Archive for 15 فبراير, 2017

صور دمها خفيف (14) افتكاسة رسومات كتاب “إشراقة روح 2”: “مخمخ” يقلد “سفير الروقان” :) ملهمممممى ههههههه

%d9%83%d8%aa%d8%a7%d8%a8-%d8%a5%d8%b4%d8%b1%d8%a7%d9%82%d8%a9-%d8%b1%d9%88%d8%ad2-%d8%b1%d8%b3%d9%85%d8%a9-%d9%86%d8%b2%d9%87%d8%a9-%d8%a7%d9%84%d8%b9%d9%82%d9%88%d9%84-%d9%87%d8%a8%d8%a9-%d8%a7%d9%84

الحمد لله حصلت على شهادة فى التسويق الجاذب (inbound marketing) من شركة HubSpot العالمية

hubspot-inbound-marketing-ceritifcation-2017-heba-hosny

شركة HubSpot هى شركة أمريكية عالمية لها شهرة واسعة فى مجال التسويق الإلكترونى …بفضل الله حصلت منها على شهادات مختلفة فى مجال التسويق الإلكترونى من نفس الشركة لإنها شركة معروفة عالميا ولها مصداقية كبيرة وبالتالى الحصول على شهادات منها يجعلنى مميزة فى مجال تخصصى فى العمل الحر على الانترنت (Freelancing).

آخر شهادة حصلت عليها اليوم فى مجال التسويق الجاذب (inbound marketing) بفضل الله … الكورس مجانى وبتدرسه وتمتحن فيه أون لاين لو حابين تشتغلوا فى مجال التسويق الإلكترونى و مستواكم عالى فى الإنجليزى تقدروا  تاخذوا الكورس بالضغط   هنا: http://academy.hubspot.com/certification

detailed-hubspot-inbound-certification-heba-hosny-2017

رسومات كتاب “إشراقة روح 2” : نتيجة تصويت القراء على رسمة “نزهة العقول” :فلتسقط المراجيح ولتحيا الزحاليق :) #كتاب_إشراقة_روح_2 #سلسلة_كتب_إشراقة_روح #المبدعة_الربانية

%d9%86%d8%aa%d9%8a%d8%ac%d8%a9-%d8%aa%d8%b5%d9%88%d9%8a%d8%aa-%d8%b1%d8%b3%d9%88%d9%85%d8%a7%d8%aa-%d9%83%d8%aa%d8%a7%d8%a8-%d8%a5%d8%b4%d8%b1%d8%a7%d9%82%d8%a9-%d8%b1%d9%88%d8%ad-2-%d9%86%d8%b2%d9%87

 

 

أشكر كل أصدقائى إللى صوتوا على صورة فزورة “نزهة العقول” إللى حتتكرر  فى كتابى القادم  “إشراقة روح 2” بإذن الله. وكانتت النتيجة 75% لصالح الصورة رقم 2 على اعتبار إن فكرة إن المخ يتمرجح بالكتاب و الأقلام مكانتش واضحة… فبعد تفكير عمييييق رفعت شعار فلتسقط المراجيح ولتحيا الزحاليق 🙂 وبالتالى ربنا وفقنى لفكرة الرسمة التالتة وخليت “مخمخ ” يتزحلق على الورقة…

كده الفكرة واضحة يا جماعة؟ ما رأيكم دام فضلكم؟ 🙂  

#المبدعة_الربانية   #سلسلة_كتب_إشراقة_روح

سلسلة كتب “إشراقة روح” هى أول سلسلة لكتب تفاعلية توظف الرسوم والشعر والتنمية البشرية فى التعمق فى فهم ودارسة آيات القرآن الكريم. تم بحمد االله وتيسيره وتوفيقه نشر الكتاب الأول فى هذه السلسلة: إشراقة روح (1) – تأملات فى قوله تعالىفلا اقتحم العقبة” – نحو علاقة أعمق بالقرآن الكريم.

لينك تصفح وتحميل كتاب “إشراقة روح 1”:

 http://kotobna.net/Book/Details?bookID=816

كتاب-إشراقة-روح-هبة-الله-حسنى-صورة

أسألكم الدعاء

للبنات فقط (7) – إزاى تحبى نفسك “بجد!” فى الفلانتين؟ 3 نصايح حيغيروا حياتك…

إزيكوا يا بناتيت 🙂

وحشتووووونى جدا دى أول مقالة بناتى أكتبها السنة دى!

كل فلانتين وانتوا سعداء ومتهنيين سواء كنتم سناجل أو مرتبطين …شفتوا السجع العبقرى ده 🙂  فى بنوتة سنجل دمها زى العسل كاتبة فى بروفايلها على تويتر “محجوزة لإبن المحظوظة” 🙂 هههههههههه طبعا وهو يطول؟

سنة 2012 عملت فيديو عنوانه ..”جبتى إيه لنفسك فى الفلانتين؟” واتكلمت فيه بالتفصيل على حاجات محددة تعمليها علشان تحبى نفسك بجد…

ياريت تشوفى الفيديو وتكتبى النقط المهمة إللى فيه لإنه فعلا ممكن يغير حياتك للأحسن بإذن الله…

النهارده حقولك 3 نقاط إضافية تقدرى تعلميهم لنفسك يوم الفلانتين علشان تحبى نفسك بشكل عملى … وإذا وقتك مسمحش إنك تعملييهم كلهم بكرة من فضلك اجتهدى إنك تنجزيهم فى القريب العاجل: 

1- تخيلى إن معاكى مصباح علاء الدين وإنك تقدرى تحققى أى حاجة بتتمنيها فى اللحظة دى …أكتبى كل أمانيكى من غير تردد ولا تفكير …وصدقى من جواكى إنها حتحقق بتوفيق الله…وافتكرى دائما المقولة الراااائعة لدكتور أحمد عمارة: “مع الله كل شىء ممكنفاهمة يا نفسى؟ كل شىء

 

2- جيبى ورقة كبييييييييرة و اكتبى عليها “طريقى لتحقيق أحلامى بتوفيق الله” و اكتبى فيها العادات إللى انتى محتاجة تنميها والمهارات إللى انتى محتاجة تكتسبيها  علشان تحققى أحلامك…

يعنى مثلا أنا اكتشفت إنى إذا ربنا وفقنى لتطبيق سنة البكور إنى أنام بدرى وأصحى بدرى ساعتها ممكن درجة إنجازى تكون أعلى بكتير وبالتالى حقدر أحقق طموحاتى بشكل أسرع والأهم إنى حكون طبقت سنة مؤكدة…فأنا بإذن الله بكرة حكتب إنى محتاجة أكتسب هذه العادة الرااائعة (وعلى فكرة الأجانب إللى ميعرفوش لا تهجد ولاقيام ليل بيصحوا الساعة 4 الصبح … أنا بتكلم عن الناجحين والمميزين منهم …العالم دول عقدونى فى عيشتى مسمين نفسهم the four clock club يعنى نادى الصحيان الساعة 4 صباحا!!!! … الأجانب عقدووونى يا خووواتى…عقبالى ياااا رب لما أنام بدرى وأصحى بدرى…على طريقة الفنانة زينات صدقى الله يرحمها هههههههههههههه)

 

الخلاصة إنك تكتبى كل العادات إللى محتاجة تنميها فى نفسك علشان تحققى أحلامك وتختارى أسهل أو أهم عادة منهم وتبدأى تخططى لتنفيذها من بكرة بإذن الله…مهم قوى التدرج فى الموضوع ده…سهلى الأمور على نفسك …خير الأعمال أدومها وإن قلت … اختارى عادة  واحدة عايزة تنميها أو مهارة واحدة عايزة تكتسبيها واشتغلى عليها…ولما فعلا تتحول لعادة بتعمليها بسهولة وانتظام إبدأى اشتغلى على حاجة تانية فى لستتك الرااائعة “طريقى لتحقيق أحلامى بتوفيق الله

وطبعا ممكن ياخدك الحماس كام يوم وبعد كده يحصل أى عوراض تخليكى مش مركزة فى أهدافك الحقيقية علشانن كده الصورة دى مهمة جدا إنك تقريها بتركيز و أهم جزئين فيها فى رأيى:

أولا إن مهم إنك تدركى إن النجاح محتاج مثابرة وإنك ممكن تواجهى عوائق فإذا حصلت تتقبليها ومتستسلميش وتصممى على الاستمرار فى طريقك

ثانيا إذا أخذت بالأسباب …تزلت عليك عطايا الوهاب 

%d9%85%d9%87%d8%a7%d8%b1%d8%a9-%d8%a7%d9%84%d8%a5%d8%b5%d8%b1%d8%a7%d8%b1-%d9%88%d8%a7%d9%84%d9%85%d8%ab%d8%a7%d8%a8%d8%b1%d8%a9

3- اكتبى لنفسك جواب غرامى ❤ عارفين أغنية “جواب” بتاعة عبد الحليم؟ حاجة كده علشان تنعنش نخاشيش أحاسيسك ومشاعرك وتخليكى حاسة إنك طايرة …

شفتوا التعبير الرقيق ده “تنعنش نخاشيش أحاسيسك” ههههههههه

وفى النهاية حنصحك من قلبى أروع نصيحة ممكن تسمعيها فى حياتك …حبى نفسك لإنها تستاهل إنها تتحب ❤ 

على فكرة أنا كتبت لك آخر جملة باللون الأخضر لإن الأخضر هو لون الحب الغير مشروط …لو عايزة تتغيرى للأحسن لازم تحبى نفسك وتتقبليها زى ما هى النهارده…تقبل الوضع الحالى لا يتنافى مع الطموح والرغبة فى التحسن…إذا حبينى نفسك النهارده دى حتكون خطوة مهمة للتغيير للأفضل بكرة بإذن الله … 

 

%d9%81%d9%84%d8%a7%d9%86%d8%aa%d9%8a%d9%86-2

 

%d9%81%d9%84%d8%a7%d9%86%d8%aa%d9%8a%d9%86-1

فى انتظار تعليقاتكم 🙂

صور دمها خفيف (14) على وضعك…يا لذيييذ يا راااايق :) تفتكروا دى بجد ولا فوتوشوب؟

%d8%b1%d9%88%d9%82%d8%a7%d9%86