فى الجو ده!

و عنها يا ريس رحت البيسين و فرحت جدا إن كل البنات إللى بيتدربوا معايا جم بمنتهى النشاط 🙂
الأول المية كانت ساقعة سنة لكن خلال دقايق بقيت دافية جدا و كانت السما لونها أبيض زى القطن المصرى طويل التيلة 🙂 لون السما إدانى إحساس روحانى جميل بالنقاء الشديد…أنا كمان المية بتثير جوايا مشاعر روحانية عارمة فكأننى هائمة فى ملكوت الكون أسبح فى مياة شفافة و تظلنى سماء نقية بلون الثلج …

عشت إحساس راااائع لا تصفه الكلمات لو عايزين تحسوه إنزلوا عوموا فى البرد…

على رأى الرئيس السيسى الرياضة أمن قومى 🙂

 

i-love-swimming

 

 

brave-diver-kid

بالفيديو كلمة الرئيس السيسى فى الكتدرائية ف قداس عيد الميلاد

خالص التهانى للإخوة الأقباط بعيد الميلاد المجيد

مش قادرة أأقول إن كلمة الرئيس السيسى فى الكتدرائية أثلجت صدرونا لإن الجو مش ناقص برودة 🙂 لكن ممكن نقول إن ذهابه للكتدرائية أضفى الكثير من المشاعر الدافئة بين المصريين مسلمين و مسيحيينز

و ظهرت روح الوحدة الوطنية بجلاء فى قيام مسلمين بإهداء الورود لشركاء الوطن الإخوة الأقباط

عيد-القيامة

و الحقيقة أنا مش من أنصار عمل أى مقارنات بين الرئيس السيسى و مرسى لإنى بعتبر المقارنة بينهم تهريج! لكن مشهد إمبارح أعاد لذاكرتى أحداث ضرب الكتدرائية أيام مرسى ووقتها تفاعلت مع الأحداث المؤسفة بإنى عملت فيديو كوميديا سوداء قلدت فيه الفنانة القديرة مارى منيب ياريت تشوفوه علشان نقدر حجم الإنجاز إللى حصل و نتأكد إن كل إللى نزلوا فى 30 يونيو (و أتشرف بإنى واحدة منهم) هما إللى رسموا لوحة مصر الجديدة بحروف من نور #تحيا_مصر

مسلمسيحى

 

رحمة الله على ضياء فتحى شهيد قنبلة الطالبية #الشرطة_المصرية_رجال (منقول)

وسط هتافات “لا إله إلا الله.. الشهيد حبيب الله”، شيع المئات من أهالى مركز منيا القمح بالشرقية، ظهر اليوم، فى جنازة شعبية وعسكرية مهيبة، جثمان الشهيد الرائد ضياء فتحى الضابط بقسم الحماية المدنية، بمديرية أمن الجيزة. وحضر الجنازة اللواء سامح الكيلانى مدير أمن الشرقية، واللواء مجدى الشلقانى مدير الحماية المدنية بالجيزة.

وردد المشاركون فى الجنازة هتافات معادية لجماعة الإخوان المسلمين، وطالبوا بالقصاص للشهيد وشهداء الشرطة جميعا . وكان الرائد ضياء فتحى قد استشهد أمس، أثناء تفكيك عبوة ناسفة تم زرعها على بعد 15 مترًا من الباب الرئيسى لقسم شرطة الطالبية بشارع الهرم.

شهيد-الشرطة-ضياء

الجزء إللى فات من المقالة منقول من اليوم السابع و الجزء الجاى منقول من مقالات سابقة ليا بقول فيها نفس الخاطرة الشعرية بعد كل حادث إرهابى غادر…إنسوا يا إرهابيين

 

ردى على الحادث الإرهابى الغادر هو….لن تستطيعوا ‫#‏الله_أكبر‬ الإرهابيين مش حيكسرونا أبدا على فكرة أنا مع كل حادث إستشهاد بكتب الخواطر الشعرية دى علشان لازم تفضل روحنا المعنوية مرتفعة

الله أكبر الله أكبر الله أكبر

إنسوا يا إرهابيين

إيد الغدر مبتورة

يا عملاء الشياطين

الله أكبر الله أكبر الله أكبر

إنسوا يا إرهابيين

مصر حتفضل وردة ندية

شوكها يزلزل تجار الدين

الله أكبر الله أكبر الله أكبر

bbd-erhaab

بالفيديو ثبتت الرؤيا :) بإذن الله حفلة توقيع كتابى “إشراقة روح” حتكون يوم الجمعة 6 فبراير الساعة 6

خلاص يا شباب ثبتت الرؤيا 🙂 بإذن الله حفل توقيع كتابى “إشراقة روح” سيكون يوم الجمعة 6 فبراير الساعة 6 مساء بجناح دار ليان للنشر خيمة 2 ضمن فعاليات معرض القاهرة الدولى للكتاب ال46 لعام 2015 بإذن الله.

لينك إيفنت حفلة توقيع كتاب “إشراقة روح” على الفيس من فضلكم إشتركوا فى الإيفنت علشان تتابعوا آخر التطورات https://www.facebook.com/events/770718349670967/

و أشارك فى نفس المعرض فى الكتاب الجماعى “بداية” الصادر عن دار ليان للنشر بقصة قصيرة بعنوان “نغمة نشاز“.