Archive for the ‘أغانى من تأليفى’ Category

سامح نفسك أولا (3) بالفيديو صورة هتغير حياتك.. “التسامح حرية” #ورشة_سامح_نفسك_أولا #المبدعة_الربانية

نفسك تقدر تسامح نفسك والآخرين بسهولة؟ تقدر بإذن الله..

ممكن صورة تغير حياتك وقصة مؤثرة تخليك تتحرر من كل القيود الوهمية إللي بتخليك مش عارف تسامح نفسك والآخرين..

 

 

دايرة التسامح تكتمل لما نقدر نفهم احتياجتنا واحتياجات الآخرين لذلك أدعوكم لقراءة  مقالة”إزاي تفهم و”تحترم” احتياجاتك؟ “

لينك مؤقت لمشاهدة وتحميل ورشة سامح نفسك أولا: https://www.slideshare.net/HebaHosny6/ss-106323313 جاري الإعداد لمحتوى آخر ورشة بعد تطويرها وإضافة أنشطة فنية ممتعة كالرسم والغناء والاسكتش الكوميدي. أرجو إنكم تشرفوني بمشاهدة الفيديو خلال أيام لتحميل الورشة بعد تطويرها…

في انتظار تعليقاتكم #المبدعة_الربانية

“عاشقة سارحة في الملكوت” – رسالتي في الحياة مستوحاه من تتر مسلسل خاتم سليمان #المبدعة_الربانية

غيرت كلمات أغنية تتر مسلسل خاتم سليمان من سنة 2016 علشان تعبر عن رسالتي في الحياة ووقتها غنيتها على اليوتيوب وقررت إنها تكون أول أغنية أغنيها على ساوند كلاود. إن شاء الله كلماتها تعجبكم وتكون مصدر إلهام لكم…

عاشقة سارحة فى الملكوت
برسم على أشجار وبيوت
شمعة تنور ليل حيران
كلمة تصحى أمل بيموت

قلبى بيبرق زى الماس
ولا أملك غير الإحساس
ححفر فى الصخر بأحلامى
وحفرح قلوب الناس

بايعة قلبى للإللى يحبه
ومعنديش فى الحب شروط
عاشقة سارحة فى الملكوت
برسم على أشجار وبيوت

طير فى السما ومليش عنوان
وفى إيدى خاتم سيلمان
أنا عايزة بالضحكة أغير
وأطيب كل الأحزان

عايشة الحلم كإنه حقيقة
حاضناه فى قلبى فى كل دقيقة
الصحرا هخضرها بفنى
بقلب وفطرة طفلة بريئة

حجرى أوام وأسبق أحلامى
والكون حيغنى ألحانى
قلمى وريشتى شراع فى سفينتى
حوصل شطى بنور الله

عاشقة سارحة فى الملكوت
برسم على أشجار وبيوت
شمعة تنور ليل حيران
كلمة تصحى أمل بيموت

 

في انتظار تعليقاتكم 🙂
#المبدعة_الربانية

كلمتين وبس لكل بنت بمناسبة #اليوم_العالمى_للمرأة “كونى حرة” و “اصطادى حلمك”…#المبدعة_الربانية

8 مارس هو اليوم العالمى للمرأة كل سنة وكل إمرأة على وجه الأرض حرة وسعيدة ومحققة ذاتها …

عندى كلمتين وبس لكل إمرأة “كونى حرة” و “اصطادى حلمك

كونى حرة

مهما كانت ظروفك فانت تقدرى تكونى حرة باختيارك وإرادتك الكاملة.. الحرية اختيار … حتى لو كنت مسجونة ورا أسوار … سواء كانت أسوار حقيقية أو كانت أسوار العرف الذكورى والتقاليد المتخلفة …انتى تقدرى تصنعنى حريتك بإيدك …

مين يقدر يمنعك من الحلم؟ مين يقدر يلجَّم حصان خيالك؟ … حريتك اختيارك مهما كانت ظروفك…

ليه أنا طلبت منك تكونى حرة؟

لإن الحرية هى الطريق الوحيدة للسعادة الحقيقية…

و السعادة تحقق بالشجاعة وقمة الشجاعة هى الصدق مع النفس..

خلينى أديكو مثل عملى …واحدة صاحبتى متخصصة فى علم اتفس حكيت لى إنها تعرفت على حالة بنت كانت بتلبس الحجاب علشان خايفة من التحرش لكنها كانت ضعيفة من جواها … وبالتالى حجاب جسدها مقدرش يحجب ضعفها فكانت فريسة سائغة لكل من أراد التحرش بها لغاية ما استجمعت شجاعتها فى لحظة تمرد اتحررت فيها من ضعفها وخدت موقف حاسم من أحد المتحرشين بها…من ساعتها تحول ضعفها لقوة تردع أى حد يفكر مجرد التفكير إنه يسىء لها.

عارفين البنت دى عملت إيه أول ما بقيت قوية؟ خعلت الحجاب…

رغم إن أنا محجبة ومعتزة بحجابى إلا إنى قلت لصحابتى إنى معجبة جدا بالنبت دى…عارفين ليه؟ ولإنها كانت صادقة مع نفسها وفاهمة إنها كانت لابسة الحجاب لأسباب غلط …فخدت قرار حر جرىء إنها تقلعه…البنت دى إذا قررت تتحجب فى المستقبل حتكون خدت القرار لأسباب صح…

ربنا خلقنا أحرار ورغم إنه أرسل رسوله عليه السلام لهداية الناس فقد وجه لرسوله الكريم استفهام استنكارى فى قوله تعالى: “…أَفَأَنتَ تُكْرِهُ النَّاسَ حَتَّىٰ يَكُونُوا مُؤْمِنِينَ– يونس 99

كونى حرة” فى حياتك وفى قراراتك وتحملى مسؤولية قراراتك …وكونى شجاعة وصادقة مع نفسك فى إنك تصلحى مسارك إذا لقيتى نفسك ماشية فى طريق مش حيسعدك…المهم إنك تاخدى قرارك بحرية.

وعلشان تكونى حرة لازم تكونى حقيقية…كونى حقيقية…كونى نفسك…

 

رحلتى المضنية فى البحث عن الحرية خلتنى أدركت إن التحرر الحقيقى هو التحرر الروحانى .. أن أكون حرة بالله ولله وفى الله…ربنا بيحبنا حب غير مشروط…وهو خالقنا والأعلم بنا…فأنا مش بعتبر أوامره ونواهيه قيود ولكن بعتبرها حب ورعاية وهداية…

أحرص على طاعة ربى بحب قدر الاستطاعة

فإذا كلت همتى أو قصرت فى الطاعة

أستغفر ربى الودود بيقين وضراعة

فيستجيب المجيب ويغفر الغفور

ويرحم الرحمن فى لحظة وضّاءة

فأعود لأحلق فى سماء الحرية

وقد زكت نفسى وصارت توّاقة

لنور ربى يملأ النفس إشراقة

أنا مكنتش شايفة المعانى المضيئة طول حياتى لكنى كنت صادقة فى البحث عن الحرية…فلو انتى كمان اخترتى تكونى حرة مهما كانت ظروفك أكيد رحلتك حتاخدك لأروع مكان…إتفقنا؟ 🙂

إصطادى حلمك

حياة الإنسان بيكون لها معنى جميل لما يكون عارف حلمه ورسالته فى الحياة ويسعى لتحقيقه…

أنا اخترت إن رسالتى فى الحياة تكون: “استخدام القوة الشافية للفن فى إثراء حياتى وحياة الآخرين.

وقررت إن ده حلمى الكبير وعلشان أحقق حلمى لازم أصطاده…

ألفت غنوة تعبر عن رسالتى مستوحاه من تتر مسلسل “خاتم سليمان” تأليف الكاتب الروحانى محمد الحناوى

عاشقة سارحة فى الملكوت
برسم على أشجار وبيوت
شمعة تنور ليل حيران
كلمة تصحى أمل بيموت

قلبى بيبرق زى الماس
ولا أملك غير الإحساس
ححفر فى الصخر بأحلامى
وحفرح قلوب الناس

بايعة قلبى للإللى يحبه
ومعنديش فى الحب شروط
عاشقة سارحة فى الملكوت
برسم على أشجار وبيوت

طير فى السما ومليش عنوان

وفى إيدى خاتم سيلمان
أنا عايزة بالضحكة أغير
وأطيب كل الأحزان

عايشة الحلم كإنه حقيقة
حاضناه فى قلبى فى كل دقيقة
الصحرا حخضرها بفنى
بقلب وفطرة طفلة بريئة

حجرى أوام وأسبق أحلامى
والكون حيغنى ألحانى
قلمى وريشتى شراع فى سفينتى
حوصل شطى بنور الله
عاشقة سارحة فى الملكوت
برسم على أشجار وبيوت
شمعة تنور ليل حيران
كلمة تصحى أمل بيموت

من كتر حبى فى الغنوة دى مكنتش قادرة أشيل لحنها من دماغى لدرجة دى تانى مرة أغير كلمات أغنية تتر مسلسل “خاتم سليمان”. المرة الأولى ألفت أغنية بتتكلم عن الإدمان إسمها “تايه ضايع” وهى موجودة فى كتابى “إشراقة روح 1” فى فصل بعنوان “هل عقبتك إدمانك؟”

مطلع أغنية “تايه ضايع”:

تايه ضايع فى الدخان

يسدور فى حطام بركان

على شمعة ينور بيها وهمهه

على سجنه إللى ملوش سجان…إضغطوا على الصورة أو اللينك علشان تحملوا الكتاب وتعرفوا بقية الأغنية…

 

لينك تحميل كتاب “إشراقة روح 1”:

 http://kotobna.net/Book/Details?bookID=816

سلسلة كتب “إشراقة روح” هى أول سلسلة لكتب تفاعلية توظف الكاريكاتير والشعر والتنمية البشرية فى التعمق فى فهم ودارسة آيات القرآن الكريم. وهذا الكتاب هو الأول فى هذه السلسلة: إشراقة روح (1) – تأملات فى قوله تعالىفلا اقتحم العقبة” – نحو علاقة أعمق بالقرآن الكريم.

كتاب-إشراقة-روح-هبة-الله-حسنى-صورة

فيديو “عاشقة سارحة فى الملكوت” رسالتى فى الحياة مستوحاه من تتر مسلسل خاتم سليمان

الحمد لله من كام يوم كنت فى لقاء مع أصدقاء ليا مهتمين بالتنمية البشرية والمحاضر قال: “إن الإنسان لازم ينظف قلبه علشان رسالته فى الحياة تنطبق مع الغاية إللى ربنا سبحانه وتعالى خلقه علشانها فى الأرض” ..وفجأة سأل: “حتعملوا إيه علشان تنظفوا قلوبكم؟”

فأنا لقيت نفسى بغنى “قلبى بيبرق زى الماس ولا أملك غير الإحساس” وده جزء من تتر مسلسل “خاتم سليمان”. المسلسل وكلمات التتر من تأليف الكاتب المبدع محمد الحناوى ويطلق عليه عن جدراة لقب الكاتب الروحانى. فقررت فى ساعتها إنى أعبر عن رسالتى فى الحياة بغنوة تكون مستوحاه من الغنوة الرائعة دى ورحت مألفاها بعد المحاضرة على طول. سبحان الله الملهم. يا رب تعجبكم 🙂
عاشقة سارحة فى الملكوت
برسم على أشجار وبيوت
شمعة تنور ليل حيران
كلمة تصحى أمل بيموت

قلبى بيبرق زى الماس
ولا أملك غير الإحساس
ححفر فى الصخر بأحلامى
وحفرح قلوب الناس

بايعة قلبى للإللى يحبه
ومعنديش فى الحب شروط
عاشقة سارحة فى الملكوت
برسم على أشجار وبيوت

طير فى السما ومليش عنوان

وفى إيدى خاتم سيلمان
أنا عايزة بالضحكة أغير
وأطيب كل الأحزان

عايشة الحلم كإنه حقيقة
حاضناه فى قلبى فى كل دقيقة
الصحرا حخضرها بفنى
بقلب وفطرة طفلة بريئة
حجرى أوام وأسبق أحلامى
والكون حيغنى ألحانى
قلمى وريشتى شراع فى سفينتى
حوصل شطى بنور الله
عاشقة سارحة فى الملكوت
برسم على أشجار وبيوت
شمعة تنور ليل حيران
كلمة تصحى أمل بيموت

من كتر حبى فى الغنوة دى مكنتش قادرة أشيل لحنها من دماغى لدرجة دى تانى مرة أغير كلمات أغنية تتر مسلسل “خاتم سليمان”. المرة الأولى ألفت أغنية بتتكلم عن الإدمان إسمها “تايه ضايع” وهى موجودة فى كتابى “إشراقة روح 1” فى فصل بعنوان “هل عقبتك إدمانك؟”

مطلع أغنية “تايه ضايع”:

تايه ضايع فى الدخان

يسدور فى حطام بركان

على شمعة ينور بيها وهمهه

على سجنه إللى ملوش سجان…إضغطوا على الصورة أو اللينك علشان تحملوا الكتاب وتعرفوا بقية الأغنية…

 

لينك تحميل كتاب “إشراقة روح 1”:

 http://kotobna.net/Book/Details?bookID=816

سلسلة كتب “إشراقة روح” هى أول سلسلة لكتب تفاعلية توظف الكاريكاتير والشعر والتنمية البشرية فى التعمق فى فهم ودارسة آيات القرآن الكريم. وهذا الكتاب هو الأول فى هذه السلسلة: إشراقة روح (1) – تأملات فى قوله تعالىفلا اقتحم العقبة” – نحو علاقة أعمق بالقرآن الكريم.

كتاب-إشراقة-روح-هبة-الله-حسنى-صورة

فيديو خزعبلات عبقرية (2) أهدى أغانى الفنانة ماجدة الرومى لجيتارى الحزين “جوجو” :-(

 

 أنا عم بحلم ليل نهار…ليل نهار

إنى أتقنت الجيتااار …

بنغماته و بكورداته…

و تجب إيديا الأوتااااار

..أنا عم بحلم 🙂

غيرت كلمات أغنية “أنا عم بحلم” للفنانة ماجدة الرومى لتعبر عن أحلامى مع جيتارى الحزين المهجور جوجو 😦 صدق إللى قال المعاناة تصنع الإبداع!

و لم أكتف بهذا القدر غيرت كلمة واحدة بس من أغنية “عم يسألونى عليك الناس” شوفوا الفيديو علشان تعرفوا هى إيه 🙂

انا كده بحب أعمل تشويق و علشان الخزعبلات العبقرية تكمل إسمحوا لى أهديكم “ألسع” فيديو فى تاريخى اليوتوبى على الإطلااااااق:
خزعبلات عبقرية (1) – لو حكينا يا جيتارى نبتدى منين الحكاية؟ #لسعان_آخر_حاجة

ردى على أحداث الطائرة الروسية: بالفيديو على صوتك بالدعا…ياااا رب إحفظ مصرنا #تحيا_مصر

أغنية “على صوتك بالدعا” مستوحاه من أغنية الفنان محمد منير “على صوتك بالغنا”

على صوتك بالدعا
يا رب إحفظ أرضنا
و لسه يا ما يا ما يا ما يا مصرنا
على صوتك على صوتك بالدعا
أيوة الإجابة ممكنة ممكنة
دى دعوتك وسط الجموع
تهز قلب اليل فرح
تداوى جرح إللى إنجرح…إللى إنجرح
تحلم؟ أحلم
حوه قلبى أحلم..
جوه قلبى… جوه قلبى… أحلم
و ينشبك حلمك فى حلمى
جوه قلبى… جوه قلبى… أحلم
و لا إنهزام و لا إنكسار
و لاخوف و لا ولا حلم نابت فى الخلا فى الخلا
على صوتك على صوتك بالدعا
يا رب إجمع شملنا شلمنا
على صوتك على صوتك بالدعا
يا رب حقق حلمنا حلمنا
على صوتك على صوتك بالدعا
يا رب إنصر مصرنا مصرنا مصرنا

تحيا-مصر

بعد ما دعينا لمصر من قلبنا جه وقت العمل:
أولا كل مصرى عليه يعمل بجد و إجتهاد و يسعى للتميز فى مجال تخصصه و إذا قدرت تعمل عمل تطوعى يبقى خير جدا خصوصا الأعمال إللى فيها بناء للإنسان و نشر للعلم النافع زى إنك تدى كورسات تطوعية فى مجال تخصصك أو تساهم فى محو الأمية أو تساعد طلبة فى المذاكرة و هكذا
ثانيا  بلدنا أولى بينا فإذا كان فى مخطط خارجى لضرب السياحة فى مصر إحنا نشيلها و الكام رحلة إللى أنا رحتهم فى الشهور  إللى فاتت كانوا فوق الروعة منهم رحلة زى رحلة بارليف و تبة الشجرة و النصب التذكارى للجندى المجهول.
فبغض النظر عن الوضع الحالى ياريت كلنا ندعم السياحة الداخلية و بقترح إن كل حد فينا يعمل خطة لبعيدة المدى لزيارة مصر كلها منها نشوف جمالها بلادنا و منها ندعم قطاع السياحة إللى محتاج دعم شدييييد
ثالثا يكون عندنا وعى بالظروف الخارجية المحيطة بينا و نعرف إن مصر مستهدفة و كمان نتعلم إزاى نواجه الحروب النفسية و حروب الجيل الرابعإللى مصر بتتعرض لها.
أنا على يقين إننا إذا حققنا ال 3 نقط دول مصر حتكون من أعظم دول العالم فى فترة قصيرة بإذن الله…تحيا مصر
فى إنتظار تعليقاتكم  🙂
الجفرى

 

فيديو إضحك فكر (6) كوكتيل أغانى كوميدية من تأليفى :) #صهللة

لينك بلاى ليست مجموعة فيديوهات برنامج “إضحك فكر”

فيديو أغنية “تعالوا نقوم الليل إللى إحنا ماقمناهوش” #رمضان_كريم

رمضان على الأبواب علشان كده بفكر نفسى و بفكركم إننا لازم نبتدى نجتهد فى العبادة  خصوصا قيام الليل أتمنى الأغنية تعجبكم و تلهمكم و أسألكم الدعاء

تعالواااا تعالوا نقوم الليل إللى إحنا ماقمناهوش

تعالواااا ده الليل بينادى علينا طب ليه منسهروش

إيه أجمل مننا لو نعبد ربنا

(الجزء إللى فات من الغنوة سمعته قبل كده و بقية الغنوة ربنا فتح عليا بكلماتها. الأغنية أصلا أغنية عاطفية مش فاكرة من كان بيغينها 🙂 هو ده تفاعل الفنان  ساعات نفتكر اللحن و ننسى الباقى! سبحان الله )

و نصلى فرضنا تانى مرة مننساهوش

حنسيب كل البشر بكلامهم و الملام

و نصحى فى السحر نعبد رب الأنام

يغفر ذنبا… و يرضى عننا

و الجنة تضمنا … و نعيمها منسيبوش

تعالواااا تعالوا نقوم الليل إللى إحنا ماقمناهوش

تعالواااا ده الليل بينادى علينا طب ليه منسهروش

إيه أجمل مننا لو نعبد ربنا

و نصلى فرضنا تانى مرة مننساهوش

 

إلهمنى شكرا (5) – فيديو كاريكاتير و أغنية “تايه ضايع” مهداه لمدمنى السجاير و المخدرات و الإنترنت و…

 

أغنية “تايه ضايع” من كلماتى على نفس الجملة اللحنية لأغنية تتر مسلسل “خاتم سليمان”

تايه ضايع فى الدخان

بيدور فى حطام بركان

على شمعة ينور بيها وهمه

على سجنه إللى ملوش سجان

يجرى عليها بشوق و حماس

نفس ورا نفس…هربوا الأنفاس

و بيغرق فى بحور دخانه

بعد ما مات جواه الإحساس

فوق و إتحرر من دخانك

ده بيسرق عمرك و أمانك

ربك قالك إنت أمانة

صونها عيش حر و إنسان

تايه ضايع فى الدخان

بيدور فى حطام بركان

على شمعة ينور بيها وهمه

على سجنه إللى ملوش سجان

 

anti-smoking-cartoon-كاريكاتير-التدخين-مدمن

أنا ألفت الغنوة قبل الكاريكاتير و ده يفسر سجن أعقاب السجاير و الشمعة إللى فى الرسمة. فى إنتظار تعليقاتكم 🙂

فيديو أهدى أغنية “الناس الطيبيين” لشعب مصر العظييييييم – أين المولوتف أيها الأشنخ؟! ههههههههه

أهدى أغنية “الناس الطيبيين” لشعب مصر العظيم. 

أين المولوتوف أيها الأشنخ؟ حتعرفوا لما تشوفوا الفيديو 🙂

فى ناس الخير ماليها

تشوفها تجرى عليها
تشفيك لمسة إيديها
دول ناسنا الطيبين
تديك و جيبها فاضى
تتعب و القلب راضى
تغسل أحزان و ماضى
دول ناسنا الطيبين
الله على نور عيونهم
و دفا الحب إللى بينهم
ملناش بركة غيرهم
دول ناسنا الطيبين
فى ناس الخير ماليها
تشوفها تجرى عليها
تشفيك لمسة إيديها
دول ناسنا الطيبين
عرفتوا يبقوا مين؟
تشفيك لمسة إيديها
دول ناسنا الطيبين
عرفتوا يبقوا مين؟
دول ناسنا الطيبين
قولولى هما مين؟
عم محمد و أمين
و جرجس و إسماعين
من كل ملة و دين
دول ناسنا الطيبين

فى إنتظار تعليقاتكم 🙂

فيديو كاريكاتير غنائى “خلى الوداع من غير قلل!” هههههههههه

 

 

 

إذا لم يكن متصفحك يدعم مشاهدة الفيديو على هذه الصفحة إضغط هنا لتشاهده على اليوتوب

أهم ما تضمنه الفيديو:

* الأغنية نموذج لإستخدام الكاريكاتير الغنائى تعليميا

* بلاى ليست فيديوهات التعليم بالإضحاك http://www.youtube.com/playlist?list=PLC1D8C575FC9300DA

* كلمات الغنوة: (مع الإعتذار لموسيقار الأجيال محمد عبد الوهاب)

بلاش تضربنى فى عنيا ده الورم فى العين يزرق

يمكن حقوقى ترجع ليا و البوليس معاك يحقق!

خلى الوداع من غير قلل علشان خايفة يجيلى حول 😥

خلى الوادع من غير قلل ده إنت باين عليك خلل!

و بلاش تضربنى فى عنيا :'(“

4

فيديو أقصر الطرق للسعادة فى الدنيا و الآخرة :) إستعدوا للإنبهار!

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب

أهم ما تضمنه الفيديو:

http://www.Ba7ebMasr.com/ – هبة حسنى. ما هى أقصر الطرق لسعادة الدنيا و الآخرة؟
• السعادة هى الهدف الأول لكل إنسان صغير أو كبيرا
• صدق أو لا تصدق! أثبتت الأبحاث أن التفوق أكثر شئ يجلب السعادة للأطفال (و الكبار)! التفوق هنا بمعنى تحقيق الذات مش لازم التفوق الدراسى : ( خصوصا فى تعليم زى بتاعنا نسال الله السلامة ههههههههه بس إن شاء الله الأمور بعد الثورة
• كل إنسان محتاج يشعر بالإنجار ليحقق السعادة الحقيقية
• سر السعادة فى الدنيا و الآخرة هى وضع أهداف “ذكية” . إختار هدف واحد يحقق فوائد كتيرة و “ركز” عليه. أمثلة:
o التركيز على الخشوع فى الصلاة بيصلح يومك كله و يساعدك على التخلص من نقط ضعفك. “إن الصلاة تنهى عن الفحشاء و المنكر”
o إخلاص النية لله يجعلك لا تحتاج أن تتعلم الصبر على مضايقات الآخرين لن الإخلاص يجعلك لا تبالى برأيهم من الأساس
o سنة البكور تحقق لك البركة فى الوقت و طاعة الرسول عليه السلام
o “رب هب لى الشجاعة لتغيير ما أستطيع تغييره و السكينة لقبول ما لا أستطيع تغييره و الحكمة اللازمة للتفريق بينهما” . الإنسان العاقل يغير نفسه و ليس الآخرين أو الظروف.
o عامل الآخرين بطريقة تخرج منهم أجمل ما فيهم
o أمثلة طريفة من اليوتوب 🙂 و أحب أأقول لأى حد بيغنى على اليوتوب و بيجليه تعليقات سيئة “نادرا” زى حالاتى إن مفيش قانون يمنع الجمايس إنها “تنعر!” على اليوتوب و إللى مش عاجبه يدوس ستوب هههههه
o أغنية “نقدر؟ طبعا نقدر!” من تأليفى من مسرحية غابة من أون لاين https://ba7ebmasrbegad.wordpress.com/2011/12/19/%D8%A3%D8%BA%D8%A7%D9%86%D9%89-%D9%85%D8%B3%D8%B1%D8%AD%D9%8A%D8%A9-%D8%BA%D8%A7%D8%A8%D8%A9-%D8%A3%D9%88%D9%86-%D9%84%D8%A7%D9%8A%D9%86-%D9%85%D9%86-%D8%AA%D8%A3%D9%84%D9%8A%D9%81%D9%89-3/

o 30 أبريل آخر موعد لتقديم الشعر الغنائى لمسابقة بإيدينا بكرة أحلى

https://ba7ebmasrbegad.wordpress.com/2010/10/23/%D9%85%D8%AD%D8%AA%D8%A7%D8%AC%D8%A9-%D9%85%D9%84%D8%AD%D9%86-%D9%84%D8%A3%D8%BA%D9%86%D9%8A%D8%A9-%D8%A8%D8%A5%D9%8A%D8%AF%D9%8A%D9%86%D8%A7-%D8%A8%D9%83%D8%B1%D8%A9-%D8%A3%D8%AD%D9%84%D9%89/

أسألكم الدعاااااااء 🙂

فيديو عشرة غربى على الجيتار بصوتى حول موقع التعليم بالإضحاك الإنجليزى و سؤال عااااجل للعازفين من فضلكم :)

هذا الفيديو أعرض فيه أغنية غربى غيرت كلماتها علشان أعمل برمو لموقع التعليم بالإضحاك الإنجليزى: http://www.FunEduPro.com/

إذا لم يكن متصفحك يدعم مشاهدة الفيديو على هذه الصفحة إضغط هنا لتشاهده على اليوتوب

لدى سؤالين لعازفى الجيتار:
1- كيف أتقن الكوردات بسرعة؟
2- لما إيدى توجعنى أبطل عزف و لا أكمل؟

ألف شكر مقدما على تعاونكم 🙂

فيديو التعليم بالإضحاك (2) – إستخدام الأغانى و الصور تعليميا

سلسلة فيديوهات التعليم بالإضحاك هى دعوة للتعاون مع المدربين و التربويين فى جميع التخصصات و الأعمار لإضافة عنصر الإمتاع للتعليم بإستخدام الكاريكاتير و الإسكتش الكوميدى و الغناء و الصور.

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب.

روابط لها صلة بالفيديو:

* فيديو التعليم بالإضحاك (1) – إستخدام الإسكتشات الكوميدية تعليميا و يشمل أيضا خبرتى السابقة فى هذا المجال و أبحاث و دراسات تؤكد فوائد التعليم بالفن: http://www.youtube.com/watch?v=uCS5bLD1jCI

* كلمات أغنية البانجو علينا غالى:https://ba7ebmasrbegad.wordpress.com/2010/09/07/%D8%A7%D9%84%D8%A8%D8%A7%D9%86…

* نماذج من خبرتى السابقة فى الشعر الغنائى و تشمل أغانى ألفتها لفرقة المسرح العربىhttp://www.youtube.com/watch?v=2yORBWjhO4E

 فى إنتظار تعليقاتكم 🙂

فيديو شكر و عرفان لفريق المسرح العربى لإتاحة الفرصة لى لتأليف بعض أغانى مسرحية “غابة أون لاين”

هذا الفيديو تعبير بسيط منى عن شكرى و إمتنانى لفرقة المسرح العربى لإتاحة الفرصة لى لتأليف أربع أغانى لمسرحية “غابة  أون لاين” و هى مسرحية غنائية إستعراضية للأطفال (الأغانى موجودة فى مصنف أغانى تم عرضها.)

الفيديو بشمل مقاطع بعض أغانى المسرحية و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

إذا كان متصفحك لا يدعم مشاهدة الفيديو على هذه الصفحة إضغط هنا لتشاهده على اليوتوب

أغانى مسرحية “غابة أون لاين” من تأليفى (4) – أغنية “حكاية حيوانات الغابة”

تشرفت بالتعاون مع فرقة المسرح العربى و قمت بتأليف أربع أغانى لمسرحية “غابة أون لاين” و هى مسرحية غنائية إستعراضية للأطفال. و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

*** الأغنية المعروضة هنا هى النسخة الأصلية لكن تم حذف بعض أجزائها فى المسرحية بسبب الوقت. أجزائى المفضلة باللون الموف ***

أغنية “حكاية حيوانات الغابة

لأميرة: ياللا تعالوا تعالوا تعالوا يا شطار

الحيوانات: هييييييييه

الأميرة: إسمعوا منى إسمعوا منى آخر الأخبار

الحيوانات: إييييييييه

إزاى جدو وحيد و فارة و أرنب ويا حمار

و غزالة  و أسد زعميهم  باشا واقف زنهار

ضحك عليهم حتة تعلب خلى الغابة دمار؟!!!!

 إسمح لى يا ملك الغاب خليت عقلى إحتار

إزاى سبت التعلب يغلب؟! آه ده صحيح مكار

لو كنت مصحصح له كان طبعا كش و غار

قللى يا “أس أس” (إسم دلع الأسد فى المسرحية) إنت أسد بجد و لا حمار؟! 🙂 ههههههههههه

الحيوانات:  معلش يا حمار …متزعلش يا حمار…لامؤاخذة يا حمار…متقصدش يا حمار

الأميرة: ياللا تعالوا تعالوا تعالوا يا شطار

الحيوانات: هييييييييه

الأميرة: إسمعوا منى إسمعوا منى آخر الأخبار

الحيوانات: إييييييييه

إزاى جدو وحيد و فارة و أرنب ويا حمار

و غزالة  و أسد زعميهم  باشا واقف زنهار

ضحك عليهم حتة تعلب خلى الغابة دمار؟!!!

و إنتوا إزاى يا حيوانات الغابة يا شطار

سيبتوا التعلب يدخل بينكم و يكشف الأسرار

فضل يقول ويعيد و يزن ينخور ليل و نهار

كره كل واحد فى التانى الحب ما بينكوا إنهار 😦

 ياللا تعالوا تعالوا تعالوا يا شطار

الحيوانات: هييييييييه

الأميرة: إسمعوا منى إسمعوا منى آخر الأخبار

الحيوانات: ييييييييه!! 😦

إزاى جدو وحيد و فارة و أرنب ويا حمار

و غزالة  و أسد زعميهم  باشا واقف زنهار

ضحك عليهم حتة تعلب خلى الغابة دمار

ضحك عليهم حتة تعلب خلى الغابة دمار

ضحك عليهم حتة تعلب خلى الغابة دماااااار؟!!!

أغانى مسرحية “غابة أون لاين” من تأليفى (3) – دويتو “نقدر؟ طبعا نقدر!”

تشرفت بالتعاون مع فرقة المسرح العربى و قمت بتأليف أربع أغانى لمسرحية “غابة  أون لاين” و هى مسرحية غنائية إستعراضية للأطفال. و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة  لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

*** الأغنية المعروضة هنا هى النسخة الأصلية لكن تم حذف بعض أجزائها فى المسرحية بسبب الوقت. أجزائى المفضلة باللون الموف ***

دويتو “نقدر؟ طبعا نقدر!

الأميرة: نقدر؟ طبعا نقدر نملا الدنيا عمار

حسين: نقدر؟ طبعا نقدر نخلى الصحرا خضار

الأميرة: نقدر؟ طبعا نقدر نملا الدنيا عمار

حسين: نقدر؟ طبعا نقدر نخلى الصحرا خضار

الأميرة و حسين :نقدر بس نقرر…إن إحنا حنتغير

و نعلى نكبر بعزيمة و إصرار

الأميرة: حياتك أغلى هدية و منة من الرحمن

ربك قالك عيشها بفرح و نور و إيمان

قد ما تزرع تحصد

قد ما تتعب تكسب

و تحقق أحلامك و توصل بر أمان

تقدر؟

حسين: طبعا حقدر أخلى ليلى نهار

الأميرة: تقدر؟

حسين: طبعا حقدر أكون للدنيا منار

حقدر لما اقرر ...إنى لازم أتحرر

من يأسى و من خوفى و لا يهزمنيش إعصار

الأميرة: نقدر؟ طبعا نقدر نملا الدنيا عمار

حسين: نقدر؟ طبعا نقدر نخلى الصحرا خضار

الأميرة: نقدر؟ طبعا نقدر نملا الدنيا عمار

حسين: نقدر؟ طبعا نقدر نخلى الصحرا خضار

الأميرة و حسين :نقدر بس نقرر…إن إحنا حنتغير

و نعلى نكبر بعزيمة و إصرار

حسين: شمس الأمل طالعة تدوب يأس سنين

و تدفى أيامنا بلهفة و شوق حنين

كل ما تضحكى ضحكة

كل ما ترسمى بسمة

تبقى حياتك بلسم يطيب كل حزين

تقدرى؟

الأميرة: طبعا حقدر ألون الأزهار

حسين: تقدرى؟

الأميرة:  طبعا حقدر أكمل المشوار

حقدر لما أقرر

إنى لازم أفجر

بقلمى و ريشتى و عملى ينابيع الأنوار

الأميرة و حسين: نقدر؟ طبعا نقدر نملا الدنيا عمار

نقدر؟ طبعا نقدر نخلى الصحرا خضار

نقدر؟ طبعا نقدر نملا الدنيا عمار

نقدر؟ طبعا نقدر نخلى الصحرا خضار

نقدر بس نقرر…إن إحنا حنتغير

نقدر بس نقرر…إن إحنا حنتغير

و نعلى نكبر بعزيمة و إصرار

و نعلى نكبر بعزيمة و إصرار

و نعلى نكبر بعزيمة و إصرار

نقدر!

أغانى مسرحية “غابة أون لاين” من تأليفى (2) – دويتو “الذكريات”

تشرفت بالتعاون مع فرقة المسرح العربى و قمت بتأليف أربع أغانى لمسرحية “غابة  أون لاين” و هى مسرحية غنائية إستعراضية للأطفال. و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة  لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

*** الأغنية المعروضة هنا هى النسخة الأصلية لكن تم حذف بعض أجزائها فى المسرحية بسبب الوقت. أجزائى المفضلة باللون الموف ***

دويتو “الذكريات

الأميرة: فاكر لما كنا لسه صغيرين

وقلوبنا لسه خضرة

و حلمنا برىء

حسين: فاكرة لما كنا لسه صغيرين

وقلوبنا لسه خضرة

و حلمنا برىء

الأميرة و حسين: الحلم كان برئ

لكنه كان جرىء

كان سننا صغير

و الحلم كان كبير

الأميرة: فاكر لما كنا بنجرى فى الغيطان

طايرين فوق الحواجز

و حلمنا فرحان

الحلم كان برئ

لكنه كان جرىء

كان سننا صغير

و الحلم كان كبير

حسين: أنا فاكر كل حاجة زى شمس النهار

يا ما غنينا لبكرة

فى حضن الأزهار

الحلم كان برئ

لكنه كان جرىء

كان سننا صغير

و الحلم كان كبير

الأميرة: فاكر لما كنا لسه صغيرين

حسين: لأ فاكرة لما كنا لسه صغيرين

الأميرة و حسين: وقلوبنا لسه خضرة

و حلمنا برىء

الحلم كان برئ

لكنه كان جرىء

كان سننا صغير

و الحلم كان كبير

كان سننا صغير

و الحلم كان كبير

كان سننا صغير

و الحلم كان كبير

كان سننا صغير

و الحلم كان كبير

أغانى مسرحية “غابة أون لاين” من تأليفى (1) – أغنية “الناس الطيبين

تشرفت بالتعاون مع فرقة المسرح العربى و قمت بتأليف أربع أغانى لمسرحية “غابة  أون لاين” و هى مسرحية غنائية إستعراضية للأطفال. و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة  لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

*** الأغنية المعروضة هنا هى النسخة الأصلية لكن تم حذف بعض أجزائها فى المسرحية بسبب الوقت ***

أغنية “الناس الطيبين

فى ناس الخير ماليها

تشوفها تجرى عليها

تشفيك لمسة إيديها

دول ناسنا الطيبين

تديك و جيبها فاضى

تتعب و القلب راضى

تغسل أحزان و ماضى

دول ناسنا الطيبين

الله على نور عيونهم

و دفا الحب إللى بينهم

ملناش بركة غيرهم

دول ناسنا الطيبين

فى ناس الخير ماليها

تشوفها تجرى عليها

تشفيك لمسة إيديها

دول ناسنا الطيبين

عرفتوا يبقوا مين؟

دول ناسنا الطيبين

قولولى هما مين؟

عم محمد و أمين

و جرجس و إسماعين

من كل ملة و دين

دول ناسنا الطيبين

اغنية “نسمة” – نفسى أكون فى عز البرد نسمة…

أغنية “نسمة”

نفسى أكون فى قلب الليل نجمة

نفسى أكون لكل حزين بسمة

نفسى أكون فى عز البرد نسمة

 

نجمة تضوى بكل حماس

نجمة بتهدى قلوب الناس

نجمة  تشع غنا و إحساس

نفسى أكون.. نفسى أكون.. نفسى أكون نجمة

 

نفسى أكون فى قلب الليل نجمة

نفسى أكون لكل حزين بسمة

نفسى أكون فى عز البرد نسمة

 

بسمة صافية و نبع حنان

بسمة تشيل كل الأحزان

بسمة أمل تحيى الوجدان

نفسى أكون.. نفسى أكون.. نفسى أكون بسمة

 

نفسى أكون فى قلب الليل نجمة

نفسى أكون لكل حزين بسمة

نفسى أكون فى عز البرد نسمة

 

نسمة تملى الدنيا حياة

نسمة حب و خير و دفا

نسمة صيف من بعد شتا

نفسى أكون.. نفسى أكون.. نفسى أكون نسمة

 

نفسى أكون فى قلب الليل نجمة

نفسى أكون لكل حزين بسمة

نفسى أكون فى عز البرد نسمة

 

نفسى أكون أكون حاجات كتير

تعلى (توجد شدة مفتوحة على العين) و تبنى و لها تأثير

شمعة دافية و قلب كبير

نفسى أكون.. نفسى أكون.. نفسى أكون نسمة

 

أغنية “بإيدينا بكرة أحلى” – المر يحلى أكيد لو إيد حتحضن إيد – ألف مبروك للفائزين فى المرحلة الأولى

  يسعدنى الإعلان عن مسابقة “بإيدينا بكرة أحلى”  لإكتشاف المواهب الفنية فى الشعر الغنائى و الغناء و التوزيع الموسيقى و التلحين و إخراج الفيديو. 


يسعدنى الإعلان عن الفائزين فى المرحلى الأولى ( الشعر الغنائى) من مسابقة “بإيدينا بكرة أحلى”
  لإكتشاف المواهب الفنية فى الشعر الغنائى و الغناء و التوزيع الموسيقى و التلحين و إخراج الفيديو.وهم بالترتيب الأبجدى طارق الموجى – عبد الله مطر – محمد مرسى – مصطفى محمود – يسرى الفار – شاعر مجهول ! إضغط هنا لقراءة مساهتهم الرائعة و أتمنى لهم مزيد من النجاح و التوفيق بإذن الله

 إضغط هنا  لمزيد من التفاصيل عن مسابقة “بإيدينا بكرة أحلى” لإكتشاف المواهب الفنية و مشروع Ba7ebMasr.com

أغنية بإيدينا بكرة أحلى

 

أكيد حيجى اليوم الحب يجمعنا

أكيد حيجى اليوم حنحس بالمعنى

المر يحلى أكيد

لو إيد حتحضن إيد

و نخطى أى بعيد

و الدنيا حتساعنا

بإيدينا..يإيدينا …بإيدينا بكرة أحلى

بإيدينا..يإيدينا …بإيدينا بكرة أحلى

أكيد حيجى اليوم و الحلم يتصدق

أكيد حيجى اليوم و الورد يتفتح

كل الهموم حتدوب

و الفرح يملا دروب

و شمس مالها غروب

حتدفى أيامنا

بإيدينا..يإيدينا …بإيدينا بكرة أحلى

بإيدينا..يإيدينا …بإيدينا بكرة أحلى

أكيد حيجى اليوم و الفجر حيشقشق

أكيد حيجى اليوم و طيرنا حيزقزق

و كل طفل و ليد

فى قلبه حلم عنيد

و همة صلبة حديد

حتشق أحزاننا

بإيدينا..يإيدينا …بإيدينا بكرة أحلى

بإيدينا..يإيدينا …بإيدينا بكرة أحلى



أغنية يو توب..آى توب..كله يتوب! رمضان كريم :)

تقدر تتوب عن اليو توب؟!

ذا لم يدعم متصفحك عرض الفيديو فيمكنك : الضغط هنا لمشاهدته كما يمكنك مشاهدة أعمالى الكاملة على اليو توب



قاعد مسلطن عاليوتوب
و عالفيس بوك تفتح جروب
و تقول ده ربنا رب قلوب
قوللى ناوى إمتى تتوب

يو توب..آى توب..ياللا بينا كله يتوب
يو توب..آى توب..ياللا بينا كله يتوب

المشكلة مش فاليوتوب
ده فيه حاحات تحيى القلوب
و فكرة تنور دروب
سيب الهلس ياللا و توب

يو توب..آى توب..ياللا بينا كله يتوب
يو توب..آى توب..ياللا بينا كله يتوب

صلى على سيدنا المحبوب
قال لنا روحوا القلوب
لكن تنظيم وقتك مطلوب
ياللا إوعدنى إنك حتتوب

يارب كل عاصى يتوب
يارب كل عاصى يتوب
يارب كل عاصى يتوب
يا رب

البانجو علينا غالى! مع الإعتذار للمرحوم سيد مكاوى

شباب البانجو وشباب زى الورد. نفسك تكون مين؟

ذا لم يدعم متصفحك عرض الفيديو فيمكنك : الضغط هنا لمشاهدته كما يمكنك مشاهدة أعمالى الكاملة على اليو توب

الصورة السلبية 😦

ضاربين لكيعاننا بانجو و دماغنا متربسة

ونقدم أحلى مزة (بفتح الميم) مع مزة (بضم الميم) متيسة

يا ليل طول شوية

عالغرزة الروشة ديه

يابوليس إكبس شوية

عالشلة الضايعة ديه

برشامنا علينا غالى

و البودرة دى فى العالالى

و البانجو علينا غالى

و يا رب ما يتلقى

مساطيل من يومنا و الله و الله دماغنا مهيسة

الصورة الإيجابية 🙂

ناجحين من يومنا و الله أجيال متميزة

و نقدم أحلى صحوة بالحب مغمسة

يا تاريخ إكتب شوية عالصفوة النبغة دية

يا تاريخ إصبر شوية أجيالنا الواعدة جاية

ده وطننا علينا غالى

وترابه علينا غالى

ده وطننا علينا غالى

و لا عمره حيتنسى

ناجحين من يومنا و الله و الله أجيال متميزة

أغنية “على صوتك بالدعا” مستوحاه من أغنية الفنان محمد منير “على صوتك بالغنا”

إذا لم يدعم متصفحك عرض الفيديو فيمكنك : الضغط هنا لمشاهدته كما يمكنك مشاهدة أعمالى الكاملة على اليو توب

على صوتك بالدعا…أيوة الإجابة ممكنة…و لسه ياما … ياما ياما ياما فى حلمنا….

دى دعوتك وسط الجموع
تهز قلب اليل فرح
تداوى جرح إللى إنجرح..آه إللى إنجرح

تحلم؟!  أحلم…
جوه قلبى أحلم..جوة قلبى جوة قلبى أحلم
وينشبك حلمك فى حلمى
جوه قلبى أحلم..جوة قلبى جوة قلبى أحلم

ولا إنهزام…ولا إنكسار
ولا خوف ولا…
ولا حلم نابت فى الخلا.. فى الخلا

على صوتك بالدعا…أيوة الإجابة ممكنة..ممكنة..ممكنة