Archive for 24 فبراير, 2016

فيديو برومو النسخة الإلكترونية من كتاب “إشراقة روح” – هبة الله حسنى

الحمد لله تم نشر كتابى “إشراقة روح 1” إلكترونيا على موقع كتبنا…
يمكنكم تحميل الكتاب من على الرابط:
سلسلة كتب “إشراقة روح” هى أول سلسلة لكتب تفاعلية توظف الكاريكاتير والشعر والتنمية البشرية فى التعمق فى فهم ودارسة آيات القرآن الكريم. وهذا الكتاب هو الأول فى هذه السلسلة: إشراقة روح (1) – تأملات فى قوله تعالىفلا اقتحم العقبة

الحمد لله تم نشر كتابى “إشراقة روح 1” إلكترونيا على موقع كتبنا…

الحمد لله تم نشر كتابى “إشراقة روح 1” إلكترونيا على موقع كتبا…
يمكنكم تحميل الكتاب من على الرابط:
سلسلة كتب “إشراقة روح” هى أول سلسلة لكتب تفاعلية توظف الكاريكاتير والشعر والتنمية البشرية فى التعمق فى فهم ودارسة آيات القرآن الكريم. وهذا الكتاب هو الأول فى هذه السلسلة: إشراقة روح (1) – تأملات فى قوله تعالىفلا اقتحم العقبة
إشراقة-روح-النسخة-الإلكترونية-على-موقع-كتبنا-هبة-الله-حسنى
اشراقة-روح-النسخة-الالكترونية-2

صور حتغير حياتك (4) كاريكاتير عبقرى لدكتور شريف عرفة عن الفرق بين الإستنارة الثقافية و الظلامية

كاريكاتير-القراءة-التنوير-والانغلاق-شريف-عرفة

أول ما شفت الكاريكاتير ده انبهرت بعمق فكرته من ناحية و عبقرية توصليها من ناحية تانية …

الكاريكاتير من غير كلام و ده معناه إن رسالته العميقة ممكن يفهما أى إنسان على وجه الأرض و طبعا دى عبقرية من مؤلفه المبدع…

أما الفكرة نفسها فأنا عملت فيديو كامل علشان أشرحها …أنا قلت إن الإنسان علشان يكون مبدع لازم ينوع و “يلون” فى مصادر معرفته وإديت أمثلة إنى كنت بقرأ لناس عكس بعض على طول الخط فى نفس الوقت لضمان عدم التقليد الأعمى أو التحجر و الانغلاق على رأى أو “لون” واحد… 

 

شرح الفكرة بالكلام إحتاج منى وقت وأمثلة و سبحان الله راح د.شريف ملخصها فى رسمة عبقرية 🙂 فعلا صدق من قال إن الصورة الواحدة تغنى عن ألف كلمة…

قواعد الإزبهلال الأربعون (5) إبراهيم عيسى مش عاجبه تقبيل وزير الداخلية لرأس والد ضحية الدرب الأحمر

وزير-الداخلية-يقبل-رأس-والد-ضحية-الدرب-الأحمر

رحمة على ضحية الدرب الأحمر …ربنا يرحمه ويصبر أهله.

الحادث كان مؤلم و سبب إحتقان كبيييير وشفت حوار تلفزيونى لوالد الفقيد أكد فيه إن محدش من عيلة الضحية راح عند القسم يعنى “إللى بالى بالكم” حاولوا يستغلو الحادث علشان يصطادوا فى المية العكرة!

فلما وزير الداخلية يطيب خاطر والد الضحية و يبوس راسه يقوم إبراهيم عيسى يعترض بحجة إننا بلد “مطيباتية” مش دولة قانون و إن ده شغل “قعدة عرب” و شغل قبائل مش دولة قانون!!!!

الكلام ده أنا ممكن أتفهمه لو كان بوس رأس أبو الضحية هو الإجراء “الوحيد!” إللى حيتاخد فى القضية لكن لما يكون القاتل مصاب وأعتقد حسب متابعتى للأخبار إنه تم بالفعل تحديد موعد لمحاكمته يبقى إحنا فى دولة قانون…و كمان الرئيس السيسى طالب بسرعة تقديم قانون يصدره البرلمان علشان يكون فى عقوبة رادعة للمتجاوزين من أمناء الشرطة….فأنا مش فاهمة أستاذ إبراهيم معترض على إيه بالظبط؟!!!

الخلاصة إن إللى عمله وزير الداخلية ده لفتة كريمة لكنها فى النهاية حاجة إضافية ملهاش أى علاقة بإننا فى دولة قانون و إن المخطىء سيعاقب.

طبعا الإعلامى إبراهيم عيسى له ما له و عليه ما عليه فأنا ساعات بتفق معاه جدا و ساعات تانية بأصاب بحالة من الإزبهلال من بعض أرائه!!!!

 

 

 

فيديو يوميات ممثلة مرتجلة (6) دورى فى الفيلم القصير فورتينا

فيلم فورتينا يقدم صورة للرفد التعسفى للموظفين داخل الشركات ومدى تعامل الرأسماليين مع الموظفين فى صورة كوميدية حتشدك من أول دقيقة…

الفيلم قصة واخراج فنان اليوتيوب المبدع أحمد هارون وبطولة مجموعة فنانين مش محتاجة أتكلم عن موهبتهم لإنها باينة زى الشمس فى الفيلم…

*** اضغطوا على أفيش الفيلم علشان تدخلوا صفحة #فورتينا على الفيس بوك ***

افيش-فيلم-فورتينا

الخلاصة انا بدعوكم للفرجة على فيلم فورتينا إللى أتشرف إنى بمثل فيه مع فريق رااائع ومخرج عبقرى…إللى يسخسخ من الضحك يعمل لايك وشير…أعتبر ده وعد؟ 🙂 ههههههههههههه
بلاى ليست مجوعة فيديوهات “يوميات ممثلة مرتجلة”: 

فيديو اضحك فكر (10) حكايتى العجيييبة فى تعلم الإنجليزى :) سانك يو هابى “فكاكة” ضاى إفرى بوضى هههههه

 استمتعوا معابا بقصتى المضحكة فى تعلم الإنجليزى و علشان تتخيلوا درجة الضحك يكفى إنكم تعرفوا إنى خدت الثانوية العامة من مدرسة حكومة بنات و بعدها دخت الجامعة الأمريكية !!!

سانك يو فر ماطش فروم ظا بوتم أوف ماى هارط إنضيض هابى فكاكة ضاى إفرى بودى ههههههههههههههههههههههههه

فيديو مفاهيم إسلامية (12) – قصة مؤثرة حدثت للإمام ابو حنيفة مع جاره شارب الخمر