Archive for 27 أبريل, 2016

أبشروووا جوجل طلع حقانى أكتر من المعارضة! كتبت “رفع علم السعودية 25 أبريل 2016” وكانت المفاجأة…

عملت تجربة دلوقت بعد ما فات يومين على 25 أبريل ودخلت جوجل وكتبت “رفع علم السعودية 25 أبريل 2016” ومرضيتش أكتب التحرير علشان لو الأعلام اترفعت فى حتة تانية أشوفها وكانت النتيجة إيه؟
هما صورتين بالعدد مكررين لنفس الراجل ونفس الست والباقى صور ملهاش علاقة واللذيد إن الإخوة المعارضين علشان يهولوا الموضوع ناشرين بوستات مكررين فيها صور نفس التاس علشان يضخموا الموضوع ويحسسونا إنها كتير شوفوا الصورة بنفسكوا مجمعها أستاذ معارض حقانى قوى حتلاقوا نفس الست واضحة فى أربع صور من الخمسة!

تحرير-أعلام-السعودية

ولو حابين تشوفوا نتيجة البحث كلها أهى اللينك لمن يهمه الأمر.

https://www.google.com.eg/search?q=%D8%B1%D9%81%D8%B9+%D8%B9%D9%84%D9%85+%D8%A7%D9%84%D8%B3%D8%B9%D9%88%D8%AF%D9%8A%D8%A9+25+%D8%A3%D8%A8%D8%B1%D9%8A%D9%84+2016&rlz=1C1CHWL_enEG678EG679&tbm=isch&tbo=u&source=univ&sa=X&ved=0ahUKEwjfnoDO2K_MAhWDWBQKHQ2ZAzYQsAQIIw#imgrc=xHGINfvL1l9g0M%3A

وأحب أوضح  إن أى حد إعترض على رفع علم غير العلم المصرى يوم 25 أبريل له حق يعترض علشان ده يوم عيدنا القومى إنما لازم ندى الأمر حجمه ونقول إنهم أقلية زى ما أثبتت لكم ببركات الحاج جوجل!

النهارده بعد ما خلاص يوم عيدنا القومى خلص لو حد طلبت معاه يمسك علم السعودية إعلانا منه إنه مؤيد للسيسى فهو حر فى موقفه وحيكون تصرف عجيب إن حد ينتقده…طول الوقت فى مؤيدين وفى معارضين ده كان الحال أيام مبارك ومرسى و النهارده…فى حد متفاجىء؟!

فى ناس ممكن تفهم من كلامى إنى مؤيدة إن الجزر سعودية والحقيقة إن أنا مش عارفة أكون رأى لإن الأراء متعارضة وكل رأى له حجته وعلشان كده انا شخصيا مش حرفع علم السعودية لكن معترفة بحق إللى شايفين إن الجزر سعودية إنهم يعبروا عن رأيهم. حد له رأى تانى؟

Advertisements

فيديو إندهش (7) رأيى فى رفع أعلام السعودية فى التحرير وفى أفورة كل الأطراف

فيديو ماذا لو(2) لو اتعمل استفتاء على الجزيرتين المعارضة حتقبله ولا حتشكك فيه؟

مش بس فى خلاف على هل جزر تيران وصنافير مصرية ولا سعودية ده كمان فى خلاف دستور على هل المفروض يتعمل عليه استفتاء شعبى ولا لأ …اللينك دى بتبين ليه رئيس المجلس الوطنى للإستشارات البرلمانية شايف إن ميتعملش استفتاء على الجزيرتين: http://www.youm7.com/story/2016/4/18/%D8%A7%D9%84%D9%88%D8%B7%D9%86%D9%89-%D9%84%D9%84%D8%A7%D8%B3%D8%AA%D8%B4%D8%A7%D8%B1%D8%A7%D8%AA-%D8%A7%D9%84%D8%A8%D8%B1%D9%84%D9%85%D8%A7%D9%86%D9%8A%D8%A9–%D9%84%D8%A7-%D9%8A%D8%AC%D9%88%D8%B2-%D8%A5%D8%AC%D8%B1%D8%A7%D8%A1-%D8%A7%D9%84%D8%A7%D8%B3%D8%AA%D9%81%D8%AA%D8%A7%D8%A1-%D8%B9%D9%84%D9%89-%D8%AA%D9%8A/2681415

و حسأل سؤال افتراضى لو اتعمل استفتاء المعارضة حتتقبل نتيجته ايا كانت ولا حتشكك فى نزاهته زى ما شككوا فى  الانتخابات البرلمانية؟

ده  الكاريكاتير إللى رسمته إعتراضا على حبس إسلام بحيرى لإنه يخالف مواد الحريات فى  الدستور وتوجيهات الرئيس بتجديد الخطاب الدينى

كاريكاتير-حبس-إسلام-بحيرى-تجديد-الخطاب-الدينى-1

ده دليل عملى إنى أؤيد تطبيق الدستور بشدة لإنى شاركت فيه وقلت “نعم”  ولكن لا أؤيد إسلوب “خلقنا لنعترض!”

نفسى نحب مصر أكتر ما بنكره المسؤولين …ربنا يحفظ مصر

فى إنتظار تعليقاتكم 

 

كاريكاتير‬ الفيس بوك “فيس” والله يرحم “البوك”! #‏اليوم_العالمي_للكتاب

النهارده اليوم العالمى للمغفور له الكتاب الله يرحمه ويجعل الجنة مثواه 😦 …

لما رحت الملقتى الدولى للكاريكاتير السنة دى كان الموضوع عن التعليم وشفت رسومات كتير قوى لرسامين عالميين بتصور إن وسائل التواصل الإجتماعى والقراءة Don’t mix!

فواضح إن المشكلة دى بقيت عالمية وأخشى إن مناسبة #‏اليوم_العالمي_للكتاب تتحول للذكرى السنوية للمرحومة قراءة والمغفور له كتاب ....آه زمبؤلكم كده 😦

كاريكاتير-الفيس-بوك-cartoon-facebbok-no-book-heba-hosny

تبارك الخلاق فيما أبدع ..نباتات ولا أروع فى معرض الربيع فى حديقة الأورمان

إذا كان القرآن الكريم هو كتاب الله المقرؤ فالكون هو كتاب الله المنظور … “تبارك الله أحسن الخالقين”
تِلكَ الطَبيعَةُ قِف بِنا يا ساري
حَتّى أُريكَ بَديعَ صُنعِ الباري
الأَرضُ حَولَكَ وَالسَماءُ اِهتَزَّتا
لِرَوائِعِ الآياتِ وَالآثارِ

من روائع حديقة الأورمان …حاسوبك لن ينفجر لو قلت سبحان الله 🙂 هههههههههههههههه مبحبش الطريقة دى إنما مـتأكدة إنكم حتقولوا سبحان الله ولو فى سركم

أورمان 1

أورمان 4

أورمان 3

أورمان 2

رحمة الله على قتيل الرحاب على يد أمين شرطة لا يستحق لقب “أمين!”

رحمة الله على قتيل الرحاب على يد أمين شرطة لا يستحق لقب “أمين!” ولم يردعه إن أمين الشرطة إللى قتل مواطن الدرب الاحمر أخد 20 سنة!

عموما لزم التنبيه علشان نشوف الصورة كاملة إن فى ظابط تم دهسه مؤخرا وأعتقد إن التغطية الإعلامية كانت شبه منعدمة إنما قريت فى الجرنال إنهم قبضوا على الجانى…

الخلاصة علشان أكون حقانية تماما فى تحليل المشهد فى تحسن بيحصل فى الداخلية بس التحسن بطييييييييييييىء …

والمفروض إن فى قانون يخص أمناء الشرطة بيناقش فى البرلمان ياريت ينجزوه بسرعة و إلا حنفضل نسمع: “إللى ملوش خير فى حاتم ملوش خير فى مصر!

حاتم

 

قواعد الازبهلال الأربعون (6) ما بين “عواد باع أرضه” و “السيسى معصوم” تيران وصنافير سعودية ولا مصرية؟ #محاولة_للفهم

دى إن شاء الله حتكون آخر محاولة ليا إن أسعى لمعرفة الحقيقة فى موضوع الجزيرتين تيران وصنافير.
وفى البداية اسمحوا لى أوضح الفرق بين الاعتقاد والحقيقة أنا “أعتقد” بناء على علمى بالمواقف السابقة للرئيس السيسى إنه لا يمكن يبيع أرض لكن أنا مستوعبة إن ده اعتقاد وممكن أغيره إذا ثبت لى العكس وبالتالى أنا هدفى الوصول للحقيقة بغض النظر عن اعتقادى الشخصى
عندى سؤالين لكل الأطراف إللى “متأكدين” إن الجزيرة مصرية أو سعودية:
1- تقدر تقف قدام محكمة وتقول القسم الرسمى للشهادة “والله العظيم أقول الحق” إن الجزر “مصرية أو سعودية”؟
لو متقدرش تعمل كده متردش عليا علشان انا عايزة اللى يرد يكون متأكد من موقفه ومستعدد يحلف عليه قسم عظيم يحاسب عليه أمام الله.
2- بعد ما تحلف اليمين المحمكة حتطلب منك تثبت كلامك بالأدلة. فى الحالة دى إيه الأدلة الملموسة اللى حتقدمها؟
طبعا هيئة المحكمة الموقرة مش حتقتنع بردود من عينة “عواد باع أرضه” ولا “أنا بثق فى السيسى من غير تحقق”
ولو انت مش قادر ترد على أسئلتى بشكل قطعى ومع ذلك بتتكلم على االموضوع عمال على بطال فانت محتاج تكون صادق مع نفسك و تسأل نفسك إنت ليه بتتكلم عن حاجة معلوماتك عنها غير يقينية؟
ولو انت مش عارف الحقيقة فين زيى قول فى التعليق…الاعتراف بالحيرة أفضل من الفتى!
الخلاصة لو انت عندك مصادر موثقة تقدمها لهيئة المحكمة الموقرة الممثلة فيا وإللى هدفها الوصول للحقيقة بعيدا عن التطرف يميينا أو يسارا ياريت تشرفنى بتقديمها …
أرجووووووكم عايزة مصادر وكلام عملى لإنى اتهريت خطب عاطفية لا تسمن ولا تغنى من جوع!!!!
3