أهدى أغنية “مبتعلمش!” لكل إللى شيروا شائعات الإخوان عن الوزراء و القضاة عميانى! #شير_صح

لخبطة-حق-باطل

بهدى أغنية “مبتعلمش!” لكل الناس إللى بيستسهلوا الشير لمعلومات متفبركة و بعد كده ترجع المصادر الرسمية تنفيها تعالوا نشوف شوية أمثلة مع بعض…

أولا النهارده صدر بيان رسمى ينفى تورط أى وزير غير وزير الزراعة فى قضية الفساد الأخيرة. أنا كنت عمالة أتفرج على الناس إللى بتشير بكل ثقة أخبار عن تورط وزراء تانيين و فى الأخر طلع إن الإخوان و كل إللى هدفهم إثارة الرأى العام إستغلوا القبض على وزير الزراعى بحقارة و صعدوا الأمور.

ثانيا أنا ترفعت تماما عن تشيير الهرى إللى عمل مقارنات مستفزة بين حوافز القضاة و الأطباء فى العيد و فى الآخر صدر بيان من وزارة العدل ينفى الكلام ده! نفسى أسأل أى حد شير الكلام ده إيه المصدر الموثوق منه إللى جاب لك المعلومة؟ على فكرة ساعات فى بوستات بتتفبرك على إنها من جهات رسمية ده غير إن المجلات الإلكترونية زى اليوم السابع و الوطن ملمهمش أى مصداقية فلو حتى كان اللوجو بتاعهم باين فى الصورة ده مش دليل على صدق الخبر.

الشعرواى

طبعا مفيش شك إن الجهات الرسمية يومها بسنة و بتتأخر فى توضيح الحقايق للرأى العام! الهرى إللى كان مالى النت عن تورط وزراء كتير فى قضية الفساد مكانش ينفع يترد عليه النهارده بس! المفروض يكون فى حد فى كل وزارة شغلته الوحيدة إنه يشوف الإعلام و مواقع التواصل الإجتماعى بيقولوا إيه عن وزراته فأول ما تطلع إشاعة ينفوها على طول و ده مش طلب تافه لإن مصر بتتعرض لحروب الجيل الرابع بشراسة فلازم الحكومة تكون مفتحة عنيها

أما الإخوان و النوشتاء فلازم أقوللهم شابوه لإنهم كمعارضة متسقين مع نفسهم و عاملين إللى عليهم وزيادة شويتين لكن كل إللى بيشير شائعتهم غلطان فى حق نفسه و بلده! يا أخى إتحقق من المعلومة قبل ما تصدقها ليه تقبل على نفسك يتضحك عليك و تكون دمية بيحركها الإخوان؟!!! هو المفروض كام ألف فبركاية تحصل علشان نبطل نشير عميانى؟!!! ربنا ينور بصيرة الجميع.

المؤمن

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s