Archive for 31 ديسمبر, 2015

أجمل صورة ل 2016 على طريقة جوجل … كل سنة و إنتوا طيبين #الابداع_هو_الحل

كل سنة و إنتوا طيبين 🙂 ربنا يجعل 2016 سنة خير و سعادة و سلام و صحة و ثراء على الجميع بإذن الله 🙂

 

happ-new-year-2016

انا كل مرة بنبهر لدرجة الإربهلال من قدرة فريق مصمممى جوجل على الإبداع فى إستخدام اللوجو بتاعهم فى مناسبات كتيييييرة … دى الصورة إللى نشروها النهارده فى إنتظار 2016 … أنا متشوقة جدا اشوف حيحصل إيه لما البيضة تفقس ههههههههههههه فعلا الإبداع هو الحل 🙂 

إستفتاء لقراء مدونة بحب مصر دوت كوم: إيه أفضل كتاب قريته فى 2015؟

إيه أفضل كتاب قريته فى 2015؟

الإجابة بالنسبة لى قولا واحدا “قواعد العشق الأربعون” أنا لسه مخلصتوش لإنى بقرأه بتعمق شديييد و إستمتاع أشد و بكتب تأملات عنه ده من الكتب إللى بتنور حاجة جميلة فى أعماق الإنسان …كإنه بيكشف عن جواهر مكنونة فى فطرتنا محتاجة مننا نظر و تمعن …و هو كتاب يفضل معاك العمر كله كالصديق الوفى…أدعوكم كلكم لقرائته بتعمق و عايزة أعرف إيه أكتر كتاب عجبكم السنة دى؟ ياللا إبهرونى 🙂

read-book

 

نماذج مضيئة (4) – بالفيديو فيلم “فردة شمال” للمبدعة سارة رزيق

الفيلم القصير “فردة شمال” من إخراج المبدعة سارة رزيق هو عمل عبقرى و رسالته أعمق بكتييييير من عمر الأطفال الموهوبين إللى جسدوه….و إذا كان الطفل الأول أحسن التصرف فى إنه حاول يرجع فردة الحذاء لصاحبها رغم إعجابه الشديد بها فالطفل التانى أدرك بفطرته أن إحتفاظه بفردة واحدة لن يفيده فأعطاها بكل حب للطفل الأول … تحية لصناع الفيلم على إثارة دموعى و تأملاتى … هذه بحق هى القوة الناهمة للفن

إستفتاء عاااااجل لقراء المدونة غلاف كتابى “إشراقة روح” …

بإذن الله سأصدر نسخة إلكترونية لكتابى “إشراقة روح” الكتاب صادر عن دار ليان للنشر سنة 2014 و حفلة توقيعه كانت فى معرض الكتاب 2015 …بإذن الله نويت أنشره إلكترونيا كى يسهل الحصول عليه للقراء من كل أنحاء العالم.

 أرجو مساعدتى فى إختيار الغلاف المناسب للنسخة الإلكترونية للكتاب فى التعليقات ألف شكر مقدما على تعاونكم .دعواتكم 🙂

إستفتاء-القراء-كتاب-اشراقة-روح-هبة-حسنى