Archive for the ‘أغانى من تأليفى’ Category

فيديو أغنية “تعالوا نقوم الليل إللى إحنا ماقمناهوش” #رمضان_كريم

رمضان على الأبواب علشان كده بفكر نفسى و بفكركم إننا لازم نبتدى نجتهد فى العبادة  خصوصا قيام الليل أتمنى الأغنية تعجبكم و تلهمكم و أسألكم الدعاء

تعالواااا تعالوا نقوم الليل إللى إحنا ماقمناهوش

تعالواااا ده الليل بينادى علينا طب ليه منسهروش

إيه أجمل مننا لو نعبد ربنا

(الجزء إللى فات من الغنوة سمعته قبل كده و بقية الغنوة ربنا فتح عليا بكلماتها. الأغنية أصلا أغنية عاطفية مش فاكرة من كان بيغينها 🙂 هو ده تفاعل الفنان  ساعات نفتكر اللحن و ننسى الباقى! سبحان الله )

و نصلى فرضنا تانى مرة مننساهوش

حنسيب كل البشر بكلامهم و الملام

و نصحى فى السحر نعبد رب الأنام

يغفر ذنبا… و يرضى عننا

و الجنة تضمنا … و نعيمها منسيبوش

تعالواااا تعالوا نقوم الليل إللى إحنا ماقمناهوش

تعالواااا ده الليل بينادى علينا طب ليه منسهروش

إيه أجمل مننا لو نعبد ربنا

و نصلى فرضنا تانى مرة مننساهوش

 

إلهمنى شكرا (5) – فيديو كاريكاتير و أغنية “تايه ضايع” مهداه لمدمنى السجاير و المخدرات و الإنترنت و…

 

أغنية “تايه ضايع” من كلماتى على نفس الجملة اللحنية لأغنية تتر مسلسل “خاتم سليمان”

تايه ضايع فى الدخان

بيدور فى حطام بركان

على شمعة ينور بيها وهمه

على سجنه إللى ملوش سجان

يجرى عليها بشوق و حماس

نفس ورا نفس…هربوا الأنفاس

و بيغرق فى بحور دخانه

بعد ما مات جواه الإحساس

فوق و إتحرر من دخانك

ده بيسرق عمرك و أمانك

ربك قالك إنت أمانة

صونها عيش حر و إنسان

تايه ضايع فى الدخان

بيدور فى حطام بركان

على شمعة ينور بيها وهمه

على سجنه إللى ملوش سجان

 

anti-smoking-cartoon-كاريكاتير-التدخين-مدمن

أنا ألفت الغنوة قبل الكاريكاتير و ده يفسر سجن أعقاب السجاير و الشمعة إللى فى الرسمة. فى إنتظار تعليقاتكم 🙂

فيديو حلقة باسم الممنوعة: حلقة مميزة “شحور!” سى بى سى و الجزيرة و مجابش سيرة السيسى لكن أهم سؤال هو…

لو عايزين تعرفواالمختصر المفيد فى آخر حلقة لباسم على سى بى سى إللى متذاعنش فى  2013 ده تعليقى عالفيديو.

هههههههههه حلقة مميزة جدا و باسم عداه العيب فى أجزاء كتيرة خصوصا فى كلامه عن “ثوابت” سى بى سى و “مهنية” الجزيرة و إبداعات مصطفى بكرى و د. محمد جوادى 🙂 بس واضح جدا ليه البرنامج إتقفل عشان هو إدى القناة جامد و واضح زى الشمس إن المشير السيسي ملوش أى علاقة بقفل البرنامج لإن باسم مجباش سيرته أساسا! السؤال إللى بيطرح نفسه ليه محطش الحلقة على اليوتوب بسرعة خصوصا إنهم شيروا لينك الفيديو فى نفس يوم منع البرنامج و بعدين عملوه برايفت فحسيت إن باسم بيستخف بجماهريه و إتغظت جدا لدرجة إنى ألفت أغنية “باسم قرطس الجماهير” و عملتها فيديو ححطه هنا!

بكرر سؤالى مرة تانبة حرمتنا من أنس الحلقة وقت طوييييل ليه يا باسم؟ تكونش قناة سى بى سى إشتريت اليوتوب و بعدين باعته فجأة؟! و لا يكونش السبب إن باسم تعاقد مؤخرا مع إم بى سى مصر فقرر يعرض الحلقة أخيرا عشان يطوى صفحة الماضى بألامه؟! 😦 إهىء إهىء إهىء حد معاه كلينكس؟

ربنا يجعل إم بى سى مصر (إللى جابت فيفيى عبده و هشام عباس فى برنامج واحد خنييييييييييييق) قدم سعد عليك يا باسم يا خويا و سلم لى عالبيتجنان و مسى لى عالأونتشطة 🙂 يا شماتة الأختش أم ايمن فينا!!!

و إليكم سيداتى سادتى أغنية إبتدت “بباسم قرطس الجماهير” و إنتهت “بباسم قرطسته جماهير”! و زى ما بقولكم إللى ضايقنى إنه معرضش الحلقة الممنوعة بسرعة مع إنه شير لينكها فى نفس يوم المنع! يا باسم إنت عزيز علينا من فضلك متسختفش بجماهيرك تانى.

فيديو عالطبلة (3) – عالطلبة و الطبالة حنغنى لمصر النوارة فى ذكرى ثورة 25 يناير #تحيا_مصر

 

 

 

كل سنة و مصر كلها بخير و أمان بمناسبة الذكرى الثالثة لثورة 25 يناير 🙂 تحيا مصر و المجد للشهداء

عالطلبة و الطبالة حنغنى لمصر النوارة

خليتى الناس يبجوا حيارى

أعدائك باتوا سهاااارى

و يجولوا يا مصرى ده إنت دهب أصلى

و يجولوا يا مصرى ده إنت دهب أصلى

آه يا مصرى يا مصرى ده إنت عيارك اصلى

متخافش من الفالصو

و إرفع علم بلدك فى التحرير  منصورة-يا-مصر

فيديو أهدى أغنية “الناس الطيبيين” لشعب مصر العظييييييم – أين المولوتف أيها الأشنخ؟! ههههههههه

أهدى أغنية “الناس الطيبيين” لشعب مصر العظيم. 

أين المولوتوف أيها الأشنخ؟ حتعرفوا لما تشوفوا الفيديو 🙂

فى ناس الخير ماليها

تشوفها تجرى عليها
تشفيك لمسة إيديها
دول ناسنا الطيبين
تديك و جيبها فاضى
تتعب و القلب راضى
تغسل أحزان و ماضى
دول ناسنا الطيبين
الله على نور عيونهم
و دفا الحب إللى بينهم
ملناش بركة غيرهم
دول ناسنا الطيبين
فى ناس الخير ماليها
تشوفها تجرى عليها
تشفيك لمسة إيديها
دول ناسنا الطيبين
عرفتوا يبقوا مين؟
تشفيك لمسة إيديها
دول ناسنا الطيبين
عرفتوا يبقوا مين؟
دول ناسنا الطيبين
قولولى هما مين؟
عم محمد و أمين
و جرجس و إسماعين
من كل ملة و دين
دول ناسنا الطيبين

فى إنتظار تعليقاتكم 🙂

فيديو كاريكاتير غنائى “خلى الوداع من غير قلل!” هههههههههه

 

 

 

إذا لم يكن متصفحك يدعم مشاهدة الفيديو على هذه الصفحة إضغط هنا لتشاهده على اليوتوب

أهم ما تضمنه الفيديو:

* الأغنية نموذج لإستخدام الكاريكاتير الغنائى تعليميا

* بلاى ليست فيديوهات التعليم بالإضحاك http://www.youtube.com/playlist?list=PLC1D8C575FC9300DA

* كلمات الغنوة: (مع الإعتذار لموسيقار الأجيال محمد عبد الوهاب)

بلاش تضربنى فى عنيا ده الورم فى العين يزرق

يمكن حقوقى ترجع ليا و البوليس معاك يحقق!

خلى الوداع من غير قلل علشان خايفة يجيلى حول 😥

خلى الوادع من غير قلل ده إنت باين عليك خلل!

و بلاش تضربنى فى عنيا :'(“

4

فيديو أقصر الطرق للسعادة فى الدنيا و الآخرة :) إستعدوا للإنبهار!

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب

أهم ما تضمنه الفيديو:

http://www.Ba7ebMasr.com/ – هبة حسنى. ما هى أقصر الطرق لسعادة الدنيا و الآخرة؟
• السعادة هى الهدف الأول لكل إنسان صغير أو كبيرا
• صدق أو لا تصدق! أثبتت الأبحاث أن التفوق أكثر شئ يجلب السعادة للأطفال (و الكبار)! التفوق هنا بمعنى تحقيق الذات مش لازم التفوق الدراسى : ( خصوصا فى تعليم زى بتاعنا نسال الله السلامة ههههههههه بس إن شاء الله الأمور بعد الثورة
• كل إنسان محتاج يشعر بالإنجار ليحقق السعادة الحقيقية
• سر السعادة فى الدنيا و الآخرة هى وضع أهداف “ذكية” . إختار هدف واحد يحقق فوائد كتيرة و “ركز” عليه. أمثلة:
o التركيز على الخشوع فى الصلاة بيصلح يومك كله و يساعدك على التخلص من نقط ضعفك. “إن الصلاة تنهى عن الفحشاء و المنكر”
o إخلاص النية لله يجعلك لا تحتاج أن تتعلم الصبر على مضايقات الآخرين لن الإخلاص يجعلك لا تبالى برأيهم من الأساس
o سنة البكور تحقق لك البركة فى الوقت و طاعة الرسول عليه السلام
o “رب هب لى الشجاعة لتغيير ما أستطيع تغييره و السكينة لقبول ما لا أستطيع تغييره و الحكمة اللازمة للتفريق بينهما” . الإنسان العاقل يغير نفسه و ليس الآخرين أو الظروف.
o عامل الآخرين بطريقة تخرج منهم أجمل ما فيهم
o أمثلة طريفة من اليوتوب 🙂 و أحب أأقول لأى حد بيغنى على اليوتوب و بيجليه تعليقات سيئة “نادرا” زى حالاتى إن مفيش قانون يمنع الجمايس إنها “تنعر!” على اليوتوب و إللى مش عاجبه يدوس ستوب هههههه
o أغنية “نقدر؟ طبعا نقدر!” من تأليفى من مسرحية غابة من أون لاين https://ba7ebmasrbegad.wordpress.com/2011/12/19/%D8%A3%D8%BA%D8%A7%D9%86%D9%89-%D9%85%D8%B3%D8%B1%D8%AD%D9%8A%D8%A9-%D8%BA%D8%A7%D8%A8%D8%A9-%D8%A3%D9%88%D9%86-%D9%84%D8%A7%D9%8A%D9%86-%D9%85%D9%86-%D8%AA%D8%A3%D9%84%D9%8A%D9%81%D9%89-3/

o 30 أبريل آخر موعد لتقديم الشعر الغنائى لمسابقة بإيدينا بكرة أحلى

https://ba7ebmasrbegad.wordpress.com/2010/10/23/%D9%85%D8%AD%D8%AA%D8%A7%D8%AC%D8%A9-%D9%85%D9%84%D8%AD%D9%86-%D9%84%D8%A3%D8%BA%D9%86%D9%8A%D8%A9-%D8%A8%D8%A5%D9%8A%D8%AF%D9%8A%D9%86%D8%A7-%D8%A8%D9%83%D8%B1%D8%A9-%D8%A3%D8%AD%D9%84%D9%89/

أسألكم الدعاااااااء 🙂