قواعد الإزبهلال الأربعون (4) سيس وأفتخر! أنا إسمى سوسو ونفسى أكاتيل معتديشى

انا عمرى ما شفت شباب يفخروا بإنهم عيال سيس! شفت كذا بوست لثوار بيناضلوا من وراء الأفاتار و فرحانين إنهم فى بيوتهم و رجال الأمن فى الشوارع يوم 25 يناير فى عز البرد! إللى البهوات مش عارفينه إن رجال الجيش و الشرطة مدربين على ظروف أقسى من كده وخروجهم فى البرد ده حاجة سهلة جدا بالنسبة لهم…انا مرة شفت فيديو لجندى فى الصاعقة بياكل تعبان فى الصحرا …دول رجالة بيأدوا واجبهم وفى المقابل الثوار بيناضلوا من وراء الأفاتار فعلا لهم حق يفخروا!!! دول كان ناقص يقولوا:

أنا إسمى سوسو
أنا إسمى سوسو
أنا إسمى سوسو و نفسى أكاتيل معتديشى
إدينى نبلة
إدينى نبلة
إدينى نبلة أكاتيل بيها المعتديشششى (يقصد المعتدى بس زى ما إنتوا عارفين العيال السيس مبيعرفوش يتكلموا!! حاجة عجييييييبة)

عيل سيس 1

و فى إعلاميين كتير منهم إبراهيم عيسى إتهموا الدولة بتخويف الناس و كإن مفيش تهديدات إتقالت…البوست ده بيرد عليهم أحسن رد (منقول)

إستغربت جدا من بعض الاعلاميين و الضيوف النهاردة (25 يناير) بيقولوا الامن بيبالغ و بيخوف الناس من ذكرى 25 يناير و عايزين يكرهوا الناس فيها
و ان الناس كانت خايفة و مانزلتش من البيت من الخوف
كأنهم لم يسمعوا التهديدات فى كل وسائل الاعلام العميلة و على وسائل التواصل الاجتماعى
ناس بتهدد بالفوضى و ناس بتهدد بالسلاح و ناس بتقول عصيان مدنى و كسر الشرطة
و قبلها عمل ارهابى فى العريش و اخر فى الهرم و شهداء كل يوم من الجيش و الشرطة
المفروض يعنى الامن يعمل ايه!!!؟ يتجاهل كل ده رغم التحريض الواضح و لا يعمل استعداداته و يؤمن جيدا كل الاماكن الحيوية!!؟
اما ان الناس مانزلتش من البيوت فده لان الدنيا برد عادى يعنى مش خايفين و لا متوترين

ناس كتير فعلا كرهت ذكرى 25 يناير( و منهم من شارك فيها) لانها ارتبطت كل سنة باحداث ارهابية او توتر عصبى ليس من صنع الامن بل من صنع الارهابيين و بعض من يطلقون على انفسهم ثوار
استقيموا يرحمكم الله

انا عندى تعقيب بسيط على البوست إنى  معترفة بثور 25 يناير رغم إنى مشاركتش فيها إنما حبيت إيجابيتها و كرهت سلبيتاها زى ما شرحت فى مقالات سابقة.

إنتو رأيكم إيه؟ فى إنتظار تعليقاتكم…

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s