فيديو إندهش (2) فضيحة مسلمين يلعبوا قمار فى رمضان و يكسبوا رحلة حج برعاية الأزهر! شييير

 إتشرفت بإستضافة اليوتوبر المميز أحمد هارون علشان يقول رأيه فى مهزلة القمار التلفزيونى إللى الأزهر مطمرخ عليها بقاله سنين!

لينك شانل أحمد هارون https://www.youtube.com/channel/UCSjMf3tt3FjsMbmbx6xc__A

 

من فضلكم إعملوا شيييير جااااامد للفيديو ده علشان الناس تفهم إن المسابقات الدينية التلفونية قمار!!
من حقكم تسألونى أنا عرفت إزاى؟ الحكاية بدأت لما إتصلت بدار الإفتاء على مدار 3 سنين و أكدوا لى أن المشاركة فى المسابقات التليفونية التى تقدمها قنوات تليفزيونية عديدة حرام شرعا لإن فيها مقامرة لإن عدد كبير من الناس يتصلون و يتحملون ثمن المكالمة و شخص واحد يفوز بالجائزة! و ساعتها طلبت من الشيخ إن الأزهر يصدر فتوى رسمى علشان برنامج د.أسامة الأزهرى كان فيه مسابقة قمار فى الفاصل سنتها و كده الناس ممكن تتلخبط لكن معتقدش إن الشيخ إللى كلمته عمل حاجة لإنى إتفاجئت فى رمضان السنة إللى فاتت إن برنامج د.على جمعة فيه مسابقة قمار فى الفاصل!!!

فلما يئست من الأزهر بعتت الرسالة دى لحبيب على الجفرى و معز مسعود فى صفحاتهم على الفيس بوك و فيديوهاتهم على اليوتوب لإن هما كمان برامجهم فيها مسابقة قمار فى الفاصل!! “​أحى حضرتك على برنامجك المميز توجد مسابقة تعلن عنها قناة سى بى سى فى فواصل البرنامج و هى مسابقة تليفونية لها رابح واحد يوميا و طبعا هذه المسابقات ليست مقصورة على برنامج حضرتك فقط و حينما ساورتنى الشكوك فى حكم الدين فيها إتصلت بدار الإفتاء و أكدوا لى أن هذه المسابقات حرام شرعا لأنها تعتبر قمار حيث يتصل عدد من الناس و يدفعون سعر أغلى من المكالمة العادية لحل سؤال المسابقة و لكن يتم إختيار فائز واحد. و لذلك أناشد حضرتك أن تأخذ موقف الناصح لقناة سى بى سى فى هذ الصدد لإنه أمر مؤسف جدا أن يلعب المسلمون قمار فى رمضان ليحصلوا على جائزة رحلة عمرة! و كيف يمكن أن يتبادر لعامة الناس حرمة هذا المسابقات و هى منتشرة فى برامج دينية؟!!! أرجو أن تتصدى حضرتك لهذه الظاهرة المؤسفة و جزاك الله خيرا كثيرا و نفع الناس بعلمك

من فضلكم إعملوا شيييير جااااامد للفيديو ده علشان الناس تفهم إن المسابقات الدينية التلفونية قمار!!

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s