Archive for 28 يناير, 2016

نماذج مضيئة (5) تطبيق موبايل “عم امين” ابداع شباب مصرى

فرحت جدا لما عرفت إن الفريق القايم على تطبيق “عم أمين” كلهم شباب بعضهم لسه متخرجوش من الجامعة…هى دى الشباب إللى تستاهل إننا نتكلم عليهم ساعات طويلة قى الإعلام…

السنة إللى فاتت و انا فى معرض الكتاب كان نفسى أعرف إيه الكتب الموجودة فى دور نشر معينة قبل ما أروح و لو فى كتاب معين أنا عايزاه أقدر ألاقيه فى أنهى دور نشر …تطبيق “عم امين” بيعمل كده و أكتر …و الخبرالسعيد لأى حد معندوش smart phone إن أصدقاء عم أمين موجودين فى معرض الكتاب علشان يسهلوا عليكم التدوير على الكتب ….

أنا كنت محتاجة جدا أشوف النموذج المشرف ده من الشباب وفى منهم كتير بيعملوا فى صمت…مصر ولادة 🙂 #تحيا_مصر

 

تطبيق-عم-امين-معرض-الكتاب

 

 

 

 

 

إبدأ بنفسك (1) أشياء بسييييطة فى سهولتها عظييييييييمة فى تأثيرها

 أنا بحب جدا الأشياء البسيطة إللى بيكون تأثيرها كبير…النهارده كنت راكبة المترو خط المطار وهو كان نظيف جدا أول ما إفتتح للأسف النهارده لقيت بعض علب العصير و الكلينكس والورق على الأرض لكن الحمد لله برضه لقيت كيس نايلون..فلميت فيه القمامة كلها و كنت حاسة إن ده واجبى…جايز يكون تصرف بسيط لكن تأثيره كان كبير على راكبات المترو و بعضهم شكرونى رغم إنه لا شكر على واجب…المفارقة إنى و أنا راجعة بالمترو إتكرر نفس السيناريو بالحرف..لقيت الزبالة و لقيت كيس فاضى مستنيننى علشان ألمها 🙂 لو كل فرد فينا عمل الحاجات الصغيرة دى أكيد مصر حتبقى فى المكانة الكبيرة إللى تستاهلها …حد فيكم عنده قصة مشابهة يلهمنا بيها؟ فى إنتظار تعليقاتكم …
إبدأ بنفسك

بمناسبة عيد الميلاد المجيد دعوة لتذكر أمجاد تاريخية لإخواننا الأقباط (منقول)

كل سنة و إخواتنا الأقباط طيبيين بمناسبة عيد القيامة المجيد … و أفضل إحتفاء بهم فى هذه المناسبة الكريمة هو أن نتذكر بطولاتهم التارخية و الوطنية العظيمة.

لما تعرف…(منقول)

لما تعرف ان نبينا محمد ( صل الله عليه وسلم )أمر الصحابه حينما اشتد عليهم العذاب أن يذهبوا إلي الحبشه ..لأن فيها حاكم مسيحى لا يظلم عنده أحد ..

ولما تعرف ان عمرو بن العاص عندما دخل مصر كان يحمل الحجاره على كتفه ليعمر كنيسة العذراء و بنى الدير لمسيحى مصر بعد آن دمرها الرومان ..

ولما تعرف ان عمر بن عبد العزيز الامام العادل ولد بمصر وكانت مرضعته مسيحيه مصريه وعندما غادر مصر متوجها للحجاز آهداها صليب ،،

ولما تعرف ان الفاروق عمر بن الخطاب اقتص لمسيحى مصرى من آمير مصر المسلم الصحابى هو و ابنه ،، لآن ابنه ضربه بالعصا بسباق الخيل وقال جملته الشهيره متى استعبدتم الناس وقد ولدتهم آمهاتهم آحرار ……

ولما تعرف ان رئيس مخابرات صلاح الدين الآيوبى فاتح الآقصى وقاهر الغزاه هو مسيحى مصرى اسمه عيسى العوام …

ولما تعرف ان آول من آطلق صرخة الله آكبر بحرب اكتوبر كان عقيد مصرى مسيحى ،،، وكانت هى مفتاح النصر لاستعادة الآرض والكرامه ،،،

لما تعرف كل ده ويجى حد يقول لك لا تهنئ المسيحيين بعيدهم  ولا بمناسباتهم وآفراحهم ولا تشاركهم مناسباتهم ،،،،،
فاعرف ساعتها آن من يقول لك هذا هو لم يعرف شئ عن دين اسمه الاسلام
دين المحبه والرحمه والتراحم ،،،،
كل عام وكل اخواتنا المسيحيين بآلف آلف آلف خير ،،،
عيد ميلاد مجيد ،،،،
ويارب يحفظ بلادنا من كل شر ….”

عيد-القيامة-مسلمين-أقباط-مصر

وطبعا كلنا فاكرين الموقف الوطنى البطولى لأقباط مصر بعد أحداث حرق الكنائس عقب فض إتصامى رابعة و النهضة و كيف أنهم رفضوا بوطنية خالصة كل محاولات الغرب للمتاجرة بهم لأغراض سياسية.

و بالأمس حينما زار الرئيس السيسى الكتدرائية للمشاركة فى إحتفالات أعياد الميلاد شكر إخواننا الأقباط على موقفهم البطولى بعد 30 يونيو و هو موقف تاريخى لا يتنقص من قدره و لا ينكره إلا جاحد.

كل عام و إخواننا الأقباط بخير …اللهم أدم وحدتنا و إحفظ مصر من كل سؤ و خاصة من الفتن الطائفية

قوتنا فى وحدتنا…متحدين نقف متفرقين نسقط …حفظ الله مصر