Archive for the ‘صور معبرة’ Category

رحمة الله على شهداء القضاء بيد الإرهاب الغادر فى العريش #المجد_للشهداء

رحمة الله على شهداء القضاء  و السائق إللى قتلوا بيد الإرهاب الغادر فى العريش النهارده.

قتل القضاة فور صدور الحكم بالإعدام ضد مرسى و القيادات يؤكد الغباء الأزلى للإخوان! طب كنتوا إستنوا كام يوم بعد الحكم عشان تلزقوها فى المخابرات!

لكن الحمد لله تم الرد بسرعة بقتل 7 من أنصار بيت المقدس بالأباتشى بعد ساعات من العملية الإرهابية الغادرة و أصدر الرئيس السيسى توصيات بتشديد الإجراءات الأمنية لحماية القضاه. ربنا يحفظ مصر.

دى على الحادث الإرهابى الغادر هو….لن تستطيعوا ‫#‏الله_أكبر‬ الإرهابيين مش حيكسرونا أبدا على فكرة أنا مع كل حادث إستشهاد بكتب الخواطر الشعرية دى علشان لازم تفضل روحنا المعنوية مرتفعة

الله أكبر الله أكبر الله أكبر

إنسوا يا إرهابيين

إيد الغدر مبتورة

يا عملاء الشياطين

الله أكبر الله أكبر الله أكبر

إنسوا يا إرهابيين

مصر حتفضل وردة ندية

شوكها يزلزل تجار الدين

الله أكبر الله أكبر الله أكبر

bbd-erhaab

 

 

10421980_10152995039453218_5800387008287332525_n

كل سنة و إنتوا طيبين بمناسة ذكرى الإسراء و المعراج

ذكرى-الإسراء-و-المعراج

كل سنة و إنتى طيبة يا مصرنا الغالية فى ذكرى تحرير سيناء #تحيا_مصر

 

عيد-تحرير-سيناء-25-أبريل

 

عيد-تحرير-سيناء

فيديو كاريكاتير رد فعل الفنان عادل إمام على وقف برنامج إسلام البحيرى: بلد بتاعة “جبنات” بصحيح!!

 

حكرر كلامى للمرة الألف: انا ضد وقاحة إسلام البحيرى لكن هو بيأيد كلامه بالمصادر و منع برنامجه مش هو الحل خصوصا بعد ما دكتور أسامة الأزهرى “وعد!!” إنه حيعمل برنامج يرد فيه على إسلام فكانت النتيجة إن الأزهر (أة سين من الناس له سلطة) أمر قناة بتسمى نفسها كذبا و زورا “أجرأ قناة فى مصر” بغلق برنامج إسلام فقام طارق نور الليبرالى قالهم حاضر!!! صحيح صدق إللى قال الجبن سيد الأخلاق!!!!

كاريكاتير-وقف-برنامج-إسلام-البحيرى-عادل-إمام

بعد ما نشرت الكاريكاتير على الفيس دار الحوار ده بينى و بين صديق مستنير معرفتى على الفيس:

أمجد:

أنا: قناة القاهرة و الناس لبيرالية فى يرامج الرقص و بتجيب بين البرامج بنت يتقلع الطرحة و تمشى فى الشارع بمياصة هو ده آخرهم فى الليبرالية! لكن حرية الفكر ملهمش فيها عالم جبنات بتوع سبوبة

أمجد: طب تفتكري مين خوفهم او طمعهم
معقولة الازهر؟
ولو الازهر ليه التاثير ده ليه ماعرفش يوقف برنامج الراقصة مثلاً
ولا الازهر مش فارق معاه غير السبوبة اللي كانت حتوقف بسبب اسلام
استبعد انو الازهر هو المؤثر الرئيسي على القناة اكيد في اطراف تانية اكثر تاثيرا
أنا: تحليلك منطقى جدا يا أمجد فعلا  الأزهر أثبت إنه ضعيف فى مواقف عديدة مش عارفة مين عنده سلطة و له مصلحة فى قفل برنامج إسلام ؟
أنا: حرفع الكاريكاتير على اليوتوب علشان متغاظة قوى بصراحة!
أمجد: معاك حق الموضوع يغيظ ولازم يكون فيه حل ماينفعش يكون اللي نشوفه ونسمعه كله باذن اتجاوزنا مرحلة رقابة الحكومة حنرجع للرقابة من جديد على يد المؤسسات لحد امتى حيتم التعامل معانا على اننا مش راشدين ومابنعرفش الصح من الغلط ولازم حد عاقل يحدد ينفع نشوف ايه ونسمع ايه حقيقة الحياة في الدول العربية سبب مباشر للاحباط والتخلف :(
و إنتهى الحوار و مازلت الحيرة قائمة!!! المنع عمره ما كان حل يا بلد معاندة نفسها يا كل حاجة و عكسها!!! ربناا يصلح الأحوال 

توفى إلى رحمة الله الشاعر الكبير الخال عبد الرحمن الأبنودى

الدوام و البقاء لله توفى إلى رحمة الله الشاعر الكبير الخال عبد الرحمن الأبنودى عصر اليوم 21 أبريل 2015 عن عمر يناهز 76 عاما

مصر فقدت قامة عظيمة و لا يسعنا إلا أن ندعو له أن يتغمده الله تعالى بوافر فضله و رحمته و أن يسكنه فسيح جناته. اللهم آمين

وفاة-عبد-الرحمن-الأبنودي

 

 

وفاة-عبد-الرحمن-الأبنودي-2

 

 

الأبنودى رحمة الله عليه فى لوحة راااائعة بريشة فنان الكاريكاتير العالمى عمر صديق

كاريكاتير-عبد-الرحمن-الأبنودى

رباعية الراحل صلاح جاهين عن شم النسيم و أجمد كاريكاتيرات و صور

كل سنة و إنتوا طيبين :) يا للا الكل ينزل يشم (الفسيخ) قصدى النسيم يا شباب :)

على فكرة إتضح إن موضوع الفسيخ ده من أيام الفراعنة … انا بحب أشم النسيم بس مليش فى القسيخ و لا الرنجة لكن ليا قرايب كتير بيحبوهم … أهم حاجة تتأكدوا من جودة الأسماك علشان للأسف فى ناس معندهمش ضمير إمبارح ظبطوا 24 طن أسماك فاسدة!!!

إخترتلكم شوية كاريكاتير و صور مميزة و غير تقليدية لبيض شم النسيم و رباعية الراحل صلاح جاهين عن شم النسيم … إستمتعوا :)

شم-النسيم-3

 

 

شم النسيم 6

شم-النسيم-5

شم-النشيم-2 شم النسيم 1 بديع

 

 

كاريكاتير-إعدام-بديع-مرشد-الإخوان

كاريكاتير-شم-النسيم-3 كاريكاتير-شم-النسيم-2

كاريكاتير-شم-النسيم-1

شم-النسيم-7

 

آدى الربيع عاد من تانى و البدر هلت أنواره…
كان النسيم غنوة الليل يغنيها

ده فيديو عزف سماعى عزفت فيه جزء من  أوبريت “الربيع” للراحل فريد الأطرش …يا رب يعجبكم :)

 

ياللا يا نتيتة إقفلوا النت اللعين و إنزلوا شموا النسيم…بس مش تخرجوا عشان تفتحوا الفيس على الموبايل! انا قاصدة محطش نت على الموبايل علشان لما أخرج من البيت أعيش حياة حقيقية مش إفتراضية…ياللا إنطلقوا و إستمتعوا بجمال بلدكم…كل سنة و إنتوا طيبين :)

 

ردى على مناظرة إسلام البحيرى: الإمام محمد عبده إنتقد حديث للبخارى و محدش قال “يهدم ثوابت الدين” #لا_للتكفير

بعد مناظرة #إسلام_بحيرى إمبارح إسمحوا لى أعمل مقارنة مؤسفة بين إستنارة الأزهر القرن الماضى و التخلف و التكفير إللى إحنا فيه النهارده:

أولا الإمام محمد عبده و الشيخ أبو زهرة رحمة الله عليهما عارضوا حديث البخارى إن الرسول عليه السلام إتعمل له عمل و محدش كفرهم لإن كان فى إستنارة حقيقية فى القرن الماضى  قبل ما الإخوان و السلفيين يخترقوا الأزهر. و أحب أوضح إن جملة “يهدم ثوابت الدين” تكفيرية بإمتياز و لما إسلام البحيرى سأل ممثل الأزهر عن معناها أكتر من مرة مردش عليه! إسلام البحيرى مش اول حد يتنقد الإمام البخارى الذى نحسبه على خير و لا نزكى على الله أحدا  لإجتهاده فى جمع الحديث لكنه فى النهاية غير بشر غير معصوم.

ثانيا كان الرد بالحجة و المنطق و ترك الحكم للناس فلما كتب كتاب “لماذا أنا ملحد” كان الرد كتاب “لماذا أنا مؤمن” ..تفتكروا لو حد النهارده ألف كتاب يعلن فيه إلحاده حيكون رد الفعل إيه؟!!!

ثالثا كان المناخ حرا فأفرز عقليات مثل د.مصطفى محمود الذى  خاض رحلته من الشك إلى اليقين فى ظل جو منفتح أتاح له ان يصل للحقيقة بوعى

فهل نحن نتقدم أم نتأخر؟ أرجوكم أن تحرروا عقولكم ألا هل بلغت اللهم فإشهد.
و أكرر إن الإمام البخارى إجتهد فى جمع الأحاديت لكن قد يجانبه الصواب فى بعض الأمور لإنه بشر و من عظمة ديننا إن من إجتهد و أخطأ فله أجر لإن الله تعالى يريد ان يفسح المجال للعقول لتجتهد بحرية فهل يوجد  مسلم عاقل يدعى أن البخارى معصوم و إن كل أحادثيه صحيحة 100%؟ للأسف ممثل الأزهر فى مناظرة إمبارح كان أهون عنده إنه ينسب فعل الحرق لسيدنا على كرم الله وجهه أن يقول إن البخارى أخطأ فى الإجتهاد!

مناظرة-إسلام-البحيرى

 

مثال آخر الإمام إبن تيمية له إجتهادات فقهية تناسبت مع ظروف عصره العصيبة و بالتالى يجب أن تؤخذ هذه الأمور فى الإعتبار عند قراءة كتبه. مهم جدا معرفة الظروف المحيطة لأى كاتب و  السياق التاريخى لما نقرأ و ساعتها نقدر نقيم مدى صلاحية أفكاره لعصررنا و زماننا لكن فكرة القرون المفضلة و تأليه البشر مرفوضة جملة و تفصيلا.
إحقاقا للحق إسلام البحيرى إنفعالى و مش بيختار ألفاظه لدرجة إنى حاسة إنه قرر ينافس مرتضى منصور! لسانه الفالت وسهولة إنفعاله كانت كروت سهلة إستغلها ممثل الأزهر إللى كان بيحاوره إمبارح  لكن فى النهاية لو بصينا لكلام إسلام البحيرى بعمق حنلاقى جوهر كلامه صح و يؤخذ له إنه دايما بيؤيد كلامه بالمصادر و ده إسلوب علمى محترم 

 

بعد ما قلت رأيى فى المناظرة إمبارح  على مواقع التواصل الإجتماعى كان فى عنف لفظى شديد من المعارضين: واحد على الفيس قاللى إلتزمى الصمت وواحد على تويتر ميعرفنيش أقسم بالله إنى مش بفهم حاجة!!!! معندوش أى مشكلة إنه يحكم بالجهل على واحدة ميعرفهاش و يحلف بربنا كمان! حد فيكم شايف إن دول ناس طلاب علم أو باحثين عن الحقيقة؟!

بعد الموقف المؤسف ده إسمحوا لى أهمس بكلمة أخيرة للجميع: لو كنت كاره لإسلام البحيرى حط فى إعتبارك إنه ممكن يكون  بعض كلامه صحيح و شيخ تانى ممكن تكون بتحبه يكون معظم كلامه صح لكن أحيانا ممكن يغلط …يبقى الصح إننا نفصل الكلام عن قائله و نتحقق دائما من أى كلام نسمعه بغض النظر عن قائله لو كنا صادقين فى بحثنا عن الحقيقة.

“اللهم أخرجنا من ظلمات الوهم و الجهل لنور العلم و الفهم و إكشف لنا عن كل سر مكتوم يا حى يا قيوم”

الحق-الباطل

البوستات  إللى جاية منقولة و فيها تحليل قيم جدا لمناظرة إمبارح:

البوست الأول:

◘-اولا انا مش مع ولا ضد اسلام بحيرى . ومسلم واحفظ القران الكريم ولله الحمد

◘-ثانيا . خلينا نتفق ان الخلاف مع اسلام بحيرى مش على سيدنا الرسول الخلاف على البخارى وخلونا نتفق ان اى كتاب باستثناء القران الكريم يحتمل التحريف او التزوير

◘-ثالثا . اخر خطبه خطبها الرسول عليه الصلاه والسلام ختمها بأيه اليوم اكملت لكم دينكم واتمتت عليكم نعمتى . ودا معناه ان رب العزه فى كتابه اتمم لنا شريعتنا ومنهج الحياه . ودا معناه بردو ان اى نص يخالف القرأن او لم يرد ذكره فى القرأن الكريم لا يجوز الاعتراف به .

◘-رابعا . الحياه فى عهد سيدنا النبى كانت تختلف تمام عن حياتنا . مثلا كان الرسول يضع الكحل فى عينيه ليحمى عينيه من عواصف الصحراء . وكان العلاج بالحجامه لمعظم الامراض . هل دا معناه اننا مثلا نطالب مجدى يعقوب بالعلاج بالحجامه ؟
◘- وهل لو كان الرسول صلى الله عليه وسلم يعيش فى مدينه زى اللى احنا عايشين فيها كان هيلجأ للكحل علشان يحمى عنيه من الاتربه ؟ او كان هيتعالج بالحجامه فى وجود احدث اساليب العلاج ؟

◘-خامسا . التفسيرات فى الكتب بعضها يحتمل الخطأ . مثلا . انزل الله تعالى قوله
واللاتي تخافون نشوزهن فعظوهن واهجروهن في المضاجع واضربوهن .

فسرها بعض العلماء ان من حق الزوج ان يضرب زوجته ومافعلها النبى ابدا مع زوجاته ولو قبلنا التفسير ده هنبقى ادام دين بيدعو لضرب النساء ولكن القرأن فى ايات اخرى وضح معنى الضرب فى سوره الكهف . بسم الله الرحمن الرحيم
وضربنا على اّذانهم فى الكهف سنينن عددا.
أى عزلنا اّذانهم عن السمع .
وفى موضع اخر .أَفَنَضْرِبُ عَنْكُمُ الذِّكْرَ صَفْحًا أَنْ كُنْتُمْ قَوْمًا مُسْرِفِينَ . بمعنى العزل ايضا او التجاهل .

◘-وبما ان القرأن كتاب معجز ولا ينطق عن الهوى فمعنى واضربوهن هنا اى اعزلوهم واتماما لقوله تعالى وجعل بينكم موده ورحمه . فالرحمه ضد الضرب
يبقى احنا كده ادام تفسير يسئ للقرأن الكريم .

◘-سادسا . اسلام بحيرى مش نبى وممكن يكون كل كلامه غلط . وطالما انت متفق معايا على كده يبقى لازم نتفق بردو ان البخارى مش نبى ووارد يكون كلامه غلط

◘-سابعا . كلنا فى حياتنا ممكن نكون افضل لما نعمل بس الحاجات اللى تخلينا افضل زى مثلا اننا منتحرش بالنساء ولا نعاكسهم . مع ان دى حاجه مش فى القرأن الكريم بس دى من الادب وحسن الخلق .

◘-الخلاصه . خلينا نحتكم للقرأن الكريم . والسنه النبويه الصحيحه فى العبادات واشكالها وطريقتها واركانها . ونسيبنا بقى من كل المسائل الجدليه الى مجاش فيها توضيح فى القرأن الكريم .

◘-كلام مختصر كتير بس ليه معانى كتير …. انا من وجهة نظرى ان احسن حاجه تحكم الانسان هى انسانيته لو انتا فعلا انسان صدقنى هتعزز دينك من غير متجرح دين حد تانى …. انا مسلم واحترم انسانيتى .

◘-دعونا نتفق ان المناظرة مثال للمسخرة الي احنا عايشين فيها بقالنا سنين طويلة …..أتنين سايبين صلب و جوهر الموضوع و كل واحد عمال بيمسك علي الكلمة للتاني عشان يطلع نفسه صح و التاني مش بيفهم ….خلاص بقي خلاف شخصي بين أتنين بيتخانقوا علي حاجات فرعية ٩٩٪ من الناس متعرفهاش أصلاً و لا مهتمة بيها ….و ده بإختصار حال المسلمين في العالم …..خلافات و خناقات علي أتفه الأشياء و سايبين الجوهر …..و في الأخر مستغربين ليه احنا متأخرين و جهلة !!
◘-اخيرا نتيجه المناظراه :2/1 لصالح اسلام

اللهم-أرنا_الحق

البوست الثانى:

بمناسبة إسلام بحيري

إسلام بحيري مش راجل دين، ومش دارس شريعة، هو دارس حاجة اسمها “طرق جديدة للتعامل مع التراث”، ودي معناها مناهج جديدة للنظر في المعرفة وفي التراث، وعليه فكرة إيمانه أو عدم إيمانه بالمادة اللي بيدرسها مالهاش علاقة بالموضوع، سواء بالنسبة لبحيري أو بالنسبة لك وإنت بتعرف دينك (إنت عايز توصل للحقيقة ولا عايز تشتغل نفسك؟!)

المهم بقى السؤال: المادة اللي بيشتغل عليها بحيري في برنامجه دين ولا تراث؟

تراث قولا واحدا، أو “كتب ميتين” بتعبير الإمام محمد عبده

ليه؟ عشان فيه فرق بين الدين وبين المعرفة الدينية، بمعنى إن التوحيد مثلا دين لكن تفسيره معرفة، الإيمان بالغيب دين لكن تفسير الإيمان بالغيب وحدوده معرفة، الاعتقاد في الحساب يوم القيامة دين لكن شكل الحساب وطريقته معرفة، زي الإيمان بالله نفسه دين لكن هيئة الله ومدى تدخله في العالم معرفة.. إلخ

طيب تبقى فين المشكلة؟

المشكلة إن الأزهر (زي السلفيين والدواعش بالظبط) مش قابلين التفرقة دي بين الدين وبين المعرفة الدينية، وبيقدسوا المعرفة/التراث باعتبارها الدين، عشان يفضلوا مسيطرين على عقول البشر، وعشان يبرروا حروبهم الدينية ضد بعض، وعشان يبرروا كم الكراهية دي كلها، ولازم نعذرهم في الآخر عشان دا أكل عيشهم، لآنهم لو اعترفوا بالتمييز بين الدين والمعرفة الدينية حضرتك مش هتروح تسألهم عشان يفتوك، وساعتها هتتنقل الفاعلية من “الإجماع” الوهمي للفرد، وهتكون سيادتك سيد قرارك تؤمن ما تؤمنش.. تؤمن بس تقاوح وتتلامض.. تؤمن بس ترفض الدولة تصرف ضرايبك على مؤسسات دينية وتعليم ديني بيطلع دواعش صغيرين.. إلخ

(طبعا هأجل الكلام دلوقت عن إن النص القرآني نفسه فيه دين وفيه معرفة دينية عشان ما اتشتمش قوي)

وعلى رأي الإمام محمد عبده (بتصرف) “الذين يقولون إننا لا نقدر على فهم الدين بأنفسنا لأن عقولنا ضعيفة وإنما علينا أن نأخذ بقول من قبلنا أولئك كافرون بنعمة العقل”

وعلى رأي الإمام المجدد عبد الفتاح السيسي (بتصرف برضه): الجنة مش للمسلمين بس يا ولاد ال…

 

تابع

Get every new post delivered to your Inbox.

Join 41 other followers