من أنا؟

من أنافى كلمة واحدة؟ إنسانة…

من أنافى جملة واحدة؟ أمة الله الفقيرة لعفوه و مرضاته.

من أنافى فقرة واحدة؟ بنت مصرية بتعشق بلدها و كل أمنيتى إنى أشكر ربنا سبحانه و تعالى على المواهب و القدرات إللى وهبها لى بأن أستغلها فى الخير و خدمة المجتمع. أنا كاتبة تعشق الغناء و إن شاء الله قريبا سأكون كاتبة أغانى و أعمال درامية هادفة و غيرتقليدية. أنا عاشقة للفن الهادف بجميع أنواعه و شعارى هو:”بإيدينا بكرة أحلى

مشوار حياتى فى سطور

  • أنا الإبنة الكبرى لأسرة من أربعة أفراد. ولدت فى محافظة الجيزة بجوار الأهرامات 🙂
  • بعد توفيق الله تعالى, فإن الفضل يرجع لأمى قى إكتشاف مواهبى الفنية و تنميتها من سن صغيرة و كان نتيجة ذلك أننى إستطعت تحقيق إنجازات جيدة قبل بلوغى سن الخامسة عشر منها:
    • الحصول على جائزة فى الرسم فى سن الخامسة
    • الغناء الفردى فى المدرسة و مراكز الشباب منذ سن الحادية عشر. و كنت أعزف أروج سماعى برضه لكن الغناء شدنى فلم أنم موهبة العزف للأسف 😦
    • الإشتراك فى الكشافة و الزهرات و كانت متمعة لأقصى درجة
    • الحصول على بطولة نادى سبورتنج بالإسكندرية فى رياضة الغطس فى سن الثالثة عشر من
  • كان والدى كثير السفر داخل مصر و خارجها بحكم عمله لدرجة أنى دخلت سبع مدارس مختلفة و عشت فى بعض الدول العربية منها الأردن و الجزائر
  • · حصلت على الثانوية العامة من مدرسة أم الأبطال الثانوية الحكومية بالإسماعيلية و شاءت إرادة الله أن ألتحق بالجامعة الأمريكية بطريقة غير تقليدية. و هى قصة طويلة لذلك أفردت لها مقالة من مدرسة حكومية للجامعة الأمريكية – حكايتى العجيبة مع التعليم!!
  • ككل الأطفال, فترة طفولتى لم تخل من الذكريات المؤلمة و أسوأها إنى إبتليت ببعض المدرسين الفظاع بمعنى الكلمة! تخيلوا إن المدرسة المحترمة عاقبتنى و أنا عندى 5 سنين لما مرضيتش أبطل أكل فى الفصل إنها وقفتنى جوه صفيحة الزبالة؟! لا تعليق!
  • بعد تخرجى عملت فى مجال البرمجة و تزوجت و أنجبت إبنتى الجميلة هانيا و لكن الزواج لم يستمر و الحمد لله على كل حال
  • فى سنة 2002 “طقت فى دامغى” و سافرت كندا لوحدى!!لمدة أربع سنين و هناك كان المناخ مشجع جدا للإبداع فإستطعت تحقيق إنجازات كثيرة بتوفيق الله منها:
    • الحصول على الجائزة الأولى فى Business Planning و بدء شركتى الخاصة فى تصميم المواقع
    • الحصول على الجائزة الأولى فى مسابقة Public Speaking  عن تأليف و إلقاء خطبة كوميدية
    • إلقاء كلمة حازت الإعجاب عن الدور القيادى للمرأة فى اليوم  العالمى للمرأة الموافق 8 مارس 2006
    • الحصول على شهادات تقدير فى أعمال تطوعية مختلفة
    • ممارسة جميع أنواع الفنون تقريبا منها إنى أخدت كورس تمثيل و مثلت أدوار ثانوية فى فيلمين و مارست ال Standup Comedy  و أخدت ورش عمل فى كوميديا الإرتجال Improvisation  و تدريب على الغناء الفردى الإنجليزى و عزف الجيتار و غيرها من الأنشطة الممتعة
  • · رجعت مصر”منتعشة” فى 2007 و عملت لفترة فى مجال البرمجيات لكن الحمد لله ربنا وفقنى بعدها  للعمل فى مجال الكتابة. و قد شرحت كيفية إحداث هذا التغيير الجذرى فى مجال عملى فى مقالة حينما دعوت الله تعالى بإخلاص فكانت الإجابة هى ”LancersCafe.com”
  • · معظم كتاباتى فى الوقت الحالى باللغة الإنجليزية  و ستجدون نماذج منها على موقعى: http://www.HebaHosny.net/
  • الحمد لله ربنا أكرمنى بالحج سنة 2008 و قبلها كنت عملت عمرتين منهم واحدة لا أنساها مع والدى رحمة الله عليه
  • مؤخرا ألهمنى الله تعالى فكرة Ba7ebMasr.com. و الحقيقة أن الفكرة و ليدة الشهر الماضى (أغسطس 2010) لكن بذورها إبتدت مع مطلع العام الجديد لما حصل لى موقف “يكسف” يا ريت  تقرأوه فى مقالة سندريللا الخيبة! إفتتحت 2010 برامى الإعتصامى!!
  • رجعت تانى أدرس كلاسيك جيتار و هو ممتع لأقصى درحة

طموحاتى للمستقبل:

  • إستكمال مسابقة بإيدينا بكرة أحلى  لإكتشاف المواهب الفنية فى الشعر الغنائى و الغناء و التوزيع الموسيقى و التلحين و إخراج الفيديو
  • تفعيل مبادرة التعليم بالإضحاك
  • يسعدنى التعاون معكم فى كتابة أغانى وسكتشات و كاريكاتير أعمال درامية هادفة و غير تقليدية
  • إستكمالBa7ebMasr.com
  • أقوم بالتدريس للأطفال بشكل تطوعى من خلال إستخدام الأنشطة الفنية فى توصيل المعلومة (تعليم تفاعلى) و أريد أن أتعمق فى هذا التخصص بحيث يمكننى مساعدة الأطفال على تنمية شخصيتهم و زيادة الثقة بالنفس من خلال الأنشطة الفنية
  • أن أكون كاتبة عالمية تترجم مؤلفاتها لكل لغات العام…قولوا إن شاء الله 🙂
  • و مازالت القصة مستمرة…إدعوا لى 🙂

يسعدنى تشريفكم لحفل توقيع كتابى الأولى “إشراقة روح” الصادر عن دار ليان للنشر. حفل التوقيع سيكون أثناء فعاليات معرض القاهرة الدولى للكتاب ال46 لعام 2015 بإذن الله. يوم حفلة التوقيع لم يحدد بعد أرجو أن تتابعونى و سأحيطكم علما بالموعد فور علمى به أتشرف بحضوركم.

هبة-حسنى-كتاب-إشراقة-روح-معرض-القاهرة-الكتاب-2015-مدونة-بحب-مصر

الحمد لله كتابى الأول “إشراقة روح” خرج للنور و هو كتاب تفاعلى يشمل رسومات كاريكاتير و أشعار من تأليفى و يطرح أسئلة مفتوحة على القراء بهدف إحياء عبادة التدبر و التفكر…”نحو علاقة أعمق بالقرآن الكريم”

إشراقة-روح-هبة-حسنى

أحب أعرف آرائكم و تلعيقاتكم على المدونة و يمكننم التواصل معى على: Ba7ebMasrAwy@gmail.com

مع خالص تمنياتى لكم بالصحة و السعادة و التوفيق لكل خير بإذن الله.


21 تعليق

  1. Posted by هند مصطفى on نوفمبر 27, 2010 at 3:38 ص

    قصة حياتك لذيذة جدا يا هوبة لكن ليه حكيتى موضوع طلاقك؟ أنا حاسة إن ديه حاجة خاصة جدا و ميصحش تتقال!!

    رد

    • أشكرك يا هند على تعليقك لكن أحب أوضح لك إن الحالة الإجتماعية لأى إنسان متعتبرش مسألة شخصية بدليل إن السؤال ده بيتسئل عادى جدا فى الإنترفيوهات وعلشان كده حتلاقيهاموجودة فى ال Professional Resume بتاعتى على موقعى الإنجليزى. و من ناحية تانية الإنسان لازم يكون واثق من نفسه و مش المفروض إنه يخجل من ظروفه لإن الطلاق ده حاجة ربنا محللها و أنا حسيت إن مافيش مانع إنى أأقول الحكاية دى بشكل عابر فى سياق قصة حياتى. عارفة لما بكون بتعرف على ناس لأول مرة و بيسألونى عن حالتى الإجتماعية بقولهم إيه؟ بقول: “كنت متجورة و حاليا مكبرة دماغى” 🙂

      رد

  2. Posted by walaa on يناير 21, 2011 at 7:18 م

    شخصيه غريبه ومتفرده وعجيبه ومن عجبى ان احاول دراسه شخصيتك المريبه

    رد

    • يسعدنى إهتمامك بشخصبتى يا ولاء وأنا ممكن أبدو غريبة لناس كتير لكن “مريبة” مأظنش :)لأنى فى منتهى الصدق و الوضوح مبكرهش حاجة فى حياتى قد الزيف و التكلف.
      و أحب أنا كمان أتعرف عليكى يا ريت تعرفينا على نفسك من خلال صفحة “من أنت” أو تبعتى لى إيميل على Ba7ebMasrAwy@gmail.com. مستنية ردك 🙂

      رد

  3. ياهبة الفنون جنون والجنون جزء من العبقرية وانا ارى فيكى عبقرية وطاقة جبارة تحتاج الى تنظيم وتروى ولقد اعجبتنى جدا كلمات بايدينا بكرة احلى المتفائلة لدرجة اننى قمت بتلحينها على سبيل الدندنة بعد اذنك طبعا فانا طبيب وملحن من الاسكندرية دارس طبعا للموسيقى ولى اعمال وبالمناسبة متزوج و عندى طفلين اتمنى لكى النجاح والتوفيق والسعادة دكتور بهاء زكى bahaazaky3@hotmail.com

    رد

    • ألف شكر يا د.بهاء على كلماتك الجميلة و تشجعيك 🙂 و يسعدنى إنى أسمع لحن حضرتك و أنا متأكدة إنه حيكون أكتر من رائع. إن شاء الله حبعت لحضرتك لحضرتك إيميل من Ba7ebMasrAwy@gmail.com علشان نتكلم فى التفاصيل و ألف شكر مرة تانية. تعليق حضرتك أسعدنى جدا 🙂

      رد

  4. هبة انا مبهورة بيكى يا رب ابقى نصفك حتى ربنا يوفقك يا رب انا هتابع دايما معاكى ان شاء الله

    رد

    • ربنا يكرمك يا داليا و ألف شكر على كلامك الجميل 🙂 بس خبرتى فى الحياة علمتنى منبهرش بحد قوى لإن كلنا بشر و أحسن نصيحة أأقدر اديهالك إنك تكونى نفسك..طبعا ممكن تستفيدى بخبرات الآخرين لكن فى النهاية كونى نفسك 🙂

      رد

  5. بجد حاجة تشرف مصر انك تكونى واحدة من بناتها

    ربنا يديم لك النجاح و التميز يا قمر

    رد

  6. Posted by manar on يناير 9, 2012 at 9:58 ص

    كلامك حلو اوي وافكارك مبدعه وبما ان اسمك هبة الله وكل واحد فينا له نصيب من امه فأانتي هبة من الله لكل من يعرفك حقا ولو اني لسه مش منهم واتمنى ان اكون، انتي انسانة موهوبة ومبدعه ومجنونة وهو الابداع ايه غير شوية الجنان اللي بنعمله في حياتنا بس الاجمل انك طموحه وجرئية وبطلة احلامك اتمنى اعرفك عن قرب لأننا باختصار مجانيين زي بعض، على فكرة انا برج الحوت وزي ماانتي عارفة ومش عارفة فعلا انتي عارفة ولا لأ بس معظم الي بينتموا للبرج ده فيهم عرق فني، انجازاتك محل احترام وتقدير لأنك ببساطة ماااستلمتيش لثقافة الخوف وفكرة البنات ما يعملوش كده وعشتي UP TO YOUR POTENTIAL وعقبالي زيك

    سلام مؤقت يا بوب وفي انتظار ردك.

    رد

    • ربنا يكرمك يا منار 🙂 و ألف شكر على كلامك الجميل و كل سنة و إنتى طيبة 🙂 على فكرة أنا برج الدلو يعنى جنبك لزم ههههههههههههههههههه 🙂 و زمان قريت عن الأبراج كتير و عارفة إن برج الحوت من الأبراج الجميلة و ده واضح من تعليقك إللى أسعدنى جدا.
      و مادامنا مجانين زى بعض يا ريت تدينى فكرة أكتر عن طبيعىة “جنانك” فى التعليق 🙂 و لو حابة تاخدى راحتك فى الجنان ممكن تبعتى لى على Ba7ebMasrAwy@gmail.com
      إنت فعلا شوقتينى إنى أتعرف عليكى أكنر و مستنية ردك فى أقرب فرصة 🙂

      رد

  7. Posted by نزار النادي محمد on فبراير 29, 2012 at 7:20 ص

    الابنه الغاليه\ هبــــــــــة اللــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه .. حفظك الله

    تحياتى اليكى واشكرك الصدفه التى عرفتك فيها وانا معك بعد الله وسعيد بتلك الشخصيه الطيبه الخلوقه التلقائيه اهتمى فقط بالنظر الى الامام واعلمى ان النجاح هو الهدوء النفسيى ومحبة الناس انما هى هبة تمنح لاننا نستحقها وادعو الله ان يوفقك ويرعاك وان يتعلم منك بناتنا وابناؤنا وان يتركوا القشور ويدخلوا الى العمق وان يأخذوا امثلة وشواهد على ان المثابره و الجد والاجتهاد انما يوصلون الانسان الى النجاح و السعادة.. تحياتى لابنتى الغاليه هبه .

    رد

    • ألف شكر يا أستاذ نزار. ربنا يكرمك و يجعلنى جديرة بما وصفتنى به من صفات جميلة و أتمنى إن شاء الله إن القراء يستفدوا من أعمالى و تكون ملهمة لهم على طريق السعادة و النجاح بإذن الله 🙂

      رد

  8. قصة غريبة أوى وشخصية مختلفة جدا
    معجب أوى بشخصيتك وبجد صعب الواحد يقابل شخصية أنثوية بالعقل الكبير ده مع احترامى لكل الجنس اللطيف

    رد

  9. Posted by غير معروف on مايو 29, 2014 at 6:04 م

    ما شا الله عليكى ربنا يزيدك مواهب

    رد

  10. Posted by غير معروف on أكتوبر 17, 2015 at 7:41 م

    ربنا يوفقك يارب

    رد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s