Archive for 25 أغسطس, 2015

فيديو إندهش (3) – وجه الشبه بين د. هبة قطب و إيناس الدغيدى و د.نوال السعداوى

 

هدفى الأساسى من الفيديو ده إنى أفكر الكل إن الصح صح و الغلط غلط بغض النظر عن إذا كان إللى عمله رجل أو إمرأة. و فى رأيى الشخصى إن وجه الشبه بين د. هبة قطب و إيناس الدغيدى و د.نوال السعداوى إنهم نساء عندهم جرأة و بيتهاجموا أساسا لإنهم نساء بمعنى إن لو فلا رجالة تبنوا نفس أرائهم مش حيتهاجموا بنفس القدر. الفيديو بيدى أمثلة محددة عن التلات شخصيات و بيناقش هجوم عجيييب جدا تعرضت له د.هبة قطب فى برنامج “الستات ميعرفوش يكدبوا” مؤخر! كفايانا ذكورية و معايي مزدوجة الصخ صح و الغلط غلط أيا كان فاعله…فى إنتظار تعليقاتكم 🙂

بعد نشر المقالة دى فى 25 أغسطس 2015 شفت النهارده حلقة جديدة فى سلسلة الهجمات المستفزة على د.هبة قطب و المرة دى إنتقدها تامر أمينز فكتبت االبوست ده على الفيس و حبيت أشيره هنا كمان لتمام الفائدة:

الصبر يا رب تامر أمين بيهاجم د.هبة قطب هجوم يتسم بالغباوة المتناهية!!! أنا زهقت من الذكورية المتعفنة فى البلد دى وأبصم بالعشرة إن لو راجل كان بيقول نفس كلامها مكانش نطق!! تامر أمين بيهاجم د.هبة علشان بتحذر الناس بشكل علمى من خطورة مشاهدة الأفلام الإباحية! طبعا علشان تكون مقنعة بتدخل فى تفاصيل مرتبطة بطريقة صناعة الأفلام دى و الهدف من التفاصيل إنها تقنع الناس بعدم مشاهدتها و تنفرهم منها. هل من المنطق أن تنتقد د.هبة على هذا الأمر خصوصا بعد ما الإحصائيات أكدت إقبال المصريين على مشاهدة الأفلام دى حصوصا مع إنتشار النت…إنتشار النت إللى بيخلى الناس تشوف إللى هى عايزاه بيخلنى أعتبر إنتقاد د.هبة قطب لإنها بتتكلم بشكل علمى نكتة بايخة!! لو هى متكلمتش بشكل علمى إللى بيدور على الحاجات دى حيلاقى مصادر منحلة لا حصر لها يبقى لماذا تهاجم د.هبة قطب فى زمن الإنترنت؟ شىء يدعو للتعجب!

بكرر سؤالى لازم تهاجم د.هبة قطب فى زمن الإنترنت؟ إللى عنده رد شافى يشرفنى بالتعليق و ربنا يتوب علينا من الذكورية و المعايير المزدوجة فى القرن ال 21!!!

 

ما تيجوا نرسم (6) – دمج الصلصال بالرسم فى لوحة “لما النتاوى يقرأ…”

القراءة-فى-زمن-الإنترنت

فيديو “إزاى نواظب على القراءة فى زمن الإنترنت؟ صدقونى! عصفورة تويتر مش حتطير هههههه”