Archive for 27 نوفمبر, 2015

نماذج مضيئة (3) رحمة الله على الداعية الشيخ “عبد الرحمن السميط”…رجل بأمة

رحمة الله على الداعية الشيخ “عبد الرحمن السميط” …كويتى الجنسية رسالته عااالمية  أسلم على يديه الملايين  بالبر و الإحسان و نشر الخير…رمز من رموز القوة الناعمة للإسلام …أصاب من سماه “رجل بأمة” رحمه الله رحمة واسعة و أسكنه فسيح جناته ووقفنا لحسن الإقتداء به…اللهم آمين

عبد الرحمن السميط 1

 

عبد الرحمن السميط 2

 

عبد الرحمن السميط

فيديو حوارى التلفزيونى عن إستخدام الكاريكاتير فى الدراما الإرتجالية وعلم السايكودراما

فيديو خزعبلات عبقرية (2) أهدى أغانى الفنانة ماجدة الرومى لجيتارى الحزين “جوجو” :-(

 

 أنا عم بحلم ليل نهار…ليل نهار

إنى أتقنت الجيتااار …

بنغماته و بكورداته…

و تجب إيديا الأوتااااار

..أنا عم بحلم 🙂

غيرت كلمات أغنية “أنا عم بحلم” للفنانة ماجدة الرومى لتعبر عن أحلامى مع جيتارى الحزين المهجور جوجو 😦 صدق إللى قال المعاناة تصنع الإبداع!

و لم أكتف بهذا القدر غيرت كلمة واحدة بس من أغنية “عم يسألونى عليك الناس” شوفوا الفيديو علشان تعرفوا هى إيه 🙂

انا كده بحب أعمل تشويق و علشان الخزعبلات العبقرية تكمل إسمحوا لى أهديكم “ألسع” فيديو فى تاريخى اليوتوبى على الإطلااااااق:
خزعبلات عبقرية (1) – لو حكينا يا جيتارى نبتدى منين الحكاية؟ #لسعان_آخر_حاجة

صور دمها خفيف (11) اليوتيوب أذكى إخواته هههههههههه

اليوتيوب طلع أذكى إخواته يا نتيتة 🙂  و أنا برفع فيديو أغنية “بحلم بمدنة و برج حمام” طبعا أنا قصدى الحمام إللى بيطير سعته إفتركها “حمام” بتشديد الميم فإقترح عليا أستخدم كلمة مفاتيحة “Bathroom”  ضحكنى جدا  فحبيت أضحككم معايا 🙂 ههههههههههههه

طرائف-يوتيوب

فيديو أغانى وعاجبانى (1) بحلم بمدنة وبرج حمام … وأرض حضنها بيساعنى

بإذن الله سأكون ضيفة برنامج “يوم جديد” على قناة النيل الثقافية يوم 14 نوفمبر

بإذن الله سأكون ضيفة برنامج “يوم جديد” على قناة النيل الثقافية يوم 14 نوفمبر حوالى الساعة 10 صباحا. الحوار سيدور حول تنمية المهارات الإبداعية عند الأطفال من خلال خبرتى فى تدريس الدراما الإرتجالية و الأنشطة الفنية للأطفال أتشرف بمتابعتكم  

هبة-حسنى-برنامج-يوم-جديد-قناة -النيل-القافية

كتابى “إشراقة روح” كان ضمن الكتب الموجودة فى مبادرة “الكتاب بالمجان” لتوزيع 40 ألف كتاب مجانى…

إمبارح كنت فى إيفنت توزيع 40 ألف كتاب بالمجان فى مسرح رسالة و بعض نسخ من كتابى “إشراقة روح” كان من ضمن الكتب إللى بتتوزع …و أنا داخلة من الباب شفت شاب خارج و ماسك مجموعة كتب و كان كتابى هو إللى فوق 🙂

مهما وصفت مش حقدر أوصف لكم سعادتى و بعدها شفت كتابى فى إيدين شباب كتير …الحمد لله ربنا يتقبل منى هذا الكتاب خالصا لوجه و ينفع به كل من قرأه…اللهم آمين

d8a5d8b4d8b1d8a7d982d8a9-d8b1d988d8ad-d987d8a8d8a9-d8add8b3d986d989 (1)

 

الحمد لله حصلت على شهادة فى التسويق الإلكترونى من شركة HubSpot العالمية


شركة HubSpot هى شركة أمريكية عالمية لها شهرة واسعة فى مجال التسويق الإلكترونى …بفضل الله حصلت منها على شهادات مختلفة فى مجال التسويق الإلكترونى من نفس الشركة لإنها شركة معروفة عالميا ولها مصداقية كبيرة وبالتالى الحصول على شهادات منها يجعلنى مميزة فى مجال تخصصى فى العمل الحر على الانترنت (Freelancing).

حصلت علي شهادة فى مجال التسويق الجاذب (inbound marketing) بفضل الله … الكورس مجانى وبتدرسه وتمتحن فيه أون لاين لو حابين تشتغلوا فى مجال التسويق الإلكترونى و مستواكم عالى فى الإنجليزى تقدروا  تاخذوا الكورس بالضغط   هنا: http://academy.hubspot.com/certification

hubspot-inbound-official-certification-heba-hosny-best

ردى على أحداث الطائرة الروسية: بالفيديو على صوتك بالدعا…ياااا رب إحفظ مصرنا #تحيا_مصر

أغنية “على صوتك بالدعا” مستوحاه من أغنية الفنان محمد منير “على صوتك بالغنا”

على صوتك بالدعا
يا رب إحفظ أرضنا
و لسه يا ما يا ما يا ما يا مصرنا
على صوتك على صوتك بالدعا
أيوة الإجابة ممكنة ممكنة
دى دعوتك وسط الجموع
تهز قلب اليل فرح
تداوى جرح إللى إنجرح…إللى إنجرح
تحلم؟ أحلم
حوه قلبى أحلم..
جوه قلبى… جوه قلبى… أحلم
و ينشبك حلمك فى حلمى
جوه قلبى… جوه قلبى… أحلم
و لا إنهزام و لا إنكسار
و لاخوف و لا ولا حلم نابت فى الخلا فى الخلا
على صوتك على صوتك بالدعا
يا رب إجمع شملنا شلمنا
على صوتك على صوتك بالدعا
يا رب حقق حلمنا حلمنا
على صوتك على صوتك بالدعا
يا رب إنصر مصرنا مصرنا مصرنا

تحيا-مصر

بعد ما دعينا لمصر من قلبنا جه وقت العمل:
أولا كل مصرى عليه يعمل بجد و إجتهاد و يسعى للتميز فى مجال تخصصه و إذا قدرت تعمل عمل تطوعى يبقى خير جدا خصوصا الأعمال إللى فيها بناء للإنسان و نشر للعلم النافع زى إنك تدى كورسات تطوعية فى مجال تخصصك أو تساهم فى محو الأمية أو تساعد طلبة فى المذاكرة و هكذا
ثانيا  بلدنا أولى بينا فإذا كان فى مخطط خارجى لضرب السياحة فى مصر إحنا نشيلها و الكام رحلة إللى أنا رحتهم فى الشهور  إللى فاتت كانوا فوق الروعة منهم رحلة زى رحلة بارليف و تبة الشجرة و النصب التذكارى للجندى المجهول.
فبغض النظر عن الوضع الحالى ياريت كلنا ندعم السياحة الداخلية و بقترح إن كل حد فينا يعمل خطة لبعيدة المدى لزيارة مصر كلها منها نشوف جمالها بلادنا و منها ندعم قطاع السياحة إللى محتاج دعم شدييييد
ثالثا يكون عندنا وعى بالظروف الخارجية المحيطة بينا و نعرف إن مصر مستهدفة و كمان نتعلم إزاى نواجه الحروب النفسية و حروب الجيل الرابعإللى مصر بتتعرض لها.
أنا على يقين إننا إذا حققنا ال 3 نقط دول مصر حتكون من أعظم دول العالم فى فترة قصيرة بإذن الله…تحيا مصر
فى إنتظار تعليقاتكم  🙂
الجفرى