أرشيف المؤلف

بإذن الله سأكون ضيفة برنامج “يوم جديد” يوم 2 مارس في حوار عن دارستي للطاقة #المبدعة_الربانية

بإذن الله سأكون ضيفة برنامج “يوم جديد” على قناة النيل الثقافية يوم 2مارس الساعة 9 صباحا.  الحوار حول دراستي للطاقة وتأثيرها الأيجابي في حياتي وكيفية استخدام التأملات وتدريبات الطاقة في تطوير ورشة  سامح نفسك أولا

أتشرف بمتابعتكم وأسالكم الدعاء

#المبدعة_الربانية

أجمل أغاني الحب (1) يا عيون عطشانة عطشانة سهر.. كتروا مالحب تلاقوا في الظلمة ألف قمر #المبدعة_الربانية

 

يا عيون عطشانة.. عطشانة سهر

يا قلوب تعبانة.. تعبانة سفر

كتروا مالحب تلاقوا..

تلاقوا في الظلمة ألف قمر

ربنا يجعل كل أيامنا حب وسلام وسعادة ونور وجمال 🙂

#المبدعة_الربانية

سامح نفسك أولا (3) بالفيديو صورة هتغير حياتك.. “التسامح حرية” #ورشة_سامح_نفسك_أولا #المبدعة_الربانية

نفسك تقدر تسامح نفسك والآخرين بسهولة؟ تقدر بإذن الله..

ممكن صورة تغير حياتك وقصة مؤثرة تخليك تتحرر من كل القيود الوهمية إللي بتخليك مش عارف تسامح نفسك والآخرين..

 

 

دايرة التسامح تكتمل لما نقدر نفهم احتياجتنا واحتياجات الآخرين لذلك أدعوكم لقراءة  مقالة”إزاي تفهم و”تحترم” احتياجاتك؟ “

لينك مؤقت لمشاهدة وتحميل ورشة سامح نفسك أولا: https://www.slideshare.net/HebaHosny6/ss-106323313 جاري الإعداد لمحتوى آخر ورشة بعد تطويرها وإضافة أنشطة فنية ممتعة كالرسم والغناء والاسكتش الكوميدي. أرجو إنكم تشرفوني بمشاهدة الفيديو خلال أيام لتحميل الورشة بعد تطويرها…

في انتظار تعليقاتكم #المبدعة_الربانية

سامح نفسك أولا (2) بالفيديو قيم علاقتك بنفسك مع سكتش “الكباية اتكسرت” #ورشة_سامح_نفسك_أولا #المبدعة_الربانية

 

إيه علاقتك الحالية بنفسك؟ بتقول إيه لنفسك لما تغلط؟ اتفرج على سكتش «الكباية اتكسرت!» واعتبر إنك بتمثل دور لاأم ونفسك هي الطفلة إللي غلطت…انت زي أنهي أم فيهم؟؟

في انتظار تعليقاتكم..

 

فيلم “الضيف” ما له وما عليه! محاولة جادة للنقد البناء.. #المبدعة_الربانية

اتفرجت مؤخرا على فيلم “الضيف”.. الفيلم في مجمله عجبني وكالعادة خالد الصاوي تفوق على نفسه وأحمد مالك قدم دور مميز.. استمتعت جدا بالمشاهد الحوارية الطويلة لأنها  كانت تشبه المناظرات اللي بتعرض الرأي والرأي الاخر ..

وأنا في المجمل متفقة مع كل الأراء اللي طرحها الفيلم من وجهة نظر شخصية خالد الصاوي كممثل للإسلام المعتدل فيما عدا جزئية الحجاب!

الكلام عن إن الحديث المنسوب للرسول عليه الصلاة  والسلام في الحجاب حديث ضعيف ممكن يكون صحيح .. لكن ليه في تجاهل للآيات القرآنية الصريحة اللي أمرت النساء بتغطية الشعر والجسم؟ كل معارضي الحجاب بيتجاهلوا هذه الآيات رغم أن نسبة كبيرة منهم مؤمنين بالقرآن في حد ذاته!

ومنطقهم المقبول أن الإمام  البخاري وغيره من علماء السلف –  مع كامل تقديرنا لعلمهم واجتهادهم – مش معصومين وإننا مينفعش نعيش بعقلية “هكذا الفينا عليها اباءنا” وده كلام مقبول تماما بالنسبة لي. لكن سبحان الله ان منطقهم ده تلاشى في ثانية لما حبوا يتكلموا عن الحجاب وفجأة بقى عدم تحجيب الشيوخ لبناتهم في منتصف القرن الماضي دليل ان الحجاب مش فرض! هو احنا بنقلد الشيوخ وننقاد لهم بشكل أعمى. ولا بنشغل عقولنا؟ اشمعنى مع الحجاب بقيت ممارسات بعض الشيوخ في منتصف القرن الماضي مثل يحتذى ؟!!!

والأهم من كده ايه رأيكم في آيات الحجاب الصريحة في القران؟

سمعت اقاويل غير صحيحة ان الفيلم بيحرف القرآن. ده كلام غلط وغير منصف. الكاتب فيما يتعلق بالحجاب تجاهل الايات القرآنية الخاصة به ولم ينقاشها اطلاقا واكتفى بالكلام عن حديث ضعيف كإن هو  الدليل “الوحيد” على ان الحجاب فرض !!

وعلى فكرة الكاتب ابراهيم عيسى اخته منتقبة وزوجها سلفي وده كلام انا سمعته منه شخصيا فهو إنسان منفتح من وجه نظري وبيعجبني فيه حبه الشديد للغة العربية وعلشان كده اذا قابلته مرة هسأله عن رأيه في الآية الكريمة “وليضربن بخمرهن على جيوبهن”.  الخمار يعني غطاء الرأس في اللغة العربية.. واللام لام الأمر..فياترى هو فاهم الآية دي إزاي؟

بعيدا عن هذا الأمر الكاتب قر ببراعة يفسر إزاي بنت خالد الصاوي في الفيلم -رغم تربيتها المنفتحة _ انجذبت لأحمد مالك رغم تشدده.. البنت قالت لوالدتها إن الحرية الشديدة إللي أهلها قدموهالها كانت “عبء” شديد عليها فكانت محتاجة حد يديها توجيهات مباشرة…

فعلا التبعية سهلة والحرية مرهقة للعقل والفكر لكن الحرية هي نعمة أجل نعم الله سبحانه وتعالى علينا ولولاها لما كان هناك أي معنى أو منطق لوجود الجزاء في الآخرة…الحرية مرهقة ولها ثمن يدفعه طواعية كل إنسان “اختار” ألا ينقاد للمألوف.  (الجملة الأخيرة دي تأمل من عندي ملوش دعوة بالفيلم لكن أعجبت ببراعة إبراهيم عيسى إنه يوجد مبرر مقنع لانجاذب فتاة منفتحة لشاب متشدد.)

أرجو في النهاية أن يكون عندنا سعة صدر للنقاش الراقي والرد على الحجة بالحجة زي ما انا عملت في حدود علمي المتواضع .. اي دعاوي بتكفير ابراهيم عيسى أو منع الفيلم تعتبر جمود وحكر على حرية الرأي خصوصا ان الفيلم لم يحرف القرآن إطلاقا .

وختاماً أرجو إن اللي مشافوش الفيلم “ميستسهلوش” ويصدروا حكم غيابي على حاجة مشافوهاش..

في انتظار تعليقاتكم…

#المبدعة_الربانية

سامح نفسك أولا (1) إزاي تفهم و”تحترم” احتياجاتك؟ #ورشة_سامح_نفسك_أولا #المبدعة_الربانية

كل فكرة وإحساس وشعور وكلام وسلوك مهما بدا سيئا دايما بيكون وراه احتياج مشروع جدا..

على سبيل المثال الحرامي لما بيسرق بيكون عنده احتياج مشروع إنه يكون معاه فلوس لكن لما “بيختار” إنه يسرق بيكون مقتنع إن السرقة هي الطريقة “الوحيدة” إللي يقدر يلبي بيها احتياجه..

في فرق كبييييير بين الاحتياج ووسائل تحقيقه..

الاحتياجات محايدة ومشروعة تماما ومينفعش نتجاهلها أو نلوم نفسنا عليها.. إنما علينا إننا نختار وسائل مشروعة لتلبية هذه الاحتياجات..
إيه علاقة كل ده بالتسامح بصفة عامة؟ وبإنك تقدر تسامح نفسك أولا؟

العلاقة إن أي سلوك صدر منك فيه إسائة لنفسك أو للآخرين كان وراه احتياج مشروع.. فمهم جدا علشان دايرة التسامح تكمل إنك تفهم إيه الاحتياج المشروع إللي كان ورا سلوكك ده علشان تقدر تحققه بطرق تانية إيجابية وبناءة.

مثال: إدمان وسائل التواصل الاجتماعي مشكلة مضايقة ناس كتير لكن هي في الحقيقة وراها احتياج للتواصل… فبدل ما نفضل نلوم نفسنا على الجلوس فترات طويلة على مواقع التواصل علينا إننا “نحترم” احتياجنا للتواصل وبدأ نكون علاقات اجتماعية تناسبنا وتلبي احتياجتنا…

علشان كده إدراك الاحتياجات مهم جدا للقدرة على التسامح وتجاوز الأحداث المؤلمة في الحياة..

مثال آخر: إنسان عانى طول حياته من قسوة آبائه إزاي يقدر يسامحهم تماما؟
لا يكفي إن الإنسان يقول لنفسه إن أهلي كان نتيهم كويسة وعملوا إللي يقدروا عليه.. الكلام ده صحيح بالفعل لكن احتياج ها الإنسان للشعور بالحب والأمان لازم يتلبى..

وبالتالي الإنسان الواعي هو إللي بيربط كل أفكاره ومشاعره وسلوكياته (تجاه نفسه والآخرين ) باحتياجاته المشروعة..

إذا كانت الأفكار أو المشاعر أو السلوكيات متفقة مع قيمه يبقى يستمر عليها لإنه “بيحترم” احتياجاته وإذا مكانتش متفقة مع قيمه يشوف وسائل تانية لتلبية احتياجاته وساعتها هيقدر يحقق التوازن في حياته وهيقدر يسامح نفسه والآخرين والأروع كمان إنه هيقدر يفهم احتياجات الآخرين إللي بتكون السبب في سلوكياتهم تجاهه فهيكون سهل جدا عليه إنه يسامحهم ويعذرهم..

أول وأهم خطوة لاكتمال دائرة التسامح هي:إدراك الاحتياجات

هذه القائمة تعرض حصر لأهم الاحتياجات الإنسانية يمكنك الرجوع لها دائما علشان تفهم نفسك وتفهم الآخرين بعمق وتعيش حياة كلها حب وجمال وتسامح بإذن الله 🙂

في انتظار تعليقاتكم…

يسعدني تقديم ورشة “سامح نفسك أولا…” بعد تطويرها يوم 29 ديسمبر بإذن الله #المبدعة_الربانية

بفضل الله وتوفيقه يسعدني تقديم ورشة “سامح نفسك أولا…” للمرة الرابعة – بعد تطويرها وإضافة فقرات فنية تفاعلية – في مركز ونس لفنون والتنمية يوم السبت 29 ديسمبر بإذن الله الساعة 2 – 5 مساء بإذن الله. (عنوان المركز بالأسفل)

*** إضغط على الصورة لمتابعة الإيفنت على الفيس بوك *** 

كلنا نعلم أهمية التسامح لتحرير أرواحنا ولسلامنا الداخلي لكن كيف نحقق التسامح في حياتنا؟

ورشة “سامح نفسك أولا…” ستجيب عن ثلاثة أسئلة هااامة في ثلاثة مراحل متدرجة للوعي:
أولا كيف نسامح أنفسنا والآخرين بشكل عميييق بحيث نتعافي تماما من أي تجربة مؤلمة؟

ثانيا كيف نصل لمرحلة من الإرتقاء الروحاني بحيث لا يكون للمؤثرات الخارجية أي تأثير سلبي علينا؟ (بالبلدي يعني لو نورك جواك مين يقدر يطفيك؟ وإذا مفيش حاجة قدرت تضايقك مش هتحتاج تسامح أساسا 🙂 )

ثالثا كيف نتسامح مع أقدار الله وحكمته العليا؟ وكيف نفهم قوانين لعبة الحياة فنكون دائما من الفائزين؟


إزاي نقدر نتدرج ونوصل لهذه المراحل الرائعة من الوعي؟🤔 سؤال جميل…شرفوني في الورشة وانتوا تعرفوا الإجابة  🙂


لتمام الاستفادة من الورشة أنصح من سيشرفونني بالحضور بالمشاركة الفعالة في جميع التدريبات والأنشطة العملية…

هذه المرة أعدكم بمفاجئات وأنشطة تفاعلية فنية تمت إضافتها للورشة لأول مرة…

السعر: الورشة مجانية المطلوب فقط استثمار 30 جنيه كإيجار للمكان.

أتشرف بحضوركم ومتابعتكم وأسئلكم الدعاء… 🙏
#المبدعة_الربانية

عن المدربة:

من أنا في سطور…
هبة الله حسني – التي تعتز بلقب “المبدعة الربانية” – هي كاتبة ومدربة ورسامة كاريكاتير فضلا عن شغفها بممارسة كل أنواع الفنون. صدر لها كتاب “إشراقة روح 1” ضمن سلسلة كتب “إشراقة روح” وهي أول سلسلة لكتب تفاعلية توظف التنمية البشرية والكاريكاتير والشعر فى التعمق فى فهم ودارسة آيات القرآن الكريم.
كما قامت بنشر كتاب باللغة الأنجليزية “Read My Pook, Beoble!” على موقع “أمازون” وعلى منصة “كتبنا”.
وقدمت ورش تدريبية في مجالات متنوعة منها الثقة بالنفس والتفكير الإيجابي ومهارات التواصل وحصلت على عدة جوائز فنية وأدبية بتوفيق الله.

يمكنكم الإطلاع على كتبي وتحمليها من خلال هذا الرابط:

أتشرف بحضوركم ومتابعتكم وأسألكم الدعاء…

#المبدعة_الربانية

عن المكان:
ونس .. ساحة ثقافية فى مصر الجديدة .. تنظم و تستضيف العديد من الفعاليات و الأنشطة التى تهتم بتطوير و تنمية الإنسان و المجتمع من فنون و آداب.
ونس للفنون و التنمية – 8 عثمان ابن عفان خلف كنيسة البازيليك و قرب فندق بيروت – أمام راديو شاك – الدور الثالث – مصر الجديدة.
تليفون: 01098731577
بريد اليكترونى: wanas.egy@gmail.com