Archive for the ‘سلسلة كتب “إشراقة روح”’ Category

فيديو الكاتبه هبة الله حسنى فى برنامج جدد حياتك عن استخدام الدراما فى بناء الثقة بالنفس لجميع الأعمار #المبدعة_الربانية

 

تشرفت باستضافنى فى برنامج “جدد حياتك” على قناة النيل الثقافية فى ثالث يوم سبت من أيام شهر رمضان المبارك وتناول اللقاء أمثلة لاستخدام الدراما لبناء الشخصية وتعزيز الثقة بالنفس.

تضمن الفيديو ذكر مبادرة “التعليم بالإضحاك” واستخدام الاسكتشات الكوميدية تعليميا. الإسكتش المعروض يناقش أهمية التعامل الإيجابى مع أخطاء الأبناء:

وأيضا تحدثت عن تجاربى المؤسفة فى المدرسة التى سردتها فى أول كتاب لى باللغة الإنجليزية نشر فى موقع أمازون:  Read My Pook, Beoble!


وأيضا تضمن الفيديو حديثى عن تجربة شخصية فى اكتساب الثقة بالنفس من خلال التغلب على خوفى من الكلام أمام جمهور وقد ذكرت هذه التحربة فى كتابى “إشراقة روح 1” فى باب “عقبات تمكنت من اقتحامها بتوفيق الله“. ورسمت هذه الصورة المعبرة تعبيرا دقيقا عن حالة الذعر التى كانت تنتابنى من الكلام أمام جمهور حتى وفقنى الله للتغلب تماما على هذا الخوف وصار الكلام أمام جمهور متعة حقيقية بالنسبة لى ولله الحمد من قبل ومن بعد 🙂

*** اضغط على الصورة لمطالعة وتحميل الكتاب ***

بإذن الله سأكون ضيفة فى حلقات البرنامج كل يوم سيت طوال شهر رمضان المبارك والحلقة القادمة ستتناول كيفية توظيف الدرما والأنشطة الفنية فى غرس قيم دينية عند الأطفال أتشرف بمتابعتكم.

فى انتظار تعليقاتكم..

خبر سعيييد لعشاق القراءة: احصلوا على قسيمة شراء بقيمة 50 جنيه مجانا من منصة كتبنا لشراء كتب إلكترونية

إلى قرائى الأعزاء أنا بحمد ربنا سبحانه وتعالى إنه وفقنى لنشر كتابى الأول “إشراقة روح 1” من خلال تطبيق “كتبنا” للكتب الإلكترونية  لإنها منصة متميزة ودايما بتقدم عروض مميزة لتشجيع القراء والكتاب على حد السواء…

حاليا المنصة بتقدم قسيمة شراء بقيمة 50 جنيه تمكنكم من شراء أى كتاب إلكترونى منشور من خلال التطبيق…القسيمة مجانية تماما كل المطلوب إنكم تكتبوا أساميكم وإيميلاتكم فى اللينك ده وفى خلال 48  ساعة حتوصلكم القسيمة المجانية…

 https://docs.google.com/forms/d/e/1FAIpQLSe23QY9tEX_6Dq1d2vK7DjplVGGSA5jLAYGTgxMp-uIuJ15_Q/viewform

 

*** إضغطوا على الصورة لملء استمارة الحصول على قسيمة ال 50 جنيه ***


  بعد ما تستلموا هديتكم القيمة شرفونى بقراءة كتابى “إشراقة روح 1” …أتشرف بمتابعتكم وأسألكم الدعاء 🙂

لينك تحميل كتاب “إشراقة روح 1”:

 http://kotobna.net/Book/Details?bookID=816

سلسلة كتب “إشراقة روح” هى أول سلسلة لكتب تفاعلية توظف الكاريكاتير والشعر والتنمية البشرية فى التعمق فى فهم ودارسة آيات القرآن الكريم. وهذا الكتاب هو الأول فى هذه السلسلة: إشراقة روح (1) – تأملات فى قوله تعالىفلا اقتحم العقبة” – نحو علاقة أعمق بالقرآن الكريم.

 

 

 

كتاب-إشراقة-روح-هبة-الله-حسنى-صورة
#المبدعة_الربانية   #كتاب_إشراقة_روح1    #سلسلة_كتب_إشراقة_روح

كلمتين وبس لكل بنت بمناسبة #اليوم_العالمى_للمرأة “كونى حرة” و “اصطادى حلمك”…#المبدعة_الربانية

8 مارس هو اليوم العالمى للمرأة كل سنة وكل إمرأة على وجه الأرض حرة وسعيدة ومحققة ذاتها …

عندى كلمتين وبس لكل إمرأة “كونى حرة” و “اصطادى حلمك

كونى حرة

مهما كانت ظروفك فانت تقدرى تكونى حرة باختيارك وإرادتك الكاملة.. الحرية اختيار … حتى لو كنت مسجونة ورا أسوار … سواء كانت أسوار حقيقية أو كانت أسوار العرف الذكورى والتقاليد المتخلفة …انتى تقدرى تصنعنى حريتك بإيدك …

مين يقدر يمنعك من الحلم؟ مين يقدر يلجَّم حصان خيالك؟ … حريتك اختيارك مهما كانت ظروفك…

ليه أنا طلبت منك تكونى حرة؟

لإن الحرية هى الطريق الوحيدة للسعادة الحقيقية…

و السعادة تحقق بالشجاعة وقمة الشجاعة هى الصدق مع النفس..

خلينى أديكو مثل عملى …واحدة صاحبتى متخصصة فى علم اتفس حكيت لى إنها تعرفت على حالة بنت كانت بتلبس الحجاب علشان خايفة من التحرش لكنها كانت ضعيفة من جواها … وبالتالى حجاب جسدها مقدرش يحجب ضعفها فكانت فريسة سائغة لكل من أراد التحرش بها لغاية ما استجمعت شجاعتها فى لحظة تمرد اتحررت فيها من ضعفها وخدت موقف حاسم من أحد المتحرشين بها…من ساعتها تحول ضعفها لقوة تردع أى حد يفكر مجرد التفكير إنه يسىء لها.

عارفين البنت دى عملت إيه أول ما بقيت قوية؟ خعلت الحجاب…

رغم إن أنا محجبة ومعتزة بحجابى إلا إنى قلت لصحابتى إنى معجبة جدا بالنبت دى…عارفين ليه؟ ولإنها كانت صادقة مع نفسها وفاهمة إنها كانت لابسة الحجاب لأسباب غلط …فخدت قرار حر جرىء إنها تقلعه…البنت دى إذا قررت تتحجب فى المستقبل حتكون خدت القرار لأسباب صح…

ربنا خلقنا أحرار ورغم إنه أرسل رسوله عليه السلام لهداية الناس فقد وجه لرسوله الكريم استفهام استنكارى فى قوله تعالى: “…أَفَأَنتَ تُكْرِهُ النَّاسَ حَتَّىٰ يَكُونُوا مُؤْمِنِينَ– يونس 99

كونى حرة” فى حياتك وفى قراراتك وتحملى مسؤولية قراراتك …وكونى شجاعة وصادقة مع نفسك فى إنك تصلحى مسارك إذا لقيتى نفسك ماشية فى طريق مش حيسعدك…المهم إنك تاخدى قرارك بحرية.

وعلشان تكونى حرة لازم تكونى حقيقية…كونى حقيقية…كونى نفسك…

 

رحلتى المضنية فى البحث عن الحرية خلتنى أدركت إن التحرر الحقيقى هو التحرر الروحانى .. أن أكون حرة بالله ولله وفى الله…ربنا بيحبنا حب غير مشروط…وهو خالقنا والأعلم بنا…فأنا مش بعتبر أوامره ونواهيه قيود ولكن بعتبرها حب ورعاية وهداية…

أحرص على طاعة ربى بحب قدر الاستطاعة

فإذا كلت همتى أو قصرت فى الطاعة

أستغفر ربى الودود بيقين وضراعة

فيستجيب المجيب ويغفر الغفور

ويرحم الرحمن فى لحظة وضّاءة

فأعود لأحلق فى سماء الحرية

وقد زكت نفسى وصارت توّاقة

لنور ربى يملأ النفس إشراقة

أنا مكنتش شايفة المعانى المضيئة طول حياتى لكنى كنت صادقة فى البحث عن الحرية…فلو انتى كمان اخترتى تكونى حرة مهما كانت ظروفك أكيد رحلتك حتاخدك لأروع مكان…إتفقنا؟ 🙂

إصطادى حلمك

حياة الإنسان بيكون لها معنى جميل لما يكون عارف حلمه ورسالته فى الحياة ويسعى لتحقيقه…

أنا اخترت إن رسالتى فى الحياة تكون: “استخدام القوة الشافية للفن فى إثراء حياتى وحياة الآخرين.

وقررت إن ده حلمى الكبير وعلشان أحقق حلمى لازم أصطاده…

ألفت غنوة تعبر عن رسالتى مستوحاه من تتر مسلسل “خاتم سليمان” تأليف الكاتب الروحانى محمد الحناوى

عاشقة سارحة فى الملكوت
برسم على أشجار وبيوت
شمعة تنور ليل حيران
كلمة تصحى أمل بيموت

قلبى بيبرق زى الماس
ولا أملك غير الإحساس
ححفر فى الصخر بأحلامى
وحفرح قلوب الناس

بايعة قلبى للإللى يحبه
ومعنديش فى الحب شروط
عاشقة سارحة فى الملكوت
برسم على أشجار وبيوت

طير فى السما ومليش عنوان

وفى إيدى خاتم سيلمان
أنا عايزة بالضحكة أغير
وأطيب كل الأحزان

عايشة الحلم كإنه حقيقة
حاضناه فى قلبى فى كل دقيقة
الصحرا حخضرها بفنى
بقلب وفطرة طفلة بريئة

حجرى أوام وأسبق أحلامى
والكون حيغنى ألحانى
قلمى وريشتى شراع فى سفينتى
حوصل شطى بنور الله
عاشقة سارحة فى الملكوت
برسم على أشجار وبيوت
شمعة تنور ليل حيران
كلمة تصحى أمل بيموت

من كتر حبى فى الغنوة دى مكنتش قادرة أشيل لحنها من دماغى لدرجة دى تانى مرة أغير كلمات أغنية تتر مسلسل “خاتم سليمان”. المرة الأولى ألفت أغنية بتتكلم عن الإدمان إسمها “تايه ضايع” وهى موجودة فى كتابى “إشراقة روح 1” فى فصل بعنوان “هل عقبتك إدمانك؟”

مطلع أغنية “تايه ضايع”:

تايه ضايع فى الدخان

يسدور فى حطام بركان

على شمعة ينور بيها وهمهه

على سجنه إللى ملوش سجان…إضغطوا على الصورة أو اللينك علشان تحملوا الكتاب وتعرفوا بقية الأغنية…

 

لينك تحميل كتاب “إشراقة روح 1”:

 http://kotobna.net/Book/Details?bookID=816

سلسلة كتب “إشراقة روح” هى أول سلسلة لكتب تفاعلية توظف الكاريكاتير والشعر والتنمية البشرية فى التعمق فى فهم ودارسة آيات القرآن الكريم. وهذا الكتاب هو الأول فى هذه السلسلة: إشراقة روح (1) – تأملات فى قوله تعالىفلا اقتحم العقبة” – نحو علاقة أعمق بالقرآن الكريم.

كتاب-إشراقة-روح-هبة-الله-حسنى-صورة

فيديو رسومات كتاب “إشراقة روح 2” (2) أعرفكم على الشخصية الكرتونية “مخمخ” :-) #المبدعة_الربانية

يسعدنى أأقدم لكم لشخصية الكرتونية “مخمخ ” إللى حتظهر فى كتابى القادم “إشراقة روح 2” بإذن الله. “مخمخ” بإذن الله حيظهر فى أربع صور فى الكتاب “نزهة العقول” و “كلمات من نور” و “وقفة للتأمل” و”صفوة القول“. وأحب أشكر كل أصدقائى إللى ألهمونى أفكار الرسومات النهائية. وطبعا واضح من الإسم (ومن الرسم) إن “مخمخ ” يشبه المخ ويرمز لعقل الإنسان ….الفيديو شارح كل حاجة بالتفصيل أتشرف بمتابعتكم وتعليقاتكم…

سلسلة كتب “إشراقة روح” هى أول سلسلة لكتب تفاعلية توظف الرسوم والشعر والتنمية البشرية فى التعمق فى فهم ودارسة آيات القرآن الكريم. تم بحمد االله وتيسيره وتوفيقه نشر الكتاب الأول فى هذه السلسلة: إشراقة روح (1) – تأملات فى قوله تعالىفلا اقتحم العقبة” – نحو علاقة أعمق بالقرآن الكريم.

لينك تصفح وتحميل كتاب “إشراقة روح 1”:

 http://kotobna.net/Book/Details?bookID=816

كتاب-إشراقة-روح-هبة-الله-حسنى-صورة

أسألكم الدعاء

رسومات كتاب “إشراقة روح 2” (6) صفوة القول #كتاب_إشراقة_روح_2 #سلسلة_كتب_إشراقة_روح #المبدعة_الربانية

%d9%83%d8%aa%d8%a7%d8%a8-%d8%a5%d8%b4%d8%b1%d8%a7%d9%82%d8%a9-%d8%b1%d9%88%d8%ad-2-%d9%87%d8%a8%d8%a9-%d8%a7%d9%84%d9%84%d9%87-%d8%ad%d8%b3%d9%86%d9%89-%d8%b5%d9%81%d9%88%d8%a9-%d8%a7%d9%84%d9%82

رسومات كتاب “إشراقة روح 2” (5) وقفة للتأمل #كتاب_إشراقة_روح_2 #سلسلة_كتب_إشراقة_روح #المبدعة_الربانية

%d9%83%d8%aa%d8%a7%d8%a8-%d8%a5%d8%b4%d8%b1%d8%a7%d9%82%d8%a9-%d8%b1%d9%88%d8%ad-2-%d9%87%d8%a8%d8%a9-%d8%a7%d9%84%d9%84%d9%87-%d8%ad%d8%b3%d9%86%d9%89-%d9%88%d9%82%d9%81%d8%a9-%d9%84%d9%84%d8%aa

رسومات كتاب “إشراقة روح 2” (4) كلمات من نور #كتاب_إشراقة_روح_2 #سلسلة_كتب_إشراقة_روح #المبدعة_الربانية

%d9%83%d9%84%d9%85%d8%a7%d8%aa-%d9%85%d9%86-%d9%86%d9%88%d8%b1-%d8%a5%d8%b4%d8%b1%d8%a7%d9%82%d8%a9-%d8%b1%d9%88%d8%ad2-%d8%b4%d8%b1%d8%ad